Nunnak Petu Thawngṭha

Vawlei cung hmunzakip ah a ummi ka miphun sinah anung taktakmi le atthawng taktakmi Nunnak Petu Thawngtha asimi Jesuh Khrih thawngtha kan hrawmh hna. Nai hrawng cu thawngtha tling kan hrawmh lonak hna asau ngai cang. Biatak cu ttial luaimainak hin teinak le miaknak kan hmuhnak rak si loin Bawipa he hawikomhnak thukpi kan ngeihnak lawnglawng hin teinak le miaknak in tthawnnak tling kan rak hmuhnak arak si deuh. Ka miphun sinah le Pathian ka daw ve ko atimi tampi nan sinah fakpi in chim le ttial ka duhmi cu Thiang Thlarau he hawikomhnak na ngei bal maw? tihi asi. Na ka leh dingmi cu thla cu ka cam lengmang ko, Baibal ka rel lengmang ko tiah na ka leh ko lai nain Biatak cu thlacamnak in Thiang Thlarau he hawikomhnak na ngeih ballo caah pei caan saupi thla na cam khawhlonak le Baibal saupi na rel khawh lonak kha asi cu tiah kan leh hnga. Pumh hmanh ah pei asau tuk na ti lengmang ko kha... Kan miphun ah hin Pathian a dawmi le Pathian aduhnak zulh aithim duhmi tampi kan um lai nain k...

Mi fapa rat ni ahcun Noah chan bantuk asi lai i cu caan lio ahcun an rak i tthi, an rak i um, an duhmi thil poh an rak tuah ko. Cucaah cun buanchukcho lio ah Bawipa a zummi Noah le minung 7 lawng an rak luat! Mifa chan zongah a zummi lawnglawng khamh kan si lai! A zumlomi poah cu thah dih le hrawh dih an si ko lai! Jesuh nih ka rat lai ni ahcun Noah chan lio bantuk khan nan i                                  tthi in nan um lai, nan duh poh i nan nun lio le sualnak phungtling nan tuah lio, vawlei hi a hmun rih ko lai nan ti lio ah ka ra te lai. Bawipa Jesuh hi atu ah ra sehlaw ready na si cang hnga maw? Or hrawhmi ah dah naa tel ve hnga? MATTHAI 24:29-41   "Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.  30  Cun Mi Fapa hmelchunhnak kha van ah a lang lai; khi tikah vawlei cung miphun vial...

Hmelchunhnak le khuaruahharnak kawlin Pathian biak ai timmi tampi cu hlen khawh an si lai i an zumhnak zong awtle in an hlawt te ko lai! Pathian kan biaknak ah hin hmelchunhnak le khuaruahhar tuahnak le damter khawhnak kawl lawng cun Pathian thinlung kan nganh diam te lai. Cucaah Jesuh nih Saruak umnak hmunah langta an i pum tiah tinak asi! Saruak cu athami asi lo i a thumi le anammi, athimi ansi! A thimi, a thumi, anammi atlantu cu langta asi bantukin sualnak phungtling tuahpah in kaltak duhlo in Pathian a kawlmi hna nih Pathian an zumh tikah hmelchunhnak le khuaruahhar tuahnak lawnglawng an kawl tawn. Saruak umnak hmun ah langta an i pum tawn timi zumtu cu ka hrintthan cang ti ttung i taksa duhnak phuntling tuah pah buin Pathian fa ka si atimi hna hi an si. Nihin zumtu tampi hi Pathian kan fuhpanh i kan biaknak ah khuaruahhar tuah khomi le hmelchunhnak tampi atuahmi hna, mizaw damter khotu hna tiin kan kawl tuk tawn hna! Pathian Thlarau tthawnnak in mah bantuk atuahmi tampi an um ...

