Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafang asi nain cu tuahkhawhnak cu Thiang Thlarau nih a kan bawmh caah nawl kan ngeih khawhmi asi timi na fianchih lo ahcun nangmah nih tuahnak cun na lut kho lai lo tinak asi. Pathian Pennak chungah kan herhmi vialte a kan bawmtu taktak cu Thiang Thlarau asi I cu zong cu nifate Thiang Thlarau he thlacam hawikomhnak lawngin ngeihkhawhmi asi. Bawipa Jesuh nih Keimah he nan I pehlo ahcun zeihmanh nan tuah kho lai lo tiah a ti hnawhchan taktak cu nifate Thiang Thlarau he thlacam hawikomhnak in Amah hngah hi asi.
Tangdornak na ngeih ruangah le na nun a thianhlim ruangah Pathian Pennak chungah na luh si loin Pathian Pennak chung na luh cang ruang tu ah tangdornak le nun thianhlimnak in ṭhatnak na ngeih tu asi deuh. Kanmah ṭhatnak le tuahnak ruangah khamh kan silo bantukin kanmah thianhlim ruangah le mah chambaunak kan i hmuh ruangah Pathian Pennak kan luh si loin Pathian Pennak chung kan luh cang rungah kan chambaunak kan I hmuh le thianhlim nun kan duh a rak si deuh. Pathian Fapa Jesuh Khrih kan zumhnak ruangah kan zumhnak cu cohlan kan si i cohlan kan sinak thawng cun ti le Thlarau in kan hrinṭhan, Ti le Thlarau in kan hrinṭhannak in Pathian Pennak chungah kan lut ti hi biatak asi mi Pathian Fapa Jesuh Khrih nih a kan cawnpiakmi cu asi. Bawipa nih sunparnak co ko seh. Bawipa Jesuh Khrih vancung in vawlei a rung ṭum cu minung thinlung chungah Pathian Pennak dirh ah hin asi I a sullam cu Pathian nih Amah a zummi vialte Uk zungzal cang ding caah asi. Pathian Pennak ka ti lengmang mi hi Pathian nih Uk a kan duhnak thinlung chungin Minung thinlung chungah a luangmi asi I hmundang kaa dang ah aummi le kawl dingmi khi si loin kanmah chunglei hrimhrim ah ngeih dingmi Bawipa Jesuh Khrih nih a dirhmi Pathian Pennak(Uknak) tu hi asi. Cu Pathian Pennak cu minung vialte chungah tling rihlo in Pathian fale chung lawngah a tling khomi Pennak asi. Asi khawhnak cu kanmah duhthimnak thawngin asi I cucu Jesuh Khrih Khamhtu le Bawipa ah aiser I Pathian nawl ka ngai ve cang lai timi hna cung lawngah a tling khomi asi.
Pathian Pennak cu zeidah asi? Pathian Pennak kan ti lengmangmi cu Pathian Uknak timi khi a sullam asi I Pathian nih a kan Uk cang lai tinak zong a sullam asi. Pathian nih Uk a kan duhnak cu Satan Uknak chungin chuah a kan duh caah asi. Satan Uknak chungah kan um chung paoh cu thihnak le rawhnak lawng te an si caah asi. Pathian nih a kan Uk ahcun Satan nih a kan tongh khawh ti lo ding caah asi. Zei ruangah dah Bawipa Jesuh hi Pathian Pennak Thawngṭha chim ah a ṭum hnga timi hi van ruat ve hmanh! Aruang cu Pathian Uknak chungah hin thluachuah vialte a tling dih caah asi. Vawlei cungah hin Pennak pahnih aum I cucu Pathian Pennak le Satan Pennak asi. Satan Pennak cu thisa nungmi caah cun a nuam ngaimi a lo nain kan donghnak ah a kan hrawktu le thattu asi I Pathian Pennak cu a nuamlo ngai dingmi a lo nain a zungzal in kan caah nunnak le damnak in tlamtlingnak tiang a kan petu asi. Thiang Thlarau bawmhnak le hruainak in cun Pathian Pennak chung um hi vawlei cungah lawmhnak le nun diriamhnak a khahcemnak hmun asi. Pathian Pennak(Uknak) a kawl taktakmi cu Pathian nih a kan Uk zungzal cang lai tinak zong asi. Jesuh Khrih, Khamhtu le Bawipa ah aiser taktakmi cu kan nun chung vialte in a sin kan phanh tiang Pathian nih a kan uk zungzal cang lai tinak zong asi. Pathian nih Uk zungzal a kan duhnak cu kanmah caah a ṭhat zungzal nakding caah asi.
Bawipa Jesuh hi Pathian Pennak(Uknak) chim dingah a rat tikah Amah le Amah hi ka Pa duhnak in ka nung zungzal timi hi a langhtermi cu asi. Cu a langhtermi sullam cu Pathian Pennak chungah ka nung ve lai a timi hna nih nun kan thiam nakding caah asi. Bawipa Jesuh nih Pathian Pennak hi biapituk in a chiahnak a ruangbik cu Pathian Pennak chungah umnak hngakin a ṭhami le a tlingmi hmundang aumlo caah asi. Pathian Pennak chungah kan um ko I Pathian nih a kan uk taktak ko ahcun Bawipa Jesuh nih a rathnawhchan vialte hi Pathian fale kan chungah a tling hrimhrim ding khi asi. Pathian fale nih kan ngeih dingmi nunnak le ziaza taktak kan ngei maw timi nih Pathian Pennak chungah kan um taktak le um taktaklo cu an langhter ko.
