Skip to main content

Nitin Baibal Relnak

GENESIS 49:1
Jakob nih a fapale kha a auh hna i, "I pum u law, hmailei ah nan cungah zeidah a tlung lai ti kha kan chimh hna lai," a ti.
GENESIS 49:3
"Reuben, nangmah cu ka hrin hmasa bik, ka ṭhawnnak le ka thazang theitlai hmasa bik, ka fale vialte lakah kaa chawr bik le a ṭhawng bik na si.
GENESIS 49:5
"Simeon le Levi hi unau an si, an hriamnam cu thil ṭhalo tuahnak ah an hman.
GENESIS 49:7
An thinhunnak cu ṭih a nun tuk caah an cungah chiatserhnak nih tlunhnawh hna seh, an thinlinhnak cu a puarhran tuk caah chiat nih tlunhnawh ko hna seh. Jakob ram chungah ka ṭhek hna lai i Israel mi lakah ka ṭhen dih hna lai.
GENESIS 49:8
"Judah, na unau nih an in thangṭhat lai. Na ral cu an hngawng in na tlaih hna lai; Na unau hna kha na hmaiah an kun lai.
GENESIS 49:13
"Zebulun cu rili kamah khua a sa lai, a rili tlang hna cu lawng dinhnak hmun an si lai; a ram cu Sidon tiang a phan lai.
GENESIS 49:14
"Issakhar cu a ṭhawngmi laa a si, asinain a thil phorhmi tom hnih hna karlak ah khan a bawk.
GENESIS 49:16
"Dan cu a mi hna uktu a si lai, A mi hna cu Israel phun cio bantuk kha an si lai.
GENESIS 49:19
"Gad cu mifir run nih an nam lai. sihmanhsehlaw amah nih a rak nam ve hna lai i a dawi hna lai.
GENESIS 49:20
"Asher ram ah rawl thawthaw a chuak lai; siangpahrang ca i aa tlakmi rawl a chuak lai.
GENESIS 49:21
Naftali hi a duh in a tlongmi sazuk, fa dawhdawh a hringmi a si.
GENESIS 49:22
"Josef hi laa le a si, Cerh pawng i a ummi laa le a si, a fale cu tlangpang ah an um.
GENESIS 49:24
Sihmanhsehlaw an li cu a kiak dih, an baan tha cu a cat dih. Cu a chattu cu Jakob Pathian Ṭhawng lianhngannak le Israel Lungpi Tuukhal min a si.
GENESIS 49:27
"Benjamin hi sa a seh lengmangmi cenghngia a si; Zinglei ah a sehmi kha a ei, Zanlei zongah a seh ciami kha a phaw lengmang ṭhiamṭhiam ko."
GENESIS 49:28
Hi hi Israel phun hleihnih cu an si i hihi an pa nih a chimhmi hna bia cu a si. Anmah he aa tlakmi cio thluachuahnak kha a pek hna.


GENESIS 49:33
Jakob nih a fapale kha cu bantuk kha bantukin nan tuah lai tinak bia kha a chimh dih hna tikah a ke kha ihkhun ah khan a hun fim hna i a phunhawi mi hna sinah khan aa pum ve.
GENESIS 47:28
Jakob cu Izipt ram ah khan kum hleisarih a nung, a kum kum za le sawm li le kum sarih a si tiang a nung.
GENESIS 50:15
An pa a thih hnuah khan Josef unau pawl nih cun, "Josef nih hin kan hua peng sual in a cung i ṭhat lonak kan rak tuahmi ruangah khan teirul cham kan tim seh law zeitin?" tiah an ti.
GENESIS 50:16
Cucaah Josef kha bia an hei cah i, "Na pa nih a thih hlanah hi bia hi a kan chimhtak:
GENESIS 50:17
Josef cu va chim u law a unau hna nih a cung i an tuahmi thil ṭhalo hi ngaithiam hna seh tiah na pa nih an nawl va ti u,' a ti. Cucaah cun na pa Pathian sal hna nih na cungah kan tuahmi ṭhat lonak cu kan ngaithiam ko," an ti. Hi bia an chimh tikah Josef cu a ṭap.
GENESIS 50:18
Cun a unau pawl hrimhrim kha an ra i a hmaiah an kun i, "Na sal kan si ko hih," an ti.
GENESIS 50:20
Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.
GENESIS 50:22
Josef cu a pa innchungkhar mi hna he khan Izipt ram ah cun an um i a thih ah kum za le kum hra a si.

GENESIS 50:24
A unau pawl kha a thawh hna i, "Atu cu ka thihnak a nai cang, sihmanhsehlaw Pathian nih an zohkhenh hrimhrim hna lai i hi ram hin an chuahpi hna lai i Abraham le Isak le Jakob a kamhmi hna ram ah khan an kalpi hna lai," a ti.
GENESIS 50:25
Cun Josef nih cun Israel fapale kha bia a kamter hna i, "Pathian nih nannih kha ka chim bantuk cun an bawmh hna tikah ka ruh hi hi hmun hin nan sinah i kalpi hrimhrim dingin bia ka kam u," a ti hna.
Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more

"BIATAK."

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....
Post a Comment
Read more