Nitin Baibal Relnak

EZRA 2:1

Babilon siangpahrang Nebukhadnezzar nih Babilonia ah sal ah a kalpimi hna lakin, sal cannak chungin a kir ṭhanmi Judah ram mi cu mah hna hi an si; annih cu Jerusalem le Judah ah khan an kir, anmah le an khua cio ah khan an kir.

EZRA 2:64

Aa pummi vialte cu an dihlak in sang li thong hnih za thum le sawm ruk an si,

EZRA 2:68

Chungkhar hna lu cio a simi a cheu hna nih khan Bawipa inn, Jerusalem i a ummi ah khan an rat tikah, a hmun i sak ṭhan awkah khan Pathian inn caah cun mah lungtho tein pekchanhnak an tuah;

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

EZRA 3:8

Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianṭuannak i zohkhenhtu ah an thiah hna.

EZRA 3:11

cun annih nih Bawipa cu an thangṭhat i an lawmh i, "Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun," tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

EZRA 2:61

Tlangbawi tefa hna chung zong in: Habaiah tefa hna, Hakkoz tefa hna le Barzillai tefa hna kha an si. Barzillai hi Gilead ram mi a si i a fanu a ṭhitu i a tefa hna cu Barzillai phun in kawh an si.

EZRA 2:62

Hi hna nih hin pupa chanrelnak i a min khumh a simi hna lakah khan an minthlaknak cu an kawl i sihmanhsehlaw an hmu lo, cucaah tlangbawi sinak chung khan a thianglo ah ruah an si caah chuah an si;

EZRA 4:1

Judah mi le Benjamin mi an ral hna nih, saltang kir hna nih Bawipa, Israel Pathian inn kha an sa, ti an theih tikah,

EZRA 4:2

Zerubbabel le pale innchungkhar lu a si ciomi kha an fuh hna i annih cu an thawh hna i, "Kan in sakpi hna lai; zeicahtiah nan Pathian cu nanmah bantukin kannih zong nih kan biak i Assiria siangpahrang Esarhaddon nih hika ah a kan ratpi thawk in atu tiang Pathian sinah cun rai kan thawi ve ko", tiah an ti.

EZRA 4:3

Sihmanhsehlaw Zerubbabel, Jeshua le Israel mi lak i pale innchungkhar lu cio hna nih khan, "Kan Pathian ca i inn saknak kongah nan i tel ve nakding lam a um lo; sihmanhsehlaw Persia siangpahrang Sairas nih nawl a kan pek bangin, kanmah lawng nih, Bawipa, Israel Pathian ca inn cu kan sak ko lai," tiah an ti hna.

EZRA 4:4

Khi tikah cu ram mi hna nih cun Judah mi cu an tha an dorhter hna i inn sak cu an ṭihter hna,

EZRA 4:6

Cun Ahasuerus pen chung, pen aa domh kum ah khin, Judah le Jerusalem i a ummi hna sual puhnak ah ca an ṭial.

EZRA 4:16

Hi khua hi remh ṭhan a si i a kulhnak vampang hna kha lim an si ahcun, Tiva Ral ram chungah hin ram na ngei ti lai lo ti kha siangpahrang cu kan in hngalhter," an ti.

EZRA 4:21

Cucaah cun keimah nih nawlbia ka chuah hlantiang, hi mi hna hi ngolter an si i khua cu remh ṭhan a si nakhnga lo, nawlbia chuah tuah u.

EZRA 4:23

Siangpahrang Artazaksis cakuat khawpi cu Rehum le caṭialtu Shimshai le an hawikom hna hmaiah khan rel a si tikah, Jerusalem i a ummi Judah mi sinah khan khulrang in an va kal i zaang-ennak le thazang in an ngolter hna.

EZRA 4:24

Cucaah Bawipa inn Jerusalem i a ummi i an ṭuannak cu ngol a si; cun Persia siangpahrang Darius a bawi kum hnihnak tiang ngol a si.