Pathian Pennak cu Thuhmi Rothil bantuk asi timi zong hi Thuhmi Rothil taktak, zeizong vialte zuar le kaltak in cawk le fuh a phumi cu Bawipa Jesuh Khrih lawnglawng asi. Pathian Pennak cu Thuhmi Rothil Bantuk asi a ti tikah hin Pathian Pennak hi Rothil bantukin cawkkhawh taktakmi le hmuhkhawh taktakmi asilo. Thuhmi Rothil bantukin hmuhkhawhmi taktak cu Pathian Pennak taktak asimi Bawipa Jesuh Khrih hrimhrim hi asi. Biapi asimi cu vawleicung minung vialte nih lungvar mansung le rothil kan kawl bantukin Bawipa Jesuh hi hmuhhlan le tonhlan tiang kawl a phucemmi cu Amah lawnglawng asi caah Thuhmi Rothil bantukin ka kawl u tiah a kan cawmpiaknak asi. Lungvar Mansungbik bantukin le Thuhmi Rothil bantukin kawl zungzal dingmi hi Pathian Pennak asimi Pathian Dinnak, Bawipa Jesuh Khrih lawnglawng hi asi. Bawipa Jesuh kawl I ngeih dingah pei vawlei cungah ka rak chuah hi asi ko cu timi hi thei cio usihlaw minung vialte nih kan kawl hmasacem dingmi hi Pathian Penak le Pathian Dinnak asimi Bawipa Jesuh lawnglawng hi kan kawl hmasa zungzal hnga. Biatak te asi: Pathian Pennak le Pathian Dinnak asimi Bawipa Jesuh hmuhhlan le ngeihhlan tiang kawl zungzal dingah le hmuhhnu le ngeihhnu zong kawl zungzalnak in a duhnak zulh dingah le a nawlngai dingah sermi le khamhmi pei kan si cu…
Bawipa Jesuh nih biapituk ah a chiahmi cu zeidang vialte hlanah le zeidang vialte hnakin Pathian Pennak le Pathian Dinnak asimi Keimah hi na ka kawl hmasa dingmi asi timi hi asi I cucu na kawl tikah Thuhmi Rothil le Lungvar Mansung na kawl bantukin na ka kawl lai. Na ka hmuh tikah na ngeihmi vialte hlawtsian in le na nunnak tiang pek sian na ka duh in na ka dawt lai tiah cahtak kan si. Bawipa Jesuh nih zulh nan ka duh ahcun nangmah le nangmah naa hlawt lai I keimah hnak in aho hmanh na daw deuh lai lo a timi le Thuhmi Rothil na hmuh tikah na ngeihmi vialte zuar in na cawk lai a ti hnawhchan taktakmi hi Bawipa Jesuh cungah kan ngeih dingmi le kan tuah dingmi a chimduhmi a rak si. Ka chimtawn lengmangmi cu Pathian hi phaisa kan kawl bantukin kawl zungzal usihlaw Pathian cu kan hmuh zungzal hnga I Thlarau in kan rum in kan khat taktak hnga. Thlarau in kan rum taktak ahcun vawleicung chawva le thilri cu chimhaulo in kanmah ta dih an si ko hnga. Thlarau in kan rum taktak ahcun kan ngeihmi cungah lungriam tein nun a kan thiamter I ngeihmi cungah lunglawm tein nunthiam hi Bawipa Pathian nih mirum atimi hna cu kan si. Thlarau in kan rumlo caah le Thlarau in kan khahlo caah kan duhbikmi le kan kawlbikmi hi Bawipa Jesuh siloin vawlei thil lawngte an sinak a rak si. Thlarau in kan rum taktak rihlo caah vawlei thilri kan herh zungzal le kan kawl zungzalnak hi asi. Thlarau in rum in khat usihlaw rumchin kan duhdingmi le khahchin kan duhmi cu thildang siloin Bawipa Jesuh in rum le Thlarau in khah hi asi ko hnga. Nihin ah rum le khah na duhmi Pathian asi rihlomi khi na khuaruah rak har hlah, a ruang cu Thlarau in na rumballo caah le Thlarau in na khahballo caah asi. Phundang in chim ahcun Pathian thawtnak na tep ballo caah asi. Pathian thawtnak cu tep bal law cu Pathian kawllo in le Pathian duhlo in cun na nung kho bal lai lo.
Bawipa Jesuh nih Pathian Pennak kawl hmasa ulaw tiah a kan fialmi cu mit in hmuhkhawhmi hmun dangah kawl dingmi khi siloin mit in hmuhkhawhlomi Pathian THINLUNG chungah aummi uknak kawl ding tu hi asi I Cucu nangmah le keimah thinlung chungah Pathian Uknak cu um dingin Amah Uknak tang ah ka nung cang lai timi hna nih kawl a kan fialmi cu asi. Pathian Pennak kawl fial kan simi cu Pathian Uknak le Pathian thinlung kawl asi timi nawlhṭhan ka duh ko. Pathian Pennak kawl fial kan si mi cu Pathian Uknak hi asi I Cu Uknak cu kan kawl tikah Uknak maw biapi deuh? Uknak ngeitu dah timi hi asi. Chimchih ka duhmi cu Uknak kan kawl tikah a ngeitupa hi biapi deuhmi cu asi. Uknak ngeitupa na hmuh tik lawngah Uknak tang I um hi hmual a ngeimi cu asi. Cu Pathian Pennak(Uknak) tangah le Pathian Pennak chungah cun Dinnak, Daihnak le Lawmhnak in thilṭha vialte an tling dih cikceknak hmun asi. Pathian nih Amah Pennak kawl a kan fialmi hi a ruang aum I cucu Amah Pennak hnakin a ṭhami le a tlingmi in a dik I thluachuahnak in a khatmi Pennak dang aumlo caah asi. USA Pennak tang I kan um hmanh ah zeitlukindah thluachuah kan co I kan I lawmh hi ruat law Pathian Pennak chung chinchin I kan nun ahcun zeitlukin dah thluachuah kan co chinchin lai. Cucaah pei ka pennak le zeidah tuah hna seh ti ka duhmi na kawl hmasa ko ahcun thil dang vialte zong chapchih nan si ko lai a tinak kha asi cu…
A taktak le ngaingai ti ahcun minung vialte hi Pathian Pennak chungah nung dih usihlaw hnahchuah in remlo le buaibainak hi aum ti hngalo I Pathian duhnak lawng a tling lai caah vawlei hi vanram nun taktak cu kan phan hrimhrim hnga. Pathian Pennak kawl ah kai thawh ve cang lai na ti ahcun Pathian nih Uk zungzal na duh cang lawngah thluachuah na copi lai. Cucaah pei kan pale nih nawlngaih, nawlngaih tiah an kan cawnpiak lengmangnak khi asi cu. Pathian Uknak ka kawl cang lai na ti ahcun Pathian nawl na ngaih hrimhrim a herh. Amah belte Pathian nawl ka ngai cang lai na ti tik zongah nangmah le keimah biakhiahnak kan ngeihmi lawngin kan ngeihkhawh dihlo caah a zungzal in nawlngaih duhnak le nawlngaih khawhnak tiang Bawmtu Thiang Thlarau a kan pek I Cu Thiang Thlarau thawng cun Amah he hawikomh duhnak in hawikomhnak chungah a kan luhpi I Amah he hawikomhnak chungin a chuakmi ṭhawnnak hna nih nawlngaih duhnak in nawlngaih khawhnak tiang an hrin ve. Halleluijah. Amen.
