Ceunak Thawngttha nih an ngah peng ko rih

Dear Khrih chungchuak unau hna,
          Nunnak petu thawngtha ka rak in hrawmh tthan hna. Ataktak le ngaingai in anungmi Pathian rian lawng hi kan tuan awk le kan thangtthat awk asi nain taksa in kan nun rih ruangah hin taksa rian kan tuan lengmang rih ko. Sihmanhsehlaw kan nun chung teah hin Kan mah le si khawh ning cio in Bawipa riantuan ding hi timh caan asi cang. Nikhat ah nazi pakhat te tal hi cu Baibal Thiang relnak le thlacamnak ngeih khawh cio izuam hna usih. Bawipa nih sunparnak co zungzal ko seh.

LUKA 2:10 sihmanhsehlaw vancungmi nih cun a thawh hna i, "Nan thinphang hlah u; zeicahtiah nan sin i ka ratnak cu nan ca i thawngṭha he a si, cu thawngṭha nih cun mi vialte sinah lunglawmhnak a tlunter lai.

Acung Baibal zong hi Christmas lai i rel lengmang mi le theih lengmang mi asi ko nain thazang latti ding in kan sawm hna. Tuukhal pawl sin ah Bawipa van cung mi cu an ceunak in an hmuhbal lo mi khuaruahharnak he an langh tik ah  an ttihtuk i a celh in an celh lo. Cubantuk cun Vawlei ah kan ruah lo ning in khuaruah harnak phunphun le ton bal lo mi thil tampi nih minung hi ttihnak, phanhnak a kan pek ton tik ah sehtan sin in a ra mi asiah cun kan rawk hlan lo tiang in a kan tthuat i Pa Pathian sin in ara mi asi ah cun kan hmuh khawhnak ding le amah sin in ara mi asi kan theih khawh hlan tiang a kan chawnh i hnangamnak a kan chiah ta. Amen.. Cu lawng hlah zei a kan ti ta tiah cun nan thin phang hlah uh nan sin i  ceunak he ka ratnak cu nan caah Thawngttha he asi i Thawngtha nih cun mi vialte sin ah lunglawmhnak atlunter lai ati. Amen. Tuukhal hna caah cun cu ceunak nih cun Thawngttha cu aphurh taktak hna i lawmhnak taktak zong apek ti kha kan hmuh. Nang le kei caah teh ceunak taktak Thawngttha kan ti kho ve lai maw? Ni hin i thluak in theihmi ceunak Thawngttha asi sual maw? Asi sual ah cun nunnak in theihmi ceunak le nunnak in ngeihmi Jesuh khrih dawtnak Thawngttha lamtu ah panh cang hna sihlaw Bawipa sin in ara mi ceunak Thawngttha nih cun lawmhnak le deihnak taktak cu a kan pek lai. Amen! Bawipa nih sunparnak co ko seh. Amen...