EZRA 5:1

Profet Haggai le Iddo fapa profet Zekhariah nih khan, Judah le Jerusalem i a ummi Judah mi hna sinah cun, an cung i a ummi Israel Pathian min khan bia an chim.

EZRA 5:2

Khi tikah Shealtiel fapa Zerubbabel le Jozadak fapa Jeshua kha an tho i Pathian inn Jerusalem i a ummi kha remh ṭhan hram an thawk; cun an sinah cun Pathian profet kha an um i an bawmh hna.

EZRA 5:5

Sihmanhsehlaw an Pathian mit cu Judah upa hna cungah khan a um i Darius sinah thawng theihternak a phak hlan le cu kong i lehnak ca in a kir hlantiang cu an ngolter kho hna lo.

EZRA 5:7

thawng theihternak kha an kuat i a chungah hi bangin an ṭial: "Darius siangpahrang cungah daihnak vialte um ko seh.

EZRA 5:13

Sihmanhsehlaw Babilon uktu siangpahrang Sairas a bawi kum khatnak ah, Sairas siangpahrang nih cun hi Pathian inn hi remh ṭhan a si nakhnga nawlbia a chuah.

EZRA 5:17

Cucaah siangpahrang nih a ṭha tiah a ruah ahcun, Babilon i siangpahrang thilhlun khonnak ah khan rak kawl hna seh law, hi Pathian inn Jerusalem i a ummi sak ṭhannak caah hin Siangpahrang Sairas nih nawlbia a chuah maw chuah lo rak zoh hna seh. Cun siangpahrang nih hi kong i a duhnak kha kan kua seh," tiah an ti.

EZRA 6:7

hi Pathian biakinn rian hi dawnkhan hlah u; Judah mi uktu bawi le Judah mi upa hna nih hi Pathian inn hi amah hmun te ah khan sa ṭhan ko hna seh.

EZRA 6:8

Cuhleiah hi Pathian inn sak ṭhannak caah hin Judah mi upa hna caah hin zeidah nan tuah awk a simi kongah nawlbia ka chuah cang; hi mi hna hi a man cu tling tein le rau lo tein, siangpahrang tangka, Tiva Ral ram nih ngunkhuai an thawhmi chung khan pek an si lai.

EZRA 6:10

Cun annih nih vancung Pathian sinah khan raithawinak rim thaw kha an pekchanh i siangpahrang le a fapa hna nunnak caah thla an cam nakhnga, vancung Pathian sin i khangh thawinak caah a herhmi paoh cawtum no si hna seh, tuukawng si hna seh, tuu si hna seh, changvut si seh, cite si seh, mitsur hang si seh, chiti si seh, Jerusalem i tlangbawi hna nih an herh ningin nifate in pel lo tein nan rak pek hna lai.

EZRA 6:11

Cun hi nawlbia hi ahohmanh nih an thlen ahcun a thlengtu cu a inn chung i kaan pakhat kha zuh a si lai i cu kaan ah cun amah cu ṭem chih i fung in tuk a si lai; cu pinah a inn kha chuh a si lai, tiah nawl zong ka ser fawn.

EZRA 6:12

Khika ah a min a umtertu Pathian nih hi thil hi thlen awkah le Jerusalem i a ummi Pathian inn kha hrawh awkah a kut a chuahtu cu ahohmanh, siangpahrang a si ah, miphun an si ah, hrawh dih si hna seh. Keimah Darius nih nawlbia hi ka chuah, fel tein tuah si seh," a ti.

EZRA 6:13

Khi tikah Darius siangpahrang nih bia a kuat hna ningin, Tattenai, Tiva Ral ram uktu bawi, Shethar-bozenai le an hawikom hna nih Darius siangpahrang nawl pekmi cu fel tein an tuah.