Pathian Pennak(Uknak) kawl na duh I hmuh na duh ko ahcun na thinlung in na zeizong vialte hi Pathian nih hung ka uk cang seh timi lungthin he na kawl lawngah hmuhkhawh in ngeihkhawh dingmi Pathian Pennak asi. Pathian Pennak na kawl I na hmuhmi na ngeihkhawhnak dingah cun Pathian nih an ukkhawh lawnglawng ah ngeihkhawhmi asi. Pathian nih na thinlung an ukkhawh rihlo ahcun Pathian Pennak chungah na lut rihlo tinak asi. Vancung in vawlei ah Bawipa Jesuh a rat cu Pathian Pennak dirh ah asi I cu Pathian Pennak a dirhmi cu minung thinlung chungah a dirhmi asi, cu minung thinlung chungah a dirhmi Pathian Pennak cu Amah a zum I Khamhtu le Bawipa ah aisermi nunnak ah Amah duhning in uk zungzal dingah Pathian Pennak cu dirh khi asi. Pathian Pennak kan chungah dirh asi timi cu Pathian nih a kan uk cang tinak asi, cu Pathian nih a kan uk zungzal cang lawngah Pathian duhnak taktak hi kan cungah a tling in a phan kho ve. Cucaah vancung ah na duhnak a tlin bantukin hi vawlei cung zongah na duhnak tling ko seh tiah thla kan cam tawnmi kha asi.
Bawipa Jesuh nih hin Pathian Pennak chung i kan um hnu ah Pathian nih tuah hna seh ti an duhmi hna zong kawl ulaw tiah a kan fialchih ve. Pathian Pennak kan kawlmi kan hmuh timi sullam cu Pathian kan hmuh cang I Pathian nih a kan uk cang tinak asi, Pathian nih a kan uk cang hnu zong ahcun Pathian nih zeidah tuah hna seh ti a kan duhmi hi kan kawl ṭhiamṭhiam a hau ve tinak asi. Cu Pathian duhnak kan kawlmi nih a langhtermi cu Pathian nawl kan ngai I Pathian Uknak tangah kan um cang timi kan langhternak asi. Cu Pathian nih tuah hna seh ti a kan duhmi kan hngalhkhawhnak dingah Bawipa Pathian duhning in kan hngalhkhawk nakding ah caan saupi zong kan I rauhpi kho men. Cucu Bawipa nawl asi. Zumhnak kan ti lengmangmi hi lungsau tein Bawipa thinlung hngah khawh hi zumhnak kan ti lengmang taktakmi cu asi. Amah belte Bawipa kan hngahnak hin kanmah lei thinlung hi Bawipa duhning in kan hngak maw timi cu a biapi taktakmi asi. Bawipa duhning in kan hngahlo ahcun zei can na hngah zong ah Bawipa nih an fialduhmi rian cu na hngal bal lai lo.
Keimah zong Pathian Pennak chungah ka luh hnu ah Pathian nih zei dah tuah seh ti a ka duhmi ka hngahnak ah kumhnih leng ka rau ve. Pathian Pennak chungah ka lut ka timi cu minung umnak hmun ah siseh umlonak hmun ah siseh Pathian nih a kan uk cangnak khi ka chimduhmi cu asi. Pathian ukcangmi taktak na si ahcun minung thangṭhat le minung mithmai cu na kawl lengmang ti lai lo. Nifate in na kawl zungzal dingmi cu na caah a thi I a thoṭhanmi na Bawipa Bawipa Jesuh duhnak le lawmhter in Amah mithmaizoh lawng hi asi ko lai. Ahohmanh nih Bawipa mithmaizoh kan thiam dihlo nain Thiang Thlarau nih a kan bawmh cio ko. Bawipa Pathian sinah thla ka cam lengmangmi cu zeidah tuah seh ti na ka duh timi hi asi. Lungdonglo tein kumhnih chung thla ka cam hnu ah Bawipa Pathian nih “miphun vialte sinah va kal law ka Thawngṭha va chim,” timi hi tuah seh ti a ka duhmi cu asi. Halleluijah. Amen. Zumhtlak Pathian asinak cu lungdonglo in na hngah lengmangnak in a langhter ve lai. Pathian nih tuah seh ti an duhmi na hngalhhlan chung cu Pathian Pennak chung I na um cang I Bawipa nih an uk cang zong ah an fialmi rian na hngalhhlan chung cu na rian a lim khomi na si bal lai lo I Bawipa Jesuh nih a kan cahtakmi pakhat na tlolhrih tinak asi hnga. Biapi taktak ve mi cu Pathian Pennak chungah Bawipa Pathian nih an uk lawng si loin Pathian nih an fial ve mi na rian zong na hgalh hrimhrim a herh. Pathian nih an fialmi rian na hngalh hnu hmanh ah hin zeitikahdah ka awt lai timi tiang hngalh hi a biapituk ve. Cu vialte Pathian nih an fialmi rian le an fialmi rian cu zeitikahdah ka awt lai timi hngalhkhawhnak tiang zong cu nangmah le Thiang Thlarau hawikomhnak na ngeihmi a tlawmtam nih bia a chim lai. Thiang Thlarau he hawikomhnak ngeih hi Pathian Pennak chungah aummi kan caah kan ṭhawnnak in teinak kan hmuhnak hmun le Bawipa Pathian sinin biathli kan hngalhnak hmun asi.
