Nunnak Petu Thawngṭha

Harnak caan ah Bawipa naa bochan ahcun Amah cu na caah afekmi himnak asi lai! Pathian nih ka chanh seh ti na duh ahcun Amah nih an zohkhenh lai. Halleluijah. Amen! Minung poah nih lawmhnak siseh har caan siseh Pathian kan herh zungzal. Sihmanhsehlaw Pathian loin kan nun khawh lo le kan herh zungzal ti a hngal taktakmi bal tlawmte lawng kan si. Minung tampi nih kan zuan hnawh ciomi cu pawcawm riantuannak le chawva kawl hi asi cio, a rawk khomi chawva le thilri, taksa damnak hna hi kan zuan hnawh hna nain thluachuah ngeitu, damnak ngeitu taktak le chawva ngeitu Pathian cu kan kawl hrimhrim lo. Zeizong vialte ngeitu Jesuh Khrih Min in Pathian hi kawl in panh law na herhmi vialte cu Amah sin in an rat kha an hngalhter lai. Amen! Kan chim dingmi cu Pathian cu kaa bochan in ka chanh seh ti ka duh ko kan ti lai nain a biapimi cu hi hi asi: A fekmi himnak le zohkhenhtu asinak cu na chungah a um na hngalh taktak in na cungah a tling maw? tihi asi. Amen! Sihmanhsehlaw Pathian nih a ...

Ka lung in (Pathian nih Jesuh cu thihnak in a thawhter) tiah ka zumh  i Pathian he remnak ka hmu... (Jesuh cu Bawipa asi) tiah ka kaa in ka chim i khamh ka si... ROM 10:8 Zumhnak thawngin Pathian he i remnak kong ah chimmi cu hiti tu hin a si. "Pathian bia cu nan pawngte ah a um ko, nan lei cung le nan lung chungah a um ko," — hi bia hi zumhnak bia a si kan timi bia cu a si. ROM 10:9 Nan kaa in, "Jesuh cu Bawipa a si," tiah nan ti i "amah cu Pathian nih mithi hna sinin a thawhter" tiah nan lung in nan zumh ahcun, khamh nan si lai. ROM 10:10 Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si.

J ESUH ZULTU TAMPI A KAN TTHEN KHOTU LE HNU A PILMI KAN UM MAW? Pual nih Khrih he a kan tthen khotu zeihmanh a um bak loh a ti nain nihin zumtu tampi cu Khrih hnuzulh kan rak si ko nain hnu ah a pilmi le a nunhlun ah a kirmi tampi kan um cang cu nan hngal cio lai dah... Cathiang hi ai palh kan ti kho ne hnga maw? Palh kho naisai hlah.  Hnu kan pil tthannak a ruang bik cu Jesuh cahtakmi kan zulh lo caah asi.. Cu cu a tang i Baibal hi asi.. MATTHAI 10:37 "Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo. MATTHAI 10:38 Ahohmanh a vailam tahnak kha aa put i ka hnu in a ka zul lomi cu ka mi si awk aa tlak lo. MATTHAI 10:39 Ahohmanh a nunnak humhak a duhmi nih cun a nunnak cu a sung lai i keimah ruangah a nunnak a sungmi nih cun a nunnak cu a hmuh lai. ROM 8:35 Cucaah aho nih dah Khrih dawtnak he cun a kan ṭhen khawh lai? Harnak nih maw, temhinnak nih...

Ka thinlung dihlak in kan dawt... Ka nunnak dihlak in kan dawt.... Ka thazang dihlak in kan dawt.. Ka ruahnak dihlak in kan dawt tiah ka ruah ko nain.... Zaan ka ih in zing ka thawh tiang Zing ka thawh in zaan ka ih tiang Ka ruah zungzalmi cu Nangmah kong hi asi... Zaanttim hi ka hau caan zongah  Ka ruah hmasabik mi cu Nangmah kong hi asi.. Chun i ka umnak hmun poah in ka ruahmi cu Nangmah kong hi asi.. Zei tikah dah a ka len te hnga tiin Ka ih lai zongah ka thinlung innkaa huncia he kan hngah zungzal Ka zaan mangah ka tong ttheu lai tiah ruahchannak he ka it zungzal Ka thawh tikah ka mang ah ka tong maw tiin ka zaanmang cu ka ruat zungzal Ka ruah lengmang ah hin lovesick an timi cu  Nangmah le Keimah hi kan si ko rua.... Ka thinlung hi kaa dap tawn i na caah tlinnak ngeihmi Zeihmanh ka ngei taktak loh Sihmanhsehlaw misual dawtu Keimah lungchungah rungttum ko tuah ti hi ka ruah khawhmi asi Nang(JESUH) caah umnak hmun kha a um z...

