Nitin Baibal Relnak

JEREMIAH 48:27

Moab, Israel mi kha zeitindah nihchuak capo i na ser hna kha philh hlah. Mifir hna lakah tlaihchihmi si hna seh law cu bang, cuticun na tuah hna khah.

JEREMIAH 48:38

Moab ram chung i inncung hna ah le an tual kau pipi hna ah cun, ṭahnak hla dah ti lo cu zeihmanh a um lo; zeicahtiah Moab cu ahohmanh nih zei i an rel lomi um bangin ka khuai cang, tiah Bawipa nih a ti.

JEREMIAH 48:47

Sihmanhsehlaw hmailei caan ah cun Moab cu, Vanṭhatnak kha ka pek ṭhan lai, tiah Bawipa nih a ti. Hi tiang hi Moab cung i biaceihnak cu a si.

JEREMIAH 49:12

"Dantat awkah aa tlak lomi hna hmanh nih dantatnak hrai kha an din ahcun, nang cu dantat loin ka luat hnga tiah maw naa ruah? Na luat lai lo, hrai cu na din hrimhrim lai.

JEREMIAH 49:36

Van ṭhen li i ṭhenmi khan Elam cungah thli pali ka tlunter lai; Hi thli pali hna sinah hin ka ṭhek hna lai i Elam ram in saltang an phanh lonak miphun zeihmanh an um lai lo.

JEREMIAH 49:39

Sihmanhsehlaw hmailei caan ah cun Elam cu a vanṭhatnak kha ka pek ṭhan lai," tiah Bawipa nih a ti.

JEREMIAH 50:1

Babilon kong, Khaldi mi hna ram kong i Bawipa nih profet Jeremiah ka in a chimmi bia:

JEREMIAH 50:3

Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo," tiah chim, a ti.

JEREMIAH 50:4

Khi ni le khi caan ah cun Israel mi hna le Judah mi hna cu hmun khat ah an ra ṭi lai i Bawipa an Pathian cu mitthli he an kawl lai;

JEREMIAH 50:5

Zion lei hoih in cuka kalnak ding lam cu an hal hna lai i, "Ra tuah u, zungzal hmunmi, philh khawh lo ding biakamnak in Bawipa sinah i peh u sih," an ti lai, tiah Bawipa nih a ti.

JEREMIAH 50:6

Ka mi cu tuu tlau an si cang, an tuukhal hna nih khan a pingah an kalter hna i tlang cungah khan an duhnak kip ah an vaihter hna; tlang pakhat in tlang dang pakhat ah an kal lengmang i an kawm kha an philh cang.

JEREMIAH 50:17

Israel mi cu chiandeih nih a dawi i a ṭhek dihmi tuurun bantuk a si; An sa a ei hmasa biktu kha Assiria siangpahrang a si i An ruh a ṭam hmanung biktu kha Babilon siangpahrang a si.

JEREMIAH 50:28

Babilon in a luatmi saltang hna cu Zion ah an ra i Babilon mi hna nih Bawipa biakinn cung i an tuahmi thil ruangah Bawipa kan Pathian nih an cung i phuhlamnak a tuahmi kha an rung chim.

JEREMIAH 50:31

Babilon, nangmah cu na lung a puam caah kan ralchanh, Nangmah dan kan tat lai caan, na ni cu a phan cang, tiah Bawipa, Ralkapbu Pathian nih a ti.

JEREMIAH 50:33

Israel mi le Judah mi cu hrem ṭi an si, Anmah a tlaitu hna nih khan fek tein an hren hna i an thlah duh hna lo.

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

JEREMIAH 50:46

Babilon cu a tluk tikah a thawng a than tuk caah vawlei aa hnin i A ainak thawng cu miphun zakip sin tiang a thang.

JEREMIAH 51:16

Nawl a pek hna bangin vancung i ti khi an awn, Vanhramdeng in minmei kha a thawhter. Ruah chungah cun nimtlau a lekter hna i A thilkhonnak chungin thli kha a chuahter hna.

JEREMIAH 51:26

Na lung cu pakhat hmanh innkil lung caah hman a si lai lo i pakhat hmanh innhram caah hman a si lai lo; Nangmah cu zungzal in ṭiaotakmi hmun na si lai, tiah Bawipa nih a ti.

