Nunnak Petu Thawngṭha

PHUNGTHLUKBIA 31:10 Nupi ṭha cu hlawn nakin tampi in a sung deuh, cu bantuk mi hmuh bel cu a har hringhran! PHUNGTHLUKBIA 31:11 A va nih aa bochan i a va cu a si a fak bal lai lo. PHUNGTHLUKBIA 31:12 A nupi nih cun a nun chung vialte a va caah khan chiatnak si loin ṭhatnak kha a tuah. PHUNGTHLUKBIA 31:15 Dei hlan in a tho i a innchungkhar caah khan rawl a chuan i a sinum ngaknu hna kha rian a chimh hna. PHUNGTHLUKBIA 31:20 Sifak retheimi sinah nun a siang. PHUNGTHLUKBIA 31:21 Hawhra a tlak tikah a lungre a thei lo, Zeicahtiah a innchungkhar mi cu tling tein thil lum an ngei cio. PHUNGTHLUKBIA 31:25 Amah cu a ṭhawngmi a si i hmaizahmi a si i hmailei caan kha a ṭih lo. PHUNGTHLUKBIA 31:26 A kaa cu fimnak in a pau i a lei cungah zaangfah cawnpiaknak kha a um. PHUNGTHLUKBIA 31:28 A fale nih khan, thluachuak nu, an ti i a va zong nih khan a ti ve i a thangṭhat i, PHUNGTHLUKBIA 31:29 "Nupi ṭha tampi an um, sihmanhsehlaw nangmah nih na lonh dih hna...

Dear Khrih chungchuak u le nau hna, Atang i Baibal cang hin thazang rak la cio ding in kan sawm hna! Ahmanmi le afekmi biakam bang in reltu nan dihlak cungah tling dih ko seh. Amen! ISAIAH 9:6 Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.      Kan caah ngakchia pakhat kan mah khamhtu ah achuak! Fapa pakhat pek kan si cu daihnak le lawmhnak thawngttha he pek kan si. Amen! Amah cu kan nun uktu bawi caah tinhmi asi bang in na nun uktu bawi ah rak ser ve cang. Amen! Amah cu khuaruahhar fim chimtu, lam hmuhsaktu tthabik le A tthawngmi PATHIAN kan caah asi cang. Amen! Amah cu zungzal ahmunmi ka Pa tiah auhnak nawl kan ngaih bang in ka fale tiah auh kan si ve cang. Amen! Amah cu vawlei kan nun chung vialte harnak, damlonak, ngaihchiatnak vialte caah daihnak le luatnak phurtu bawi tiah auh asi cang. Amen! Kan caah sual...

MIZPAH SULLAM CU PATHIAN NIH KAN ZOH CIOCIO SEH TINAK ASI! GENESIS 31:49 Cun Laban ṭhiamṭhiam nih cun, "A dangdang i kan um tikah Pathian nih kan zohkhenh ciocio seh," a ti fawn. Cucaah cu hmun cu Mizpah tiah ti a si.

GENESIS 40:8 Annih nih, "Mang pakhat veve kan ngei i a kan lehpiaktu ahohmanh an um lo," tiah an leh. Josef nih cun, "Mang lehnak a pe khotu cu Pathian a si. Nan mang cu ka chim tuah u," a ti hna.

Dear Khrih Chungchuak u le nau hna, Pathian bia tlawm tein ruah tti ding in kan sawm hna. Nan dihlak cungah Jesuh nih arat hnawhchan daihnak le lawmhnak cu nan cungah tlung cang ko seh. Amen! LUKA 2:10 sihmanhsehlaw vancungmi nih cun a thawh hna i, “Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai.   11 Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!   12 Cun hihi nan ca i hmelchunhnak cu a si lai: ngakchiate pakhat kha puan in an zual i caw rawl einak kuang chung i an thlim kha nan va hmuh lai,” tiah a ti.          Tuzan ah vawlei nih pekmi thinphannak le lung retheihnak vialte teipiak kan sinak ding caah kan Bawipa Jesuh cu Minung naute in arak chuak cang ti hi theihter tthan kan si. Amen! Pathian dawtnak kan theih bak hi kan caah Jesuh a chuah cu asi ko. Nan thin phang hlah uh ...

CHEUHRA CHEUKHAT HI LEVI MI BIAKINN CHUNG RIANTUANMAN AH BAWIPA NIH RO AH A PEKMI HNA ASI! KANNIH NIH TA ZEITINDAH KAN HMAN AWK ASI HI FAK DEUH IN KAN RUAT AWK ASI! NAMBAR 18:21 "Levi mi cu tonnak thlam chung i an rian, cu rianṭuan man ah cun Israel mi hna lak i cheu hra cheu khat cu ro caah ka pek hna.

