Nunnak Petu Thawngṭha

Jesuh nih ka Pa, hi hrai hi ka ṭhialpiak ko tiah zeiruangah dah voi (3) tiang a nawl hnga? Abia donghnak poah ah Nangmah duhnak bang si ko seh tiin a donghter peng! Nang le kei teh thil nganpi pakhat khat tuah ding kan si tikah voi zeizat dah thla kan cam ve? Daniel 6:10 10 Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

Thlan cawngtu ralkap hna nih vancungmi pakhat a rungtum i li aa hninh le thlaankhar athawn i acung a thutnak kong, Jesuh thihnak in a thawhnak kong, cu tlangbawi le upa sinah an va chimh hna tikah upa rual cu meeting an tuah i a zultu hna nih kan i hngilh karah aruak anlak tiin nan chimh lai tiin zik thalo tein an nawh hna ruangah nihin ni tiang Jews cheukhat nih an zumh thai! Mah ruangah hin ziknawhtu le ziknawhmi caah  ṭih ava nung dah! Ziknawh in Biatak cu khamh an time nain an kham kho lo i nihin keimah zong hi biatak asimi Jesuh Khrih thihnak le thawhthannak a zum i a nungmi ka si ve. Amen! Ziknawh thawhkennak cu mah ka hin aithok ti zongah ti khawh asi! Matthai 28:2-15 2 Chikkhatte ah khin li aa hnin i Bawipa vancungmi pakhat vancung in a rung ṭum i thlankhar kha a thawn i a cungah cun a ṭhu.  3  A mui cu nimtlau bantuk a si i a hnipuan cu hawhra bantukin an rang.  4  Ralveng pawl cu an thin a phang tuk hringhran i a therh hna i mithi bantu...

Jesuh nih a zultu pahleIhnih arak thla hmasa hna lio i bia a tiammi hna cu inn pakhatkhat nan luh tikah nan cungah daihnak uM ko seh nan ti hna lai a ti bangin thihnak in a thawh tthan tikah Mary Magdalene       le Mary sinah nan cungah daihnak um ko seh tiah ati hmasa ve hna! Amah nih aahmanmi bia kha arak hmanter ve hna! Matthai 10:12 12 Cun inn pakhatkhat ah nan luh tikah, 'Nan cungah daihnak um ko seh,' nan ti lai. Matthai 28:9  9  Jesuh nih, duak tiah a vun ton hna i, "Nan sinah daihnak um ko seh," tiah a ti hna. Amah cu an hun zuanhnawh i a ke an i tlaih i an biak.

Lamkaltu chimlo tlangbawi le phungbia cawnpiaktu upa hna hmanh nih Jesuh thihnak in ka tho ṭhan lai tiah a chimmi an rak hngalh! Asinain an theih ciocio ko nain Jesuh cu amah bia bangin thihnak in athawh tikah a zultu hna hmanh nih an zum kho lo! Jesuh nih chimmi ka zumh ti le ka chim ve ti cu a fawi nain a taktak in acan tikah zumh tu hi a har! Khamhtu ah na zumh bantukin Jesuh hi zeitluk tiang dah na zumh ve! Matthai 27:63 "Bawipa, hi milihchim pa nih hin a nun lioah, 'Ni thum hnuah thawhter ka si ṭhan lai,' a rak ti kha kan hngalh."

Mi dang nih in zamtak hmanh hna sehlaw kan zamtak bal lai lo timi kaa in bia chim cu a fawi tuk! Atak in zamtak loin nun bel a har! Bawipa na caah zumhtlak in ka nung lai ti chim cu a tawi te, Amah caah a zungzal in zumhtlak nun cu a har tuk! Tampi chim hnak in tampi tu Bawipa duhnak nunpi ko  ning! Matthai 26:33-34  33  Peter nih khan Jesuh cu a hun thawh i, "Midang vialte nih in zamtak hna hmanh seh law, kei cu kan zamtak bal lai lo," tiah a ti.  34  Jesuh nih Peter cu, "Hihi va philh hlah: Tuzan i ar a khuan hlan ah amah cu ka hngal lo, tiah voi thum na ka ti lai," tiah a ti.

Vawlei caan a dongh tik hi Jesuh arat tthan ni cu asi! Jesuh siangpahrang sinak in vancung mi hna he arat tikah orhlei le kehlei um ding a thleidan hna lai i bia a ceih hna lai! Orhlei i chiahmi paoh cu vawlei ser ri in timhcia asi mi pennak cu pek kan si lai i Kehlei ah chiahmi hna cu zungzal hell ah an kal lai. Orhlei i chiahmi hna nih an tuahmi paoh cu Jesuh cungah kan tuahmi arak si: Rawl a ttammi rawl an pek hna Ti a halmi ti an pek hna Khual tluninn an onh hna Puan a ngeilomi an pek hna  Mizaw mi pawl kha an zohkhenh hna Thong tlami an len hna  Matthai 25:31-40 (ORHLEI AH CHIAHMI HNA) 31"Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i  32  vawleicung mi vialte cu a hmaiah pumh an si lai. Cun tuukhal nih tuu cu meheh sinin a ṭhen hna bantuk khan miphun vialte cu bu hnih ah a ṭhen hna lai;  33  tuu cu a orhlei ah a chiah hna lai i meheh cu a kehlei ah a chiah hna l...

Jesuh arat tiang zumh awktlak tein arian attuanmi le a thinlung sawiawk umlomi caah cun zeitlukin dah lawmh awk asi hnga! A ngeihmi thil vialte zohkhenhtu ah Bawipa nih a chiah lai! Cucaah cun Jesuh zeitik arat lai na hngalh lo caah chun he zan he sawiawk um loin Khrih rat dingah timhcia tein um zungzal ko hna usih! (Matthai 24:46-47)  Mah duh poah in a nungmi hna cu Jesuh ka zum an ti zongah va zum hlah uh! Hrawh an si ko lai!(Matthai 24:48-51)