Nitin Baibal Relnak

SALM 69:9

Na biakinn ka ṭanhnak hi ka chungah mei bantukin a alh i nangmah an in nihsawhnak kha keimah cungah a tla.

SALM 69:10

Rawl ulhnak in toidornak lungthin ngeih kaa zuam i asinain mi nih an ka nihsawh ṭhiamṭhiam.

SALM 69:30

Pathian cu hla in ka thangṭhat lai, a lianhngannak cu ka thanh lai i amah cungah kaa lawmhnak cu ka chim lai.

SALM 69:31

Hi nih hin Bawipa cu cawtum pekchanh nakin a lawmhter deuh lai i cawtum kum tlingmi pekchanhnak hmanh in a lawmhter deuh lai.

SALM 69:32

Cu thil cu serhsatnak a ingmi nih an hmuh tikah an i lawm lai; Pathian a biami cu lung ṭhawnnak thar an hmu lai.

SALM 69:33

Sifahnak le retheihnak a ingmi hna thlacamnak cu Bawipa nih a ngaih i thong chungah a ummi hna kha a philh hna lo.

SALM 70:4

Nangmah sinah a rami vialte cu lunglawm le thanuam in um hna seh. Na khamhnak a duhmi vialte nih, "Bawipa cu a lianngan hringhran ko," ti zungzal hna seh.

SALM 70:5

Kei cu ka thazang a der i zeihmanh ka tuah kho lo; cucaah run ka zuanhnawh ko, Maw Pathian. Nangmah cu a ka bawmtu le Khamhtu na si — rau sawh hlah, Maw Bawipa! Bawipa!

SALM 71:2

Na din caah ka hram law ka chanh ko, ka bia ka ngaihpiak law ka khamh tuah.

SALM 71:3

Ka caah himnak lungpi si law a fekmi ralhruang a ka hupphengtu si ko; nangmah cu ka himnak lungpi le ka ralhruang na si.

SALM 71:5

Bawipa, nangmah cungah ka ruahchannak vialte kha ka chiah, ka no lio tein nangmah cu kan bochan zungzal.

SALM 71:20

Ka cungah harnak le nganfahnak kha na tlunter, sihmanhsehlaw nangmah nih ka thazang kha na ka pek ṭhan lai i thlan chungin na ka khamh lai.

SALM 71:21

Hmasa nakin a ngan chinchin ah na ka ser lai, nangmah nih hnangamnak na ka pek ṭhan lai.

SALM 72:2

cun na mi cu dinnak in ka uk hna nakhnga le sifakmi kha ding tein an bia ka ceihpiak hna nakhnga na dinnak kha keimah cu ka hrawm ko.

SALM 72:5

Ni a ceu chung paoh le thla a ceu chung paoh cu na mi nih a zungzal in in bia hna seh.

SALM 72:12

Amah a autu sifakmi hna le retheimi hna, mi nih zei ah an rel lomi hna kha, a chanh hna.

SALM 72:13

A dermi le sifakmi cungah zaangfahnak a ngei i retheimi kha an nunnak kha a khamh hna.

SALM 72:14

Hremnak chung le serhsatnak chungin a khamh hna; an nunnak kha a caah thil sung a si.

SALM 72:18

Bawipa Israel Pathian cu thangṭhat ko u, amah lawnglawng cu, hi thil khuaruahhar a tuah khotu a si.

SALM 72:20

Hihi Jesse fapa David thlacamnak an donghnak a si.

SALM 73:2

Sihmanhsehlaw kei cu ka rak tlu dengmang, ka rak nal dengmang;

SALM 73:3

zeicahtiah miṭhalo hna an huncho kha ka hmuh i an i porhlawt kha ka theih tikah cu nih cun ka nah a ka chuahter.

SALM 73:10

Cucaah cun Pathian mi hmanh nih an merhnawh hna i an chimmi paoh kha an zumh dih.

SALM 73:12

Miṭhalo mi cu hi bantuk hi an si ko. Thil tampi an ngei i an ngei chin luaimai.

SALM 73:13

A si kun ahcun, thiang tein nun kaa zuam i ka kut in sualnak tuah lo kaa sum hi pakpalawng maw a si ko lai?

SALM 73:14

Pathian, chun nitlak in harnak na ka inter i zing fate in dan na ka tat.

SALM 73:17

na biakinn chung i ka luh tik ceo ah miṭhalo hna cungah zeidah a tlung lai ti kha ka hngalh.

SALM 73:18

Lam nal ah na chiah taktak hna i rawhralnak chungah na tlakter hna.

SALM 73:19

Chikkhatte ah an rawk i an donghnak cu ṭihnung ngaingai a si.

SALM 73:21

Ka cekne tiangin a ka runh i ka thin a ka khenh tikah;

SALM 73:22

Ka hrut i zeihmanh ka hngalthiam lo; na cung i ka umtuning cu saram umtuning bantuk a si.

SALM 73:23

Asinain nangmah sin ṭhiamṭhiam ah khan ka um i ka kut in na ka hruai.

SALM 73:24

Ka kalnak dingah khan lungthin na ka cheuh i a donghnak ah cun upatnak he na ka cohlan lai.

SALM 73:25

Vancung ah khin nangmah hlei in ahodah ka ngeih? Nangmah kan ngeih cang caah vawlei ah hin zeidah ka herhmi a um?

