EXODUS 1:6
Josef le a unau pawl vialte cu an thi dih, cu chanmi cu an dihlak in an thi dih.
EXODUS 1:7
Asinain Israel mi nih cun fa tampi an ngeih hna i an tam tuk i an ṭhan tuk hringhran caah cu ram cu an khat dih.
EXODUS 1:10
An tam chin lengmang ti nakhnga lo an cungah fim ngaiin kan ṭuan a hau lai. Ral a thawh sual ahcun kan ral hna sin tu ah khan an i ṭawm lai i kanmah kha an kan doh lai i kan ram hin an chuak lai," a ti hna.
EXODUS 1:11
Cucaah sal uktu bawi kha an cungah an chiah hna i rian fak ṭuan kha hnek rumro in an hnek hna, Israel mi nih cun rawl khonnak khua Pithom le Rameses kha Faro caah cun an sak.
EXODUS 1:12
Sihmanhsehlaw Izipt mi nih Israel mi cu fak deuh in an hrem hna paoh ah tam deuh in an karh i kau deuh ah an i ṭhek. Izipt mi nih cun Israel mi cu an huat hna i an ṭih hna;
EXODUS 1:16
"Hebru nu pawl kha fa nan ngeihter hna tikah, pa an si ahcun nan thah hna lai i nu an si ahcun nan nunh hna lai," tiah a ti hna.
EXODUS 1:17
Sihmanhsehlaw nau hrintertu sayamah hna nih cun Pathian kha an ṭih caah siangpahrang nawl kha an zul lo i pa zong kha an nunh hna.
EXODUS 1:20
Pathian cu sayamah hna cungah cun a ṭha i Israel mi cu an karh chin lengmang i an ṭhawng chin lengmang.
EXODUS 1:21
Sayamah hna nih khan Pathian kha an ṭih caah Pathian nih annih cu tefa a pek hna.
EXODUS 1:22
Cu tikah Faro nih a mi vialte kha nawl a pek hna i, "Hebru mi nih fa an hrinmi pa paohpaoh cu tiva ah nan hlonh dih hna lai, nu lawnglawng kha nan nunh hna lai," tiah a ti hna.
EXODUS 2:2
Fa a pawi i fapa pakhat a hrin. A chuak thiam ngaingaimi fapa a si kha a hmuh tikah thla thum chung a thuh.
EXODUS 2:3
A thuh khawh ti lo tikah khin phaikung in an tahmi bawm pakhat kha aa lak i farthling le bitumen in a nalh i cu bawm chungah cun a fapate cu a chiah i tiva kam ram lakah khan a va thuh.
EXODUS 2:4
A unute nih a cungah zeidah a tlung te lai tiin lamhlat nawn khin a cawngh.
EXODUS 2:6
Faro fanu nih cun a vun hun i a chungah ngakchiapate pakhat cu a rak um i cu ngakchiapa cu a hung ṭap. A zaang a fak ngaingai i, "Mah hi ngakchiate hi Hebru mi hna ngakchia pakhat a si ko lai," tiah a ti.
EXODUS 2:7
A farnute nih khan Faro fanu cu, "Hi ngakchia an zohkhenhpiaktu dingah Hebru minu pakhat in in auhpiak ning," tiah a ti.
EXODUS 2:9
Faro fanu nih khan ngakchiapa a nu cu a thawh i, "Hi ngakchiapa hi i lak law va ka cawmpiak. Cun na cawm man cu keimah nih kan pek lai," a ti. Cucaah nu nih khan ngakchia cu a lak i a cawm.
EXODUS 2:10
Ngakchia cu a ngan nawn tikah Faro fanu sinah cun a hei kalpi i a fapa ah a rak i ser. Aa thawh i, "Ti chungin ka chuahmi a si caah," a ti i a min ah Moses a sak.
EXODUS 2:11
Cu hnu tlawmpal, Moses cu a hung upat tikah khan, a phunhawi mi cu a va leng hna i zeitluk in dah rianhrang ṭuan an hnek hna ti kha a va hmuh. A miphun hawi pakhat Izipt mipa i a thah zong kha a va hmuh fawn.
EXODUS 2:12
A pawngkam kha a zoh i ahohmanh a hmuh hna lo tikah, Izipt mipa cu a thah i a ruak cu vawlei chungah a thuh.
EXODUS 2:13
A thaizing ah khan a va kal ṭhan i Hebru mi pahnih an rak i velh len ko kha a hmuh hna. A sualpa cu a thawh i, "Zeicahdah na phunhawi a si mipa cu na velh len ko?" a ti.
EXODUS 2:14
Cu pa nih cun aa thawh i, "Aho nih dah nangmah cu a kan uktu bawi le bia a kan ceihtu ding bawi ah an in ser? Izipt mipa na thah bantuk khan dahra thah na ka timh ve?" a ti. Moses cu a thin a phang i, "Ka tuahmi kha mi nih an hngalh ko cang hi ta," tiah a ruah.
EXODUS 2:15
Cucu Faro nih a hngalh tikah Moses cu thah a zalh. Asinain Moses nih cun a zamtak i Midian ram i va um awkah a kal. Cuka a va phak tikah tikhor pawngah khan a ṭhu.
EXODUS 2:21
Cuka um cu Moses nih cun a duh i Reuel nih khan a fanu Zipporah kha nupi ah a pek.
EXODUS 2:22
Fapa pakhat a hrin. Moses nih, "Kei cu midang ram ah khual ka si," a ti i a min ah Gershom a sak.
EXODUS 2:23
Caan saupi hnuah Izipt siangpahrang kha a hung thi. Israel mi cu an sal cannak ah khan an hrum an ai lengmang ko i bawmhnak hal in an ṭap. An ainak cu Pathian sin kha a phan i
EXODUS 2:24
an hrumainak kha a theihpiak hna i Abraham le Isak le Jakob sin i a sermi a biakamnak kha a philh lo.
EXODUS 2:25
Israel mi sal an sinak kha a hmuh i annih sinah khan aa hngalhter.
Comments
Post a Comment