Nitin Baibal Relnak

EXODUS 3:2

Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang ṭung lo.

EXODUS 3:3

Cucaah cun, "Ka hei naih deuh lai i ka hmuhmi thil khuaruahhar khi ka va zoh tuah lai. Zeicahdah burbuk khi a kangh dih kun hnga lo?" tiah a lung chungin a ti.

EXODUS 3:5

Pathian nih cun, "Ra naih deuh ti hlah. Na kedan kha i phoih, na dirnak hmun kha hmun thiang a si.

EXODUS 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si," a ti. Moses nih khan Pathian zoh cu a ṭih caah a hmai kha aa khuh.

EXODUS 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si," a ti. Moses nih khan Pathian zoh cu a ṭih caah a hmai kha aa khuh.

EXODUS 3:7

Cun Bawipa nih cun, "Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an 

khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 3:10

Atu cu nangmah kha Faro sinah kan thlah lai i ka mi Israel mi cu Izipt ram in na chuahpi hna lai," a ti.

EXODUS 3:11

Moses nih khan Pathian cu, "Faro sinah va kal i Israel mi Izipt ram in chuahpitu dingah cun kei cu ka tlak lo," a ti.

EXODUS 3:12

Pathian nih cun, "Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai," a ti.

EXODUS 3:13

Moses nih Pathian cu a thawh i, "Israel mi hna sinah ka va kal i, 'Nan pupa hna Pathian nih nan sinah a ka thlah,' ka va ti hna tikah, 'Ahodah a min a si?' tiah an rak ka hal lai, cu tikah zei a si ti ah dah ka leh hna lai?" a ti.

EXODUS 3:15

Cun Pathian nih Moses cu a thawh ṭhan i, "Israel mi cu, 'Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,' tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si," a ti,' tiah va chim hna.

EXODUS 3:18

Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, 'Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,' nan va ti lai.

EXODUS 3:19

Hramhram in hnek lo ahcun Izipt siangpahrang nih cun an kalter duh hna lai lo ti cu ka hngalh ko.

EXODUS 3:20

Ka ṭhawnnak kha ka hman lai i cuka ah cun khuaruahharmi thil kha ka tuah hna lai i cu khuaruahharmi thil cun Izipt cu dan ka tat lai. Cu hnu ceo ah cun an kalter hna lai.

EXODUS 3:21

"Izipt mi cu ka mi kha kan hmaizahter hna lai i cucaah nan kal tikah kutro in nan kal lai lo.

EXODUS 4:1

Moses nih cun a leh i, "Israel mi nih an ka zumh lo i ka chimmi an ngaih duh lo i, 'Bawipa cu na sinah a lang pek lai lo,' an ka ti ah tah zeitindah ka tuah lai?" a ti.

EXODUS 4:2

Bawipa nih cun, "Naa putmi kha zeidah a si?" a ti. Moses nih, "Ṭhiangṭhunh," tiah a leh.

EXODUS 4:3

Bawipa nih cun, "Vawlei ah khan hlonh," a ti. Moses nih cun a vun hlonh i rul ah a cang i a zaam.

EXODUS 4:4

Bawipa nih cun Moses cu, "A mei khan vun tlai," a ti. Moses nih cun a vun tlaih i a kut ah khan ṭhiangṭhunh ah a cang ṭhan.

EXODUS 4:5

Bawipa nih cun, "Bawipa, an pupa hna Pathian, Abraham Pathian, Isak Pathian, Jakob Pathian na sinah ka langh kha an zumh khawh nakhnga, kha ti khan na va tuah lai," a ti.

EXODUS 4:6

Bawipa nih khan Moses cu a thawh ṭhan i, "Na angki leng chungah khan na kut kha vun nawk tuah," a ti. A chim bang cun a vun nawh i a hun chuah ṭhan tikah a kut cu zawtnak nih a tlunh, ṭialṭang in a rang dih i hawhra bantuk a si.

EXODUS 4:7

Bawipa nih cun, "Na kut cu na angki leng chungah khan vun nawk ṭhan tuah," a ti. A vun nawh ṭhan i a hun chuah tikah, a tak dang bantuk khan dam hirhiar tein a um ṭhan.