EZRA 6:14

Cun profet Haggai le Iddo fapa Zekhariah chimnak thawngin Judah mi upa hna nih cun an sak i an hma a kal. Israel Pathian nawlbia le Persia siangpahrang Sairas, Darius, le Artazaksis nawl peknak thawngin, an inn sak cu an lim;

EZRA 6:15

cun hi inn cu Darius siangpahrang a bawi kum ruknak kum Adar thla ni thum ni ah lim a si.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

EZRA 7:1

Cun hi hnuah hin Persia siangpahrang Artazaksis chan ah Ezra cu Babilon in a hung kal; Ezra cu Seraiah fapa a si, Seraiah cu Azariah fapa a si, Azariah cu Hilkiah fapa a si;

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

EZRA 7:7

Cun Artazaksis a bawi kum sarihnak ah khan Israel mi tlawmpal, tlangbawi tlawmpal, Levi mi tlawmpal, hlasatu hna, kutka cawngtu hna le biakinn rianṭuantu hna kha Jerusalem ah amah he cun an hung kal.

EZRA 7:8

Cun siangpahrang a bawi kum sarihnak a thla nganak thla ah khan Jerusalem cu an phan;

EZRA 7:10

Ezra nih Bawipa phungbia kha cawn awk le tuah awk le a nawlbia hna le a phunglam hna kha Israel mi cawnpiak awk kha a lung in aa sehchih.

EZRA 7:13

Atu cu keimah nih nawlbia ka chuah i ka ram chung i a ummi Israel mi ahopaoh si hna seh, an tlangbawi si hna seh, Levi mi si hna seh, Jerusalem ah mah lungtho tein kal a duhmi paoh cu nangmah sinah an kal kho lai.

EZRA 7:20

Cun na Pathian inn caah thil dang a herh rihmi paohpaoh nangmah nih peknak caan na ngeihmi paoh cu, siangpahrang tangka chungin na rak pek ko lai.

EZRA 7:21

"Cun keimah Artazaksis siangpahrang nih Tiva Ral ram i a ummi tangka kengtu vialte hna sinah nawlbia ka chuah cang i: Vancung Pathian phungbia cazi tlangbawi Ezra nih an halmi hna paoh cu,

EZRA 7:22

ngun talen za khat tiang, changvut phor za khat tiang, mitsur hang bath za khat tiang, chiti bath za khat tiang, cun cite cu zeizat tinak um loin, fel tein nan rak tuah lai.

EZRA 7:24

Cun hi Pathian inn chung tlangbawi si hna seh, Levi mi si hna seh, hlasatu si hna seh, kutka cawngtu si hna seh, biakinn rianṭuantu si hna seh, rianṭuantu dangdang si hna seh, ahohmanh ngunkhuai siseh, thil ngeih man siseh, lam hman man siseh, thawhter cu a phung a si lai lo ti zong kha kan in theihter hna.

EZRA 7:25

"Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai.

EZRA 7:26

Cun na Pathian phungbia le siangpahrang nawlbia a ngai lomi paoh cu thah awk siseh, ram chungin ṭhawl awk siseh, a thil chuh awk siseh, thong thlak awk siseh, a cungah biakhiahnak kha fek tein tuah a si lai," tiah a ti.

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

EZRA 8:22

Cun kannih nih, "Kan Pathian kut cu amah a kawltu hna cung paoh ah cun ṭhatnak caah a um i amah a hlawtu hna paoh cu a thinhunnak ṭhawnnak kha a chuahhnawh hna," tiin siangpahrang kha kan rak chimh cang caah, kan lam i kan ral hna sinin a kan vengtu dingah ralkap bu khat le rangcung ralkap kha siangpahrang cu hal awkah ka ning a zak.

EZRA 8:23

Cucaah cun rawl kan ul i kan Pathian cu kan hal i kan nawlnak cu a kan ngaihpiak.

EZRA 8:31

Cun kannih cu Jerusalem i kal awkah cun thla khatnak thla a ni hleihnih ni ah cun Ahava tiva cun kan i thawh; kan Pathian kut cu kan cungah a um i kan ral hna kut chung le lam i lamhruang a rak kan ahtu hna kut chungin a kan khamh.