Pathian Pennak chungah ka um cang na ti ahcun Pathian nih zeizong vialte cungah an uk cang tinak asi. Minung hmuhnak tiangah a nungmi le minung thangṭhatnak a kawlmi si ti loin Pathian hmuhnak le Pathian thangṭhatnak lawng a kawlmi na si cang tinak asi. Asullam cu Luhhmuhzi in na nung kho tilo tinak asi. Pathian Pennak chungah aum cangmi cu mi nih fialchawmmi chungah kan nunglo I kan chungah anungmi Thiang Thlarau hruainak in kanmah tein tuah dingmi le zulhding in rianlim dingmi hi ngeih peng asi. Pathian Pennak chungah na um le umlo langhtertu cu nifate na tuahdingmi na ngeih pengmi nih a langhter. Pastor tampi cu Khrihfabu nih cucu na tuah lai timi in rian an ṭuan ahcun cucu Pathian Pennak chungah aummi hna nun asilo, sihmanhsehlaw Khrihfabu nih na tuah awk asi an timi lengah anmah tein rian a ngei zungzalmi hna nun hi Pathian Pennak chungah aummi Pastor kan ti hna. Pathian Pennak chungah aummi na si taktak ko ahcun mi nih chimceih awk men cun na um bal lai lo, a ruang cu an in ceihkhawhnak lengah aummi Pathian Pennak tangah na um cang caah asi. Pathian Pennak Thawngṭha kan chim cuahmahmi chungah nuncawn hi biapi ngaiin chim ciomi asi. Cu nuncawn kan chim lengmangmi cu minung mit hmuhrem khi si loin Pathian hmuhrem hi an si awk asi. Chimduhmi cu nuncawn timi kan zuanhnawhnak ah kanmah nun nih ngeihta loin a cawn in kan cawn tikah thiam in thiam ṭung I nun in ngeihlo, lenglei in tangdor ngaimi lawh ṭung I chunglei in tangdorlo khi ka chimduhmi cu asi. Ataktak le ngaingai ahcun Pathian Pennak chungah kan um ahcun tangdor nun cu kan ngeih dingmi theitlai pakhat cu asi hrimhrim nain kanmah chunglei ah tangdor nun ngeih tiang nun kan phanh rihlo ahcun cawnnak le zuamnak in cun ngeihkhawhmi cu an si ve hrimlo. Amah belte kan chunglei ah tangdor nun kan ngeih cang hmanh ah hin nuncawnnak in hman kan cawn lengmang an hau ve timi cu chimhaulo asi ko. Kan ngeihciami hmanh hi hmualngei ngaiin hmanthiamnak nun kan phanh cu saupi kan I rauhpi cio ko. Ngeihlomi bel chimthiamnak le ziathiamnak in cawnmi nun cun hmuh khawh asilo, Pathian Pennak chung I kan nunnak ah kan herhbikmi thinlung in a luangmi ziaza tiang ngeihkhawhnak dingah cun Thiang Thlarau he hawikomhnak ngeih lengmang loin kan phan lai ka zum lo.
Pathian Pennak chungah aum cangmi nun hi awsang le awniam cungah aihngatchanmi silo in Pathian ngaihnak le Pathian nih uk zungzalnak tu ah aihngatmi asi deuh. Pathian Pennak chungah na um ko ahcun Bawipa nih an zangfah lai I mi nih an duhmi nun le ṭhuttodir zong na thiam caan a phan te ko lai. Cu ṭhuttodir na thiam hlan cu thiam zong vaitim len duh hlah, na thiam hmanh ah lenglei lawngin na thiam lai I chunglei cu na phan bal lai lo. Chunglei nun taktak in na ngeihlomi cu an ziamzau ko lai. Nuncawn kan ti lengmang hi ziaza remh in silo in thinlung remh asi timi hi na hngalh dingah chim kan duh ve. Na thinlung na remh taktak ko ahcun na ziaza zong cu airemh caan a phan te ko lai. Thinlung airemh taktak mi cu an ziaza remhnak ah a langh bantukin an ziaza remhnak tiang a langh ve lo ahcun thinlung remhmi an si ti awk a ṭha ve hngalo. Amah belte nuncawn kan timi hi kanmah duhnak in nuncawn kan timi asi belte ahcun ahohmanh kan thinlung ahcun an bau lengmang ko hnga. Biapi simi Bawipa nih nun cawn a timi asi ko ahcun Bawipa na lawmhter ko lai. Bawipa lawmhter hi biapicemmi cu asi. Bawipa lawmhtermi na si taktak ko ahcun minung zong cu na lawmhter ve hrimhrim ko hna lai. Zeiruangah tiah cun Pathian Pennak cu minung sinah pei dirh asi cu: Pathian Pennak chungah ka um I Pathian nih a ka uk cang na ti taktak ko ahcun minung hawi I an sining in cohlan khawhnak Thiang Thlarau nih an pek lai. Minung hi an sining in cohlan khawhnak nun na ngeihrihlo ahcun Pathian Pennak chung I na nunnak ah ṭhan na herhnak a langhter venak asi.
