Ni a liam cuammah, zarh le thla hna zong nih anmah kal ning cio in an liam cuahmah ve hna i kum zong cu raulo tein kumkhat hnu kumkhat kan phak ballo mi kum hna chungah kan um cuahmah. Minung kan hngalh khawh lomi tampi chungah Bawipa nih kan caah a tthabik in Thlarau, thinlung le taksa damnak he a kan hruai zungzal ko. Bawipa min thangthat si ko seh. Amen! Ni le zarh, thla le kum hna an liam cuahmah mi caan hna hi na ruat bal maw? A liamcia caan vialte nih hin zeidah an pek? Lawmhnak le hnangamnak maw? Ttah aihramnak le lung retheihnak hna dah? Na nupi le na vapa cungah hin na lung a tling peng rih maw? Zungzal umpi ding ah le dawt zungzal dingah naa thimmi asi zungzal rih ko maw? Na duh cem in na dawt cemmi asi peng maw? Na fanu le fapa hna hi teh Bawipa duhning in an tthang maw? Nu le Pa hmaizah upat a thiammi le nu le pa tthit hruainak tangah um duhmi an si maw? Nanu le napa teh na daw hna in an cungah theihthiamnak le zangfahnak na ngei maw? Nan ngeihmi cungah lung lawm tein na um thiam maw? Nungak le tlangval zong nih teh kan no lioah duhmi nu le pa paoh maw kan kawl ko lai? zungzal va ca ding le nupi ding dah Bawipa tinhpiakmi dah kan kawl cang lai? Phun tampi in ttial awk a um ko lai nain kan tuahmi kipah hin Bawipa duhning le lawmhmi an si dih hnga maw? ti hi a biapi cemmi cu asi.
Pathian nih hin kanmah le kan ca cio ah zeizong vialte hi a tthabik in a kan pek dih i hi a kan pek dih ciami lawmhzia thiam hi a biapi taktak! Caan a liam cuahmah mi nih hin kan innchungkhar lawmhnak kalpi hlah sehlaw nu le va, fanu le fapa, nu le pa karlak i a ummi dawtnak hi a hlan hnak in Bawipa Jesuh nih Keimah nih kan dawt hna bantukin pakhat le pakhat nan i dawt awk asi a ti baktukin kan i dawtchin awk asi. Amen! Zeizong vialte hi Pathian tinhning in an si dih ko ti hi van fianter ka duh: Mawtor ka mawngh pah in ka hmai ka hei zoh i ka hmuhmi cu a hnah a ttil dih i thli le vur nih duhtawk tein an tlakmi le an hranhmi thingkung khi asi, mah thinkung nih hin thlichia le vur nih duh paoh in tlak awkah thinkung sinak a duh ruangah thinkung sinak a co si loin Pathian nih thinkung na si lai a rak tinak ruang lawnglawng ah a rak si. Cubantuk cun kan nih minung zong hi vawlei ser hlanin Pathian nih Jesuh Khrih thawngin sermi le khamhmi kan rak si ding hi a rak timhmi le tlintermi asi. Amen! Minung kan simi hi Bawipa kan thangtthat awk a va si dah. Chim ka duh taktakmi cu zumtu tampi nih kan ton cuahmahmi hna hi Pathian nih nan ton awk asi ve ko timi thil tampi kan tonmi an um ve ko tihi ka chim duhmi cu asi.
Na ruat bal maw? Minung ser kan rak si hi a kan sertu Pathian thangtthat dingah le a nawlbia zulh dingah le Amah ttihzah in nung dingah le a nawlbia hna tuah dingah pei ser kan rak si cu.. Sihmanhsehlaw vawlei cung minung tampi cu Pathian duhnak tuah le zulh hnak in kanmah duhnak tuah le zulh in kan can kan hmang zungzal ko. Mah duhnak a zulmi le tuahmi ah maw na tel rih, Pathian duhnak ai thimmi dah na si cang! Fakpi in ruatti hna usih ti ka duhmi cu Bawipa nih serhnawh chan na sinak he tlakin na nung ve cang maw? tihi asi! Serhnawh chan he tlakin kan nun lo tikah Pathian thinlung a fak tawn. Noah chan ahcun vawlei cung hi sualnak le thinlung tthalo in an khah kha Bawipa Pathian nih a hmuh tikah minung vawlei i a rak ser hi aa ngaihchih. Cu lawng si loin Saul zong Bawipa nih Amalek mi hrawh dih dingin a thlah nain a fialmi vialte tuah dih loin Pathian nawl a ngeih lo caah Saul siangpahrang i a rak thim hi aa ngaihchih tthiam ve. Cubantukin nangmah le keimah zong hi a kan sertu kan Pathian nih tinhmi ngeite in le saduhthahnak tampi he ser kan si ve. Noah chan i minung dang vialte sualnak a tuahmi le Saul siangpahrang bantukin maw Bawipa Kan Pathian nih mah nu le mah pa vawlei ah ka rak chuahter hi cu kaa ngaihchih timi maw kan si ve hnga? Si naisai hlah! Kannih cu Pathian duhnak le tinpiakmi, serhnawh chan kan sinak hngalh in kan Pathian hi thangthat in a duhnak zulh le Amah duhnak tuah hi i sehchih ko hna usih..
