Nitin Baibal Relnak

DEUTERONOMI 4:2

Bawipa nan Pathian nawlbia kan pekmi hna cu nan ulh nakhnga, nawlbia kan pekmi hna hi nan chap lai lo, nan zuk fawn lai lo.

DEUTERONOMI 4:5

Zohhmanh, nannih nih co awk i nan luhhnawhmi ram ah nan tuah hna nakhnga, Bawipa ka Pathian nih nawl a ka pek bangin nawlbia le phunglam hna cu kan cawnpiak cang hna.

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, 'Hi a nganmi miphun hi a fim le a hngalhthiammi an si hrimhrim ko,' an ti lai.

DEUTERONOMI 4:7

Kannih nih Bawipa kan Pathian kha kan kawh fate Bawipa kan Pathian nih cun a kan naih tlukin naihtu pathian a ngeimi miphun ngan ahodah a um?

DEUTERONOMI 4:12

Khi tikah Bawipa nih mei chung khan an chawnh hna; bia thawng cu nan theih, sihmanhsehlaw mui cu nan hmu lo; aw lawnglawng a si ko.

DEUTERONOMI 4:13

Cun tuah awkah nawl an pekmi hna a biakamnak kha nannih sinah a thanh, mah cucu nawlbia pahra kha an si; lung tlap hnih cungah a ṭial hna.

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

DEUTERONOMI 4:21

Cuhleiah nanmah ruangah Bawipa cu ka cungah a thin a hung i Jordan cu ka tan nakhnga lo le Bawipa nan Pathian nih co awkah an pekmi hna ram ṭha cu ka luh nakhnga lo, chiat a ser.

DEUTERONOMI 4:24

Zeitintiah Bawipa nan Pathian cu tlumral lak kangh hmang mei, nahchuak Pathian a si.

DEUTERONOMI 4:25

"Cun tu le fa nan ngeih tik le ram chungah nan tar tikah, zei mui a lomi hmanh si ai kun, suaimi siasal sernak in le Bawipa nan Pathian hmai i thil ṭhalo tuahnak in nan i thurhnawmhter i a thin nan hunter ahcun,

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

DEUTERONOMI 4:29

Sihmanhsehlaw khika ah Bawipa nan Pathian cu nan kawl lai i, nan lung vialte le nan ruahnak vialte in amah kha nan kawl ahcun nan hmuh lai.

DEUTERONOMI 4:30

Harnak chungah nan um tik le hi thil vialte cu nan cungah ni hmanung bik ni ah a tlun tikah, Bawipa nan Pathian sinah cun nan kir ṭhan lai i a bia kha nan ngaih lai,

DEUTERONOMI 4:31

zeitintiah Bawipa nan Pathian cu zaangfah thiammi Pathian a si; an deuh hna lai lo, an hrawk hna lai lo, nan pupa hna sin i chiatser in biakamnak a tuahmi zong cu a philh fawn lai lo.

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

DEUTERONOMI 4:36

Amah nih an chimhhrin hna nakhnga, vancung in a aw cu an theihter hna; cun vawlei ah a mei lianngan cu an hmuhter hna i mei chung cun nannih nih a aw kha nan theih.

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,

DEUTERONOMI 4:38

miphun dangdang nanmah nakin a ngan deuh le a ṭhawng deuh cu, nihin ah a si bang hin, nannih kha luhter awkah le an ram cu ro ca i in pek hna awkah nan hmai in a dawi hna,

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

DEUTERONOMI 5:10

sihmanhsehlaw a ka dawmi le ka nawlbia a zulmi thong tampi cung i a fekmi dawtnak a langhtertu ka si.

DEUTERONOMI 5:11

" 'Bawipa na Pathian min cu sawhsawh in va hmang hlah, zeitintiah a min a hmang sualmi cu Bawipa nih sual lo ah a ruat hna lai lo.

DEUTERONOMI 5:16

" 'Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah a remrel lai.

DEUTERONOMI 5:29

Keimah ṭih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

DEUTERONOMI 6:4

"Thei hmanh, maw Israel: Bawipa hi kan Pathian a si, Bawipa lawnglawng hi;

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

DEUTERONOMI 6:6

Cun nihin ah kan pekmi bia hi na lung chungah na riahter lai i

DEUTERONOMI 6:7

na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.

DEUTERONOMI 6:8

Cun na kut ah chingchiahnak caah na ṭem chih hna lai i na mit le na mit karah hmelchunhnak caah an si lai.

DEUTERONOMI 6:9

Cun na inn i innka tung hna le na kutka hna cungah na ṭial hna lai.

DEUTERONOMI 6:15

zeitintiah nannih lakah a ummi Bawipa nan Pathian cu Pathian nahchuak a si i Bawipa nan Pathian thinhunnak cu a alh i vawlei cungin nannih cu an hrawh sual hna nakhnga lo, nan zul hna lai lo.