Nitin Baibal Relnak

GENESIS 42:3

Cucaah Josef ule pahra kha Izipt ram i rawl vung cawk awkah khan an kal.

GENESIS 42:6

Josef nih cun Izipt ram uktu a si bantukin rawl cu vawlei cung mi vialte kha a zuarh hna. Cucaah Josef ule zong cu an ra i a hmaiah cun an kun.

GENESIS 42:9

Anmah kong i mang a manhmi kha a hun hngalh i, "Mingiatu nan si; kan ram a dernak zawn kawl awkah nan ra," a ti hna.

GENESIS 42:15

Nan si si lo hngalhnak ah kan hneksak hna lai: Faro min chalh in chiat ka ser, nan nau hniang bik hika i a rat hlan cu nan kir kho lo.

GENESIS 42:16

Cucaah cun mi pakhat i thlah u law amah cu va ko u. Nan chimmi bia hi a hmaan le hmaan lo aa hliah hlan cu a dang cu thong ah nan um lai. Cu ti a si lo ahcun, Faro min chalh in, mingiatu nan si hrimhrim ko," a ti.

GENESIS 42:19

Nannih cu lihchim lomi nan si ahcun, thong i an in thlak hnanak inn ah khan pakhat lawng nan taang lai i a dang cu rawl ei awk a ngei lomi nan innchungkhar hna sinah khan nan rawl cawkmi cu nan hei phor lai.

GENESIS 42:20

Nan nau hniang bik kha biatak nan ka chim maw chim lo ti fiannak ah nan ratpi hrimhrim lai i cu ti nan tuah ahcun thah nan si lai lo," a ti. Annih zong, cu bantukin tuah awk cu an hna a tla.

GENESIS 42:21

Pakhat le pakhat kha, "Kan nau cung i ṭhat lonak kan rak tuah kha kan rak palh taktak; ka bawm ko sawh u tiah a rak kan nawl i a harnak kan hmu ko na i a bia kan rak theih duh lo kha! Kha ruangah khan atu harnak kan phak hi a si," tiah an i ceih.

GENESIS 42:23

Josef nih khan an chimmi cu a hngalh ko, sihmanhsehlaw anmah chawnhnak ah holh lettu kha a hman caah, annih nih cun kan chimmi a hngalh ti kha an hngal lo.

GENESIS 42:24

Josef cu a kal i a ṭap. An sinah bia ka chim kho cang lai a tiin a ra kir i Simeon kha a thim i an hmaika ah cun a khih.

GENESIS 42:25

Josef nih an sawngkhoi ah rawl a khat tein nan rawnpiak hna lai, cun an tangka kha an sawngkhoi ah nan sanhpiak cio hna lai i riahcaw nan ronh cio hna lai tiah nawl a pek hna i a chim bang cun an tuahpiak hna.

GENESIS 42:29

Kanaan ram i an pa Jakob sin kha an phak tikah an cung i a tlungmi thil vialte kha an chimh:

GENESIS 42:34

Cun nan nau hniang bik cu ka sinah nan ratpi lai. Cu ti nan tuah ahcun miding nan si, mingiatu nan si lo ti kha ka hngalh lai; nan unaupa kha kan pek ṭhan hna lai i hi ram chungah hin chaw nan let kho lai, a kan ti," an ti.

GENESIS 42:36

An pa Jakob nih cun a thawh hna i, "Fa loin pei nan ka chiah lai hi. Josef a lo cang; Simeon a lo cang; atu Benjamin zong kalpi nan duh fawn. A ingtu cu keimah ṭheo ka si ko," a ti.

GENESIS 42:38

Asinain Jakob nih, "Ka fapa nih cun an zul kho hna lo; a u a thi cang, amah lawng a tang. Lampi ah a thi sual hnga. Ka cung i nan tlunter sual ding ngaihchiatnak hi ka ing kho lai lo; ka tar tuk cang, a ka thah sual lai," a ti.

GENESIS 43:2

Jakob innchungkhar nih Izipt in an rak phorhmi rawl kha an ei dih tikah Jakob nih khan a fapale cu, "Vung kal ṭhan u law rawl cu tlawmpal tal kan cawkpiak ko kun u," a ti hna.

GENESIS 43:4

Kan naupa kha kan sin i kalter na sian ahcun kan kal lai i rawl cu kan vung in cawkpiak hna lai.

GENESIS 43:8

Judah nih khan a pa Israel cu, "Ngakchiapa cu keimah sinah kalter ko, cun kan i tim lai i kan kal ko lai. Cu ti lawnglawng cun kan dihlak in, nangmah he kan fale he, kanmah he rawl loin kan thi lai lo.

GENESIS 43:10

Rak kal u si law cu, atu hi voi hnih kan i let manh cang hnga," a ti.

GENESIS 43:13

Nan nau cu i kalpi u, i tim u law mipa sinah cun vung kal ṭhan u.