EXODUS 4:8

Bawipa nih cun, "Nangmah kha an in zumh khawh lo i hmelchunhnak pakhatnak nih an lung a pemter khawh hna lo ahcun, pahnihnak tal nih hin cun a zumhter ṭheo hna lai.

EXODUS 4:9

Cun hi hmelchunhnak pahnih hna thawng zongin an zumh khawh hlei lo i na chimmi kha an ngaih duh ṭhiamṭhiam lo ahcun, tiva chung ti kha tlawmpal in na lak lai i vawlei ah khan na thlet lai. Cu ti cu thisen ah a cang lai," a ti.

EXODUS 4:10

Moses nih Bawipa cu, "Bawipa, kei cu ka ngaithiam ko; zapi sin biachim a thiammi ka si bal lo i na ka chawnh hnu zongah hin ka thiam hlei ṭhiamṭhiam lo, Bawipa . Kei cu biachim holhrel a thiam lomi, mikahak, leichum ka-aa ka si," a ti.

EXODUS 4:11

Bawipa nih cun a thawh i, "Minung hi a ka cu aho nih dah a pek? Aho nih dah hnachet in a tuah i holh kho lo in a ser? Aho nih dah hmuhnak a pek i aho nih dah a mit a cawtter? Cu ti a tuahtu cu Bawipa hi ka si lo maw?

EXODUS 4:12

Cucaah cun va kal ko; na holhnak ah kan bawmh lai i na chim ding kha kan chimh lai," a ti.

EXODUS 4:13

Sihmanhsehlaw Moses nih, "Bawipa, kei cu ka ngaithiam ko, midang tu thlah ko hna," tiah a ti.

EXODUS 4:14

Bawipa cu Moses cungah khan a thin a hung i, "Levi mi na u Aaron kha a um a si lo mei? Amah cu bia chim a thiam ngaingaimi a si kha ka hngalh. Atu hi nangmah don awkah a ra lio i nangmah kha hmuh an duh ngaingai.

EXODUS 4:15

Amah kha chim ding cu na chimh lai. Nan pahnih in chim awk kha kan bawmh hna lai i nan pahnih in nan tuah awk kha kan chimh hna lai.

EXODUS 4:17

Hi ṭhiangṭhunh hi i put, hi ṭhiangṭhunh hin khuaruahharnak na tuah hna lai," a ti.

EXODUS 4:19

Bawipa nih Moses kha Midian ram ah cun a chawnh i, "Atu cu Izipt ram ah vung kir cang, nangmah thah an duhmi vialte kha an thi cang," a ti.

EXODUS 4:21

Bawipa nih Moses cu a thawh i, "Atu cu Izipt ram ah na kir lio cang, na tuah khawh lai kan timi khuaruahharmi thil vialte kha Faro hmaiah na tuah hna lai. A lung ka ṭhawnter lai i mi cu kalter a duh hna lai lo.

EXODUS 4:22

Cu tikah Faro cu na thawh lai i, Bawipa nih, 'Israel cu ka fapa upa bik a si.

EXODUS 4:24

Lampi i an riahnak hmun pakhat ah Bawipa nih Moses kha a ton i thah a zalh.

EXODUS 4:25

Zipporah nih khan lung harmi pakhat aa lak i a fapa cuarpar kha a tan i cu lung cun Moses ke kha a tawngh hna. Zipporah nih cun, "Nangmah cu thisen chuahtertu ka va na si hrimhrim ko," a ti.

EXODUS 4:26

Cun Bawipa nih Moses kha a nunter. Cu caan ah cun pei, khaka ah khan, cuarpar tannak tuahmi ruangah khan, "thisen chuahtertu va," tiah a ti kha a si cu.

EXODUS 4:27

Bawipa nih Aaron cu a thawh i, "Moses ton awkah thetse ram ah khan va kal tuah," tiah a ti. Amah ton awkah cun Pathian tlang ah khan a va kal i a ton tikah a hnamh.

