Nunnak Petu Thawngṭha

Maw Bawipa na rian ka ttuanmi hnak in Nangmah kan duh deuh... Ka comi thluachuah vialte hnak in Bawipa kan duh deuh.. Bawipa Nangmah kan tlaihchanbik.. Maw Bawipa zeidang vialte hnak in Nangmah kan thim cem... Maw Bawipa rawl thaw hnak in Nangmah kan duh deuh... Rawl hi nunnak asi lo Nunnak cu ka Bawipa Jesuh Khrih Nangmah hi na si... Maw Bawipa kan duh in kan tlaihchan ko ka ti tikah hin ka kaa lawng si loin ka thinlung le ka nunnak zong nih a chimchih cu na hngalh ko ee.. Maw Bawipa kan duh in kan dawt taktak ve ko... Zumhawktlak le na nawl a ngaimi siseh ti na ka duhmi nih hin lung tthawnnak an ka pek ko nain ka ruah lengmang, ka tuak lengmang tikah hin a ka lawmhtertu cem le hnangamnak tling a ka petu hna hi ka tuahmi thilttha ruangah si loin ka ca i a nunnak pekin a thi i a tho tthanmi ka Bawipa Jesuh Khrih lawng hi asi... Lung lawmhnak tling le hnangamnak tling vialte hna hi keimah tuahmi ruangah si loin Bawipa Nangmah nih na rak ka tuahpiak dih cangmi ruangah hin asi hrimh...

F apa Jesuh hi Biatak cu asi i Fapa nih kan luatter an ti lawngah na luat lai. Biatak cu na hngalh lai i biatak nih cun an luatter lai timi hi minung tampi nih kan chim ciomi le ka duh ciomi a si nain biatak na theih i na theihmi biatak kha fiannak in hngalhnak tiang na phanh caah luatnak na hmuh si loin biatak asimi Jesuh he naa ton taktak lawngah luatnak na hmu lai... Bia in chimmi biatak le nun in i biatak nak hi luattertu si loin minung Jesuh Khrih tu hi Biatak le luattertu cu asi.. Luatnak kan ti lengmang mi hi theihnak in fiannak, fiannak in hngalhnak tiangah hin an tlinglo i a tlingmi luatnak cu Biatak asi mi Jesuh Khrih he i hngalhnak lawng hin luatnak tling cu asi. Ka theih in ka hngalh ko timi kaa in kan chimnak tiang hi si loin nun nih Jesuh tonnak le umttinak tiang hngalhnak tu nih khin biatak hngalhnak in luatnak taktak cu a si. Biatak theihnak in fiannak, fiannak in hngalhnak, hngalhnak tling taktak zong hi Amah he ton lo ahcun a tlingmi hngalhnak asi lo i Amah he tonnak...

Zumtu paoh nih cun a kan sertu hi Pathian asi tiah kan zumh dih cio. Minung lawng hmanh si loin hmuh khawhmi si hna seh hmuh khawhlomi si hna seh Pathian sermi an si dih ko tihi kan zumh ciomi asi i ataktak in a kan sertu hna hi Pathian kan Pa,Fapa Jesuh Khrih le Bawmtu Thiang Thlarau hna an si. Atu i ka ttialmi hna hi catlak cung ttialmi in le Thawngtha chimtu nih chimnak tiang lawngin na kawl ahcun tampi naa harh ko hna lai. Biatak cu Pathian, Jesuh Khrih le Thiang Thlarau he nai ton ve hnu lawngah a tu i ka ttialmi hi atak in na zumh khawh ve hna lai. Chimchih ka duhmi cu zumhnak kan ti lengmang mi hi kan zumhmi he ton ding le biaruahttinak ngeih ding in le hawikomhnak tiang ngeihtti dingin kan zumh arak si deuh. Nihin zumtu tampi cu kan zumh kan ti ko nain kan zumhmi pa he ai tongmi bel minung tlawmte lawng kan si. Na zumhmi Pathian Fapa, Jesuh Khrih he nai ton ve rih lo ahcun a tu ka ttialmi hi minung tampi caah cun a har ngaingai ko lai. Zei bantukin na hmuh ko le na zumh ko ...