Bawipa Jesuh nih mi nun va tah hlah u timi hi Thawngṭha chimnak ah sum dingmi khi chimduhmi silo in minung le minung kan I pehtlaihnak ah hmanlo ding hi a chimduhmi cu asi. Thawngṭha chimnak ah nuntahnak na chimlo ahcun zeitindah an sual le suallo, an ding le dinglo, nawl an ngaih le ngaihlo an I hngalhkhawh hnga? Amah belte minung le minung he nai pehtlaihnak ah minung dang nun na tah lengmang ahcun a ho he hmanh nan I pehtlai kho lai lo. Aruang cu minung kan thinlung in kan chim ahcun kanmah tawk tein kan rak I tah cio I kan thinlung ah hin a tlingmi hi an um ruamlo. Pathian Pennak chungah na um I Pathian nih an uk cang ahcun minung dang hi anmah nun ruangah silo in Bawipa Jesuh ruangah lunglawm tein cohlan khawhnak nun na ngeih te ko lai. Mah nun phanhnak belte ahcun Thiang Thlarau he hawikomhnak chungah na rum hrimhrim a herh. Thiang Thlarau he hawikomhnak chungah na rumlo ahcun a theih cu na theih lengmang ko lai nain na nunpi kho bal lai lo I a tak zong in na chungah a tling bal lai lo.
--
JOHAN 3:3
Jesuh nih cun, "Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo," tiah a leh.
JOHAN 3:5
Jesuh nih cun, "Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo.
1 KORIN 3:16
Pathian biakinn nan si kha nan hngalh i Pathian Thlarau nan chung i a um zong kha nan hngalh.
1 KORIN 6:19
Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si;
LUKA 17:21
Ahohmanh nih, 'Zohhmanh, hika ah a um hih, khika ah a um khih,' an ti kho lo; zeicahtiah Pathian Pennak cu nan chungah pei a um cu," tiah a ti hna.
Pathian Pennak cu zeidah asi? Pathian Pennak kan ti lengmangmi cu Pathian Uknak timi khi a sullam asi I Pathian nih a kan Uk cang lai tinak zong a sullam asi. Pathian nih Uk a kan duhnak cu Satan Uknak chungin chuah a kan duh caah asi. Satan Uknak chungah kan um chung paoh cu thihnak le rawhnak lawng te an si caah asi. Pathian nih a kan Uk ahcun Satan nih a kan tongh khawh ti lo ding caah asi. Zei ruangah dah Bawipa Jesuh hi Pathian Pennak Thawngṭha chim ah a ṭum hnga timi hi van ruat ve hmanh! Aruang cu Pathian Uknak chungah hin thluachuah vialte a tling dih caah asi. Vawlei cungah hin Pennak pahnih aum I cucu Pathian Pennak le Satan Pennak asi. Satan Pennak cu thisa nungmi caah cun a nuam ngaimi a lo nain kan donghnak ah a kan hrawktu le thattu asi I Pathian Pennak cu a nuamlo ngai dingmi a lo nain a zungzal in kan caah nunnak le damnak in tlamtlingnak tiang a kan petu asi. Thiang Thlarau bawmhnak le hruainak in cun Pathian Pennak chung um hi vawlei cungah lawmhnak le nun diriamhnak a khahcemnak hmun asi. Pathian Pennak(Uknak) a kawl taktakmi cu Pathian nih a kan Uk zungzal cang lai tinak zong asi. Jesuh Khrih, Khamhtu le Bawipa ah aiser taktakmi cu kan nun chung vialte in a sin kan phanh tiang Pathian nih a kan uk zungzal cang lai tinak zong asi. Pathian nih Uk zungzal a kan duhnak cu kanmah caah a ṭhat zungzal nakding caah asi.
Bawipa Jesuh hi Pathian Pennak(Uknak) chim dingah a rat tikah Amah le Amah hi ka Pa duhnak in ka nung zungzal timi hi a langhtermi cu asi. Cu a langhtermi sullam cu Pathian Pennak chungah ka nung ve lai a timi hna nih nun kan thiam nakding caah asi. Bawipa Jesuh nih Pathian Pennak hi biapituk in a chiahnak a ruangbik cu Pathian Pennak chungah umnak hngakin a ṭhami le a tlingmi hmundang aumlo caah asi. Pathian Pennak chungah kan um ko I Pathian nih a kan uk taktak ko ahcun Bawipa Jesuh nih a rathnawhchan vialte hi Pathian fale kan chungah a tling hrimhrim ding khi asi. Pathian fale nih kan ngeih dingmi nunnak le ziaza taktak kan ngei maw timi nih Pathian Pennak chungah kan um taktak le um taktaklo cu an langhter ko.
Pathian Pennak cu Thuhmi Rothil bantuk asi timi zong hi Thuhmi Rothil taktak, zeizong vialte zuar le kaltak in cawk le fuh a phumi cu Bawipa Jesuh Khrih lawnglawng asi. Pathian Pennak cu Thuhmi Rothil Bantuk asi a ti tikah hin Pathian Pennak hi Rothil bantukin cawkkhawh taktakmi le hmuhkhawh taktakmi asilo. Thuhmi Rothil bantukin hmuhkhawhmi taktak cu Pathian Pennak taktak asimi Bawipa Jesuh Khrih hrimhrim hi asi. Biapi asimi cu vawleicung minung vialte nih lungvar mansung le rothil kan kawl bantukin Bawipa Jesuh hi hmuhhlan le tonhlan tiang kawl a phucemmi cu Amah lawnglawng asi caah Thuhmi Rothil bantukin ka kawl u tiah a kan cawmpiaknak asi. Lungvar Mansungbik bantukin le Thuhmi Rothil bantukin kawl zungzal dingmi hi Pathian Pennak asimi Pathian Dinnak, Bawipa Jesuh Khrih lawnglawng hi asi. Bawipa Jesuh kawl I ngeih dingah pei vawlei cungah ka rak chuah hi asi ko cu timi hi thei cio usihlaw minung vialte nih kan kawl hmasacem dingmi hi Pathian Penak le Pathian Dinnak asimi Bawipa Jesuh lawnglawng hi kan kawl hmasa zungzal hnga. Biatak te asi: Pathian Pennak le Pathian Dinnak asimi Bawipa Jesuh hmuhhlan le ngeihhlan tiang kawl zungzal dingah le hmuhhnu le ngeihhnu zong kawl zungzalnak in a duhnak zulh dingah le a nawlngai dingah sermi le khamhmi pei kan si cu…
