Nunnak Petu Thawngṭha

Thlarau in ka unau taktak asimi sinah Pathian sunparnak le tthatnak hrawm ve dingah a kan kotu hi Amah Pathian hrimhrim asi ti hi hngalhter tthan kan duh ko. Zumtu vialte hi Pathian tthatnak le sunparnak hrawmh awkah kawh auh kan si tihi nawlhtthan ka duh. Amen. A sunglawi tukmi Pathian tthatnak le sunparnak hrawmh dingah kawh kan si timi hi van ruat ve law kan i phutnak zei hmanh a um lo tihi na van hngalh ve ko lai dah. Cucaah kan nunnak dihlak in Pathian kan thangthat ding le kan lawmh bak ding asi. Amen! Ka Pathian cu Amin thangtthat si ko seh. Amen! Ka Pathian sunparnak le tthatnak hrawm dingah auh kan si kan hngalhnak thawngin Pathian ttihzah in kan nun a herh zong hi na hngalhchih dingah nawlchih ka duh tthan. Biatak cu Pathian ttihzah in nun awkah kan herhmi thil vialte cu Pathian tthawnnak lila nih a kan pek ko ti zong hi hngalhter tthan kan duh chih. Cucaah cun Pathian ttihzahnak in kan nunnak dingah kan herhmi thil vialte cu pek kan si cang caah ralttha tein a kan pek ca...

Pathian Bia hi kan rel deuhdeuh i ka duh deuhdeuh, kan ruah deuhdeuh ah hin a tthawng chinchin i a thaw chin lengmang. Minung kan si caah tlamtlin lonak tampi a ngeimi le chambaunak tampi a ngei ciomi kan si. Cu chambaunak le tlamtlin lonak kan ngeihmi hna ruangah hin Pathian nih kan nun chung vialte nan ttuan lai tiah rian a kan pekmi hi kan lim kho sual lai lo ti cu kan phang cio lai dah. Ahleiin Pathian nih Amah rianttuan dingah a kawhmi hna kan caah hin asi khun. Atang i Baibal hi kan theih lengmangmi asi ko lai nain ka nunnak ah tthawnak he thazang tampi a ka pek caah thazang na rak lak venak hnga mah ca hi ka van ttial. Biatak cu kanmah nih kan izuam tuk ruang le kan tuah khawh lengmang ruangah Pathian duhnak le tinhmi kan tuah khawh si bak loin Pathian hrimhrim hi tuah duhnak le zulh duhnak in tuah khawhnak le zulh khawhnak tiang kan ngeih nakhnga kan chungah rian attuan zungzal tu arak asi. Pathian tinhpiakmi hngalh na duh ahcun mah hi rak rel ve.. PATHIAN NIH AN TINHPIAKMI (Pl...

Zumhnak in ka unau taktak asimi, nangmah sin hrimhrim ah thazang peknak le forhnak ca ka van ttial. Ka ttialmi hi tawite asi ko caah a dongh tiang na rel lawng si loin a hodah ka si ti hngalh bu tein na rak relnak lai kan nawl ko. Vawlei asi caah kan hmai i a ummi thil tampi nih na lung in pialter hlah seh, tuah na duhmi tampi an um ko hmanh ah na chungah a nungmi Thiang Thlarau chimnak le fialnak tuin zeizong vialte hi tuah si ko seh.. Nihin tiang hrimhrim hi zeicem dah na tuah le zei na tuah ah dah na di a riam bik. Rawlulh thla na cam lio bantukin Cathiang nih an thawt rih maw? Thlacamnak nih teh an thawt rih ko maw? Bawipa he hawikomhnak na ngeih rih peng maw? Nihin kan sining taktak in ka van ttial hmanh lai muh: Minung tampi cu Pathian duhnak zulh le tinhmi tlinter hnak in minung duhnak tlinter le minung duhnak zulh hi an i thim deuh cuahmah. Cu chungah ka unau taktak asimi nangmah zong naa tel ve lai ti ka phan ko. Nangmah le nangmah van i zoh tthan law nichiar te hi zeidah n...

