Nitin Baibal Relnak

SALM 104:26

a cungah sangphawlawng kha an kal i a chungah Leviathan rulpi kha lente aa celh, Leviathan cu rili chung rulpi nangmah nih na sermi kha a si.

SALM 104:27

An herhmi an rawl hmuhnak ah, an dihlak in nangmah kha an in bochan.

SALM 104:29

Naa mer tikah an awlok a chong, na thaw kha na tlaihkanh hna tikah an thi i an chuahkehnak vawlei ah khan an kir ṭhan.

SALM 104:30

Sihmanhsehlaw thaw na pek hna tikah an nung; vawlei cu nunnak thar na pek.

SALM 104:34

Pathian nih lunglawmhnak a ka pek zat in, ka thangṭhatnak hla nih amah cu a lunglawmhter ve seh.

SALM 105:1

Bawipa sinah lawmhnak bia chim u, a lianhngannak kha thanh u; cun a tuahmi thil kha miphun vialte chim hna u.

SALM 105:3

Kannih cu amah mi kan si caah kan i lawm, Bawipa rian a ṭuanmi vialte i lawm u.

SALM 105:4

Bawmhnak hmuh awkah amah cu va fuh u, a hmaika ah khan va um zungzal u.

SALM 105:7

Bawipa cu kan Pathian a si; a nawlbia cu vawlei cung dihlak caah a si.

SALM 105:8

Biakamnak a sermi cu zungzal in a zulh lai, a biakamnak cu chan thong khat tiang a zulh lai,

SALM 105:16

An ram ah Bawipa nih mangṭam a tlunter i an rawl vialte kha a lakpiak dih hna tikah,

SALM 105:17

mi pakhat kha an hmaiah a rak thlah, cu mipa cu sal i an zuarmi Josef kha a si.

SALM 105:19

A rak chim chungmi kha a tlin hlantiang, Bawipa nawl in hneksaknak kha a ing.

SALM 105:21

A ram uknak nawl kha a pek i a ram vialte uktu ah khan a ser;

SALM 105:23

Cun Jakob cu Izipt ram ah khan a vung kal i cuka ah cun a vung um.

SALM 105:24

Bawipa nih a mi hna cu fa tampi a ngeihter hna i an ral hna nakin ṭhawng deuh ah a ser hna.

SALM 105:25

Izipt mi cu a mi kha a huatter hna i a sal hna cungah khan hlennak in rian a ṭuanter hna.

SALM 105:26

Cun a sal Moses le a thimmi Aaron kha a thlah hna.

SALM 105:37

Cun Israel mi kha a chuahpi hna, sui le ngun kha an i phorh, an dihlak in an ṭhawng i an ngan a dam.

SALM 105:39

A mi hna cungah cun khuadawm a zar i zan ah ceunak petu dingah mei a pek hna.

SALM 105:42

A sal Abraham sinah a sermi a biakam thiang kha a philh lo.

SALM 105:45

zeicahdah cuticun a tuah ti ahcun, ka mi nih ka nawl kha ngai hna seh law ka phunglam kha zul hna seh ti a duh caah a si. Bawipa cu thangṭhat ko u!

SALM 106:1

Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

SALM 106:3

Amah nawl a zulmi cu mi lunglawm an si, a dingmi thil a tuahmi cu mi lunglawm an si!

SALM 106:7

Izipt ram i a rak ummi kan pupa hna nih khan Pathian tuahmi thil khuaruahhar kha an hngalthiam lo, an cungah a dawtnak voi tampi a langhter kha an philh i Lianngan Bik cu Rili Sen ah khan an doh.

SALM 106:8

Sihmanhsehlaw bia a kamh hna bangkhan a khamh hna, cu a khamh hna cu a liannganmi a ṭhawnnak langhternak caah a si.

SALM 106:13

Sihmanhsehlaw a tuahmi kha an philh ṭhan zau i amah ruahnak hal hmasa loin rian an ṭuan:

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

SALM 106:32

Bawipa cu a mi nih Meribah Cerh ah khan a thin an hunter i anmah ruangah cun Moses cu a awlok a chong.

SALM 106:33

Moses cu a thin an hunter tuk hringhran caah a chim awk a si lomi tiang zong khan a chim phah.

SALM 106:43

Bawipa nih a mi pawl cu voi tampi a khamh ko hna, sihmanhsehlaw amah doh tu kha an duhmi cu a si i sualnak chungah khan thuk chin lengmang in an pil.

SALM 106:44

Asinain Bawipa nih cun an auh tikah khan a theih hna i an temhinnak kha a hmuhpiak hna.

SALM 107:1

Bawipa cu lawm tuah u, zeicahtiah amah cu a ṭha. a fekmi a dawtnak cu zungzal in a hmun.

SALM 107:2

Bawipa nih a khamhmi vialte hna, amah cu thangṭhat u sih. Nan ral kut chungin an chuah hna i

SALM 107:3

ram dang in an tlunpi hna, nichuah, nitlak, chaklei, thlanglei in an tlunpi hna.

SALM 107:6

An harnak chung cun Bawipa kha an auh i an harnak chung khan a khamh hna.

SALM 107:8

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 107:9

Ti a halmi kha an ti hal a riamhter hna i rawl a ṭammi kha thil ṭha in an paw a khimter hna.

SALM 107:12

Rian hrang an ṭuannak ah khan an ba i an rilh tikah ahohmanh nih an hlawm duh hna lo.

SALM 107:13

Cu bantuk harnak chung cun Bawipa cu an auh i an temhinnak chung cun a khamh hna.

SALM 107:14

Khuamui lakah lungdong in an umnak chung cun a chuah hna i an thir cikcin cu a chahpiak hna.

SALM 107:41

Sihmanhsehlaw sifak retheimi kha an harnak chungin a chuah hna i an tefa cu saṭil run bantukin a karhter hna.

SALM 107:43

A fimmi nih cun hi thil hi ruat hna seh; Bawipa dawtnak fek cu ruat zungzal hna seh.