Bawipa duhnak tuah le a nawl zulh hi na duhmi asi ko ahcun Noah nih a innchungkhar a luatter bantuk in le Rahab nih a nu le pa, tta le unau vialte tiang in a luatter bantukin na innchungkhar, na nu le pa, unau vialte, na pawngkam le na umnak Khrihfabu, na miphun, vawlei cung minung vialte cungah Pathian duhnak ai thim ti loin Pathian biak i thangthat le biakinn hman a phan ti lomi tampi kha na Pathian sinah na kirpi tthan khawh hna lai. Amen! Bawipa nih a tak in a tlau cangmi kirpitu ah kan hmangchin cio ko seh.. Noah nih a innchungkhar hna cu buanchukcho in a luatpi hna, Rahab in Jerikoh hrawhnak in a nu le pa, tta le innchungkhar le an neihmi satil tiang in a luatpi hna. Nang le keita zeidah kan i luatpi ve hnga? Na ruat bal maw?
Na ruat bal maw? Na thih tikah zei tuanbia dah na ttial te lai? Bawipa sin i na dir tikah zeidah naa chuahpi te lai? Mi zeidah naa luatpi mi hna cu an si lai? Na innchungkhar luattertu dingah na dir lai lo maw? Na innchungkhar le sahlaw chung i biakinn a phan ti lomi biakinn phakpitu na si ve lai lo maw? Thlacam a huam ti lomi thlacam pitu na si ve lai lo maw? Kan Pathian thangthat hmanh a hngalh ti lomi thangtthat pitu na si ve lai lo maw? Na umnak Khrihfabu chung i biakinn a phanti lomi biakinn phakpi tu dingah na tho ve cang lai lo maw? Na miphun nih Pathian hnulei an chit cuahmah mi ruangah hin na ttap ve cang lai lo maw? Vawlei cung minung vialte caah Pathian fa na sinak le Khamhnak a co cangmi na sinak hi zoh chunhtlak nun he hmai ah na kal ve cang lai lo maw? Na ruat bal maw? Minung i ser na rak si hi Pathian ttihzah in nung dingah le a nawlbia vialte zulh in tuah dingah pei ser na rak si cu... Ka Bawipa nih sunparnak cu co zungzal ko seh....
——-
PHUNGCHIMTU 12:13
Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.
Pathian nih hin kanmah le kan ca cio ah zeizong vialte hi a tthabik in a kan pek dih i hi a kan pek dih ciami lawmhzia thiam hi a biapi taktak! Caan a liam cuahmah mi nih hin kan innchungkhar lawmhnak kalpi hlah sehlaw nu le va, fanu le fapa, nu le pa karlak i a ummi dawtnak hi a hlan hnak in Bawipa Jesuh nih Keimah nih kan dawt hna bantukin pakhat le pakhat nan i dawt awk asi a ti baktukin kan i dawtchin awk asi. Amen! Zeizong vialte hi Pathian tinhning in an si dih ko ti hi van fianter ka duh: Mawtor ka mawngh pah in ka hmai ka hei zoh i ka hmuhmi cu a hnah a ttil dih i thli le vur nih duhtawk tein an tlakmi le an hranhmi thingkung khi asi, mah thinkung nih hin thlichia le vur nih duh paoh in tlak awkah thinkung sinak a duh ruangah thinkung sinak a co si loin Pathian nih thinkung na si lai a rak tinak ruang lawnglawng ah a rak si. Cubantuk cun kan nih minung zong hi vawlei ser hlanin Pathian nih Jesuh Khrih thawngin sermi le khamhmi kan rak si ding hi a rak timhmi le tlintermi asi. Amen! Minung kan simi hi Bawipa kan thangtthat awk a va si dah. Chim ka duh taktakmi cu zumtu tampi nih kan ton cuahmahmi hna hi Pathian nih nan ton awk asi ve ko timi thil tampi kan tonmi an um ve ko tihi ka chim duhmi cu asi.
