Nunnak Petu Thawngṭha

1. Tlik zuamnak caah hin kan ihnakkhan in le ka umnak hmun tein timhtuahnak ka rak ngei... 2. Cu tlik zuamnak ca i timh tuahnak ka ngeihmi nih cun ruahchannak nganpi a ka pek... 3. Ruahchannak ka ngeih caah ka zumh si loin ka zumhnak tu nih hin timh tuahnak le ruahchannak an ka pek a rak si deuh.. 4. Tlik zuamnak caah timh tuahnak ka ngeihmi nih hin kaa tinhmi kawl fiang tein ka ngeih le ka hngalhnak tehte an khan.. 5. Tlik zuamnak i timh tuahnak ka ngeihmi nih hin kaa tongh tikah a ping le pang ka thonghnak hnga lo bawmtu ttha an si lai.. 6. Tlik zuamnak caah timh tuahnak na ngeihmi nih hin ruahchannak nganpi in pe sehlaw ruahchannak nih cun inkhawhnak tiang in chapchih ko seh... Inkhawhnak nih cun lungsau tein hngah nun an cawnpiak lai i hngah nun nih cun tlik zuamnak hmun taktak an phakpi lai. Tlik zuamnak hmun na phak tik ahcun lungsau tein timh tuahnak na ngeihmi nih teinak an pek lai i na thonghnak hmun paoh hi Bawipa nih an tinhpiak mi hmun an si kha hngalh bu tein na thon...

Bawipa thawngin ka unau asimi Nangmah sinah ka lungah a um ngaingai mi Paul bia hi i ruahtti usih ti ka duh. Rak ka ruahpi ve law na hmuhning zong rak ka chim ve te muh.      Paul nih a chimmi bia hi minung tampi nih kan tthannak ah hmang loin kan derthawnnak bawmtu ah kan hman tawn. Cu kan hmanmi bia cu hi hi asi: Keimah lawngin tiah cun kan thinlung lawngin Pathian nawl cu ka zul kho i ka minung sining tu nih cun sualnak phung a zul ko timi hi asi. Ahman taktakmi a ttial ko nain Baibal kan rel le ka theih tikah hin kanmah duhnak lawng kan rak zoh tawn caah asi. Paul nih a chimmi ah a biapi ngaiin kan hmuhpi lomi cu KEIMAH LAWNGIN TIAH CUN timi hi asi: Keimah lawng a timi ah hin Khrih Thlarau ai tello tihi langhter ka duhmi cu asi. Minung paohpaoh hi kanmah lawngin cun sualnak phung kan zul dih cio ko. Paul lawng si loin minung paohpaoh hi sualnak phung chungah kan um dih ko ti hi van nawlh ka duh.         Sihmanhsehlaw Paul nih a chim tthan mi...

1. Tlik zuamnak caah timhtuahnak ka ngei cuahmah... 2. Tlik zuamnak i teitu sinak hi tlik lio ah tthawng ngaiin tlik khawhnak hin asi. Tlik lio i tthawnnak bawmtu taktak cu tlik hlan i fakpi timhtuahnak rak ngeihmi hin asi.. 3. A tu cu tlik zuamnak ah ka thazang dihlak in ka tli cuahmah cang... 4. Bawipa tinh ning in a dongh tiang khitkhet ka tli lai... 5. Tlik zuamnak i ka hrampi cu zumhnak fekte in ka tlaihmi hi asi.. 6. Tlik zuamnak ka tliknak ah hin a hram ka thok a biapi bantukin ka tlik lio le zeitin dah ka dongh ti hi a biapi chinchin.. 7. Bawipa rian caah timhtuahnak na ngeimi vialte cungah Bawipa nih daihnak le lawmhnak, tthawnnak le lungsaunak he in hruai ko seh.. Zeitik caan hmanh ah na lung dong hlah! Tthawng ngai le rakttha ngaiin um ko. Teinak na hmuhnak le laksawng na co lainak cu nangmah tthawnnak ruangah si loin Bawipa Thlarau tthawnnak tuin asi ko lai.. Bawipa nih nangmah hrimhrim an herh.. —- 2 TIMOTE 4:7 Tlik zuamnak ah khan ka tha a dihumnak in ka chuah c...

         Ni a liam cuammah, zarh le thla hna zong nih anmah kal ning cio in an liam cuahmah ve hna i kum zong cu raulo tein kumkhat hnu kumkhat kan phak ballo mi kum hna chungah kan um cuahmah. Minung kan hngalh khawh lomi tampi chungah Bawipa nih kan caah a tthabik in Thlarau, thinlung le taksa damnak he a kan hruai zungzal ko. Bawipa min thangthat si ko seh. Amen! Ni le zarh, thla le kum hna an liam cuahmah mi caan hna hi na ruat bal maw? A liamcia caan vialte nih hin zeidah an pek? Lawmhnak le hnangamnak maw? Ttah aihramnak le lung retheihnak hna dah? Na nupi le na vapa cungah hin na lung a tling peng rih maw? Zungzal umpi ding ah le dawt zungzal dingah naa thimmi asi zungzal rih ko maw? Na duh cem in na dawt cemmi asi peng maw? Na fanu le fapa hna hi teh Bawipa duhning in an tthang maw? Nu le Pa hmaizah upat a thiammi le nu le pa tthit hruainak tangah um duhmi an si maw? Nanu le napa teh na daw hna in an cungah theihthiamnak le zangfahnak na ngei maw? Nan n...