Mi tampi nih zumhnak an hlawt cuahmah cu Jesuh rat lainak caan kha  aneih cang caah asi! A zumhnak a hlawmi cu khamhnak taktak aco lomi an si. Sihmanhsehlaw khamh taktak mi cu adongh tiang kan fek ko lai! Khamhnak taktak acomi nih cun adongh tiang zumhnak hlawt loin a zumhmi Pa cungah a zumhnak afek! Adongh tiang kan feh khawhnak cu kan chungah Thiang Thlarau umnak thawng in asi. Matthai 24:10-13  Cu caan ah cun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai.  11  Cun nal profet tampi an chuak lai i mi tampi an hlen hna lai.  12  Ṭhat lonak kha a karh tuk lai caah mi tampi cu an dawtnak kha a dai lai.  13  Sihmanhsehlaw a dongh tiangin a fekmi cu khamh an si lai.

Vawlei donghnak lai caan ahcun Tthiotu fihnung kha Biakinn i a dir nan hmuh tikah nal profet hna le nal messiah taktak an chuak lai. Minung tampi nih cun nal profet le nal messiah an chuak cang tiah an chim lengmang nan hngalh ko lai nain tthiotu fihnung cu achuak cang timi belte hi an chim tuk loh in ka thei. Micheu caah cun achuak cang men ko lai. Tthiotu fihnung hi Biakinn chung a dir na hmuh tikah vawlei caan a dong cang lai timi hmelchunhnak asi. Ttthiotu fihnung hi ahodah asi hnga tiah na ruah? Afimmi lawnglawng nih hngalh khawh asi (Afimmi ka ti tikah Pathian fale taktak lawng nih kan hngalh khawh lai ka ti duhnak asi) . Nal profet le nal messiah hna nih cun Pathian mithim hna hmanh kha hlen khawhnak ah hmelchunhnak le khuaruahharnak thil tampi an tuah hna lai! Biatak cu Pathian thimmi le Pathian fale taktak cu hlen khawh kan si bal lai lo. Amen... Hlenkhawh asi lomi kan chungah aum caah asi. Cucu Thiang Thlarau ka ngei kan ti lengmang mi cu asi.... MATTHAI 24:15 "Cun ...

Pathian nih rian afialmi le thlahmi Thawngtha Chimtu hna lunglawm tein na cohlang hna maw? Pathian nih thlahmi Thawngtha Chimtu lunglawm tein na cohlan hna lo chung poah cu khrihfabu ah rivival a um bal lai lo! Zei ruangah tiahcun Thiang Thlarau nih cun minung kan thinlung dihlak in innka kan onpiak maw? Onpiak lo? ti cu  ahmuh dih ko. Jesuh nih ka thlahmi hna a cohlang mi nih keimah an ka cohlan asi i keimah a ka cohlang tu nih a ka thlahtu Pathian an cohlan asi ati. Cucaah Jesuh nih Thawngtha chimtu ah a thlahmi hna na cohlan hna lo ahcun Jesuh na cohlanlo asi. Pathian nih thlahmi Thawngtha Chimtu lunglawm tein kan cohlan hna lo ruangah Khrihfabu kipah Thlarau rivival a tlun khawh lonak bik le Khrihfabu kip kan hulnak asi. A sullam cu Pathian ariantuantu ah athlahmi hna kan cohlan hna lo tikah Thiang Thlarau lunglawm tein innkaa kan onhpiak lo le kan cohlanglo tinak asi.   MATTHAI 23:39 Atu ri hin hmailei ah, 'Bawipa min in a rami cu Pathian nih thluachuah pe ko seh,' n...

Kaa lawng chim i nunnak in nunpi lomi le tuah lomi vialte, lenglei ah atha ngaimi lawh tung i chunglei in sualnak he akhat tungmi cu Jesuh nih rul hna tiah a ti hna! Rul hna ti a sullam cu khuachia hna tinak asi. Rul fale hna ti asi ahcun khuachia fale hna tinak asi. Mah bantuk minung cu hell an ta asi ko! Zeicahtiah cun hell cu khuachia le a fale caah sermi asi. Ka Pa minung mit hmuh men si loin minung nih hmuh khawh lomi ka chunglei ziazapi hi a dih umek in ka remh ko! Matthai 23:33  Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

