Nitin Baibal Relnak

2 CHANRELNAK 7:1

Solomon nih thla a camnak a dih tikah, van in mei a rung tla i khangh thawinak le raithawinak hna kha a kangh hna i Bawipa sunparnak cu biakinn kha a khat.

2 CHANRELNAK 7:3

Israel fale vialte nih mei a rung ṭum le biakinn cung i Bawipa sunparnak kha an hmuh tikah, vawlei lei hoih in lung phahmi cungah khan an lu an i khun i Bawipa cu an biak i an lawmh i, "Zeitintiah amah cu a ṭha, A fekmi a dawtnak cu zungzal in a hmun," tiah an ti.

2 CHANRELNAK 7:12

Cun Bawipa cu Solomon sinah zan ah a lang i amah cu a thawh i, "Na thlacamnak cu ka theih cang i hi hmun cu raithawinak inn caah kaa thim cang.

2 CHANRELNAK 7:14

ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

2 CHANRELNAK 7:16

Ka min cu zungzal in hika ah a um nakhnga hi inn cu ka thim cang i ka thianter cang; ka mit le ka lung cu hika ah an um camcin lai.

2 CHANRELNAK 7:17

Cun nangmah kong ah cun, na pa David nih a rak kal bantuk khan ka hmaiah na kal i nawl kan pekmi vialte ningin na tuah i ka nawlbia hna le ka phunglam hna cu na zulh hna ahcun,

2 CHANRELNAK 7:18

khi tikah na pa David sinah, 'Israel mi uktu dingah mi na ṭhing lai lo,' tiin bia ka rak kam bang khan na siangpahrang bawi ṭhutdan cu ka fehter lai.

2 CHANRELNAK 9:6

sihmanhsehlaw an chimmi cu keimah hrim ka rat i keimah mit hrim nih a hmuh hlanah cun ka rak zum lo; zohhmanh, na fimnak a ngan ning a cheu hmanh an rak ka chimh ṭung lo; ka rak theihmi bia cu na lonh diam.

2 CHANRELNAK 9:13

Solomon sinah kum khat ah a lutmi sui a rih lei cu talen za ruk, sawm ruk le paruk a si,

2 CHANRELNAK 9:15

Siangpahrang Solomon nih phaw a nganmi za hnih, denmi sui in a ser hna; phaw pakhat ah denmi sui shekel za ruk cio a lut.

2 CHANRELNAK 9:16

Cun denmi sui in phaw za thum a ser hna; sui shekel za thum cio phaw pakhat ah cun a lut; cun siangpahrang nih cun Lebanon Tupi Inn chungah khan a chiah hna.

2 CHANRELNAK 9:20

Siangpahrang Solomon dinnak hrai vialte cu sui an si i Lebanon Tupi Inn umkheng vialte cu sui thiang an si; Solomon chan ah cun ngun cu zeihmanh ah an rak rel lo.

2 CHANRELNAK 9:22

Cuticun Siangpahrang Solomon nih vawlei cung siangpahrang vialte cu rumnak le fimnak ah a lonh dih hna.

2 CHANRELNAK 9:27

Cun siangpahrang nih Jerusalem ah ngun cu lungtekem tlukin a lenter i sidar thing cu Shefelah i saikamor thing bantukin a tamter.

2 CHANRELNAK 10:3

Cun amah cu an hei cah i an kawh; cun Jeroboam le Israel mi vialte cu an ra i Rehoboam cu,

2 CHANRELNAK 10:4

"Na pa nih kan seihnam cu a rihter. Cucaah nang nih cun na pa nih kan cungah rian har le seihnam rit a kan khinhmi cu zanter law na rian kan ṭuan lai," tiah an ti.

2 CHANRELNAK 10:6

Cun Siangpahrang Rehoboam nih cun, a pa Solomon a nun lio i a hmai i a rak dirmi tar hna kha ruahnak a hal hna i, "Hi mi hna hi zeitin va let hna ti ah dah nan ka ti?" tiah a ti.

2 CHANRELNAK 10:7

Cun annih nih an thawh i, "Hi mi hna cungah hin zaangfahnak na ngeih i na lawmhter hna i bia ṭha in na chawnh hna ahcun, annih cu a zungzal in na sal an si lai," tiah an ti.

2 CHANRELNAK 10:8

Sihmanhsehlaw upa hna nih fim an chimhmi kha a hlawt i amah ṭhirual a hmaiah a um tawnmi tlangval hna kha ruahnak cheuh a hal hna.

