Nunnak Petu Thawngṭha

Maw ka miphun vialte hna le ka unau vialte hna, Pathian bia nih hin zeitlukin dah an thawt ve i abia ah hin naa nuamh ve. Pathian a ngei lomi caah cun thawtnak a um bal lai lo i pawpi a ngeilo mi caah cun rawlttam a um ve bal lai lo. Pathian hi kaa lawngin dawt khawhmi Pathian a si hrimhrim lo ee. Bawipa nih kan miphun a kan zangfah i ram tthatnak ah khua kan sa cang hna, tlamtingnak tampi chungah kan nung hna nain kan nganhmi a um i cucu Pathian kan lawmhter lo mi hi asi. Nihin kan sining tein kan nun lengmang ko ahcun tuhnu kumhra ah hin zeidek kan lawh te hnga. Ahlei in ramdang a phan cangmi kan miphun nih Pathian kan fuhpanh ning hi zoh tikah atthang lei si loin tumchuk lei kan panh cuahmah ko hih. Cuve bang in Lai lei zong phaisa a tam lai i Pathian duhnak cu kan kaltak cuahmah ve ko lai ka zumh. Khrihfabu kip cioah ai pummi kan tlawm cuahmah, ramdang kan phanhkaa cio Pathian kan kawl ning le nihin Pathian kan kawl ning cu tampi kan i dang cang hih. Ka thinlung a fak ngaingai ...

Vawlei cung minung vialte nih hin kawlmi kan ngei cio i taksa in nun damnak le chawva hi fakpi in kan kawl cio. Thlarau lei nunnak taktak a kawlmi hi cu minung tlawmte taktak kan si. Nihin zumtu ai timi tampi zong nih hin kan kawlmi taktak cu Thlarau nunnak lam lei si loin chawva in tlamtlinnak hi fak deuh in kan zuanhnawh cio ko. Jesuh nih hin chawva a biapinak hi a chim ballo i zungzal nunnak a biapinak tu hi cu fakpi in a chim, minung pakhat nunnak hi vawleipi he a tahchunh. Minung pakhat nunnak hi zeitlukin dah a sung tihi minung nih kan hngal kho ngaingai loh, Sihmanhsehlaw Pathian le Fapa Jesuh nih cun fiang tein an hngalh caah a Fapa hrimhrim cu vawlei khamhtu ah a run thlahnak cu asi i cu ve bangin Fapa Jesuh zong nih cun nunnak a biapi tuknak kha a chim lengmang ve. Minung pakhat nunnak hi vawleipi hngak in man sung deuh asi i misualmi Bawipa lei an kir tthan tikah hin vancungah lawmhnak nganpi a um tiah a cawnpiak hna. Rumnak taktak phanhnak lam cu Jesuh Khrih zumhnak...

Nihin zumtu vialte le thawngtha chimtu vialte nih hin a ho kong dah kan chim i zei kong dah kan chim timi hi ruattti ding in kan sawm hna. Thawngtha chim fial kan si taktak mi hi zeidang kong si hrimhrim loin kan caah athi i atho tthanmi Fapa Jesuh Khrih kong hi Thawngtha nan chim lai tiah fialmi cu asi. Kan kenmi Thawngtha cio ah hin Bawipa Jesuh kong an si lengmang awk an si…  Jesuh Khrih vawlei a nun chungah a cawnpiak lengmang mi hna hi keimah cawnpiaknak si loin a ka thlahtu ka Pa sin in a rami cawnpiaknak asi a ti lengmang.. Jesuh Khrih nih a kan chimhmi cu ka Pa nih a ka thlah bantukin Kei zong nih kan thlah ve hna tiah a ti, cu bantuk tthiamtthiam in Amah nih a kan thlah caah Amah sinin kan hmuhmi cawnpiaknak hin midang kan cawnpiak ve hna awk asi. Jesuh Khrih zong a Pa nih na chim lai timi te kha a chim i kannih zong Jesuh Khrih nih Keimah kong nan chim lai a ti bangin Amah kong kan chim awk le Thiang Thlarau nih a kan chimhmi le cawnpiakmi kha kan chim chin awk c...