JEREMIAH 51:39

An zu dinnak cu zawtnak in ka donghter lai i An rit tuk ah an i ngerh len lai i an i lawng len lai. A dong lomi hngilhnak chungah khan an tla lai i An i hlau ti lai lo, tiah Bawipa nih a ti.

JEREMIAH 51:53

Babilon cu van tawng in sang in, A kulhnak vampang hna cu ahohmanh kai khawh loin ser si hna hmanh seh law, A cungah hrawktu ka thlah hna lai, tiah Bawipa nih a ti.

JEREMIAH 51:60

Jeremiah nih Babilon cung i a tlung ding ṭhat lonak vialte cu cauk chungah a ṭial dih hnuah

JEREMIAH 51:61

Seraiah cu a thawh i, "Babilon nan phak tikah hika i aa ṭialmi bia vialte hi mi zapi theihhngan ah na va rel hrimhrim lai.

JEREMIAH 51:62

Cun thla na cam lai i, 'Bawipa, hi hmun hi ka hrawh lai i a chungah zeihmanh an um lai lo, minung zong an um lai lo, saram zong an um lai lo i zungzal in a ṭiaomi hmun a si lai,' tiah na ti, na ti lai.

JEREMIAH 52:3

Jerusalem le Judah nih Bawipa thin cu an phawh tuk caah a donghnak ah cun a hmuh lonak hmun ah a dawi hna. Cun Zedekiah nih Babilon siangpahrang kha a doh.

JEREMIAH 52:4

A bawi kum kuanak, thla hra thla, cu thla ni hra ni ah cun Babilon siangpahrang Nebukhadnezzar cu Jerusalem tuk awkah, a ralkapbu pi he an ra i an kulh i a velchum in ralvennak innsang kha an sakhnawh.

JEREMIAH 52:5

Cuticun Zedekiah siangpahrang a bawi kum hleikhatnak kum tiang khuapi cu an kulh.

JEREMIAH 52:6

Cun khuapi chungah cun mangṭam cu a fak tuk hringhran cang i mi caah rawl a um ti lo caah cu kum thla linak thla a ni kua ni ah khuapi cu an bauh khawh.

JEREMIAH 52:8

Sihmanhsehlaw Khaldi mi ralkap hna nih cun siangpahrang cu an dawi i Jeriko nelrawn ah an phak; cun a ralkap vialte hna cu an i ṭhek dih i an zamtak.

JEREMIAH 52:10

Babilon siangpahrang nih cun Zedekiah fapa hna cu a hmuhhngan te ah cun a thah hna i Judah bawi vialte hna zong Riblah ah cun a thah hna.

JEREMIAH 52:11

Cun Babilon siangpahrang nih Zedekiah cu a mit a khoih i dar hreng a khenh i Babilon ah a kalpi i a thih tiang thong ah a thlak.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

JEREMIAH 52:14

Ralvengtu ralkap hna haotu le Khaldi mi ralkap hna nih cun Jerusalem velchum i kulhnak vampang cu an chimh dih.

JEREMIAH 52:17

Cun tawngca tung Bawipa inn chung i a ummi hna kha le dar hmaihum nganpi le a dohnak hna Bawipa inn chung i a ummi hna cu Khaldi mi hna nih cun an den cikcek hna i a dar vialte cu Babilon ah an kalpi.

JEREMIAH 52:18

Cun biaknak inn chung i biaknak ca i hmanmi thil vialte, um tehna, cawhlek tehna, mei hmihnak tehna, hmaihum tehna, zihmui khanghnak kheng tete hna, dar-um vialte hna kha an kalpi dih.

JEREMIAH 52:19

Cun sui le ngun in sermi thil paohpaoh kha cu an lak dih hna: khengkuar tehna, mei luahnak tehna, hmaihum tehna, um tehna, meiinn tung tehna, zihmui khanghnak kheng tehna, thlet thawinak ca i khengkuar tehna kha an si.

JEREMIAH 52:28

Mah hna hi Nebukhadnezzar nih kum sawm sarih kum ah sal ah a kalpimi hna cu an si: Judah mi thong thum le kul le thum;

JEREMIAH 52:29

Nebukhadnezzar a bawi kum hleiriat kum ah Jerusalem in za riat sawm thum le pahnih;

JEREMIAH 52:30

Nebukhadnezzar a bawi kum kul le kum thum kum ah ralvengtu ralkap hna haotu Nebuzaradan nih Judah mi za sarih le sawm li le panga sal ah a kalpi hna; an dihlak ah thong li le za ruk an si.