2 CHANRELNAK 10:11

Cucaah atu cu ka pa nih nan cung i a ritmi seihnam a chiahmi ah khan kan chap chin hna lai. Ka pa nih fungfek in an chimhhrin hna, sihmanhsehlaw kei nih cun tlang ngaikuang in kan chimhhrin hna lai,' na ti lai," tiah an ti.

2 CHANRELNAK 10:12

Cucaah siangpahrang nih, "Ni thumnak ni ah ka sinah ra te u," tiah a ti bang khan, Jeroboam le mi vialte cu Rehoboam sinah ni thumnak ni ah an ra.

2 CHANRELNAK 10:14

Siangpahrang Rehoboam nih cun tlangval hna nih lungthin an cheuhmi ning khan annih cu a chawnh hna i, "Ka pa nih nan seihnam cu a rak rihter ko, sihmanhsehlaw nan seihnam cu ka rihter chin lai; ka pa nih fungfek in an chimhhrin hna, sihmanhsehlaw kei nih cun tlang ngaikuang in kan chimhhrin hna lai," tiah a ti hna.

2 CHANRELNAK 10:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Pathian nih mahtihin thil kha a mersan.

2 CHANRELNAK 10:16

Cun Israel mi vialte nih siangpahrang nih kan bia a ngai lo ti kha an hmuh tikah, mizapi nih cun siangpahrang cu an leh i, "David chungah zei covo dah kan ngeih? Jesse fapa chungah ro kan ngei lo. Maw Israel, nan thlam cio ah kal dih u! David, nangmahte nih na innchungkhar cu i zohkhenh ko," an ti. Cucaah Israel mi vialte cu an thlam cio ah an tlung dih.

2 CHANRELNAK 10:19

Cucaah Israel mi hna nih cun David innchungkhar cu nihin ni tiang hin an doh hna.

2 CHANRELNAK 11:1

Rehoboam cu Jerusalem ah a rat tikah, Judah le Benjamin innchungkhar chung khan ralkap thim ciammammi sang riat kha. Rehoboam pennak lak ṭhan awk ca i Israel mi doh awkah khan a pumh hna.

2 CHANRELNAK 11:4

'Hi bangin Bawipa nih, Nan hung kal awk a si lai lo i nan unau Israel mi cu a doh zong nan hung do hna lai lo. Hi thil cu keimah sinin a rami a si caah nan inn cio ah kir dih u, a ti,' tiah va chim," tiah a ti. Cucaah Bawipa bia cu an ngaih i an kir i Jeroboam cu an doh lo.

2 CHANRELNAK 11:12

Cun khua kip ah khan phaw le fei a chiah hna i khua fek ngaingai ah a ser hna. Cucaah Judah le Benjamin ram cu a co hna.

2 CHANRELNAK 11:13

Cun Israel ram dihnak ah a ummi tlangbawi hna le Levi mi hna nih khan amah cu an umnak hmun kip khan an fuh cio.

2 CHANRELNAK 11:16

Cun Bawipa, Israel Pathian kha kawl awkah a lung in aa seh chihmi hna nih cun, Bawipa, an pupa hna Pathian sin i raithawi awkah khan Israel phun vialte chungin annih cu an zulh hna.

2 CHANRELNAK 12:1

Rehoboam uknak cu a feh i a ṭhawn tikah Bawipa phungbia cu a hlawt i amah sin ṭang Israel mi vialte zong nih khan an hlawt ve.

2 CHANRELNAK 12:2

Siangpahrang Rehoboam a bawi kum nganak ah, annih cu Bawipa sinah zumhawktlak an si ti lo caah, Izipt siangpahrang Shishak nih Jerusalem cu,

2 CHANRELNAK 12:3

rangleng thong khat za hnih le rangcung ralkap thong sawm ruk he a hunhnawh. Izipt ram in amah he a rami hna cu rel cawk lo an si — Libia mi, Sukkiim mi le Ethiopia mi an si.

2 CHANRELNAK 12:4

Cun Judah ram chung i kulhnak a ngeimi khua kha a lak hna i Jerusalem tiang a ra.

2 CHANRELNAK 12:5

Khi tikah profet Shemaiah kha, Jerusalem i Shishak ruangah aa pummi Rehoboam le Judah bawi hna sinah khan a ra i annih cu, "Hi bangin Bawipa nih, 'Nan ka kaltak caah kei zong nih Shishak kut chungah kan kaltak ve hna lai,' a ti," tiah a ti hna.

2 CHANRELNAK 12:6

Cun Israel bawi hna le siangpahrang nih cun an lung an ṭhumh i, "Bawipa cu a ding," tiah an ti.

