Kan si ning piin cohlan kan si

Dear khrih chungchuak unau hna,

      Nunank pet thawngtha ka rak in hrawmh tthan hna. Reltu nan dihlak cungah Bawipa nih Daihnak le lawmhnak thluahchuah inpe chin ko hna seh.

MATTHAI 9:2
A sinah khan mizengpa pakhat kha, a ihkhun in an rak zawnh. Jesuh nih an zumhnak kha a hmuh tikah mizeng pa cu, "Ka fapa, na lung dong hlah! Na sualnak cu ngaihthiam na si cang," tiah a ti.

     Ni hin ah kan mah nih i phurh khawh lo tiang in kan sualnak hi atam i kan thilrit nih a kan nehtuk cio. Cu lawng si loh harsatnak, lungretheihnak, buaibainak le dam lonak vialte nih a nenh in a kan nenh. Sihmanhsehlaw kan Bawipa Jesuh nih cun na si ningpi le na thilritpi in le na dam lo nak vialte, na sual ning piin rak ra ko, na sualnak cu ngeihthiam na si lai i na thilrit vialte cu kan chan lai i damnak cu pek na si lai tiah ni hin ah bia akan kamh. Amen! Jesuh Khrih nih cun nunnak pek ding in sual ngeihthiam ding le damnak pek ding in thawngtha he a rak kan hgah cio ko. Bawipa Jesuh Khrih lawnglawng hi miphun damnak, mipi damnak, kan sualnak in ngeihthiam kan sinak le taksa, Thlarau in kan damnak hrampi cu asi. Amen! Bawipa nih sunparnak co ko seh..