EZRA 9:1

Hi thil hi tuah dih an si tikah, bawi hna nih cun an ka fuh i, "Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma," tiah an ti.

EZRA 9:3

Mah hi ka theih tikah ka puan hna le ka angki kha ka thleh hna i ka lu sam le ka khahmul kha ka bawh hna i awlokchong in ka ṭhu.

EZRA 9:5

Cun zanlei raithawinak caan ah khan ka puan le ka angki tlek he cun rawl ka ulhnak khan ka hung tho i ka khuk kaa bil i Bawipa ka Pathian sinah cun ka kut ka samh hna i:

EZRA 9:6

"Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

EZRA 9:8

Sihmanhsehlaw atu cu caan tawite chung kha Bawipa kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun ṭhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

EZRA 9:12

Cucaah nan fanu hna cu an fapa hna kha pe hna hlah u law, an fanu hna zong nan fapa hna caah la hna hlah u, cun kan ṭhawng lai i ram chung thil ṭha cu kan ei hna lai i kan tefa hna cu zungzal ca in ro ah kan roh hna lai tiin annih he remnak siseh, rumnak siseh kawl hlah u,' tiah na timi kha kan hlawt hna.

EZRA 9:14

na nawlbia hna kha buar ṭhan in hi thil fihnung a tuahmi hna he hin kan i ṭhi-um ko rih lai maw? A tangmi siseh, a luatmi siseh, kan um lo tiangin kannih kha hrawh dih awkah kan cungah na thin a hung lai lo maw?

EZRA 9:15

Maw Bawipa, Israel Pathian, nihin ah a si bang hin, kannih cu a luatmi a tangmi na kan nganh caah nangmah cu na ding ko. Na hmaiah misual si ko hmanh u sih law, kan zoh ko rih, zeicahtiah kan sualnak ruangah cun na hmaiah a dir khomi ahohmanh kan um lo," tiah ka ti.

EZRA 10:1

Ezra cu thla a cam i sual phuannak a tuah i a ṭah i Pathian inn hmaiah cun a rilh ko lioah khan, mibu nganpi, nu he ngakchia he Israel mi chungin amah sinah khan an i pum i mi cu lunghno ngaiin an ṭap.

EZRA 10:3

Cucaah ka bawipa ruahnak cheuhning in le kan Pathian nawlbia ah a thermi hna ruahnak cheuhnak bangin, hi kan nupi vialte hna le an fale hna hi hlawt awkah kan Pathian sinah biakamnak ser u sih; cun phungbia ningin tuah si seh.

EZRA 10:5

Cucaah Ezra cu a tho i tlangbawi hna lak i hruitu deuhdeuh hna kha le Levi mi hna le Israel mi vialte kha an chim cang bantuk khan tuah awkah chiat a serter hna. Cucaah chiat cu an ser.

EZRA 10:9

Khi tikah Judah le Benjamin mi vialte cu ni thum chungah Jerusalem ah an i pum; thla kuanak thla, a ni kul ni ah a si. Cun mi vialte cu Pathian inn hmai i tual ah cun an i pum i hi thil kong ah hin le ruah tampi a sur caah an ther ko.

EZRA 10:11

Atu cu nan pupa hna Pathian, Bawipa sinah khan sual phuannak tuah u law, amah duhnak kha tuah tuah u; hi ramchung mi hna le ramdang nu hna sin khan i ṭhen ko u," tiah a ti.

EZRA 10:12

Cun aa pummi vialte nih aw thang piin, "A si taktak ko; na chim bangin kan tuah lai.

EZRA 10:17

cun thla khatnak thla a ni khat ni ah, ramdang nu a ṭhimi vialte hna donghnak cu a phan.

EZRA 10:44

Hi vialte nih hin ramdang nu hna kha an ṭhit hna i an nupi le cu an fale hna he khan an kalter hna.