Bawipa Jesuh nih biapituk ah a chiahmi cu zeidang vialte hlanah le zeidang vialte hnakin Pathian Pennak le Pathian Dinnak asimi Keimah hi na ka kawl hmasa dingmi asi timi hi asi I cucu na kawl tikah Thuhmi Rothil le Lungvar Mansung na kawl bantukin na ka kawl lai. Na ka hmuh tikah na ngeihmi vialte hlawtsian in le na nunnak tiang pek sian na ka duh in na ka dawt lai tiah cahtak kan si. Bawipa Jesuh nih zulh nan ka duh ahcun nangmah le nangmah naa hlawt lai I keimah hnak in aho hmanh na daw deuh lai lo a timi le Thuhmi Rothil na hmuh tikah na ngeihmi vialte zuar in na cawk lai a ti hnawhchan taktakmi hi Bawipa Jesuh cungah kan ngeih dingmi le kan tuah dingmi a chimduhmi a rak si. Ka chimtawn lengmangmi cu Pathian hi phaisa kan kawl bantukin kawl zungzal usihlaw Pathian cu kan hmuh zungzal hnga I Thlarau in kan rum in kan khat taktak hnga. Thlarau in kan rum taktak ahcun vawleicung chawva le thilri cu chimhaulo in kanmah ta dih an si ko hnga. Thlarau in kan rum taktak ahcun kan ngeihmi cungah lungriam tein nun a kan thiamter I ngeihmi cungah lunglawm tein nunthiam hi Bawipa Pathian nih mirum atimi hna cu kan si. Thlarau in kan rumlo caah le Thlarau in kan khahlo caah kan duhbikmi le kan kawlbikmi hi Bawipa Jesuh siloin vawlei thil lawngte an sinak a rak si. Thlarau in kan rum taktak rihlo caah vawlei thilri kan herh zungzal le kan kawl zungzalnak hi asi. Thlarau in rum in khat usihlaw rumchin kan duhdingmi le khahchin kan duhmi cu thildang siloin Bawipa Jesuh in rum le Thlarau in khah hi asi ko hnga. Nihin ah rum le khah na duhmi Pathian asi rihlomi khi na khuaruah rak har hlah, a ruang cu Thlarau in na rumballo caah le Thlarau in na khahballo caah asi. Phundang in chim ahcun Pathian thawtnak na tep ballo caah asi. Pathian thawtnak cu tep bal law cu Pathian kawllo in le Pathian duhlo in cun na nung kho bal lai lo.
Bawipa Jesuh nih Pathian Pennak kawl hmasa ulaw tiah a kan fialmi cu mit in hmuhkhawhmi hmun dangah kawl dingmi khi siloin mit in hmuhkhawhlomi Pathian THINLUNG chungah aummi uknak kawl ding tu hi asi I Cucu nangmah le keimah thinlung chungah Pathian Uknak cu um dingin Amah Uknak tang ah ka nung cang lai timi hna nih kawl a kan fialmi cu asi. Pathian Pennak kawl fial kan simi cu Pathian Uknak le Pathian thinlung kawl asi timi nawlhṭhan ka duh ko. Pathian Pennak kawl fial kan si mi cu Pathian Uknak hi asi I Cu Uknak cu kan kawl tikah Uknak maw biapi deuh? Uknak ngeitu dah timi hi asi. Chimchih ka duhmi cu Uknak kan kawl tikah a ngeitupa hi biapi deuhmi cu asi. Uknak ngeitupa na hmuh tik lawngah Uknak tang I um hi hmual a ngeimi cu asi. Cu Pathian Pennak(Uknak) tangah le Pathian Pennak chungah cun Dinnak, Daihnak le Lawmhnak in thilṭha vialte an tling dih cikceknak hmun asi. Pathian nih Amah Pennak kawl a kan fialmi hi a ruang aum I cucu Amah Pennak hnakin a ṭhami le a tlingmi in a dik I thluachuahnak in a khatmi Pennak dang aumlo caah asi. USA Pennak tang I kan um hmanh ah zeitlukindah thluachuah kan co I kan I lawmh hi ruat law Pathian Pennak chung chinchin I kan nun ahcun zeitlukin dah thluachuah kan co chinchin lai. Cucaah pei ka pennak le zeidah tuah hna seh ti ka duhmi na kawl hmasa ko ahcun thil dang vialte zong chapchih nan si ko lai a tinak kha asi cu…
A taktak le ngaingai ti ahcun minung vialte hi Pathian Pennak chungah nung dih usihlaw hnahchuah in remlo le buaibainak hi aum ti hngalo I Pathian duhnak lawng a tling lai caah vawlei hi vanram nun taktak cu kan phan hrimhrim hnga. Pathian Pennak kawl ah kai thawh ve cang lai na ti ahcun Pathian nih Uk zungzal na duh cang lawngah thluachuah na copi lai. Cucaah pei kan pale nih nawlngaih, nawlngaih tiah an kan cawnpiak lengmangnak khi asi cu. Pathian Uknak ka kawl cang lai na ti ahcun Pathian nawl na ngaih hrimhrim a herh. Amah belte Pathian nawl ka ngai cang lai na ti tik zongah nangmah le keimah biakhiahnak kan ngeihmi lawngin kan ngeihkhawh dihlo caah a zungzal in nawlngaih duhnak le nawlngaih khawhnak tiang Bawmtu Thiang Thlarau a kan pek I Cu Thiang Thlarau thawng cun Amah he hawikomh duhnak in hawikomhnak chungah a kan luhpi I Amah he hawikomhnak chungin a chuakmi ṭhawnnak hna nih nawlngaih duhnak in nawlngaih khawhnak tiang an hrin ve. Halleluijah. Amen.