EXODUS 4:28

Pathian nih Moses cu kal a fial tikah a chimhmi vialte kha Moses nih cun Aaron cu a chimh dih i Bawipa nih tuah a fialmi khuaruahharmi thil vialte zong kha a chimh dih fawn.

EXODUS 4:29

Moses le Aaron cu an va kal i Israel mi hruaitu vialte kha an pumh hna.

EXODUS 4:30

Aaron nih cun, Pathian nih Moses a chimhmi vialte kha a chimh hna i khuaruahharmi thil vialte kha mi zapi hmaiah cun a ser hna.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

EXODUS 5:1 

Moses le Aaron cu Faro sinah khan an va kal i Faro cu, "Bawipa, Israel Pathian nih, 'Ka mi hna cu, thetse ram ah biaknak puai an tuah khawh nakhnga, kalter hna seh,' aan ti," tiah an ti.

EXODUS 5:2

Faro nih cun, "Bawipa cu ahodah a si?" tiah a leh hna. "Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo," a ti.

EXODUS 5:7

"Tlakrawh sernak ah mi cu hlan bantuk khan capawl nan pe ti hna lai lo, anmah tein vaa lak cang hna seh.

EXODUS 5:8

Asinain tlakrawh an sermi a tlawm a tam cu, hlan i an sermi zat ṭhiamṭhiam kha a si lai; nan ṭhumhpiak hrimhrim hna lai lo. 'Kan Pathian sinah raithawi kan duh caah kan kalter,' an ti cu an thathut caah a si ko.

EXODUS 5:21

Moses le Aaron cu an thawh hna i, "Nan tuahmi hi Bawipa nih hmu ko seh. Faro le a bawi pawl kha nan kan huatter hna, cucaah dan in tat ko hna seh. Kanmah thahnak ah an kut ah vainam nan pek hna," an ti hna.

EXODUS 5:22

Cun Moses cu Pathian leiah khan aa mer ṭhan i, " Bawipa, zeicahdah hi mi hna hi, hi ti hin na hrem hna? Zeicahdah keimah hi na rak ka thlah?

EXODUS 5:23

Nangmah aiawh in Faro sinah biachim awk i ka rat ri in na mi cu heh tiah an hrem hna i nang nih annih bawmhnak ah zeihmanh na tuah fawn ṭung lo," a ti.

EXODUS 6:1

Cun Bawipa nih Moses cu a thawh i, "Atu cu Faro cungah zeidah ka tuah lai ti kha na hmuh cang lai. Annih kalter dingah khan a hnek hrimhrim in ka hnek lai. A ram chungin a ṭhawl hrimhrim in an ṭhawl hna lai," a ti.

EXODUS 6:6

Cucaah cun Israel mi cu na va thawh hna lai i, 'Keimah cu Bawipa ka si: Izipt mi hna nih hramhram in an in ṭuantermi hna rian hin kan luatter hna lai. An sal nan sinak chung hin kan chuah hna lai. Ṭih a nungmi dantatnak tlunter awkah aa samhmi ka baan ṭhawng hin, nannih cu kan khamh hna lai.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

EXODUS 6:9

Cucu Moses nih khan Israel mi cu a va chimh hna, asinain an sal cannak kha a fak tuk hringhran i an lung a dongh tuk caah a bia kha an ngai duh lo.

EXODUS 6:10

Cun Bawipa nih Moses cu,

EXODUS 6:11

"Va kal law Izipt siangpahrang Faro cu, Israel mi kha a ram chungin rak chuahter hrimhrim hna seh, a ti tiah va chim," a ti.

EXODUS 6:12

Sihmanhsehlaw Moses nih khan Bawipa cu, "Israel mi hmanh nih ka bia an ngaih duh lo ahcun, zeitindah Faro chinchin nih cun a ngaih duh nemmam lai? Biachim holh rel ah le santlailo ngaimi ka si fawn," a ti.

EXODUS 6:13

Bawipa nih Moses le Aaron cu, "Va kal u law Israel mi hna le Izipt mi siangpahrang Faro kha, Israel mi cu Izipt ram in nan chuahpi hna lai tiah Bawipa nih a kan ti, nan va ti hna lai," a ti.