Nunnak Petu Thawngṭha

Bawipa Jesuh Khrih zumhnak thawngin Pathian fa taktak ah a cangmi unau na sinah biahal ding pakhat te kan ngeihmi aum. Mah bia hi a tang i Baibal ka rel fate keimah le keimah ka hal lengmang mi asi: Nai te taktak lawngah Thiang Thlarau bawmhnak thawngin ka nunnak ah fiannak ngaingai ka ngeihmi aum. Kan halmi hi nangmah le nangmah na leh hnu ah keimah nih kaa fianmi le kaa nunpi mi hi rak rel ve law na thinlung ah hmunhma alak ahcun rak i nunpi ve tiah kan sawm. Biatak cu nifa tein na vailam put in Bawipa Jesuh Khrih zulh ve ding hi zumtu na si bak in ai awt cangmi na rak si awk asi. Hal kan duhmi cu hihi asi: Jesuh Khrih nih zulh na ka duh ahcun na vailam kha put in na ka zulh lai ati mi hi asi. NA VAILAM PUT FIAL NA SIMI CU ZEIDAH ASI TIMI HI HAL KAN DUHMI CU ASI? NA VAILAM CU ZEIDAH ASI? WHAT IS YOUR CROSS? Jesuh Khrih a zummi hna hi zumtu taktak cu kan si. Zumtu lawnglawng si loin zultu si ve ding hi Bawipa Jesuh Khrih nih a duhmi le a kan cawnpiakmi asi. Jesuh Khrih nih thihn...

Jesuh Khrih he unau asi taktak mi cu Pathian bia kan theihnak lawng si ti loin kan theihmi kha kan tuahnak le nunpinak nih unau tak kan sinak tehte an khan. Amen! Jesuh Khrih hrim nih a chimmi cu ka unau taktak cu Pathian bia a theihmi kha a theih bantukin a tuahmi kha an si a ti. Amen! Nangteh na theihnak lawng in maw na si rih ko? Na theihmi kha na tuahnak he dah naa nunpi ve cang? LUKA 8:21 Annih cu Jesuh nih, "Ka nu le ka naule cu maw — ka nu le ka naule cu Pathian bia kha a thei i an theih bantukin a tuahmi paoh kha an si ko," tiah a leh hna.

A NUNGMI ZUMHNAK CU THEI A TLAIMI LAWNG HI  A RAK SI KO HIH... NANG LE KEI TEH ZUMTU KAN I TINAK AH THEI KAN TLAI VE MAW??? LUKA 8:5 "Mipa pakhat cu thlaici vorh awkah aa thawh. Lo chung i thlaici a vorh tikah cun a cheu cu lam hril ah an tla i mi nih an lamh hna i vate nih an char hna. LUKA 8:6 A cheu cu lung lakah an tla, an hung keuh tikah vawlei a hnawn lo caah an car dih. LUKA 8:7 Thlaici a cheu cu hling lakah an tla, hling he cun an kho ṭi i hling nih cun a thah hna. LUKA 8:8 Cun thlaici a cheu cu vawlei ṭha ah an tla; an hung ṭhang i theifang let za khat cio an vui," tiah a ti. Hi bia a chim ah hin, "Theihnak hna nan ngeih ahcun thei ko u," tiah a auhnawh hna.

Minung tampi nih Jesuh kan zum ve ko nain Thiang Thlarau a co lomi tampi kan um. A ruang cu na sual naa ngaihchih lo ruangah asi i na sual naa ngaihchih cang ti hngalhnak cu Jesuh Khrih nih Thiang Thlarau le Mei in tipil an peknak hin a lang awk asi. Amen! Sual ngaihchih kan timi hi sualnak kan rak tuahmi ruangah ttah lengmang lawng khi si loin Jesuh Khrih Thawngtha kan theih hnu ah kan rak tuah tawnmi sualnak kha kaltak in tuah ti lonak tu hi sual ngaihchih cu asi deuh. Amen! Nihin ni tiang Thiang Thlarau na ngeih lonak naa hngalh maw? Na sual naa ngaihhih lo caah asi. Amen! Cucaah cun pei Johan nih nan sualnak nan i ngaihchih cang ti hngalhnak ah kei nih ti in tipilnak kan pek hna, sihmanhsehlaw Jesuh Khrih nih cun nan sual nan i ngaihchih cang ti hngalhnak ah Thiang Thlarau le Mei in tipilnak an pek hna lai a ti nak asi cu. Amen! Na sual naa ngaihchih cang lo caah Thiang Thlarau le Mei in tipilnak pek na si lo nak asi. Amen! Fapa Jesuh zumhnak nih cun kanmah le kanmah a kan hmuhte...