Pathian Pennak(Uknak) kawl na duh I hmuh na duh ko ahcun na thinlung in na zeizong vialte hi Pathian nih hung ka uk cang seh timi lungthin he na kawl lawngah hmuhkhawh in ngeihkhawh dingmi Pathian Pennak asi. Pathian Pennak na kawl I na hmuhmi na ngeihkhawhnak dingah cun Pathian nih an ukkhawh lawnglawng ah ngeihkhawhmi asi. Pathian nih na thinlung an ukkhawh rihlo ahcun Pathian Pennak chungah na lut rihlo tinak asi. Vancung in vawlei ah Bawipa Jesuh a rat cu Pathian Pennak dirh ah asi I cu Pathian Pennak a dirhmi cu minung thinlung chungah a dirhmi asi, cu minung thinlung chungah a dirhmi Pathian Pennak cu Amah a zum I Khamhtu le Bawipa ah aisermi nunnak ah Amah duhning in uk zungzal dingah Pathian Pennak cu dirh khi asi. Pathian Pennak kan chungah dirh asi timi cu Pathian nih a kan uk cang tinak asi, cu Pathian nih a kan uk zungzal cang lawngah Pathian duhnak taktak hi kan cungah a tling in a phan kho ve. Cucaah vancung ah na duhnak a tlin bantukin hi vawlei cung zongah na duhnak tling ko seh tiah thla kan cam tawnmi kha asi.
Bawipa Jesuh nih hin Pathian Pennak chung i kan um hnu ah Pathian nih tuah hna seh ti an duhmi hna zong kawl ulaw tiah a kan fialchih ve. Pathian Pennak kan kawlmi kan hmuh timi sullam cu Pathian kan hmuh cang I Pathian nih a kan uk cang tinak asi, Pathian nih a kan uk cang hnu zong ahcun Pathian nih zeidah tuah hna seh ti a kan duhmi hi kan kawl ṭhiamṭhiam a hau ve tinak asi. Cu Pathian duhnak kan kawlmi nih a langhtermi cu Pathian nawl kan ngai I Pathian Uknak tangah kan um cang timi kan langhternak asi. Cu Pathian nih tuah hna seh ti a kan duhmi kan hngalhkhawhnak dingah Bawipa Pathian duhning in kan hngalhkhawk nakding ah caan saupi zong kan I rauhpi kho men. Cucu Bawipa nawl asi. Zumhnak kan ti lengmangmi hi lungsau tein Bawipa thinlung hngah khawh hi zumhnak kan ti lengmang taktakmi cu asi. Amah belte Bawipa kan hngahnak hin kanmah lei thinlung hi Bawipa duhning in kan hngak maw timi cu a biapi taktakmi asi. Bawipa duhning in kan hngahlo ahcun zei can na hngah zong ah Bawipa nih an fialduhmi rian cu na hngal bal lai lo.
Keimah zong Pathian Pennak chungah ka luh hnu ah Pathian nih zei dah tuah seh ti a ka duhmi ka hngahnak ah kumhnih leng ka rau ve. Pathian Pennak chungah ka lut ka timi cu minung umnak hmun ah siseh umlonak hmun ah siseh Pathian nih a kan uk cangnak khi ka chimduhmi cu asi. Pathian ukcangmi taktak na si ahcun minung thangṭhat le minung mithmai cu na kawl lengmang ti lai lo. Nifate in na kawl zungzal dingmi cu na caah a thi I a thoṭhanmi na Bawipa Bawipa Jesuh duhnak le lawmhter in Amah mithmaizoh lawng hi asi ko lai. Ahohmanh nih Bawipa mithmaizoh kan thiam dihlo nain Thiang Thlarau nih a kan bawmh cio ko. Bawipa Pathian sinah thla ka cam lengmangmi cu zeidah tuah seh ti na ka duh timi hi asi. Lungdonglo tein kumhnih chung thla ka cam hnu ah Bawipa Pathian nih “miphun vialte sinah va kal law ka Thawngṭha va chim,” timi hi tuah seh ti a ka duhmi cu asi. Halleluijah. Amen. Zumhtlak Pathian asinak cu lungdonglo in na hngah lengmangnak in a langhter ve lai. Pathian nih tuah seh ti an duhmi na hngalhhlan chung cu Pathian Pennak chung I na um cang I Bawipa nih an uk cang zong ah an fialmi rian na hngalhhlan chung cu na rian a lim khomi na si bal lai lo I Bawipa Jesuh nih a kan cahtakmi pakhat na tlolhrih tinak asi hnga. Biapi taktak ve mi cu Pathian Pennak chungah Bawipa Pathian nih an uk lawng si loin Pathian nih an fial ve mi na rian zong na hgalh hrimhrim a herh. Pathian nih an fialmi rian na hngalh hnu hmanh ah hin zeitikahdah ka awt lai timi tiang hngalh hi a biapituk ve. Cu vialte Pathian nih an fialmi rian le an fialmi rian cu zeitikahdah ka awt lai timi hngalhkhawhnak tiang zong cu nangmah le Thiang Thlarau hawikomhnak na ngeihmi a tlawmtam nih bia a chim lai. Thiang Thlarau he hawikomhnak ngeih hi Pathian Pennak chungah aummi kan caah kan ṭhawnnak in teinak kan hmuhnak hmun le Bawipa Pathian sinin biathli kan hngalhnak hmun asi.