Maw Bawipa, ka nunnak nih an ngai, an ngai taktak si... Na hmaikaa ka kun zungzal mi nih na lung kan ton lai timi lungthin he si loin ton le hawikomhnak ngeih ka duh tuk ruang tu ah na hmaikaa ah ka kun lengmang arak si deuh... Maw ka Bawipa, rawlttam in kan in ttam le tihal in kan in hal cu na thawtnam na rak kan tehter ve caah asi.. Maw Bawipa, Nikhat hnu nikhat hin zeitluk thukin dah ka Bawipa hi ka ton in hawikomhnak ka ngei lai ti ah na hmaika hrimhrim ah ka kun zungzal.. Maw ka Bawipa, Nangmah an haalmi le an ttammi nih cun Nangmah lawnglawng hi kan in kawl ve.. Maw Bawipa, ka thlarau nih an hlam, an hlam hringhrang... Sazuk nih rial ti dai a ngaih bantukin maw Pathian nangmah cu kan ngai... Sazuk nih rial ti dai a dinnak hmun te hi ti dai a ngaih caan paoh ah a fuh lengmang... Maw Bawipa, Nangmah kan ngaih zungzal caah Na sinah le Na hmaika hrim ah ka ra zungzal... Maw Bawipa, ka ngai taktak ee, ka ti ahal tuk i ka dar a car dih.... Maw Bawipa, Nangmah lo...

H munzakip ah ai ṭhenmi ka miphun vialte sinah Pathian bia, biatak le nunnak hram asimi Khrih Thawngṭha ka rak in hrawmh ṭhan hna. Biatak tein na rel i na zumh ve ko ahcun luatnak na hmu taktak ko lai. Thawngṭha kan ṭialmi hi a reltu na caah cun sullam a ngei hrim lai i luatnak tling cu na hmu hrim lai tiah Bawipa Jesuh ka zumh i kaa bochan ko. Biatak cu sualnak kan tuahlo ruangah le kan ṭhat ruangah khamh kan co si loin khamhnak kan hmuh cang ruang tu ah hin sualnak kan tuahtilo le ṭhatnak kan tuah khawh arak si deuh. Chimchih ka duhmi cu vawlei cungah hin zumlotu tampi zong nih thilṭha tampi an tuah taktak ve ko. Sihmanhsehlaw Jesuh Khrih zumhnak tello in thilṭha tuahmi vialte hi Bawipa nih a lawmhmi pakhat hmanh aum hrimhrim lo. Cu lawng hmanh si loin Jesuh Khrih zumhnak tello in kan i zuamnak in thilṭha kan tuahmi vialte cu pawrhlawtnak le ruamkainak men ah an cang i caansau zong a nguh hrimhrim lo. Zeizong vialte kan tuahmi hna hi zumhnak thawng lawngin an si zungzal awk asi...

Minung vialte nih Fapa Jesuh Khrih zumhnak in Pathian taktak kan hngalhnak cu Fapa Jesuh Khrih thawngin asi. A tang i Baibal hi van rel hnik law Bawipa nih fiannak an pek ko lai... • Pathian Fapa Jesuh Khrih cu a ra cang.. • Pathian Fapa Jesuh Khrih nih Amah a zummi paoh cu Pathian taktak hngalhnak a kan pek cang.. • Zumtu vialte kan nunnak cu Pathian taktak asimi Fapa Jesuh Khrih chungah a um... • Jesuh Khrih cu Pathian taktak asi.. • Jesuh Khrih cu zungzal nunnak taktak asi... —- 1 JOHAN 5:20 Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si. THLAURAU NIH CUN... —- • Thlarau nih cun an fimter hna lai.. • Thlarau nih cun Pathian kha nan sinah a phuan lai.. • Thlarau nih Pathian kan sin a phuan caah Pathian cu kan hngalh.. —- EFESA 1:17 Kan Bawipa Jesuh Khrih i a Pathian, a liannganmi kan Pa cu, nanmah kha Thlar...