Dear Khrih chung chuak unau hna,
Nunnak petu Thawngtha Pathian bia in thazang latti than ding in kan sawm hna, Bawipa nih thinlung, taksa le Thlarau damnak in pe ko hna seh!
2 KORIN 1:4
Harnak kan innak kip ah a kan hnemh caah kannih zong nih harnak a phunphun in a ingmi kha kan hnemh khawh ve hna i kan hnemh hnanak ah cun Pathian sinin hnemhnak kan hmuhmi kha kan hman.
Paul chan lio zong ah hin zumtu tha le Pathian lamkaltu ttha bak an rak si ko nain an rak tonmi harnak le buaibainak hi arak tamtuk ve ti hi mah Baibal cang in hmuh khawh asi, sianhsehlaw an mah le mah an rak i hnemh khawh lo lio caan ah hnemtu thabik cu arian an ttuanmi Jesuh Khrih hi asi. Amen! Cu harnak an tonmi chung in hnemhnak an hmuhmi cu an mah ca lawng si loin Zumtu dang nih harnak an ton ve tik hnemhnak le thazang peknak ah an hman tthan ve. Amen! Cucu Pathian duhning le rak timhpiak ning cu asi! Nihin ni ah kan tawn cuahmah mi harnak le buaibainak hna le dam lonak vialte hi Kan Bawipa Jesuh Khrih nih a kan hnemh ve lai i damnak zong pek kan si tthan lai i bawmhnak zong pek kan si ve te lai. Amen! Lungsau tein Pathian sin in ara lai dingmi bawmhnak le hnemhnak cu hngak ko hna usih, aruang cu kan mah tein tei khotu le aihnemh kho lo mi kan sinak atheitu kan Pathian cu timhcia tein bawmh dingah aum ko. Amen! Cu hnemhnak le bawmhnak kan hmuhmi thawng cun kan mah bantuk in harnak a tong vemi hna caah thazang peknak ding caah hmang hna seh ti a kan duh caah kan ton cio mi zong asi ve tihi theihter kan duh tthan ve hna! Amen!
2 KORIN 1:5
Khrih nih a inmi temhinnak tampi cu kannih zong kan i hrawm ve bantukin Khrih hnangamnak zong cu kan i hrawm ve.
Ataktak le ngaingai tiah cun Zumtu asi mi poah nih Khrih temhinak le harnak a inmi cu kan i hrawm ve awk hrim asi. Pathian ram ngaingai caah temhinnak kan ngaih lo hmanh ah kan mah le innchungkhar cio ah buaibainak le harnak, temhinnak tampi kan tong i kan ngei cio ko, sihmanhsehlaw Pathian duhning le tinhning asi ko. Aruang cu harnak chung in amah kan auh zungzalnak dingah le amah he kan i neihniam khawhnak ding catu ah arak si. Amen! Na innchungkhar dawhliahmah tein le rualrem tein khua na sak khawhnak ding ah le rawl khim tein na ei khawhnak dingah rethei ngai le har ngai in na tuah tuanmi zong hi Pathian riantuan pakhat asi ve i Pathian tinhning le duhpiak ning zong asi ti hi theihter tthan kan duh hna. Amen! Khrih caah zei ngai temhinnak kan ngeih rih lo hmanh ah kan taksa duhnak cu kaltak cuahmah in Khrih duhnak le Thiang Thlarau duh ning tu in nun hi i thim deuh ko hna usih. Khrih cu harnak le temhinnak a in hnu tuah thihnak in thawhter asi bang in kan nih zong vawlei ah sehtan ral kan dohnak le kan ton cuahmah mi harnak pin lei ah teinak kan hmu lai i Jesuh Khrih temhinnak kan i hrawm bantuk in a nunnak ah nunter ve le a hnangamnak zong hrawmh ve kan si lai. Amen! Bawipa nih sunparnak le thangtthatnak co ko seh. Amen!