        Bawipa nih a chimmi cu temhinnak mei chungah kan hneksak hna nain santlailo nan si, hneksak tlak nan si lo ee tiah a ti, cucu si ti hram hlah usih. Zumtu tampi nih kan ruahchih ve a haumi cu zumhnak in ruahchannak ah kan nunnak ah hin kan tak maw, taklo ti hngalhnak ah harnak le temhinnak in hneksak ve kan si tihi kan philh ve lo awk asi. Cu ve bangin kan cung i a tu lio a tlungmi harnak le kan tonmi cio hna zong hi Bawipa nih an kan hneksannak a si kho ko, cucaah a dongh tiang ingkholo si lion Bawipa zumhnak he tei khawh i zuam ko hna usih. Zumhnak in na tei hnu lawnglawng ah inkhawhnak na ngei lai... Biatak cu kan tonmi harnak le temhinnak vialte hi zumhnak in kan tei hmasa lawngah a dongh tiang inkhawhnak kan ngei lai i a dongh tiang inkhawhnak nih cun hneksak na simi cungah suisit na sinak na langhter ve lai. Bawipa nih zumhnak in teinak in pe hna seh law zumhnak in teinak na hmu hnu ah Bawipa nih an tinhpiakmi hmun le can na phak tiang inkhawhnak in ...

Bawipa nih a chimmi cu ka mi a khaltu hna hi mihrut le minga men an si ee tiah a ti. Cubantuk tthiamtthiam in nihin zumtu tampi le hruaitu tampi zong hi Bawipa nih a kan ti ve lai ka zumh. Zeicatiah Bawipa ruahnak hal ta loin kan tuahmi le kan khanmi hi an tam lengluang. Zumtu hman nih cun Bawipa ruahnak hal hmasa, halmi kha Bawipa nih a kan leh hnu ah tuahdingmi le khan dingmi asi nain nihin i kan zulhdawimi he cun airalkah tuk khi kan si. Zeibantuk minung dah Bawipa nih mihrut, minga a timi hna cu an si tiah cun mah ruahnak lawng rinh i Bawipa ruahnak a hal ballomi minung hna hi mihrut le minga tiin Bawipa nih auhmi kan si. Mihrut le minga cazin ah ai telmi hna cu: 1. Bawipa ruahnak a hal ballomi hruaitu cu Bawipa nih mihrut, minga men an si tiah ati.. 2. Bawipa ruahnak a hal ballomi hruaitu cu khuaawng an tong ballo tiah ati... 3. Bawipa ruahnak a hal ballomi hruaitu cu an hruaimi hna mipi an i thek tiah a ti.. 4. Hruaitu na si lo hmanh ah na innchungkhar ca le pumpak nangmah...

Chan Hmun Thawng, nangmah an sertu Bawipa nih hi tihin kan ti tiah ati: + Nangmah an sertu Bawipa nih na thin phanghlah tiah kan ti.. + Nangmah an sertu Bawipa nih kan huhphenh lai tiah a ti.. + Nangmah an sertu Bawipa nih Nangmah cu na min in kan auh tiah a ti.. + Nangmah an sertu Bawipa nih nangmah cu Keimah ta na si kan ti tiah ati.. + Nangmah an sertu Bawipa nih ti thuk na tan tikah na sinah ka um lai tiah kan ti a ka ti.. + Nangmah an sertu Bawipa nih meialh na tan tikah an kangh lai lo kan ti tiah ati.. + Nangmah an sertu Bawipa nih harnak na inmi nih an hliam lai lo kan tiah ati.. + Nangmah an sertu Bawipa nih Keimah cu Bawipa na Pathian ka si tiah a ka ti.. + Nangmah an sertu Bawipa nih nangmah an khamhtu Pathian thiang ka si tiah a ka ti... + Nangmah an sertu Bawipa nih nangmah luatter dingah miphun ngan kha ka hlawt ko hna lai kan ti tiah a ka ti.. + Nangmah an sertu Bawipa nih na nunnak khamh awkah miphun pipi zong ka hlawt ko hna lai tiah a ka ti.. + Nangma...

Nikhat cu Baibal ka rel i a tang i ka van langhtermi Baibal hin Pathian nih a ka chawnh bak tiah ka zumh i ka nun ah um kholo in mah Pathian bia hi ka rak ttial. Rak rel ve law na Pathian nih zei an tinak kong hi van ka hrawmh ve tuah. Ka Pathian, mah na bia nih hin ka nun ah tthawnnak nganpi a ka pek i ruahchannak thar a ka pek tthan. Zeitlukin dah na ka dawt kha a ka hmuhter chin i na rak ka thim cianak na chim tthanmi bia nih hin voi tampi lawmhnak le ruahchannak in raltthatnak an ka phurh tthan. Ka Pa, Bawipa ka Pathian nih a ka timi cu hitihin asi: • Ka Pa ka Pathian nih Van hramdeng Khuafo khua in Chicago khua ah kan ratpi a ka ti... • ka Pa ka Pathian nih vawlei cung khua hmebik khuafo khua in kan kawh tiah a ka ti... • Ka Pa ka Pathian nih Nangmah cu ka sal na si tiah a ka ti... • ka Pa ka Pathian nih kan hlaw ballo tiah a ka ti.. • Ka Pa ka Pathian nih Athim in kan thim lehlam tiah a ka ti... • ka Pa ka Pathian nih na thin phang hlah ti...

