Dear Khrih chungchuak unau hna,
Nunnak petu Thawngtha Bia in thazang latti ding in kan sawm hna. Baibal catu tampi ka rak telh i
hrilhfiahnaktu tawi khawh chung ttial khawh ka rak izuam lai. kan tuah khawhmi te hi Bawipa
sunparnak caah si dih ko seh!
2 KORIN 5:14
Mi
vialte caah mi pakhat a thi i a thihnak ah cun mi vialte an thi ve ti
kha kan hngalh caah Khrih nih kan ca i a ngeihmi dawtnak nih cun a kan
uk.
2 KORIN 5:15
Mi vialte caah a thihnak chan cu
minung nih hin an nun chungah anmah ca lawngah nung ti loin, anmah ruang
i thihnak a ing i a tho ṭhanmipa ca i an nun nakhnga caah a si.
2 KORIN 5:17
Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.
Jesuh Khirh nih mi vialte caah athi hnawhchan cu Amah nih dawtnak in a kan uknak
hnga caah le kan mah caah nung ti loin thihnak in thawhter asimi Khrih
caah kan nun venak hnga caah asi. Amen! Dawtnak he a kan uk i thihnak
chung in nunpi kan si cang ti kan theih tikah Jesuh Khrih he kan i
pehtlai cang ti kha fiang tein kan hngalh. Amen! Khrih he kan i pehtlaih
tikah Thlarau in hrintthanmi le mithar kan si cang i kan mihlun sinak
palhnak vialte kha a kan ttawlpiak i a kan hlohpiak dimdiam cang. Amen! Mithar,
sualnak angei ballo mi bantuk ah sertthanmi kan sinak hnga caah kan caah
athihnak cu asi. Amen! Khrih kan zumhnak thawngin Sualnak cu pakhat hmanh kan ngei ti loh (Minung mithmuh ah si loinPathian mithmuh ah sualnak kan ngei ti lo. Amen), Kan sualnak cu ttawlpiak
cang kan si i mithar kan si cang, nunhlun kaltak in nunning thar in kan nung cang. Amen!
Bawipa nih sunparnak co ko seh!
2 KORIN 5:18
Hi
thil vialte a tuahtu cu Pathian a si i Pathian nih cun Khrih thawngin
kannih a ral a simi cu a hawi ah a kan thlen i midang zong a hawi i ser
ve awk rian cu a kan pek.
2 KORIN 5:19
Cucaah kannih
kan biapi cu, Pathian nih mi vialte kha Khrih thawngin hawi ah a ser
hna, ti hi a si. Pathian nih an sualnak kha anmah sual phawtnak ding
caah cazin chungah a khumhpiak hna lo i kannih cu a hawi i a ser hnanak
bia chim kha a kan fial.
2 KORIN 5:21
Khrih
cu sualnak zeihmanh a ngei lo, sihmanhsehlaw kanmah ruangah Pathian nih
kan sualnak kha a hrawmter i cucaah amah he kan i peh ahcun Pathian
dinnak kha kan i hrawm ve lai.
Ahlan ah cun Pathian kan zumh lo caah a ral kan rak si taktak sihmanhsehlaw Khrih nih cun Pathian ral asi mi kan nih cu a hawi ah Amah kan zumhnak thawng cun a kan ser. Amen! Khrih thawng
cun Pathian nih hawikom ah a kan ser cang i vawlei cungmi vialte zong nih
Khrih kong theihnak thawngin Pathian he hawikom i serter ve awk ah tuanvo pek cio kan si. Amen! Cu ttuanvo cu Jesuh Khrih azummi poah cu
Pathian he an i rem lai i khamh an si lai timi thawngtha hi asi. Cu
lawng hmanh si loin an rak sualmi le palhnak vialte hmanh kha
sualphawtnak cazin chungah khumhpiak ti loin hawikom ah a kan ser cang timi Thawngttha thanhchih ding hi a si. Amen! Jesuh Khrih hi kan mah
bantuk in sualnak zei hmanh angei lo nain Pathian nih a kan dawt tuk
ruangah kan mah khamhnak ding caah kan mah sualnak kha ahrawmter i
thihnak lak ah fakbik a inter hnu ah nunnak in athawhter tthan. Cu kan
caah thinak in thawhter asi tiah azummi le amah he aipehmi poah cu khamh
kan si lai i Pathian dinnak zong kan i hrawm ve lai. Amen! Bawipa min
cu sunparnak pek in thangtthat si zungzal ko seh. Amen! Abia zong athar in
thluachuahnak kan pek piak ko seh. Amen!
Comments
Post a Comment