Skip to main content

FAPA NIH AN LUATTER AHCUN NA LUAT TAKTAK LAI...

Fapa Jesuh hi Biatak cu asi i Fapa nih kan luatter an ti lawngah na luat lai. Biatak cu na hngalh lai i biatak nih cun an luatter lai timi hi minung tampi nih kan chim ciomi le ka duh ciomi a si nain biatak na theih i na theihmi biatak kha fiannak in hngalhnak tiang na phanh caah luatnak na hmuh si loin biatak asimi Jesuh he naa ton taktak lawngah luatnak na hmu lai... Bia in chimmi biatak le nun in i biatak nak hi luattertu si loin minung Jesuh Khrih tu hi Biatak le luattertu cu asi.. Luatnak kan ti lengmang mi hi theihnak in fiannak, fiannak in hngalhnak tiangah hin an tlinglo i a tlingmi luatnak cu Biatak asi mi Jesuh Khrih he i hngalhnak lawng hin luatnak tling cu asi. Ka theih in ka hngalh ko timi kaa in kan chimnak tiang hi si loin nun nih Jesuh tonnak le umttinak tiang hngalhnak tu nih khin biatak hngalhnak in luatnak taktak cu a si. Biatak theihnak in fiannak, fiannak in hngalhnak, hngalhnak tling taktak zong hi Amah he ton lo ahcun a tlingmi hngalhnak asi lo i Amah he tonnak tling lawng nih hin hngalhnak tling a kan pek i hngalhnak le tonnak a um hnu lawngah hin luatnak tling cu kan hmu ve. Amen!
1. Biatak cu na theih hnu ah Thiang Thlarau nih Biatak hngalh duhnak lam an hmuhsak lai..
2. Biatak na hngalh khawh taktak nak ding ahcun Biatak phuangtu a hau...
3. Biatak Phuangtu na co khawhnak ding ahcun Fapa Jesuh Khrih na zumh hrimhrim a hau...
4. Biatak Phuangtu Thiang Thlarau na zumhnak thawngin na co hnu ah Thiang Thlarau nih cun Biatak cu a ho dah asi ti an chimh lai i Biatak asimi Fapa Jesuh Khrih zong nih cun Pa asimi Pathian le Bawmtu asimi Thiang Thlarau hi a hodah asi ti an chimh ve lai...
5. Biatak na hngalh khawhnak ding ahcun Biaktak asimi Jesuh Khrih he nan i ton a hau... Hngalhnak a tlin taktaknak cu hngalh kan duhmi hna he kan i ton le kan umtti tik lawngah hin a tling, tam deuh in i tonnak le hawikomhnak ngeihmi nih hin hngalhnak a tlinter chinchin...
6. Jesuh he nan i ton i hawikomhnak tam deuh nan ngeih hnu lawng ah na hngalhnak a tling chinchin lai..
7. Theihnak tiang lawng si loin Jesuh Khrih he tonnak tu nih hin Amah na hngalhnak cu a tlinter lai...
8. Biatak theihnak le hngalhnak nih an luatter si loin Biatak asimi Jesuh Khrih tu nih an luatter asi..
9. Luatnak tling na co khawhnak hnga ding ahcun Biatak hi na theih hnu ah na hngalh chih zong cu a hau ve..
10. Biatak theihnak in hngalhnak tling na co khawhnak ding ah hin can a rau kho men... Bawipa cunngah aa hngatchanmi asi i kanmah leiin kan duhnak zong nih a neih ve lai... Cucu na zumhnak nih a van hrinmi na pehzulhmi khi ka chim duhmi asi..
11. Biatak asimi Fapa Jesuh Khrih nih an luatter ahcun a luat taktak mi cu na si lai...
12. Fapa Jesuh Khrih nih kan luatter cang tiah bia an ruah bal maw?
13. Mah vialte ka chimmi biathli hna zong hi na rel i na theihmi nih hin hngalhnak tling an pe hrimhrim lai lo, na theihnak le fiannak tu an tamter lai i asi ko. Hngalhnak tling na conak ding tu cu Fapa Jesuh Khrih he nan i ton hrimhrim a hau...
14. Thiang Thlarau nih Biaktak cu a hodah asi ti a phuang hnu ah Jesuh Khrih chungah a kan luhpi i a theihmi le a ra laimi thil kong tu a kan chimh...
15. Biatak asimi Jesuh Khrih cu Thiang Thlarau bawmhnak thawngin na hngalh lai i Biatak asimi Jesuh Khrih nih cun an luatter lai.. Fapa nih an luatter ahcun na luat bak... Catlap cungah ttialmi si loin Thiang Thlarau in na thinlung chungah ttialmi le khenhmi tuin asi lai.. Amen...
——-
JOHAN 8:32
biatak cu nan hngalh lai i biatak nih cun an luatter hna lai," tiah a ti hna.
JOHAN 8:36
Fapa nih nannih kha an luatter hna ahcun nannih cu nan luat taktak lai.
JOHAN 16:13
Asinain biatak phuangtu Thlarau cu a rat tikah biatak chungah cun an luhpi hna lai. 'Keimah nawl a si,' tiin zeihmanh a chim lai lo, a theihmi le a ra lai ding thil kong tu kha an chimh hna lai.
Labels:

Comments

Post a Comment

Popular posts from this blog

ISRAEL MI HNA NIH MOSES LE PATHIAN AN LAWMHTER HNA LO

        Israel miphun hna cu Izipt ram in an chuah hnu kumhnih le thlahnihnak, nikhatnak ni ah Bawipa nih Moses cu Sinai ramlak ah a chawnh i milu a relter than. Bawipa fial bangin an rel hna i sing ruk, thong thum, za nga le sawm nga an si. Mah hnu ni (20) hnu ah puan Biakinn cung Minmei cu aa tthial tikah Israel pawl zong an i thawh ve i Paran ramlak ah khan an kal. Cun Bawipa minmei cu, an riahhmun in an i thawh fate chun ah annih cungah a um i kuang cu aa thawh fate Moses nih, "Tho tuah, maw Bawipa, na ral kha i ṭ hek dih hna seh law, nangmah an huatu hna cu na hmaiah zaam hna seh," tiah a ti. Cun aa dinh tikah, "Ra kir tuah, maw Bawipa, Israel mi a thong a sang hna sinah hin," tiah a ti.             Israel mi hna cu Bawipa theih ah an sifah retheih an innak ruangah an zai hawi tthan i Bawipa thinhunnak cu a alh i riahhmun kiang i aummi riahbuk a cheukhat cu a kangh hna. Cu tikah Moses nih thla a campi...
Post a Comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more

Pathian nih Abram auhnak le Thluachuah peknak

             Vawlei cung mi vialte hi Noah fapa le hna nih hrinthlak mi lawngte kan si. Noah fapa pathum lak ah hin upa bik Shem hin thluahchuahnak le Pathian nih thim khunmi asi nak alang. Adam nih fapa angeihmi ah Seth hlan ah Kain aum ko nain fa upa rocotu ah Seth hi Pathian nih athim bantuk in Noah fale zongah hin Upabik Shem hi ahlei in thluachuah pek dingah athim ve. Chim duhmi cu Seth cii ruang chung in Noah a chuak i Shem chung hin Abram te pawl zong an chuak ve. Pathian nih Noah le fapa hna cu thluachuahnak apek hna i fa tampi an ngei, vawlei ah cun an karh chin lengmang. Buanchukcho in kum hnih hnuah Shem nih fapa angeih, Shem a fapa hi kum 403 anung. Cu ti cun an fapa le upa bik changchang cun an van izul i Shem in Peleg chan, chan 5 nak ah hin cun kum 209 lawng an nung cang. Cu cu Pathian nih minung hi kum 120 cung nung ka sianh ti hna lo ati mi kha a van tling cuahmah. Shem in Abram pa Terah tiang hi chan (10) arau i Terah cu kum 205 a ...
Post a Comment
Read more