Skip to main content

KA THLARAU NIH BAWIPA AN NGAI.....

Maw Bawipa, ka nunnak nih an ngai, an ngai taktak si... Na hmaikaa ka kun zungzal mi nih na lung kan ton lai timi lungthin he si loin ton le hawikomhnak ngeih ka duh tuk ruang tu ah na hmaikaa ah ka kun lengmang arak si deuh...
Maw ka Bawipa, rawlttam in kan in ttam le tihal in kan in hal cu na thawtnam na rak kan tehter ve caah asi..
Maw Bawipa, Nikhat hnu nikhat hin zeitluk thukin dah ka Bawipa hi ka ton in hawikomhnak ka ngei lai ti ah na hmaika hrimhrim ah ka kun zungzal..
Maw ka Bawipa, Nangmah an haalmi le an ttammi nih cun Nangmah lawnglawng hi kan in kawl ve..

Maw Bawipa, ka thlarau nih an hlam, an hlam hringhrang...
Sazuk nih rial ti dai a ngaih bantukin maw Pathian nangmah cu kan ngai...
Sazuk nih rial ti dai a dinnak hmun te hi ti dai a ngaih caan paoh ah a fuh lengmang...
Maw Bawipa, Nangmah kan ngaih zungzal caah Na sinah le Na hmaika hrim ah ka ra zungzal...
Maw Bawipa, ka ngai taktak ee, ka ti ahal tuk i ka dar a car dih....
Maw Bawipa, Nangmah lo cun ka nung kho lai ka zum lo..

Sazuk nih rial ti dai a ngai hi a din bal lo caah si loin a din lengmang ca tu ah asi..
Kei zong Bawipa rial ti dai bang in kan ngaih hi kan ton lengmang le hawikomhnak kan ngeih lengmang caah asi..
Maw Bawipa, ka sining cu hihi asi ko, Nangmah hrimhrim hi ka hlammi le ton lengmang kan duhmi cu na si...
Maw Bawipa, rial ti dai a ding lengmangmi sazuk caah ti dai nih lawmhnak a pek..
Maw Bawipa, Nangmah lawng hi ka nunnak ah lawmhnak tling pe khotu taktak Nunnak Tidai cu na si..
Maw Bawipa, Nangmah hi luatnak le nunnak a ka petu cu na si....
Maw Bawipa, ka ti hal caan ah ka tihal riamtertu cu Nangmah hi na si...

Maw ka Bawipa, a rawl a ttammi nih cun rawl kan kawl ko, a ti a halmi zong nih ti te kan kawl ve tthiamtthiam ko..
Maw Bawipa, keinih rawlttam le tihal in ka ttamhalmi  cu Nangmah hrimhrim hi na si.. Ka kawl zungzal mi hi zeidang zeidang si loin Ka Bawipa, Nangmah hrimhrim na si..
Maw Bawipa, Nangmah hrimhrim hi ka hlammi le ka kawl zungzal mi, hmuh le ton ka cim khawh lomi cu na si.. Ka Pa, kan hngalhnak hi vawleipi nih ka hngalhpi ve ko seh..
Maw ka Bawipa, Nangmah hi tihal in an hal taktakmi kan caah cun tihal riamtertu na si taktak..

Maw Bawipa, rawlttam in an ttammi hna kan caah cun paw khimtertu na si hrim ee..
Maw Bawipa, Sazuk nih rial tidai a ngaih bantukin an ngaimi hna kan caah cun Nunnak Cerhtiput tihal riamtertu na si zungzal ko..
Maw Bawipa, Sazuk nih rial ti dai a kawl bantukin an kawlmi hna kan caah cun hmuhkhawhmi le ton khawhmi ah na caang zungzal ko..
Maw Bawipa, lungthin dihlak in an kawlmi hna nih cun kan in hmuh zungzal ko.. Amen..
Maw Bawipa, ka miphun le vawlei cung minung vialte nih hin Nangmah hi ti le rawl kan kawl bangin inkawl ve cang ko hna seh....
Ka Bawipa hi lungthin dihlak in a kawlmi nih cun kan hmuh zungzal ko.. Lungthin dihlak in na kawl ve cang lai lo maw???
——-
SALM 42:1
Sazuk nih rial tidai a ngaih bantukin Maw Pathian nangmah cu kan ngai.
Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

"BIATAK."

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....
Post a Comment
Read more

Righteousness = Pathian Dinnak

Righteousness = Pathian Dinnak (Mat 6:33, 13:44-46, Rome 1:16-17, 3:22, 4:3-13-25) Dinnak timi sullam cu Pathian He kan I rem cang tinak asi. Righteousness meaning is to be  right with God . Pathian he kan I remnak cu Bawipa Jesuh Khrih kan zumhnak thawng lawngin asi. Cu Bawipa Jesuh Khrih kan zumh hlanah hin Bawipa Jesuh hi zumhtlak asinak le kan zumhngam nakhnga nganpi in rian a limmi aum I cucu rian a limmi thawngin cun Pathian he remnak kan hmuhkhawhnak cu asi. Pathian he remnak kan hmuhmi hi Bawipa Jesuh nih a nunnak pek in rian a limmi thawngin asi nain nangmah le keimah caah Pathian he kan I remkhawhnak dingah cun a thlahmi Fapa zumh le a kan limpiakmi zumh thawng lawngin hmuhmi asi. Nangmah le keimah caah zumh fial kan simi hi a fawimite alo lai nain Bawipa Jesuh caah cun nunnak tiang pekmi, Pathian he remter khawhnak tiang chuahtertu nunnak in pekmi raithawinak asi. Nunnak in pekmi raithawinak nih cun Pathian he remnak a chuahter I cucu nangmah le keimah nih Bawipa Jesuh k...
Post a Comment
Read more