GENESIS 43:14

Lianngan Bik Pathian nih nannih cu in zaangfah hna seh law mipa nih cun nan unaupa kha le Benjamin cu ka sinah rak kirter hna seh. Ka fale nih nan ka thihtak a si ahcun thih tak pei dik a si ko lai," a ti.

GENESIS 43:16

Josef nih Benjamin kha an sin i a hmuh tikah, a inn a zohtu kha a thawh i, "Hi mi hna hi inn ah khan hei kalpi hna; sa pakhat in va that law va chuang, chun ah ka sinah rawl an ei lai," a ti.

GENESIS 43:18

A inn i an kalpi hna caah cun an thin a phang i, "Kan hnulei tan i kan phaisa kan sawngkhoi chung i an kan khirhmi ruangah khan a si ko lai. An kan zuanhnawh lai i sal ah an kan tlaih lai i kan laa hi an i lak hna lai," tiah an ruah.

GENESIS 43:23

Cun inn zohtu nih cun, "Nan thin phang hlah u. Nan lungre thei hlah u. Nan Pathian, nan pa Pathian nih hi tangka cu nan sawngkhoi chungah khan an chiahpiak hna. Hmasa i nan ka cawknak phaisa cu ka hmuh ko," a ti. Cun Simeon kha an sinah a ratpi.

GENESIS 43:26

Josef cu inn i a ra ṭin tikah inn chungah cun an laksawng kha an va pek i a hmaiah khan an kun.

GENESIS 43:29

A chuahpi a nau Benjamin kha Josef nih a hmuh tikah, "Hi pa hi nan ka chimhmi nan nau hniang bik cu a si ṭheo lai. Ka fapa, Pathian nih thluachuahnak in pe ko seh," a ti.

GENESIS 43:30

A nau a hmuh tikah Josef cu a hnarno a ṭam i cucaah cun khulrang in a kal. A ṭah dengmang caah a khaan chungah khan a lut zokzok i a va ṭap.

GENESIS 43:33

Josef unau pawl cu Josef hmaiah khan an kum aa channing tein aa chang diahmah in an ṭhutter hna, upa bik in ngakchia bik tiang cuticun an ṭhutter hna; cu bantukin an ṭhutter hna kha an hmuh tikah pakhat le pakhat khuaruahhar in an i zoh.

GENESIS 44:1

Josef nih a inn zohtu kha nawl a pek i, "An phorh khawh zat in an sawngkhoi ah rawl kha rawnh hna law an sawngkhoi ka cio ah an phaisa kha sanh.

GENESIS 44:2

Cun ngakchia bikpa sawngkhoi kaa ah khan ka ngun hrai le rawl cawknak ca i a tangka kha sanh," a ti. A chimh bantuk cun a tuah.

GENESIS 44:4

Cun khua in lamhla an kal hlanah khin, Josef nih a inn zohtu kha a thawh i, "I tim law va dawi hna. Na phak hna tikah, 'Zeicahdah thil ṭha cu thil ṭhalo in nan kan lehrulh?

GENESIS 44:5

Zeicahdah ka ngun hrai nan fir? Hi hrai hi ka bawipa nih dinnak ah a hmanmi hrai a si i hmailei ah zeidah a tlung lai ti zohnak i a hmanmi a si. Nan tuahmi hi thil ṭhalo ngaingai a si!" na va ti lai,' tiah a ti.

GENESIS 44:7

Annih nih, "Hi bantukin bia na chim tikah zeidah na chim duhmi a si, bawipa? Cu bantuk thil tuah ding cu a ruah in kan ruah balmi a si lo.

GENESIS 44:9

Bawipa, cu thil cu aho kan sin paoh hmanh ah na hmuh a si ahcun, cu pa cu thah si u sih, cun a taangmi cu na sal si u sih," tiah an leh.

GENESIS 44:10

Cun anih nih, "Ka hna a tla, asinain ahohmanh cu hrai a cungah hmuh a simi paoh cu ka sal nan si lai, a dang cu nan kal kho ko lai," a ti.

GENESIS 44:12

Josef inn zohtu pa nih khan ṭha tein a kawl, upa bik in aa thawk i ngakchia bik tiang a kawl i hrai cu Benjamin sawngkhoi chungah a hmuh.

GENESIS 44:13

An ngaihchiat in an puan kha an thleh i an laa cu an thil an chonh hna i khuapi leiah cun an kir.

GENESIS 44:16

Judah nih aa thawh i, "Bawipa, na sinah zeidah kan chim khawh rua hnga! Zeitindah kan i hlihphuah khawh rua hnga. Pathian nih kan sualnak kha a phuan cang, bawipa. Kan dihlak in pei dik na sal kan si ko lai, na hrai an hmuhnak pa lawng si loin," a ti.

