Nunnak Petu Thawngṭha

1. A bia theihnak tiang lawng si loin a bia na theihmi cu zumhnak in tuahnak tu he zul ko hna.. 2. Zumhnak zong nih a bia na theihmi kha tuahnak a chuahter ve lo ahcun a thimi asi ve ko.. 3. Minung chungah thaw a um lo ahcun a thimi pum si ko. (Minung an thi kan ti hna cu an chungah a ummi thaw a dongh/a cat caah asi) 4. Pum cu thlarau loin a thih bantukin zumhnak nih tuahnak a hrin ve lo ahcun cu zumhnak cu a thimi zumhnak asi ve... 5. Zumhnak nih Thiang Thlarau a hrin ve lo ahcun a thimi zumhnak asi ve.. 6. Tuahnak paoh hi zumhnak aa tello mi cu sual asi. Cucaah zei thil kan tuah paoh ah zumhnak in tuahmi an si dih awk asi. 7. A nungmi pum nih cun thaw a ngeih i a nungmi zumhnak nih cun tuahnak a hrin ve. 8. Tuahnak a hringmi zumhnak nih cun Thlarau theitha tampi a tlai. Bawipa nih sunparnak co ko seh... ——— JEIM 1:22 A bia kan theih paoh ahcun a za, tiah nanmah le nanmah kha i hleng len hlah u. A bia cu a tuah tu in tuah deuh u. JEIM 2:17 Cu bantukte cu zumhnak zong cu ...

1. Pathian sin in a rami fimnak cu A THIANG 2. Pathian sin in arami fimnak cu DAITE in aum 3. Pathian sin in arami fimnak cu NEMTE in a um 4. Pathian sin in arami fimnak cu HAWIKOM cungah ATTHA 5. Pathian sin in arami fimnak cu midang ZANGFAHNAK khan a khat 6. Pathian sin in arami fimnak cu THILTTHA kha tampi ATLAI 7. Pathian sin in arami fimnak cu THLEIDANNAK zeihmanh a ngei lo 8. Pathian sin in arami fimnak cu A ZER zong A ZER lo —————- JEIM 3:17 Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

Hmunzakip ai  ṭ henmi zumtu vialte hna Bawipa nih Amah duhnak zulh nan duhnak kha in hngalh piak hna sehlaw nan duhnak kha tlinter ko seh. Nan duhnak kha tlinter ko seh ka timi cu nanmah taksa duhnak, thinlung duhnak le thlarau duhnak khi chim duhmi si loin Pathian duhnak zulh nan duhmi, duhnak tu kha tlinter ko seh ti khi ka chim duhmi asi. Amen. Zumlotu si loin zumtu nih hin zeitindah Pathian duh ning in kan thinlung kan khahter cio lai tihi ruahlo awk a  ṭ halomi asi. Minung tampi cu kan thinlung put hi zumlotu he kan i tluk lengmang. Nan ka ti rih dingmi cu minung cu a tlingmi hohmanh kan um lo tiah nan ka ti rih hnga. Biatak cu kanmah minung kan tlinlo ruang ahcun pei a tlingmi kan si khawhnak hnga zeizong vialte ah Atingmi Pa, Jesuh Khrih cu Pathian nih pek kan si cang cu. Amen. Atlingmi Pa, Jesuh Khrih a zummi paoh cu Amah tlinnak le teinak, tthawnnak tiangin hrawmh kan si cang. Amen. Tlinnak ka ti tikah hin minung tahnak fung in tlinnak na kawl ahcun zeitik hmanh a...

Na ruat bal maw? Minung tampi nih cun sualngaihthiam hi kan duh dih cio i kan sualnak zong cu Jesuh Khrih thisen thawngin ngaihthiam cu kan si taktak. Amen! Sihmanhsehlaw biatak asimi cu asuallomi kan umlo caah sual ngaihchihnak tel loin sual ngaihthiamnak hi a tling kho lai maw ti hi asi. Jesuh Khrih nih thihnak in a thawhṭhan hnu ah a zultu sin i achimmi cu Keimah Min in Jerusalem thok in vawlei cung hmunzakip ah sual ngaihchihnak le sual ngaihthiamnak thawngṭha nan chimh hna lai ti hi asi. Amen! Minung leiin kan tuahawk kan rian cu kan sual kan i ngaihchih bak awk le kan sual kan phuan awk asi i Bawipa Jesuh nih a kan tuahpiak ve cangmi cu nan sual kaa cinken ti lai lo, nan sual kan ngaihthiam dih hna tihi asi ve. Amen! Bawipa duhning in sual phuanmi le sual ngaihchihnak nih a zulh zungzal mi cu na sualnak kan ngaihthiam dih tihi asi zungzal ko. Amen!   Van fianter kan duhmi cu sual ngaihchihnak le sualphuannak kan ngeihmi vialte hi kan thinlung taktak in asi awk asi. Nih...