J esuh nih a rat lai ni ah harnak le hremnak a zultu hna nih kan van ton lai dingmi kong a kan chimh ciami cu hi hi asi. Harnak le hremnak tampi nan ing lai i Bawi hmai le siangpahrang hmai ah an in chuahpi te hna lai. Cucu nan caah Thawngtha chimnak caanttha asi  te lai tiah ati. An in chuahpi hna tikah zeibia dah ka chim lai tiah lungre theih in um hlah uh a caan a phanh tikah bia chim ding pek nan si te ko lai tiah a ti. Mah hnak in ka duh tukmi cu van zoh ulaw bia a hmanmi pawl hi sullam an ngei tuk hna. (THIANG THLARAU)  nih khi caan ah nan chim awk cu an chimh ko hna lai. (LUKA 12:12) Nan ral a hohmanh nih an in tei hna i an in al khawhnak hnga lo bia le fimnak kha KAN PEK (FA PA)  hna lai. (LUKA 21:15) Nan chimmi bia cu nanmah bia asi lai lo, nan chung i bia a chimtu cu nan PA THLARAU ( PATHIAN ) nih an pekmi hna bia asi lai. (MATTHAI 10:20)  Nan chimmi bia cu nanmah bia asi lai lo, THIANG THLARAU nih an pekmi hna bia asi lai. (MARK 13:11)

J esuh nih a zultu hna sinah a chimmi cu Mi Fapa hi temhinnak tampi ka tuar lai i thah ka si lai, ni thumnak ah thawhter ka si lai tiah a chim hna. Cucaah keimah zulh hi mah duh paoh nunmennak si loin mah duhnak tu hlawt asi ti hngalhternak ah a tang bia hi a van peh.... Ahohmanh nih zulh nan ka duh ahcun Mah zawnruahnak kha na ngol lai i ni fa tein na vailam kha put in na ka zulh lai. (LUKA 9:23) Mah zawn aa ruat lomi na si lai i na vailam tahnak kha put in na ka zulh lai. (MARK 8:34) Nangmah le nangmah na philh lai i na vailam tahnak put in na ka zulh lai. (MATTHAI 16:24) A cung i Jesuh nih a chim ning in nan van ka zulh lai a timi he hin nan ralkah ve sual maw? a chim ning in dah na zulh taktak ve? Na thinlung ah rak camter ve muh. Bawipa nih a duhnak thukchin in inhngalhter ko seh. Amen!

J esuh cu Thawngtha a chimnak paoh ah minung tampi nih an zulh i a bia ngaih cu an duh ngaingai. Nangte Thawngtha bia ngaih na duh in Baibal rel, thlacam nih an thawt ve maw? Nikhat cu Jesuh a Nu le Nau le nih Amah ton an duh nain an ton khawh lo caah a chung a ummi nih khan na Nu le Naule nih ton an in duh ko tiah an chimh. Sihmanhsehlaw Jesuh nih a lehmi hna hi phundang le khuaruahhar ngai asi. Jesuh nih ka Nu le Ka Naule tham cu Pathian Bia  (A Chimmi Thawngtha Bia) a theih i a theih bantukin a tuahmi paoh pei ka Unau cu an si ko cuh tiah a ti ve hna. Nangteh Pathian Bia hi zat remruam na theih cang i na theihmi thawngtha bia hi theihnak tiang lawng si ti loin na theihmi kha nunpinak he a tuahmi na si ve cang maw? Cucu na theihmi na tuah ahcun Jesuh he unau nan si kha tehte na khan asi ko. Amen! Jesuh nau taktak si na duh ahcun na theihmi Khrih Thawngtha hi na theih bantukin i nunpi ve law tuah ve ko. Na theihmi Thawngtha bia naa nunpi le na tuah ko ahcun Jesuh he Unau takta...