2 CHANRELNAK 12:7

Bawipa nih an lung an ṭhumh kha a hmuh tikah Bawipa bia cu Shemaiah sinah khan a ra i, "Annih nih an lung an ṭhumh cang, cucaah ka hrawk hna lai lo, sihmanhsehlaw luatnak tlawmpal ka pek hna lai i Shishak kut in Jerusalem cungah ka thinhunnak cu thlet a si lai lo.

2 CHANRELNAK 12:8

Asinain, annih cu a sal an si ko lai, zeicahtiah annih nih ka rianṭuan le ramdang hna pennak rianṭuan an i dan kha an hngalh nakhnga," tiah a ti.

2 CHANRELNAK 12:9

Cuticun Izipt siangpahrang Shishak nih Jerusalem cu a hung doh; Bawipa inn chung rothil le siangpahrang inn chung rothil kha a lak hna; zeizong vialte kha a lak dih hna. Solomon nih a sermi sui phaw vialte zong kha a lak hna i

2 CHANRELNAK 12:10

Siangpahrang Rehoboam nih anmah can ah cun dar phaw a ser hna i siangpahrang inn innka a cawngtu ralkap bawi hna kut chungah khan a chiah hna.

2 CHANRELNAK 12:12

Cun a lung a ṭhumh tikah, hloh hirhiar a si nakhnga lo, Bawipa thinhunnak cu a sin khan aa mer i Judah ram chungah thil umtuning a ṭha.

2 CHANRELNAK 13:3

Cun Abijah le Jeroboam karlak ah khan ralnak a um. Abijah cu miralṭha ralkap thim khunmi thong za li he raldohnak hmun ah cun an kal i Jeroboam nih khan a ṭhawngmi ralkap thim khunmi thong za riat he a rak orh ve.

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo," tiah a ti.

2 CHANRELNAK 13:14

Cun Judah mi nih khua an zoh tikah, zohhmanh, ral cu an hmailei he an hnulei he an um; cun Bawipa kha an auh i tlangbawi nih khan muko an tum.

2 CHANRELNAK 13:15

Khi tikah Judah mi hna cu raldohnak au khan an au. Cun Judah mi kha an au tikah Pathian nih Jeroboam le Israel mi vialte kha Abijah le Judah mi hna hmaiah a sunghter hna.

2 CHANRELNAK 13:17

Abijah le a mi hna nih khan tampi an thah hna; cucaah Israel mi thim ciammammi sing nga an thi.

2 CHANRELNAK 13:18

Cuticun Israel mi hna cu khi tan ah khan an sung i Judah mi hna nih Bawipa, an pupa hna Pathian kha an i bochan caah an tei hna.

2 CHANRELNAK 13:20

Abijah chan ah cun Jeroboam nih a ṭhawnnak kha a hmu ṭhan kho ti lo i Bawipa nih a tuk i a thi.

2 CHANRELNAK 14:8

Asa nih Judah in ralkapbu mi sing thum, phaw ngan pipi le fei in aa thuammi le Benjamin in phaw a thlir i likuk a kuaimi sing hnih le sang riat a ngeih hna; hi hna hi an dihlak tein ralṭha miṭhawng an si.

2 CHANRELNAK 14:9

Ethiopia mi Zerah nih ralkap nuai khat le rangleng sing thum he a chuahhnawh hna i Mareshah tiang a ra phan.

2 CHANRELNAK 14:11

Cun Asa nih Bawipa a Pathian kha a auh i, "Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh," tiah a ti.

2 CHANRELNAK 14:12

Cucaah Bawipa nih Ethiopia mi hna cu Asa le Judah mi hna hmaiah a tei hna i Ethiopia mi cu an zam.

2 CHANRELNAK 14:13

Asa le a sin i a ummi hna nih khan Gerar tiang an dawi hna i Ethiopia mi cu a nung in pakhat hmanh an taan lo tiang an thi; zeitintiah annih cu Bawipa le a ralkapbu hmaiah cun an kuai dih. Judah mi nih cun hranchaw tampi an lak.

2 CHANRELNAK 15:1

Pathian thlarau cu Oded fapa Azariah cungah a tlung i

2 CHANRELNAK 15:2

Asa ton awkah khan a kal i amah cu a thawh i, "Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 15:7

Sihmanhsehlaw nannih cu nan lung ṭhawng ko u! Nan kut kha derter hna hlah u, zeitintiah nan rian cu man a ngei lai," tiah a ti.

2 CHANRELNAK 15:8

Asa nih Oded fapa Azariah nih a chimmi bia hna cu a theih tikah, a ral a ṭha i Judah le Benjamin ram chung vialte le Efraim tlangram chung i a lakmi khua hna i a ummi fihnung siasal vialte kha a hlonh dih hna i Bawipa inn innleng hmai i a ummi biakṭheng kha a remh.

