Tangka in Cawk khawh asi lo (Evan. Pa Te)

Khrih ah ka unau,
Tangka ngeih le rum hi a ho paoh nih duh cio asi ko nain...
Tangka nih rian a tuan khawh lo mi le Tangka in Cawk khawh a si lo mi hna hngalh ter tthan kan duh piak hna.

Tangka in ihkhun man fak cawk khawh asi nain...
Mitku thaw te in ihngilh khawhnak cu Tangka in cawk khawh a si lo.

Tangka in inn tha cawk khawh a si nain....
Daihnak cu Tangka in cawk khawh asi lo.

Tangka in ralventu(Security) cu hlan khawh, cawk khawh asi nain...
Hnangamnak le Himnak cu Tangka in cawk khawh asi lo.

Tangka in nuamhnak ca tiin thilri phunphun cawk khawh asi nain....
Lawmhnak tak cu Tangka in Cawk khawh asi lo.

Tangka in si(medicine) man thatha cawk khawh asi nain...
Damnak tak cu Tangka in Cawk khawh asi lo.

Tangka in Sianginn kai khawh asi nain...
Fimnak(Thlarau lei) tak cu Tangka in Cawk khawh asi lo.

Tankka in Cawnpiaktu Saya te hlan khawh a si ko, nain...
Thiang Thlarau cu Tangka in hlan khawh asi ti lo.

Tangka in Crusade, Camping tuah khawh asi ko, nain...
Thlarau revival ding ah cun Tangka in tuah khawh asi ti lo.
              Minung le Tangka in tuah khawh asi lo mi cu kan Bawi Jesuh Khrih, kan Pathian lawnglawng nih a tuah khawh Luk 18:27. Amen.

Ka unau, na fiang ah cun na bochannak hi zeidah a si?
Tangka le Minung maw?
Pathian dah?
Na nunnak, na innchungkhar ca le na miphun caah na duhnak tling in a za cang maw? A za rih lo si ah cun zeiruangah dah Thlarau lei ah na ttha a thu?
Luk 15 ah tlau pa3 an um. 1.Tuu tlau cu a ngeih tu nih a kawl. 2.Tangka tlau zong a ngeih tu nih a kawl. Sihmanhsehlaw fa pa tlau cu a mah te in a rak kir tthan.
Unau, nang cu Tuu le Tangka na si lo. Cung Nung bik Pathian fa pa na si. Hlan i Bawipa na rak bochan bantuk te in bochan than. na Lungthin dih lak in Pathian sin ah rak kir tthan ko.
       Midang cu kan hlen khawh hman ah, mah le mah le Pathian cu hlen khawh a si   lo. Minung le Tangka bochan ti lo in Pathian lawnglawng lungtak te in bochan cang ko.

               Thiang Thlarau nih in fiang ter chin ko seh. Amen.

Khrih ah na unau,
Pa Te (Bilshan pa)
Garden city, KS.

Comments

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...

Nunnak Petu Thawngṭha

Search This Blog