Primary tabs Minung vialte hi Pathian he Jesuh Khrih thawngin aipeh ding le hawikomhnak ngei ding in sermi le khamhmi kan si dih. Cucaah cun Pathian kan Pa le Bawipa Jesuh he hawikomhnak in Thiang Thlarau he umttinak cu zumlotu caah si loin zumtu ca, khamhnak a hmu cangmi caah asi. 1. Mah chan ah hin Noah lawnglawng Pathian mit hmuh ah MITHA asi.. 2. Mah chan ah hin Noah lawnglawng PATHIAN LUNG A TONGMI asi... 3. Mah chan ah hin Noah lawnglawng  Pathian he HAWIKOMH in a nungmi asi.. 4. A tu kan chan ah hin teh Bawipa nih zei a kan ti ve hnga? Pathian nih MITTHA a timi, PATHIAN nih ka LUNG A KA TONGMI le Pathian nih KEIMAH HE HAWIKOMH IN A NUNGMI a kan ti ve hnga maw? 5. Van le vawleipi hi hrawh sisehlaw hrawhmi chungah naa tel ve hnga maw? 6. Nihin ah Pathian he hawikomh in na nung ko ahcun hrawhmi chung ahcun zeitik hmanh ah naa tel bal lai lo... 7. Pathian he hawikomh ka ti tikah hin nangmah lawngin Baibal relnak, thlacamnak le thangtthatnak hi ka chi...

1. Pum in thiam lakin cawn hi santlaihnak a ngei, kan cawn cio awk asi.. 2. Cu fimnak santlaihnak cu donghnak an ngei. Vawlei kan ngeihmi vialte hi donghnak sn ngei dih, a hmun zungzal mi zeihmanh a um lo. 3. Sihmanhsehlaw kan biaknak chungah a ummi Jesuh Khrih zumhnak thathnemhnak cu donghnak a ngei lo.. 4. Jesuh Khrih zumhnak thathnemhnak nih cun a tu kan nun lio ca he vancung kan nun lai dingmi ca he Jesuh Khrih thisen in biakamnak a kan ser piak... 5. Jesuh Khrih cu thihnak in a tho tthan bantukin Amah a zummi paoh cu Amah bangin kan nung ve lai ti kan hngalh... 1 TIMOTE 4:8 Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

1. Khrih chungah na nunnak nih tthawnnak an pe maw? khamhnak ka hmu cang na timi nih hin lawmhnak tling le tthawnnak tling an pe maw? 2. Khrih a dawtnak nih na hna an ngamter kho taktak maw? Khamnak na hmuh cangmi nun nih hin hnangamnak taktak an pe maw? 3. Zumtu nun ah a biapi cemmi cu Pa le Fapa le Thiang Thlarau he hawikomhnak ngeih hi asi. 4. Thiang Thlarau he hawikomhnak na ngei maw? Pathian he hawikom nan si maw? Jesuh he hawikom nan si maw? Nan umtti in bia nan i ruah bal maw? 5. Midang na daw hna maw? Nangmah lawng dah naa dawt rih ko? 6. Mi dang na zangfah hna hna maw? Nangmah zawn lawng dah naa ruah rih ko? 7. Khrih chungah na nunnak nih hin lungthiannak an pe maw? Khamhnak na hmuh cang hnu ah ruahnak tthalomi in na khat rih maw? —— FILIPI 2:1 Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw?

1. Pathian nawl hi ngai ko hna usih. Pathian nawl ngaih hi teinak hmuhnak cu asi. 2.Pathian nawl a ngaimi nih cun khuachia an doh tikah aa zamtak ko hna.. Pathian nawl ngaih hi teinak hmuhnak cu asi. 3. Kan ral khuachia kha zeitik hmanh ah ttih hlah uh.. Pathian nawl ngaih hi teinak hmuhnak cu asi. 4. Kan ral khuachia kha ttihlo in ralttha ngaiin kan um zungzalnak nih hin annih an sungh i kannih teitu kan si kha a langhter ko. Amen.. Pathian nawl ngaih hi teinak hmuhnak cu asi. 5. Zeitik caan hmanh ah khuachia hi ttih hlah uh.. Kannih cu Khrih thawngin teitu kan si zungzal ko.. 6. A zungzal in Teinak a kan Petu cu Pathian asi.. 7. Pathian nawl kan ngaih paoh ahcun a kan bawmh zungzal ko lai. Khuachia na tthawl tik i an zamtak baknak ding cu Pathian nawl na ngaihnak hin asi lai... Khuachia na tthawl i an zamtak lo cu Pathian nawl na ngaih lo caah asi ko lai. Pathian nawl ngaih hi teinak hmuhnak cu asi.. Bawipa nih sunparnak co ko seh.. —— JEIM 4:7 Cucaah Pathian nawl kha ngai ...