Nitin Baibal Relnak

SALM 111:1

Bawipa cu thangṭhat u! Bawipa cu a mi hna an i pumhnak ah ka lungthin a dih umnak in ka lawmh lai.

SALM 111:2

Bawipa nih a tuahmi thil cu zeitluk in dah khuaruahhar a si! A tuahmi thil cung i aa lawmmi hna nih cun an sullam kha hngalh an duh.

SALM 111:4

Bawipa nih thil khuaruahhar a tuahmi hna kha philh loin a kan umter; amah cu mi cungah vel a ngei i zaangfah a thiam.

SALM 111:9

A mi cu khamhnak a pek hna i zungzal hmunmi biakamnak kha an sinah a ser. Amah cu a thiang i a ṭhawngmi a si.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

SALM 112:2

Cu bantuk mi hna fale cu ram chungah hin miṭhawng an si lai, miṭha mi hna fale cu thluachuah hmumi an si lai.

SALM 112:3

An innchungkhar hna cu an rum an lian lai i khua awng an pem zungzal lai.

SALM 112:4

Miṭha mi hna caah cun muihnak chungah khan ceunak a tlang, mi cungah vel a ngeimi le mi zaangfah a thiammi le miding mi hna caah cun ceunak kha a tlang.

SALM 112:7

Thawng chia theih kha a ṭih lo. a zumhnak a ṭhawng i Bawipa kha aa bochan.

SALM 112:8

Lungrethei le thinphang in a um lo; ka ral cu an sung hrimhrim lai ti kha a hngalh.

SALM 113:1

Bawipa cu thangṭhat ko u! Bawipa salle hna, Bawipa min cu thangṭhat u.

SALM 113:7

Sifakmi kha leidip lak i an umnak khan a cawi hna, retheimi kha an retheihnak chungin a chuah hna i

SALM 113:8

siangpahrang fale hawikom ah khan a ser hna; a mi hna siangpahrang fale hawikom ah khan a ser hna.

SALM 113:9

Fa a ngei kho lomi nu kha upatnak a pek hna i fa a ngeimi lunglawmmi nu ah a ser hna. Bawipa cu thangṭhat u! Bawipa cu thangṭhat u!

SALM 114:7

Maw vawlei, Bawipa a rat caah cun ther ko, Jakob Pathian hmaiah cun ther ko.

SALM 114:8

Amah nih cun lungpi kha tili ah a canter hna i lungpang kha cerhti put ah a canter hna.

SALM 115:1

Kanmah si loin, na min lawnglawng hi sunparnak pek awk cu na si, Bawipa, zeicahtiah na dawtnak cu a fek i zumhawktlak na si.

SALM 115:9

Maw Israel mi hna, Bawipa cu i bochan u, amah nih an bawmh hna lai i an huhphenh hna lai.

SALM 115:11

Bawipa a ṭihmi vialte hna, amah cu i bochan u, amah nih an bawmh hna i an huhphenh hna.

SALM 115:13

Amah a ṭihmi vialte cu thluachuah a pek hna lai, a hme a ngan thleidang loin a pek hna lai.

SALM 115:16

Vancung khi Bawipa ta a si, sihmanhsehlaw vawlei hi cu, mi kha a pek hna.