Pathian Pennak chungah ka um cang na ti ahcun Pathian nih zeizong vialte cungah an uk cang tinak asi. Minung hmuhnak tiangah a nungmi le minung thangṭhatnak a kawlmi si ti loin Pathian hmuhnak le Pathian thangṭhatnak lawng a kawlmi na si cang tinak asi. Asullam cu Luhhmuhzi in na nung kho tilo tinak asi. Pathian Pennak chungah aum cangmi cu mi nih fialchawmmi chungah kan nunglo I kan chungah anungmi Thiang Thlarau hruainak in kanmah tein tuah dingmi le zulhding in rianlim dingmi hi ngeih peng asi. Pathian Pennak chungah na um le umlo langhtertu cu nifate na tuahdingmi na ngeih pengmi nih a langhter. Pastor tampi cu Khrihfabu nih cucu na tuah lai timi in rian an ṭuan ahcun cucu Pathian Pennak chungah aummi hna nun asilo, sihmanhsehlaw Khrihfabu nih na tuah awk asi an timi lengah anmah tein rian a ngei zungzalmi hna nun hi Pathian Pennak chungah aummi Pastor kan ti hna. Pathian Pennak chungah aummi na si taktak ko ahcun mi nih chimceih awk men cun na um bal lai lo, a ruang cu an in ceihkhawhnak lengah aummi Pathian Pennak tangah na um cang caah asi. Pathian Pennak Thawngṭha kan chim cuahmahmi chungah nuncawn hi biapi ngaiin chim ciomi asi. Cu nuncawn kan chim lengmangmi cu minung mit hmuhrem khi si loin Pathian hmuhrem hi an si awk asi. Chimduhmi cu nuncawn timi kan zuanhnawhnak ah kanmah nun nih ngeihta loin a cawn in kan cawn tikah thiam in thiam ṭung I nun in ngeihlo, lenglei in tangdor ngaimi lawh ṭung I chunglei in tangdorlo khi ka chimduhmi cu asi. Ataktak le ngaingai ahcun Pathian Pennak chungah kan um ahcun tangdor nun cu kan ngeih dingmi theitlai pakhat cu asi hrimhrim nain kanmah chunglei ah tangdor nun ngeih tiang nun kan phanh rihlo ahcun cawnnak le zuamnak in cun ngeihkhawhmi cu an si ve hrimlo. Amah belte kan chunglei ah tangdor nun kan ngeih cang hmanh ah hin nuncawnnak in hman kan cawn lengmang an hau ve timi cu chimhaulo asi ko. Kan ngeihciami hmanh hi hmualngei ngaiin hmanthiamnak nun kan phanh cu saupi kan I rauhpi cio ko. Ngeihlomi bel chimthiamnak le ziathiamnak in cawnmi nun cun hmuh khawh asilo, Pathian Pennak chung I kan nunnak ah kan herhbikmi thinlung in a luangmi ziaza tiang ngeihkhawhnak dingah cun Thiang Thlarau he hawikomhnak ngeih lengmang loin kan phan lai ka zum lo.
Pathian Pennak chungah aum cangmi nun hi awsang le awniam cungah aihngatchanmi silo in Pathian ngaihnak le Pathian nih uk zungzalnak tu ah aihngatmi asi deuh. Pathian Pennak chungah na um ko ahcun Bawipa nih an zangfah lai I mi nih an duhmi nun le ṭhuttodir zong na thiam caan a phan te ko lai. Cu ṭhuttodir na thiam hlan cu thiam zong vaitim len duh hlah, na thiam hmanh ah lenglei lawngin na thiam lai I chunglei cu na phan bal lai lo. Chunglei nun taktak in na ngeihlomi cu an ziamzau ko lai. Nuncawn kan ti lengmang hi ziaza remh in silo in thinlung remh asi timi hi na hngalh dingah chim kan duh ve. Na thinlung na remh taktak ko ahcun na ziaza zong cu airemh caan a phan te ko lai. Thinlung airemh taktak mi cu an ziaza remhnak ah a langh bantukin an ziaza remhnak tiang a langh ve lo ahcun thinlung remhmi an si ti awk a ṭha ve hngalo. Amah belte nuncawn kan timi hi kanmah duhnak in nuncawn kan timi asi belte ahcun ahohmanh kan thinlung ahcun an bau lengmang ko hnga. Biapi simi Bawipa nih nun cawn a timi asi ko ahcun Bawipa na lawmhter ko lai. Bawipa lawmhter hi biapicemmi cu asi. Bawipa lawmhtermi na si taktak ko ahcun minung zong cu na lawmhter ve hrimhrim ko hna lai. Zeiruangah tiah cun Pathian Pennak cu minung sinah pei dirh asi cu: Pathian Pennak chungah ka um I Pathian nih a ka uk cang na ti taktak ko ahcun minung hawi I an sining in cohlan khawhnak Thiang Thlarau nih an pek lai. Minung hi an sining in cohlan khawhnak nun na ngeihrihlo ahcun Pathian Pennak chung I na nunnak ah ṭhan na herhnak a langhter venak asi.
Bawipa Jesuh nih mi nun va tah hlah u timi hi Thawngṭha chimnak ah sum dingmi khi chimduhmi silo in minung le minung kan I pehtlaihnak ah hmanlo ding hi a chimduhmi cu asi. Thawngṭha chimnak ah nuntahnak na chimlo ahcun zeitindah an sual le suallo, an ding le dinglo, nawl an ngaih le ngaihlo an I hngalhkhawh hnga? Amah belte minung le minung he nai pehtlaihnak ah minung dang nun na tah lengmang ahcun a ho he hmanh nan I pehtlai kho lai lo. Aruang cu minung kan thinlung in kan chim ahcun kanmah tawk tein kan rak I tah cio I kan thinlung ah hin a tlingmi hi an um ruamlo. Pathian Pennak chungah na um I Pathian nih an uk cang ahcun minung dang hi anmah nun ruangah silo in Bawipa Jesuh ruangah lunglawm tein cohlan khawhnak nun na ngeih te ko lai. Mah nun phanhnak belte ahcun Thiang Thlarau he hawikomhnak chungah na rum hrimhrim a herh. Thiang Thlarau he hawikomhnak chungah na rumlo ahcun a theih cu na theih lengmang ko lai nain na nunpi kho bal lai lo I a tak zong in na chungah a tling bal lai lo.
--
JOHAN 3:3
Jesuh nih cun, "Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo," tiah a leh.
JOHAN 3:5
Jesuh nih cun, "Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo.
1 KORIN 3:16
Pathian biakinn nan si kha nan hngalh i Pathian Thlarau nan chung i a um zong kha nan hngalh.
1 KORIN 6:19
Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si;
LUKA 17:21
Ahohmanh nih, 'Zohhmanh, hika ah a um hih, khika ah a um khih,' an ti kho lo; zeicahtiah Pathian Pennak cu nan chungah pei a um cu," tiah a ti hna.
Comments
Post a Comment