NAMBAR 27:12
Bawipa nih Moses cu a chawnh i, "Abarim tlang ah khin hung kai law, Israel mi hna ka pekmi ram cu hung cuan tuah.
NAMBAR 27:13
Cun na hmuh dih in nangmah zong na mi hna sinah pumh na si ve lai, na u Aaron kha pumh a si bang khan,
NAMBAR 27:14
zeitintiah Zin ramlak i mibu nih an zai lioah khan, an mithmuh ah, ti ah khan, keimah thangṭhat awk i ka bia kha na doh," tiah a ti. (Hi ti cu Zin ramlak i a ummi Kadesh khua i Meribah ti kha an si.)
NAMBAR 27:18
Cun Bawipa nih Moses cu, "Nun fapa Joshua, ruahnak a ngei ngaingaimi kha, la law, a cungah na kut chuang tuah;
NAMBAR 27:19
tlangbawi Eleazar le mibu a dihlak hmaiah khan dirter law, an mithmuh ah nawlngeihnak kha pe tuah.
NAMBAR 27:20
Nangmah nih amah cu na nawlngeihnak tlawmpal in na thuamh lai, Israel mibu dihlak nih a bia a ngaih nakhnga.
NAMBAR 30:2
Mipa pakhatkhat nih Bawipa sinah biakamnak a tuah ah maw, biakamnak in amah le amah cu i ṭem awkah chiat a ser ah maw, a bia cu a hrawk lai lo; a kaa chungin a chuakmi vialte bang khan a tuah lai.
NAMBAR 31:3
Cun Moses nih mi hna sinah cun, "Midian cungah Bawipa phuhlamnak tuah awkah annih nih Midian kha an doh nakhnga nannih lak in raldohnak caah mi thim hna u.
NAMBAR 31:4
Raldohnak ah cun Israel miphun vialte chungin mi thong khat cio nan thlah hna lai," tiah a ti.
NAMBAR 31:7
Bawipa nih Moses nawl a pek bangin, Midian cu an doh; pa vialte kha an thah hna.
NAMBAR 31:8
An thahmi hna lakah Midian mi siangpahrang hna, Evi, Rekem, Zur, Hur, le Reba, zong an i tel; Beor fapa Balaam zong nam in an thah.
NAMBAR 31:14
Cun Moses cu ralbawi hna, thong cung i nawlngeimi hna le za cung i nawlngeimi hna, raldohnak in a rami hna cungah khan a thin a hung.
NAMBAR 31:15
Moses nih annih cu, "Mah nu vialte hi nan zuah ko hna mu?
NAMBAR 31:16
Zohhmanh, hi mi hrimhrim hna hi Balaam fimchimhnak thawng in Peor kongah khan Israel mi cu Bawipa nawl a buartertu an si, cu caah rai kha Bawipa mibu cungah khan a tlung.
NAMBAR 31:17
Cu a si caah ngakchia hna lak i pa vialte kha that hna u law, pa a hngal cangmi nu vialte kha that hna u.
NAMBAR 31:49
Moses sinah cun, "Na sal hna nih kan kut tang i a ummi ralkap hna cu kan rel hna i kannih sinin a baumi pakhat hmanh an um lo.
NAMBAR 32:9
Zeitintiah Eshkol Nelrawn ah an hung kal i ram kha an hmuh tikah Israel mi hna cu Bawipa nih a pekmi hna ram chung i luh awk kha an lung an donghter hna.
NAMBAR 32:10
Cun cu ni ah cun Bawipa thinhunnak cu a alh i chiatser in,
NAMBAR 32:11
'Izipt ram in a chuakmi, kum kul in a cunglei paohpaoh nih, an ka zulh taktak lo caah, Abraham, Isak, le Jakob sinah pek awk i chiat ka sermi ram cu an hmu hrimhrim lai lo;
NAMBAR 32:12
Keniz phun Jefunneh fapa Kaleb le Nun fapa Joshua lawnglawng nih, Bawipa kha an zulh taktak caah an hmuh lai,' tiah a ti.
NAMBAR 32:13
Cun Bawipa thinhunnak cu Israel cungah a alh i ramlak ah khan kum sawm li a vaihter hna, Bawipa hmai i ṭhat lonak a tuahmi chan an thih dih hlantiang.
NAMBAR 32:17
sihmanhsehlaw Israel mi hna hmaiah kal awk i tim in an umnak hmun kan phakpi hna hlantiang hriamnam kan tlai lai; cun hi ram mi hna ruangah hin kan fale hna cu ralhruang ngeimi khua ah cun an um lai.
Comments
Post a Comment