Nunnak petu Thawngtha Pathian bia in thazang latti than ding in kan sawm hna, Bawipa nih thinlung, taksa le Thlarau damnak in pe ko hna seh!
2 KORIN 1:4
Harnak kan innak kip ah a kan hnemh caah kannih zong nih harnak a phunphun in a ingmi kha kan hnemh khawh ve hna i kan hnemh hnanak ah cun Pathian sinin hnemhnak kan hmuhmi kha kan hman.
Paul chan lio zong ah hin zumtu tha le Pathian lamkaltu ttha bak an rak si ko nain an rak tonmi harnak le buaibainak hi arak tamtuk ve ti hi mah Baibal cang in hmuh khawh asi, sianhsehlaw an mah le mah an rak i hnemh khawh lo lio caan ah hnemtu thabik cu arian an ttuanmi Jesuh Khrih hi asi. Amen! Cu harnak an tonmi chung in hnemhnak an hmuhmi cu an mah ca lawng si loin Zumtu dang nih harnak an ton ve tik hnemhnak le thazang peknak ah an hman tthan ve. Amen! Cucu Pathian duhning le rak timhpiak ning cu asi! Nihin ni ah kan tawn cuahmah mi harnak le buaibainak hna le dam lonak vialte hi Kan Bawipa Jesuh Khrih nih a kan hnemh ve lai i damnak zong pek kan si tthan lai i bawmhnak zong pek kan si ve te lai. Amen! Lungsau tein Pathian sin in ara lai dingmi bawmhnak le hnemhnak cu hngak ko hna usih, aruang cu kan mah tein tei khotu le aihnemh kho lo mi kan sinak atheitu kan Pathian cu timhcia tein bawmh dingah aum ko. Amen! Cu hnemhnak le bawmhnak kan hmuhmi thawng cun kan mah bantuk in harnak a tong vemi hna caah thazang peknak ding caah hmang hna seh ti a kan duh caah kan ton cio mi zong asi ve tihi theihter kan duh tthan ve hna! Amen!
2 KORIN 1:5
Khrih nih a inmi temhinnak tampi cu kannih zong kan i hrawm ve bantukin Khrih hnangamnak zong cu kan i hrawm ve.
Ataktak le ngaingai tiah cun Zumtu asi mi poah nih Khrih temhinak le harnak a inmi cu kan i hrawm ve awk hrim asi. Pathian ram ngaingai caah temhinnak kan ngaih lo hmanh ah kan mah le innchungkhar cio ah buaibainak le harnak, temhinnak tampi kan tong i kan ngei cio ko, sihmanhsehlaw Pathian duhning le tinhning asi ko. Aruang cu harnak chung in amah kan auh zungzalnak dingah le amah he kan i neihniam khawhnak ding catu ah arak si. Amen! Na innchungkhar dawhliahmah tein le rualrem tein khua na sak khawhnak ding ah le rawl khim tein na ei khawhnak dingah rethei ngai le har ngai in na tuah tuanmi zong hi Pathian riantuan pakhat asi ve i Pathian tinhning le duhpiak ning zong asi ti hi theihter tthan kan duh hna. Amen! Khrih caah zei ngai temhinnak kan ngeih rih lo hmanh ah kan taksa duhnak cu kaltak cuahmah in Khrih duhnak le Thiang Thlarau duh ning tu in nun hi i thim deuh ko hna usih. Khrih cu harnak le temhinnak a in hnu tuah thihnak in thawhter asi bang in kan nih zong vawlei ah sehtan ral kan dohnak le kan ton cuahmah mi harnak pin lei ah teinak kan hmu lai i Jesuh Khrih temhinnak kan i hrawm bantuk in a nunnak ah nunter ve le a hnangamnak zong hrawmh ve kan si lai. Amen! Bawipa nih sunparnak le thangtthatnak co ko seh. Amen!
Comments
Post a Comment