GENESIS 44:17

Josef nih cun, "Si hlah, si hlah, cuticun kan ti hna hnga lo. Ka hrai an hmuhnak pa lawng kha ka sal a si ko lai. A dang cu nan pa sinah himte le dam tein nan kal ko lai," a ti.

GENESIS 44:20

Kannih nih, 'Bawipa, pa pakhat kan ngei i a tar cang; cun nau ngakchia kan ngei i cu pa cu a tar hnu i a hrinmi a si. Cu ngakchiapa i a u cu a thi i an nu i a hrinmi hna lakah amah lawng cu a nungmi a si; a pa nih cun a dawt ngaingai,' tiah kan in leh.

GENESIS 44:31

"Cucaah cun bawipa, ka pa sinah ka va kir i ka pa nih ngakchiapa kha ka sinah a rak hmuh lo ahcun, cu cangka cun a thi ko lai. Kan pa nunnak cu hi ngakchiapa nunnak he hin aa ṭemṭawn tuk. Tlangvalpa hi kan sinah aa tel lo a hngalh ahcun a thi ko lai i na salle nih hin na salpa kan pa sampar cu ngaihchia in Sheol ah kan liamter ko lai.

GENESIS 44:32

Cun bawipa, na salpa keimah nih hin hi ngakchiapa caah hin ka nunnak in ka pa sinah bia kaa kam i, na sinah ngakchiapa hi ka rak kirpi ṭhan lo ahcun, na hmaiah mawhchiatnak cu ka nun chung vialte ka in lai, ka ti.

GENESIS 44:33

Cucaah cun, bawipa, ngakchiapa ai ah hin keimah hi na sal ah hika ah hin ka um lai, anih tu hi a ule hna he kir hna seh.

GENESIS 44:34

Zeitindah ngakchiapa tel loin ka pa sinah ka kir ngam lai? Ṭhat lonak ka pa cung i a tlun hmuh lai kha a ngamh in ka ngamh lo," a ti.

GENESIS 45:1

Josef cu a zimuaitu hna hmaiah khan aa sum kho ti lo i, "Chuak dih hna seh," tiah a au. Josef nih a unau pawl kha aho a si a chimh hna lioah hin ahohmanh midang a sinah an um lo.

GENESIS 45:3

Josef nih a unau pawl cu, "Josef ka si. Ka pa kha a nung rih maw?" a ti. Sihmanhsehlaw a unau pawl nih khan an ṭih tuk i zeihmanh an let kho lo.

GENESIS 45:4

Cun Josef nih cun, "Rak ka naih deuh u," a ti hna i, "Keimah cu nan nau Josef, Izipt ram i nan zuarmi kha ka si.

GENESIS 45:5

Hi ram i nan rak ka zuar caah hin nanmah le nanmah sual i phaw hlah u, lung ṭhalo zongin um hlah u. A ngaingai ti ahcun nan hmai i a rak ka kaltertu hi Pathian a si i nan nunnak khamhnak ding caah a rak si.

GENESIS 45:7

Vawlei cungah hin tefa nan ngeih nakhnga le nanmah cu nan dihlak in nan nundam nakhnga le a nungmi bu nganpi nan si nakhnga caah Pathian nih nan hmai i a rak ka kalter hi a si.

GENESIS 45:9

"Cucaah cun ka pa sinah khulrang in va kir u law, na fapa Josef nih, 'Pathian nih Izipt ram vialte uktu ah a ka ser, cucaah khulrang in ka sinah ra.

GENESIS 45:13

Ka pa cu, zeitluk nawl ngei dah Izipt ram chungah hin ka si kha va chim u law nan hmuhmi thil zong kha va chim u. Cun khulrang in amah cu hika ah hin ratpi u," a ti.

GENESIS 45:17

Faro nih khan Josef cu, "Na unau pawl cu an thil kha an saṭil cungah khan chonh hna seh law Kanaan ram ah khan va kir hna seh.

GENESIS 45:18

Cun an pa le an innchungkhar kha va la hna seh law ka sinah ra hna seh. Izipt ram chung a chuakmi thil lak i a ṭha bik kha an ei lai.

GENESIS 45:20

An thilri kaltak kha an sia herh hlah seh, Izipt ram chung vialte i hmun ṭha bik cu pei an ta a si lai cu," a ti.

GENESIS 45:26

"Josef kha a nung ko rih. Amah cu Izipt ram vialte a uktu a si," an ti. Jakob cu a lung a caw i a zum kho hna lo.

GENESIS 45:27

Sihmanhsehlaw Josef nih a chimhmi vialte hna kha an chimh i amah Izipt ram i a kalnak ding caah Josef nih rangleng a kuatmi kha a hmuh tikah a lung aa lawm ngaingai ṭhan.

GENESIS 45:28

Cu tikah aa thawh i, "Ka fapa Josef a nung rih ti ka theih hi a za cang! Ka vung kal lai i ka thih hlanah ka vung hmuhtak lai," a ti.