Pathian kan biaknak ah alenglei zuamnak hi cu fihnung men asi! Phungbia cawnpiaktu le Farasi mi hna hi Moses Nawlbia cu azahmi le atheimi an si nain an nun remhnak ah hmang loin mi nun tahnak le mi cawnpiaknak lawngah an hmanh i anmah chunglei remhnak ahcun an hmang loh! Anmah miaknak tu ah an hmang caah Jesuh nih mifir hna ati hna! Mah ca thattnak Lungthin he a khatmi an si! Zeidah Farasi mi le phungbia cawnpiaktu cu upat awk le ttih awk an um! Cu bantuk chimnak athiam tungmi le Baibal hngal ngai tung i lenglei lawng remh i chunglei remhlomi Thawngtha Chimtu poah cu zangfak an si! Maw Bawipa ka nun hi lenglei remhnak si loin chunglei remhnak thawngin a lengah langter ko! Mi cawnpiak aduh ngai ttung i mah nun aremh duhlomi hi Jesuh nih ahuat ngaingai mi nun asi. Nangteh mah nun remh duhlomi chungah nai tel ve maw? MATTHAI 23:25 "Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Nan hrai le nan kheng cu a lenglei kha thiang hirhiar te...

Nihin zumtu kannih hi lenglei lawng ai dawh i chunglei athumi kan si ve maw? Lenglei in atha ngai lawh tung i chunglei lih le sualnak kha hngak cun maw Bawipa ka chunglei hi na duh bangin remh ko! Mi hmuhnak ah that izuam ngai ttung i thinlung in huatnak le remlonak, sualduhnak in khah hi chungthu lengnal ti asi. Nangteh chungthu lengnal na si ve maw? Matthai 23 :27-28 "Phungbia cawnpiaktu saya hna le Farasi mi hna, nan caah ngaihchia a va si  dah! Mi depde hna. Si rang an thuhmi thlan bantuk nan si. Lenglei cun aa dawh ko, sihmanhsehlaw a chung cu mithi ruh le a thumi pei a khat cu.  28  Cu bantuk cu nan si, a lenglei cun mi ṭha ko nan lo, sihmanhsehlaw nan chung cu lih le sualnak in a khat.

Nawlbia nih a biapi ah a chiah ngaingai mi cu Dinnak, zangfahnak le zumh awktlakmi sinak hi asi! Phungbia cawnpiaktu le Farasi mi hna cu an feltuk an ti ko nain chunglei thil hnak in lenglei thil lawng an zuan hnawh caah an lo ko! MATTHAI 23:23 "Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin .

Jesuh nih a zultu hna sinah a chimmi cu phungbia cawnpiaktu le farasi mi hna nih hin Moses nawlbia a sullam cu hihi asi tiah a chimtu an si tiah ati. Jesuh nih a chimmi le tuah afialmi hna cu khuaruahhar asi: Jesuh nih phungbia cawnpiaktu le farasi mi hna chimmi hi nan zulh a herh, an chimmi kha a hmanmi kha an chim.  Phungbia cawnpiaktu le farasi mi hna cu anmah nih an cawnpiakmi hna le chimmi kha an tuah loh. Cucaah cun Jesuh nih anmah nawl bel cawng hna hlah uh a tinak asi! Nihin thawngtha chimtu tampi zong hi an chim luaimai nain an chimmi kha a tuah lomi an tampi ve. Cu bantuk na hmuh hna tikah an chimmi kha ngai law na caah a thami kha i nunpi law anmah nun bel cawng hna hlah. Maw Bawipa ka Pathian, kei tu nih cun ka tuahmi le kaa nunpimi ka sining te hin na thawngtha ka chim ko lai mu. MATTHAI 23:3 Cucaah an in chimhmi hna paoh cu nan ngaih le nan zulh a herh. Asinain anmah nawl bel i cawn hlah u, zeicahtiah an chimmi kha an tuah lo.

