Skip to main content

ZEI RUANGAH DAH THIANG THLARAU NA NGEIH VE LO?

Minung tampi nih Jesuh kan zum ve ko nain Thiang Thlarau a co lomi tampi kan um. A ruang cu na sual naa ngaihchih lo ruangah asi i na sual naa ngaihchih cang ti hngalhnak cu Jesuh Khrih nih Thiang Thlarau le Mei in tipil an peknak hin a lang awk asi. Amen! Sual ngaihchih kan timi hi sualnak kan rak tuahmi ruangah ttah lengmang lawng khi si loin Jesuh Khrih Thawngtha kan theih hnu ah kan rak tuah tawnmi sualnak kha kaltak in tuah ti lonak tu hi sual ngaihchih cu asi deuh. Amen! Nihin ni tiang Thiang Thlarau na ngeih lonak naa hngalh maw? Na sual naa ngaihhih lo caah asi. Amen! Cucaah cun pei Johan nih nan sualnak nan i ngaihchih cang ti hngalhnak ah kei nih ti in tipilnak kan pek hna, sihmanhsehlaw Jesuh Khrih nih cun nan sual nan i ngaihchih cang ti hngalhnak ah Thiang Thlarau le Mei in tipilnak an pek hna lai a ti nak asi cu. Amen! Na sual naa ngaihchih cang lo caah Thiang Thlarau le Mei in tipilnak pek na si lo nak asi. Amen! Fapa Jesuh zumhnak nih cun kanmah le kanmah a kan hmuhter i kanmah le kanmah i hmuhnak nih cun sual ngaihchihnak lam ah a kan hruai, sual ngaihchihnak lam a kan hruainak nih cun kan tuah tawnmi sualnak ngolternak hin a langhter. Amen! Nangteh na sual ngaihchihnak hi zei tindah na langhter ve? Thiang Thlarau nih fiannak in pe ko seh law Thiang Thlarau na ngetih lo chung poah cu satan fa na si rih ko... 
MATTHAI 3:11
Nan sualnak nan i ngaihchih cang ti hngalhnak ah kei nih cun ti in tipilnak kan pek hna; sihmanhsehlaw ka hnu in a ra lai ding pa nih cun Thiang Thlarau le mei in tipilnak an pek hna lai. Amah cu keimah nakin tampi in a ngan deuh; kei cu a kedan putu hmanh ah kaa tlak lo.

Labels:

Comments

Post a Comment

Popular posts from this blog

ISRAEL MI HNA NIH MOSES LE PATHIAN AN LAWMHTER HNA LO

        Israel miphun hna cu Izipt ram in an chuah hnu kumhnih le thlahnihnak, nikhatnak ni ah Bawipa nih Moses cu Sinai ramlak ah a chawnh i milu a relter than. Bawipa fial bangin an rel hna i sing ruk, thong thum, za nga le sawm nga an si. Mah hnu ni (20) hnu ah puan Biakinn cung Minmei cu aa tthial tikah Israel pawl zong an i thawh ve i Paran ramlak ah khan an kal. Cun Bawipa minmei cu, an riahhmun in an i thawh fate chun ah annih cungah a um i kuang cu aa thawh fate Moses nih, "Tho tuah, maw Bawipa, na ral kha i ṭ hek dih hna seh law, nangmah an huatu hna cu na hmaiah zaam hna seh," tiah a ti. Cun aa dinh tikah, "Ra kir tuah, maw Bawipa, Israel mi a thong a sang hna sinah hin," tiah a ti.             Israel mi hna cu Bawipa theih ah an sifah retheih an innak ruangah an zai hawi tthan i Bawipa thinhunnak cu a alh i riahhmun kiang i aummi riahbuk a cheukhat cu a kangh hna. Cu tikah Moses nih thla a campi...
Post a Comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more

Pathian nih Abram auhnak le Thluachuah peknak

             Vawlei cung mi vialte hi Noah fapa le hna nih hrinthlak mi lawngte kan si. Noah fapa pathum lak ah hin upa bik Shem hin thluahchuahnak le Pathian nih thim khunmi asi nak alang. Adam nih fapa angeihmi ah Seth hlan ah Kain aum ko nain fa upa rocotu ah Seth hi Pathian nih athim bantuk in Noah fale zongah hin Upabik Shem hi ahlei in thluachuah pek dingah athim ve. Chim duhmi cu Seth cii ruang chung in Noah a chuak i Shem chung hin Abram te pawl zong an chuak ve. Pathian nih Noah le fapa hna cu thluachuahnak apek hna i fa tampi an ngei, vawlei ah cun an karh chin lengmang. Buanchukcho in kum hnih hnuah Shem nih fapa angeih, Shem a fapa hi kum 403 anung. Cu ti cun an fapa le upa bik changchang cun an van izul i Shem in Peleg chan, chan 5 nak ah hin cun kum 209 lawng an nung cang. Cu cu Pathian nih minung hi kum 120 cung nung ka sianh ti hna lo ati mi kha a van tling cuahmah. Shem in Abram pa Terah tiang hi chan (10) arau i Terah cu kum 205 a ...
Post a Comment
Read more