Nikhat cu thla ka cam lio ah Pathian Aw fiang tein ka theihmi aum. Pathian kan Pa nih a chimmi cu hihi asi: Ahodah ka fial lai? Ahodah ka lamkal asi lai ti i a chim thawng kha ka theih. Keinih ka thawh i Bawipa keimah ka kal lai, keimah ka thlah tuah tiah lunglawmnak mitthli he ka leh cawlh ve... Bawipa kan Pathian nih hin mizei paoh bia ruah le Amah riantuantu si cio a kan duh. Kanmah duh ningin arianttuan si loin Amah duhning in ariantuantu si hna seh tihi a kan duh cio. Pathian Thawngtha chim lawng hi si loin Pathian riantuantu  sining phun tampi a um. Nihin zumtu tampi nih Pathian riantuan ti ah kan ruahmi cu Pastor ttuan, Evangelist kal, Thawngtha chim, Mission riantuan le Thlah hna hi a tam deuh nih kan ruah khawhmi asi. Sihmanhsehlaw Pathian nih kan rianttuantu tiah a auhmi hna cu Amah duhning in le Amah fialning in a riantuantu hna hi kan si. Pathian riantuan ding hi vawlei ah ttuan cawk lo an si ko nain kannih nih kan ruahmi cu Thawngtha chim tiang lawng kan ruah caah h...

Atang i Bawipa kan Pathian nih a chimmi bia hi ka rel tikah ka lau ngaingai. Bawipa nih a chimmi hna chungah hin kaa tel ve sual hnga maw tiah minute pakhat deng ka van i check i khua ka ruat.. Nang zong van i ruat ve law zei nai ti hnga dek. Biapi asimi cu kanmah le kanmah attha i kan i hmuh hi biapi si loin Bawipa nih a ttha in a kan hmuh tu hi biapimi cu a rak si deuh.. • Pathian nih a chimmi cu hi mi hna nih hin kan in biak an ti sihmanhsehlaw an bia cu sullam ngeilo lawng te asi ati... • Hi mi hna nih hin kan in biak an ti sihmanhsehlaw an lung cu kaa dangpi ah a um tiah Pathian nih a ti.. • Hi mi hna nih hin kan in biak an ti sihmanhsehlaw  Biaknak an timi cu minung serchommi phung hi biaknak an timi cu asi tiah Pathian nih ati.. • Hi mi hna nih hin kan in biak an ti sihmanhsehlaw Biaknak an timi cu pupa hna nih an zulh tawnmi lam lawnglawng kha biaknak an timi cu a si tiah Pathian nih ati.. • Hi mi hna nih hin kan in biak an ti sihmanhsehlaw Biakn...

Dam in nan um cio hna maw? Nan umnak hmunkip cio ah Bawipa nih thluachuahnak in chapchin cio ko hna seh. Zeidah Bawipa nih tuah hna seh ti a kan duh timi hi fakpi in kawl khawh rak i zuam cio ulaw tiah kan sawm hna.. Nai hrawng cu fak ngaiin khua a ka ruahter ngaimi a um i cucu minung hi khua khangtu maw kan si cang i minung khuakhanmi cungah lung a tlinpitu le tlam a tlintertu, bia a ngeitu men hi maw ka Pathian hi asi cang timi hi ka ruahmi cu asi. Minung hi khuakhan cia chung a duhmi le timh tuahnak ngeih chung a duh ngaimi miphun kan si taktak ko. Asinain minung hi maw khuakhangtu kan si peng ko lai? Minung hi maw timhtuahnak a rak ngei chungmi kan si ko lai? Kan Pathian hi kan khuakhannak ah le timhtuahnak kan ngeihnak ah hin ai tel ve ti hnga lo maw? Kan Pathian hi kan khuakhanmi le timhtuahnak kan ngeihmi cungah bia ngeitu menmen hi maw asi cang hnga? A ka sertu ka Pa, Pathian nih hin minung kan cungah nawl ngeihnak vialte maw pek dih kan si cang hnga? Minung nih khua khang ...