Pathian nih hin mi toidor mi cu vel angeih hna i mi lungpuam cu Pathian nih adoh hna. Cucaah cun nangteh Pathian nih vel ngeimi si maw na duh? Pathian nih dohmi dah? Pathian nih mah le mah aa ngantermi cu thumh an si lai. Pathian nih mi toiah aa dormi cu mingan ah ser an si lai. Pathian nih mi lungpuam cu adoh hna. Pathian nih mi toidor cu vel a ngeih hna. Kei cu Pathian nih ngamterhmi le vel ngeihmi si ka duh caah toidor nun kaa thim. Tangdor nun cu mi cungkai lo hi asi. MATTHAI 23:12  Mah le mah aa ngantermi cu ṭhumh an si lai i mi toiah aa dormi cu mi ngan ah ser an si lai," tiah a ti. 1PETER 5:5 Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih "Pathian nih milungpuam cu a doh hna i mitoidor cu a vel kha a pek hna," a ti.  6 

Minung vialte nih hin dawt kan duh dih bantukin kan Pathian hrimhrim nih dawt a duhbik. Cucaah  Bawipa Pathian hrimhrim nih nan ka dawt lai tiah bia a kan cah. Bawipa na dawt hrimhrim lai, na innpa na dawt hrimhrim lai. Bawipa ka thinlung dihlak in kan dawt. Bawipa ka ruahnak dihlak in kan dawt. Bawipa ka nunnak dihlak in kan dawt. Bawipa ka thazang dihlak in kan dawt. Keimah le keimah kaa dawt bantukin ka innpa cu ka dawt hna! Ka innpa cu ka innkam taktak lawng si loin harnak le lungretheihnak le zawtnak a tongmi hna hi an si. Matthai 22:37-39 (Deutronomi 6:4-5) Jesuh nih cun, " ' Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,'  38  ti hi a ngan bik le a biapi bik nawlbia cu a si.  39  A hun changtu biapi bik nawlbia cu, cu bantuk ṭhiamṭhiam cu a si i, 'Na innpa cu nangmah naa dawt bantu...

Minung tampi nih hin Pathian duhnak tuah hi kan duh cio ko lai nain a tuahtu taktak hi me zeidah kan si tiah cun Thawngtha chim ngeih tik i Amen ati lengmang mi hngak in Thawngtha chimtu nih a chimmi tha tein ai cinken i atak in ai nunpimi tu hna hi kan rak si deuh. Cu bantukin Jesuh zong nih Pathian duhnak a tuahmi cu mah bantuk minung hi an si tiah ati: Nikhat cu mipa pakhat nih fapa pahnih a ngeih hna i upapa kha misur dum ah va kal law ka rian va ttuan tiah ati, Upa u nih cun"ka duh lo" a ti ko nain a hnu ah a lung ai thleng i misurdum i rianttuan awk ahcun a va kal. Anau pa sinah ava kal ve i ka misurdum ah va kal law ka rian va tuan tiah ati ve, Anau pa nih cun elaw Bawipa ka kal lai ati nain a kal lo. Jesuh nih mizeidah Pa duhnak atuahmi hi asi tiah a hal hna i ka duhlo tiah ati ttung i a hnu ah alung ai thleng i dum ah akalmi pa hi asi an ti. Biatak cu Pathian duhnak atuahtu taktak mi cu an theihmi Jesuh Khrih Thawngtha atak in aa nunpi mi hna hi kan si.... MATTH...

Theittha atlai lomi poah cu Pathian pennak kha chuh in theittha atlai dingmi pek kan si lai. MATTHAI 21:43 Cucaah hitihin kan chimh hna: Nannih cu Pathian Pennak kha chuh nan si lai i thei ṭha tein a tlai dingmi kha pek an si lai.

Nikhat cu Jesuh kha biakinn chungah alut i thil an zuarmi le a cawmi kha a hmuh hna tikah a thin ahang tuk i a tthawl dih hna. Cu ti Jesuh cu biakinn chung i athin ahan tuk lio ah zeidah atuah tiah cun mitcaw le kebei a damter hna! Nangteh na thinhan lio ah mi luatnak na tuahpiak huam hna hnga maw? MATTHAI 21:14 Mitcaw mi le kebei mi kha biakinn chungah cun a sinah khan an ra i a rak damter hna.