2 CHANRELNAK 15:9

Cun Judah mi vialte le Benjamin mi vialte le Efraim, Manasseh le Simeon in a rami an sin i a pummi hna kha a pumh hna, zeitintiah Bawipa a Pathian kha a sinah a um ti an hngalh tikah Israel ram in mi tampi amah sinah khan an zam.

2 CHANRELNAK 15:10

Annih cu Asa a bawi kum hleinganak, a thla thum thla ah khan Jerusalem ah an i pum.

2 CHANRELNAK 15:12

Cun annih nih Bawipa, an pupa hna Pathian kha an lung dihlak le an nunnak dihlak in kawl awkah biakamnak chungah an lut;

2 CHANRELNAK 15:13

cun Bawipa, Israel Pathian a kawl duh lomi paoh cu mino a si ah, mitar a si ah, pa a si ah, nu a si ah, thah a si lai.

2 CHANRELNAK 15:15

Cun Judah mi vialte cu an biakam chiatsernak ah cun an i lawm; zeicahtiah an lungtak tein chiatsernak cu an tuah i an duhnak dihlak in amah cu an kawl i amah cu an hmuh i an velchum ah Bawipa nih dinhnak a pek hna.

2 CHANRELNAK 15:16

A nu Maakah hmanh kha Asherah caah fihnung siasal a ser caah, Siangpahrang Asa nih, siangpahrang bawinu a sinak khan a phuah. A siasal cu a hau i a den cikcek i Kidron varek ah a khangh.

2 CHANRELNAK 15:19

Cun Asa uknak a kum kum sawm thum le kum nganak tiang ral a um ti lo.

2 CHANRELNAK 15:4

sihmanhsehlaw an harnak chungin Bawipa, Israel Pathian leiah an i mer i an kawl tikah annih nih an hmuh ko.

2 CHANRELNAK 15:5

Cu caan lioah cun a chuakmi caah siseh a lutmi caah siseh daihnak a um lo, zeitintiah hnahnawhnak ngan pipi nih ramchung mi vialte cu awlok a chonh hna.

2 CHANRELNAK 15:6

Phun khat le phun khat, khua khat le khua khat an i do i an kek an kuai dih, zeicahtiah Pathian nih harnak phun zakip in harnak a pek hna.

2 CHANRELNAK 16:2

Cun Asa nih Bawipa inn chung le siangpahrang inn chung i a ummi ro chung khan ngun le sui kha a lak hna i Siria siangpahrang Benhadad, Damaskas i a ummi kha a kuat i,

2 CHANRELNAK 16:3

"Ka pa le na pa karlak i a rak um bang khan, keimah le nangmah karlak ah ṭanṭinak um seh; zohhmanh, ngun le sui kan kuat; cucaah va kal law Israel siangpahrang Baasha nih hin a ka kirtak nakhnga, amah he nan ṭanṭinak kha va chat tuah," tiah a ti.

2 CHANRELNAK 16:4

Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abelmaim le Naftali i thil chiahnak khua vialte kha an tei hna.

2 CHANRELNAK 16:7

Cu caan ah cun hmutu Hanani kha Judah siangpahrang Asa sinah cun a ra i, "Siria siangpahrang cu naa bochan i Bawipa na Pathian cu naa bochan lo caah, Siria siangpahrang ralkapbu cu na chuahter cang hna.

2 CHANRELNAK 16:8

Ethiopia mi hna le Libia mi hna kha ralkapbu ngan ngaingai, rangleng tam hringhran le rangcung ralkap tam hringhran he a ummi an si lo maw? Asinain, Bawipa kha naa bochan caah annih cu na kut chungah amah nih an pek hna.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai," tiah a ti.

2 CHANRELNAK 16:10

Khi tikah Asa cu hmutu cungah khan a thin a hung i hi kong ah a cungah a thin a hun caah thong chungah hreng a khenh. Cun Asa nih mi cheukhat cungah hi caan ah hin hremnak zong a tuah.

2 CHANRELNAK 16:12

Asa cu a bawi kum sawm thum le kum kuanak kum ah a ke ah zawtnak a ing i a zawtnak cu a fak ngaingai; asinain a zawtnak hmanh ah cun Bawipa kha a kawl lo i sihmanhsehlaw sibawi hna sin tu khan bawmhnak a kawl deuh.

2 CHANRELNAK 16:13

Cun Asa cu a pupa sinah a it, a bawi kum kum sawm li le kum khatnak kum ah a thi.