SALM 73:26

Ka pum le ka ruahnak cu zorchuk hna hmanh seh law Pathian kha ka thazang a si; amah lawnglawng kha ka herhmi cu a si ko.

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

SALM 74:12

Pathian, a hramthawk tein nangmah cu kan siangpahrang na si i vawlei cungah hin nangmah nih ral kha na tei hna.

SALM 74:13

A ṭhawngmi na thazang in rili kha na cheu i rili chung rulpi kha an lu na den dih hna.

SALM 74:14

Leviathan rulpi lu kha na den hna i a ruak cu thetse ram mi kha ei awkah na pek hna.

SALM 74:21

Hremmi kha sunghter hna hlah law sifak le rethei nih in thangṭhat ko hna seh.

SALM 75:7

bia a ceihtu cu Pathian a si i a cheu kha a ṭhumh hna i a cheu kha a cawi hna,

SALM 75:9

Sihmanhsehlaw kei cu Jakob Pathian kong chim kha ka bang lai lo i amah thangṭhatnak hla sak zong kha ka ngol bal lai lo.

SALM 75:10

Miṭhalo mi hna ṭhawnnak cu a hrawh lai, sihmanhsehlaw miding mi ṭhawnnak kha cu a karh chin lai.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

SALM 77:2

Harnak caan ah Bawipa sinah cun thla ka cam; zan khuadei thlacam in ka kut cu ka hler hna, sihmanhsehlaw hnangamnak ka hmu kho lo.

SALM 77:3

Pathian kha ka ruat i ka hram, khua ka ruat i ka lung a dong. Selah

SALM 77:6

Zan khuadei fak piin khua ka ruat; khua ka ruat lengmang i keimah le keimah kaa halmi cu hihi a si:

SALM 77:7

Bawipa nih hin a zungzal in maw a ka hlawt ko lai? Ka cungah hin lawmhnak a ngei ṭhan ti lai lo maw?

SALM 77:8

Daw ti loin maw a ka um ko lai? Bia a ka kammi cu pakpalawng maw a si ko lai?

SALM 77:9

Pathian nih hin minung cung i zaangfahnak ngeih kha a philh ko hnga maw? Minung cung i zawnruahnak a ngeih tawnmi kha a thinhunnak nih dahra a hloh dih?" ka ti.

SALM 77:20

Na mi cu tuukhal bangin na hruai hna, Moses le Aaron kha na cawnghter hna.

SALM 78:13

Rili kha a cheu i a chungin a hruai hna; ti cu vampang bantukin a dirter hna.

SALM 78:14

Chun ah khuadawm in a hruai hna i zan ah mei ceu in a hruai hna.

SALM 78:15

Ram car chungah khan lung ngan pipi kha a khuai hna i rili ti zat in din awk ti a pek hna;

SALM 78:16

lungpang chung khan tiva a chuahter hna i ti cu tiva bangin a luanter.

SALM 78:17

Sihmanhsehlaw Pathian cungah cun sualnak an tuah lengmang ko i Cung Nung Bik kha ramcar chungah cun an doh zungzal ko.

SALM 78:20

Lungpi cu a tuk i ti cu a chuak hluahmah taktak, asinain rawl cu a kan pe kho ngai hnga maw? A mi cu sa a kan pe kho ngai hnga maw?" an ti.

SALM 78:21

Cu an chimmi cu Pathian nih a theih tikah an cungah a thin a hung; a mi cu mei in a hrem hna i an cung i a thinhunnak kha a ṭhang,

SALM 78:22

zeicahtiah amah kha an i bochan duh lo i a kan khamh lai, tiah an zum duh lo.

SALM 78:24

vancung cun rawl a run pek hna, an ei awk manna changreu kha a run thlak hna.

SALM 78:27

cun leidip zat in va kha a thlak hna, rili kam thetse zat in a thlak hna;

SALM 78:30

Sihmanhsehlaw an ei lio, a khim hmanh an khim hlanah khan,

SALM 78:31

Pathian cu an cungah a thin a hung i an miṭhawng bikbik kha a thah hna, Israel tlangval ṭha bikbik kha a thah hna!

SALM 78:34

Sihmanhsehlaw a cheu a thah hna tikah khan, a cheu cu amah leiah an i mer ve; an i ngaichih i amah sinah thla fak piin an cam.

SALM 78:54

A ram thiang chungah cun a luhpi hna, amah hrimhrim nih a teimi tlang ah cun a phakpi hna.

SALM 78:67

Josef tefa kha a hlawt hna i Efraim phun kha a thim hna lo.

SALM 78:68

Judah phun tu kha a thim i a duh ngaingaimi Zion Tlang tu kha a thim.

SALM 78:70

A sal David kha a thim i tuu a khalhnak le tuu a cawnghnak khan a lak.

SALM 78:72

David nih cun a lungthin a dih-umnak in a zohkhenh hna i fimnak in a hruai hna.

SALM 79:8

Kan pupa hna nih sualnak an tuahmi ruangah cun kannih cu dan kan tat hlah, ruahchan awk zeihmanh kan ngeih ti lo caah zaangfahnak tu kan cungah ngei ko.

SALM 79:9

Na min upatnak ding caah kan bawm tuah, Maw Pathian kan Khamhtu; kan chuah law kan sualnak cu kan ngaithiam ko.