Bawipa Pathian nih Israel mi hna ramcar chung i a rak hruai hna tikah hin a rak i tinh bikmi cu khuaruahhar thil tikhotu Pathian asi nak langhter hi a rak si. Sihmanhsehlaw a chuahpimi hna Israel mi nih cun an rak i hngatchan ngam hrimhrim lo. Ti a um lo tikah Izypt ram an ngai tthan i Izypt ram nih zeidah a rak pek hna kha an chim tthan lengmang. Ti um lonak Ramcar chung i nithum an kal hnu ah cerhkha a umnak hmun kha a phan i ti cu a khaat caah an ding kho lo. Cu tikah Moses cu an zai hnawh i zeidah kan din lai? tiah an ti. Sihmanhsehlaw Pathian nih a tinh taktak mi cu cerhkhaa an phak ah siseh ti a um lonak hmun an phak ah siseh ei awk rawl an ngeih lo tikah siseh sa hawt in ei an duh tikah siseh mah vialte Pekhotu an Pathian ka si hi hngal hna sehlaw lung lawm tein Bawipa na thimmi miphun na fale hna hi kan dang a car cang, kan ti a hal cang, kan rawl a ttam i sa kan haw cang tiin khuaruahhar thil tikhotu Keimah Bawipa Pathian sinah an thinlung dihlak he an au tikah Izypt ram i ...

1. Zumhnak nih a tinhmi cu kan thlarau khamhnak asi... 2. Kan thlarau khamhnak cu a hmu cangmi kan um i a hmu rih lomi zong cu an um ve... A hmu ve rih lo mi caah rian kan ngei.. 3. Thlarau khamhnak a hmu cangmi nih cun kan ilawmh taktak awk asi.. 4. Thlarau khamhnak a hmu hnu ah thinlung le taksa zong nih damnak an van hmu ve... 5. Khamhnak a comi cu holh in chim khawhlomi lawmhnak le a nganmi lawmhnak, a sunglawimi lawmhnak in kan khah bak awk asi.. 6. Khamhnak a co cang mi nih cun nichiar tein ruahchannak thar le lawmhnak he kan khah zungzal awk asi.. 7. Ruahchannak kan ngeihmi zungzal nunnak nih hin nichiar tein lawmhnak le daihnak a kan pek bak awk asi... 8. Khamhnak ka co na ti hnu zong i ruahchannak na ngeihmi nih lawmhnak an peklo ahcun khamhnak ka co na timi hi ruah tthan a hau men hnga? 9. Zumhnak in kan comi khamhnak thawngin ruahchannak kan ngei i cu ruahchannak kan ngeihmi zungzal nunnak nih cun a kan deuh lo i zungzal nunnak kan comi nih hin lawmhnak tling a kan ...

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i thawngṭha ka ṭialmi Vancung Pennak chungah na lut cang maw? timi hi fak deuh in rak ka ruahpi ve tiah kan sawm. Biatak cu Vancung Pennak hi tuahṭuannak in le nunthiannak men in kan hmuhkhawhmi asi hrim lo tihi voi tampi chim ka duh. Vancung Pennak kan luhkhawhnak dingah cun lamkhat lawng aum i cucu Jesuh Khrih zumhnak lawng bak in asi. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Vancung Pennak chungah kan lut kho tihi fakpi in chim ka duh.  Tangdornak na ngeih ruangah le na nun a thianhlin ruangah, na ṭhat ruangah si loin Vancung Pennak chung na luh cang ruang tu ah tangdornak le nun thianhlinnak, ṭhatnak na ngeih tu asi deuh. Kanmah ṭhatnak le tuahnak ruangah khamh kan si lo bantukin kanmah thianhlim ruangah le mah chambaunak kan i hmuh ruangah Vancung Pennak ka...

Kan Pathian nih cun kan hmailei kong hi a kan theih dih hirhiar ko. Israel mi cu a kamhmi hna ram an phak tikah an tlamtling i Bawipa philh in ram dang pathian an biak laimi a hmuhcia mi nih a lung a fahter ngaingai. Cu bangin nupi kan tthit dingmi nu le va kan ngeih lai dingmi pa nih hin pa dang a kan duh tak ding le nu dang a kan duh tak te ding hi hngal cia cio usihlaw kan tthi in kan va hrim hna hnga lo, nain Bawipa nih cun a thimmi le a dawtmi a fale kan cung tu ahcun a cung i zumhtlak kan si lai lo hi hngalh ko buin thluachuah pek le thiamcoh kan si zungzal. Amah belte a sualmi cung le lungthin dang a ngeimi cung ahcun chiatnak ka tuah ve lai a ti tu Pathian asi ve. Na tuhmi na zun ko lai... Kannih cu Pathian si cio usihlaw Israel mi hi Kanaan ram luhter kan duh lai ka zumh lo, a ruang cu Kanaan ram an luh in Pathian bia ti loin pathian dang an biak cang lai caah asi.. Pathian nih kan caah tthatnak tampi tuahpiak hi a kan duh tuk ko nain hmailei ah zeidah kan si lai timi a kan h...