NAN CA I NUNNAK THAWNGTHA HE ASI!

Dear Khrih Chungchuak u le nau hna,

Pathian bia tlawm tein ruah tti ding in kan sawm hna. Nan dihlak cungah Jesuh nih arat hnawhchan daihnak le lawmhnak cu nan cungah tlung cang ko seh. Amen!

^{LUKA 2:10}

sihmanhsehlaw vancungmi nih cun a thawh hna i, “Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai.  ¹¹Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!  ¹²Cun hihi nan ca i hmelchunhnak cu a si lai: ngakchiate pakhat kha puan in an zual i caw rawl einak kuang chung i an thlim kha nan va hmuh lai,” tiah a ti. 

        Tuzan ah vawlei nih pekmi thinphannak le lung retheihnak vialte teipiak kan sinak ding caah kan Bawipa Jesuh cu Minung naute in arak chuak cang ti hi theihter tthan kan si. Amen! Pathian dawtnak kan theih bak hi kan caah Jesuh a chuah cu asi ko. Nan thin phang hlah uh nan sin i ka ratnak cu nan ca i lawmhnak le Nunnak thawngttha he asi tiah atitu kan Pathian nih abiakam bang in nunnak inpe cio ko hna seh. Amen! Nihin ni tiang hi Christmas cu  lawmhnak le remdaihnak, hnangamnak thawngttha, Nunnak thawngttha pek kan si cang ti theihternak ah kan tuah lengmang nain achuah hnawhchan taktak lawmhnak, remdaihnak, Nunnak thawngttha cu ating rih lo mi kan tam tuk rih. Tuzan caan ah ating rih lo mi nan um ah cun cu remdaihnak le lawmhnak thawngtha, Nunnak thawngttha cu pakhat hmanh baulo tein kan biak mi kan Pathian cu sawm in kan lungthin innka rak awnpiak ve law, na thinlungah hmunhma pek in naute cu rak chuahter ve, Tling khinkhet in pek cia mi abiakam cu na sinah tuzan hrimhrim ah aphan lai. Amen!

     Tuzan hrimhrim ah na thinlung/ kan thinlung chungah Khamtu cu achuak cang, Bawipa min cu thangtthat si ko seh. Amen! Kan caah Khamtu achuak cang ti hmelchunhnak cu bawmtu Thiang Thlarau a kan pekmi hi asi. Amen! Bawipa nih nan innchungkhar lawmhnak le remdeihnak he in hruai hram ko hna seh. Pathian dah kan panh loah cun panh ding kan ngei lo i damnak kan hmuhnak ding zong Amah sin lawnglawng in asi. Amen! Kumdang tawn bang in Christmas hman sawhsawh in rak hmang ti hlah. Lawmhnak le remdaihnak thawngttha he arami Pathian sin in hnangamnak le remdaihnak na hmu taktak maw? Na hmu loah cun nangmah nih hmuh dingah le pek dingah pei vawlei ah arat cu tiah, Tuzan thawk in rak hal ve cang. Pek cia kan si, remdaihnak le lawmhnak, Nunnak thawngttha cu! Bawipa nih remdaihnak in pe cio ko hna seh. Minung tuah sawhsawh mi lawmhnak le hnangamnak menmen si loin Bawipa sin in arami biakam bangin Lunglawmhnak thawngttha he si ko seh. Amen! Pathian nih laksawng a kan kuat cio i nangteh Pathian sin in kuatmi laksawng cu na ngah ve cang maw? Cucaah pei mi vialte an ilawm tuk i Present hna an i pek lengmang nak asi cu! Pathan laksawng cu theih na duh maw? 
PATHIAN LAKSAWNG CU JESUH KHRIH ASI KO. NA CHUNGAH PATHIAN NIH AN KUATMI ZUNGZAL AHMUNMI JESUH KHRIH NA NGEI CANG MAW? 

Bawipa nih sunparnak co ko seh!