Lunglawmhnak chim hi Bawipa nih a kan fialta mi asi!

Dear Khrih chungchuak unau hna,
                Nunnak petu Thawngtha ka rak in hrawmh tthan hna. Reltu nan dihlak Bawipa nih alet tampi in Thlarau damnak in pe hna sehlaw taksa le thinlung damnak zong in chap chih ko hna seh.

MARKA 6:41

Cun Jesuh nih khan changreu tlang nga le nga pahnih cu a lak hna i van kha a zoh i Pathian sinah lunglawmhnak bia a chim. Changreu cu a cheu hna i a zultu kha a pek hna i mizapi kha pe hna u, tiah a ti hna. Cun nga pahnih zong kha an dihlak in a phawt hna.

MARKA 6:43

Cun a zultu hna nih khan changreu ṭiltlawt le nga ṭiltlawt cu sei hleihnih khat an char.

Acung i Baibal cacang hi nan theih lengmang mi asi. Jesuh le a zultu hna cu mibupi nih thawngtha vuai tein an ngeih hnu ah mibupu cu an lawipah ah an rawl a tam lai i an abu ava hri sual lai ti kha Bawipa Jesuh nih a phan ngaingai. Adawt mi hna fa le harsatnak ton hi asiang in a kan siang hrim lo. Amen! Azultu hna nih hi mi hna hi kalter hna law rawl vai i cawk hna seh an ti tik ah Jesuh nih a duh in a duh loh. A mi fa hna cu amah sin lawnglawng in Thluachuahnak hmuh le pek a kan duh. Amen.. Nan mah nih nan ngeih mi zei tal a um lo maw? tiah ahal hna. An ngeih mi cu an chimh i rak ka pe uh ati hnu ah a Pa sin ah lunglawmhnak a chim i mipi nih vuai cikcek an ei hnu ah tampi ahlei rih. Hi ka zawn ah thazang lak ka van duh mi cu zumtu u le nau hna Bawipa Jesuh nih a kan cawnpiak mi le a fa le nih van tuah hna seh ti a kan duh mi cu kan ngeihmi chung in lunglawmhnak biachim hi asi. Nihin ah na ngeihmi chawva, mawtaw, thilri hna le Pathian sin in na hmuhmi Rosung fanu le fapa hna cungah le nan ngeihmi vialte cungah lunglawmhnak rak chim ko. Na hmuh rih lo mi thil ah si loin na ngeih cang mi thil tu ah lunglawmhnak rak chim law zei zong vialte ngeitu Bawipa ai lawm lai i thildang vialte le na herh mi vialte zong an pek thiamthiam ko lai.Amen! Bawipa nih sunparnak co zungzal ko seh.