EXODUS 19:21 Bawipa nih Moses cu a thawh i, "Keimah zoh awkah ahohmanh nih ramri kha an lonh sual nakhnga lo ralrinnak vung pe hna, tampi an thi sual lai. EXODUS 20:5 Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter. EXODUS 20:6 Asinain a ka daw i ka nawlbia a zulmi hna cungah cun chan thong khat tiangin a fekmi ka dawtnak kha ka langhter. EXODUS 21:12 "Ahohmanh mi a vel i a thatmi cu amah cu thah a si lai. EXODUS 21:13 Asinain ruah ciammam si loin a thah sual a si ahcun, nan caah kan chiahpiak laimi hna hmun ah a zaam lai. EXODUS 21:14 Sihmanhsehlaw mi pakhatkhat cu a thin a hun i timh ciammam tein midang pakhat a thah a si ahcun, ka biakṭheng hmanh khan nan hnuh lai i amah cu thah a si lai. EXODUS 21:15 "A nu siseh a pa siseh a ...

      Pathian ttanh in kar a hlangmi unau vialte hna nitin na nunnak ah hin na lawm taktak maw? Minung hi a sual lomi kan um lo ti cu a fiang! Jesuh Khrih nih a kan thianhpiak cang tiah kan zumhnak thawngin kan thiang cang atimi zongah thluak in thianhpiakmi le a tak in thianhpiak taktak mi zong cu kan um ve! Jesuh Khrih thisen hmanh in thenhpiak kan si cang hnu ah kan sual kho ve tawn ko lo maw? Sualnak ngeihthiam kan si hi kan nun lio teah hin pei kan i theih awk asi cu!!! Kei Hrinthan ka si hnu ah ka sualnak le palhnak a ummi ruangah Bawipa hmai ah ka kun i a ka ngeihthiam zungzal ko. Cucu zeitindah an ngeihthiam cu na hngalh khawh lai tiah cun thla na camnak in na chungah na sualnak le palhnak kha an philhter lai. Amen! Cucu pei nihin kan biakmi Pathian anun taktak nak tehte kan khan khawh lengmangmi cu asi cu! Nang teh na thlacam di a riam maw? Answer zong um ballo in maw thla na cam lengmang ko rih lai? Na sualnak hi thenhpiak taktak le zungzal nunnak an pek hi a t...

Na thlarau nih hin tihal in Bawipa Thlarau a hal ve maw? Fak piin van i chek ve law zeitluk in dah Bawipa hi na duh i na tlaihchan ve? Vawlei ro nih cun zei tik hmanh ah ka zaa cang ti um loin ti a duh peng ko. Nang teh Pathian na thangthatnak ah aza cang na ti maw? Ka vuai rih loh na ti dah? Pathian a hngal taktak mi hna caah cun vawlei ro nih ti a duh bantukin pei Thiang Thlarau hi kan hal i Pathian hi kan duh tiah! Na thlarau nih hin zei dah a duh cem i a kawl cem i a hal cem? Rak i ruat ve hmanh? Pathian dawt kan timi hi kaa in dawt si loin chunglei thlarau in lenglei ah a hung langmi theitlai dawtnak langhter asi! Amen! Bawipa nih thluachuahnak in pe cio hna seh!  SALM 63:1 Maw Pathian, nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih tihal in an hal; vawlei ro nih ti a duh bantuk khin an duh.

EXODUS 12:13 Thisen hi nannih nan umnak inn hmelchunhnak a si lai. Thisen kha ka hmuh tikah nannih cu kan lanhtak hna lai i Izipt ram ka hrem tikah dantatnak nih a chuahtermi rawhralnak cu nan cungah a tlung lai lo. EXODUS 13:21 Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho. EXODUS 13:22 Minmei tom cu Israel mi hna hmaiah khan chun ah a um zungzal i mei tom cu zan ah a um zungzal ve. EXODUS 14:13 Moses nih khan mi zapi cu a leh hna i, "Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo. EXODUS 15:13 Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna. EXODUS 15:...

3 JOHAN 1:1 Khrihfa Upa nih, Ka dawt taktakmi Gaius, ca kan kuat. 3 JOHAN 1:2 Ka dawtmi ka hawi, ngandam tein khua na sak i zeizong vialte na caah rem tein a um nakhnga thla kan campiak — thlarau leiah siarem in khua na sa ti kha ka hngalh. 3 JOHAN 1:3 Biatak leiah zeitluk in dah zumhawktlak in na um ti kha kan unau cheukhat nih an ra ka chimh tikah ka lung aa lawm tuk hringhran — nang cu biatak chungah na um zungzal tawn ko bantuk khan. 3 JOHAN 1:4 Ka fale biatak chungah khua an sa, ti thawng hlei in a ka lawmhter deuhtu zeihmanh a um ti lo. 3 JOHAN 1:5 Ka dawtmi ka hawi, kan unau hna kha na theihhngalh bal lomi an si nain an ca i nan rak tuahmi kha rian ṭha le zumhawktlak ngaingai a si. 3 JOHAN 1:6 Na rak dawt hnanak kha hika Khrihfabu sinah hin an chim. Hmailei an kalnak ding zongah Pathian duhnak he aa tlak dingin rak bawm ko rih hna. 3 JOHAN 1:8 Cucaah biatak rian kha a ṭuanpitu kan si nakhnga, kannih Khrihfami nih hi hna cu kan bawmh awk an ...