Nunnak Petu Thawngṭha

Ni le caan, zarh le thla, kum hna cu tlaih khawh loin an liam cuahmah. Minung kan duh herhmi zong nih dinh ve lo in an karh cuahmah ve. Pathian duhnak in Pathian tinhpiakmi rian kan i thim tikah pumpak caah siseh innchungkhar caah siseh cingla sahlawh rualchan caah siseh theihthiamnak tampi an tlau cuahmah nain Bawipa zangfahnak a dong ballomi nih dawtnak le lawmhnak aluanter tthan zau lai. Culawng hmanh si loin innchungkhar nih chambaunak a ngeihmi an um len lai nain Bawipa duhnak nai thimmi asi ko ahcun lunglawmhnak na cungah a phan zungzal ko lai. Jesuh nih a kan cahtakmi cu zulh nan ka duh taktak le nan ka dawt ahcun ka nawl nan ngaih lai i nangmah le nangmah hmanh i philh in nan ka zulh lai; keimah hnak in aho hmanh na daw deuh lai loh tiah bia a kan cahtakmi atlinnak asi ve ko tiah ka zumh. Sihmanhsehlaw Bawipa a daw taktak mi na si maw? ti cu nangmah tein naa hngalh ko lai.. Bawipa dawt kan timi hi zeidah a kan tuahpiak cang, zeidah a kan tuahpiak rih lai, zeizong vialte tuah...

Nihin Thawngtha hrawmh kan duhmi hna cu zeizong vialte nih anawl an ngaihmi Pa hi ahodah asi timi hi asi. Jesuh Khrih le kan Pathian, Thiang Thlarau hna hi voi tampi cu zeidah an tuah khawh timi le thilti khawh tthawnnak vialte an ngei timi hi ka rak zumh tuk i ka rak i bochan zungzal hna. Cucu apalh maw tiah cun a palhlo nain annawl ngai ding lei hi cu voi tampi ka rak fianglo i ka fiang ko ka ti hmanh ah pemhnak tiang cu ka rak phan kho lo. Tu ni ah ka ruahpi law ti ka duhmi cu hihi asi: Kan biakmi Pathian nih zeidah a tuah khawh timi lawng hi si ti loin Thlichia le tilet, zeizong vialte nih pei anawl an rak ngeih hi timi hi ka ruahpi law ti ka duhmi cu asi. Pathian kan fuhpanh tikah zeidah a kan tuahpiak lai timi ruahchannak kan ngeih tluk in zei tindah a nawl kan zulh ve lai i a duhnak kan tuah ve lai timi hi zuanhnawh chih cio hna usihlaw nihin zumtu ai timi tampi nih hin Bawipa he hawikomhnak kan ngeihmi cu a chah taktak hnga i kan ilawmnak cu atling chin lengmang ko hnga. Zeiz...

Hmunzakip ah aummi ka miphun vialte hna Bawipa kawlduhnak hi nan thinlung chungah Thiang Thlarau nih inkhahter cio hram ko hna seh. Kawl zungzal cem dingmi hi zeidang si loin Bawipa kan hmuh i kan i hawikomh zungzal tiang hi kan kawlcem ding arak si. Nangteh an khamhtu na Bawipa hi na tong bal maw? Na hmu bal maw? Hawikomhnak nan ngei bal maw? Biatak cu Bawipa Jesuh Khrih he nai Na ton ve taktak tik lawngah na hngalh dih te lai, a tu lioah ka theih in ka fian ko i ka hngalh ko tiah na ruahmi hi na hngalh taktak mi le na pemh cangmi si loin fiannak tiang lawng na phanhmi an si kho men. Sihmanhsehlaw Bawipa Jesuh he nai ton taktak ahcun na hngalhnak taktak a tling te lai. Amen! Bawipa hmuhduhnak le tonduhnak in hngalhduhnak tiang Thiang Thlarau nih na chungah rianṭuan hram ko seh. Nai hrawng Thawngṭha bia ka ṭial lonak asau i a ka hlammi zong nan um lenmi ka hmuh caah Bawipa ka thangṭhat. Nan hlammi hi keimah si loin Thawngṭha biatak nan haal caah asi. Thawngṭha kan i hrawmhmi cung...