Na ruat bal maw? Minung ser kan rak si hi a kan sertu Pathian thangtthat dingah le a nawlbia zulh dingah le Amah ttihzah in nung dingah le a nawlbia hna tuah dingah pei ser kan rak si cu.. Sihmanhsehlaw vawlei cung minung tampi cu Pathian duhnak tuah le zulh hnak in kanmah duhnak tuah le zulh in kan can kan hmang zungzal ko. Mah duhnak a zulmi le tuahmi ah maw na tel rih, Pathian duhnak ai thimmi dah na si cang! Fakpi in ruatti hna usih ti ka duhmi cu Bawipa nih serhnawh chan na sinak he tlakin na nung ve cang maw? tihi asi! Serhnawh chan he tlakin kan nun lo tikah Pathian thinlung a fak tawn. Noah chan ahcun vawlei cung hi sualnak le thinlung tthalo in an khah kha Bawipa Pathian nih a hmuh tikah minung vawlei i a rak ser hi aa ngaihchih. Cu lawng si loin Saul zong Bawipa nih Amalek mi hrawh dih dingin a thlah nain a fialmi vialte tuah dih loin Pathian nawl a ngeih lo caah Saul siangpahrang i a rak thim hi aa ngaihchih tthiam ve. Cubantukin nangmah le keimah zong hi a kan sertu kan Pathian nih tinhmi ngeite in le saduhthahnak tampi he ser kan si ve. Noah chan i minung dang vialte sualnak a tuahmi le Saul siangpahrang bantukin maw Bawipa Kan Pathian nih mah nu le mah pa vawlei ah ka rak chuahter hi cu kaa ngaihchih timi maw kan si ve hnga? Si naisai hlah! Kannih cu Pathian duhnak le tinpiakmi, serhnawh chan kan sinak hngalh in kan Pathian hi thangthat in a duhnak zulh le Amah duhnak tuah hi i sehchih ko hna usih..
Bawipa duhnak tuah le a nawl zulh hi na duhmi asi ko ahcun Noah nih a innchungkhar a luatter bantuk in le Rahab nih a nu le pa, tta le unau vialte tiang in a luatter bantukin na innchungkhar, na nu le pa, unau vialte, na pawngkam le na umnak Khrihfabu, na miphun, vawlei cung minung vialte cungah Pathian duhnak ai thim ti loin Pathian biak i thangthat le biakinn hman a phan ti lomi tampi kha na Pathian sinah na kirpi tthan khawh hna lai. Amen! Bawipa nih a tak in a tlau cangmi kirpitu ah kan hmangchin cio ko seh.. Noah nih a innchungkhar hna cu buanchukcho in a luatpi hna, Rahab in Jerikoh hrawhnak in a nu le pa, tta le innchungkhar le an neihmi satil tiang in a luatpi hna. Nang le keita zeidah kan i luatpi ve hnga? Na ruat bal maw?
Na ruat bal maw? Na thih tikah zei tuanbia dah na ttial te lai? Bawipa sin i na dir tikah zeidah naa chuahpi te lai? Mi zeidah naa luatpi mi hna cu an si lai? Na innchungkhar luattertu dingah na dir lai lo maw? Na innchungkhar le sahlaw chung i biakinn a phan ti lomi biakinn phakpitu na si ve lai lo maw? Thlacam a huam ti lomi thlacam pitu na si ve lai lo maw? Kan Pathian thangthat hmanh a hngalh ti lomi thangtthat pitu na si ve lai lo maw? Na umnak Khrihfabu chung i biakinn a phanti lomi biakinn phakpi tu dingah na tho ve cang lai lo maw? Na miphun nih Pathian hnulei an chit cuahmah mi ruangah hin na ttap ve cang lai lo maw? Vawlei cung minung vialte caah Pathian fa na sinak le Khamhnak a co cangmi na sinak hi zoh chunhtlak nun he hmai ah na kal ve cang lai lo maw? Na ruat bal maw? Minung i ser na rak si hi Pathian ttihzah in nung dingah le a nawlbia vialte zulh in tuah dingah pei ser na rak si cu... Ka Bawipa nih sunparnak cu co zungzal ko seh....
——-
PHUNGCHIMTU 12:13
Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.
Comments
Post a Comment