Minung tampi nih fimnak a ngeimi kan timi hna hi cawnnak sang a ngeimi le cathiammi an si kan ti dih cio lai dah. Nu hrinnak zong in a fim kan timi hna tampi an um ve ko lai nain Baibal nih fimnak le hngalhthiamnak a ngeimi a ti hna lo. Cun minung kan ruahnak ahcun fimnak hmanh a ngeilomi nih cun hngalhthiamnak an ngei lai ti zumh cu a fawilo chinchin... Cawnnak le thiamnak zeihmanh ngei hmanh hlahlaw Pathian attihmi le tthatlonak ahrialmi na si ko ahcun thluachuah nganbik na ngei.. Sihmanhsehlaw Baibal nih a kan cawnpiakmi hi fakpi in rak ruat ve hmanh. Baibal nih a chimmi cu Pathian ttih hi fimnak asi i tthatlonak hrial hi hngalhthiamnak asi ati. Atu hrimhrim hin na thinlung in mifim na timi hna le hngalhthiamnak a ngei na timi kha rak ruat tthan hna. Baibal nih atimi nunzia teh an ngei ve maw? Pathian a ttihmi na si i tthatlonak a hrialmi na si ko ahcun Pathian nih a fimmi ti le hngalhthiamnak a ngeimi ti na si ve lai... Fimnak le hngalhthiamnak a ngeimi na si ahcun na nun chun...

Saya Van Ram Uk Thawngtha ka ngeihmi chungin thazang ka lakmi hna an si. —— • Bawipa chimmi paoh angaimi hi miding an si. Abraham cu Pathian nih a chimhmi paoh a zumh caah miding ti asi. Bawipa nawl a ngai bakmi hi miding cu an si.. Kan tuahmi tthatnak ruangah miding kan si siloin kan zumh caah miding kan rak si asi. Kan zumh timi lawng si loin kan zumh kan ti hnu ah kan zumhmi cungah Pathian a nawl kan ngeihnak tu hin zumhnak in miding ah rel kan si. Kan zumh kan ti nain kan zumhmi ruangah Pathian nawl ngaihnak le duhnak zulh tiang kan phanhlo caah nihin zumtu cu zumtu timi tiang lawng kan si i Jesuh Khrih zultu sinak tiang kan phan lo. • Minung nih Pathian kan hmuh hi Pathian he kan hmuhning aikhat caan ah asi. Ahmumi kha kan hmuh khawh ve caah kan hmuhmi asi ve.. • Nawlbia zulhnak nih a kan khamhlo, nawlbia zulhnak nih thluachuah a kan pek.. Nawlbia zulhnak in khamhnak kan hmuh si loin Pathian Fapa kan zumh caah khamhnak kan hmuh asi. Khamhnak kan hmuh hnu ah nawlbia kan zulh t...

Naomi le Ruth tuanbia in ka nunnak ah biatak tein thazang ka laknak ka rak in hrawmh ve. Fakpiin ka ruahpi ve law na nunnak ah hmunhma rak ka chiahpiak ve ti kan duh. Naomi cu Moap ram ah kumhra a um hnu ah Judah ram ah kir dingin timhtuahnak angei. Athi cangmi a fapale, nupi pahnih cu ka ramah ka kir tthan cang lai i nan inn teah va kir cang u, keimah cungah le mithi hna cungah nan tuah bantukin Pathian nih nan cungah zangfahnak tuah ve ko seh tiah ati hna. Ruth nih achimmi bia nihi hin ka thinlung ah fak tukin bia achim. Ruth nih atimi cu  "Nangmah he i ṭhen awk le nangmah zul lo i kir ṭhan awkah ka lem len hlah; zeicahtiah  na kalnak ah ka kal ve lai  i  na riahnak ah ka riak ve lai ;  na miphun cu ka miphun an si ve lai  i  na Pathian cu ka Pathian a si ve lai ;  na thihnak ah ka thi ve lai  i  khika ah cun an ka vui ve ko lai . Pathian nih cu bantukin ka cungah tuah seh law, tam deuh zongin tuah ko seh,  thihnak hmanh nih n...