EZEKIEL 19:10
Nan nu cu ti kam i phunmi mitsur ruang a rak si, Ti tampi a um caah thei tampi a tlai i a hnah cu hring hlerhhlurh in an um.
EZEKIEL 19:11
A nge hna cu an ṭhawng i Uktu bawi ṭhiangṭhunh i ser awk hmanh ah an i tlak. A hung sang i a dang cungah khan a hung fong, A san caah khan le a nge an tam caah khan a lang ngaingai.
EZEKIEL 19:14
Amah nge chung lila khan mei a chuak i a nge vialte cu a kangh dih hna. Uktu bawi hna ca i ṭhiangṭhunh i ser awkah a ṭhawngmi nge a ngei ti lo,' a ti," tiah a ti. Hihi ṭah hla cu a si i zapi hmanmi ah a cang lan.
EZEKIEL 20:1
Kum sarihnak kum, thla nganak thla ni hra ni ah, Israel mi upa tlawmpal hna cu Bawipa kha lungthin hal awkah an ra i ka sinah khan an ṭhu.
EZEKIEL 20:3
A ka thawh i, "Mipa, hihi Bawipa Pathian bia a si tiah Israel upa cu chim hna: 'Keimah cu ruahnak hal awkah nan ra maw? Ka nun bangin ka chim, nan ka hal kho lai lo. Hihi Bawipa Pathian bia hrimhrim a si,' a ti," tiah a ti.
EZEKIEL 20:5
mah hihi Bawipa Pathian bia a si, ti hna: Israel kha ka rak thim tikah khan kut hler in Jakob phun sinah khan chiatser in ka rak i ṭem chih i an sinah Izipt ram ah khan ka rak i phuang; ka kut kha ka hler i, Keimah cu Bawipa nan Pathian ka si, tiah ka rak ti.
EZEKIEL 20:6
Khi ni ah khan kut hler in chiat ka ser i Izipt ram in kan chuahpi hna lai i nan caah ka thimmi, cawhnuk le khuaihliti in a luangmi ram, ram vialte lak i ram ṭha cem ah cun kan luhpi hna lai, ka ti.
EZEKIEL 20:7
Annih cu an dihlak in, nan mit lungriam koin nan zohmi thil fihnung kha hlaw cang hna u law Izipt ram siasal khan i thurhhnawmh ti hlah u. Keimah cu Bawipa nan Pathian ka si, tiah ka ti hna.
EZEKIEL 20:8
"Sihmanhsehlaw an ka doh, ka bia kha ngaih an duh lo i ahohmanh nih an mit lungriam in an rak zohmi thil fihnung kha hlonh an duh hna lo i Izipt siasal kha hlawt an duh hna lo. Izipt ram ah khan, ka thinhunnak cu ka bunghhnawh lawlaw ko hna lai hlah maw, ka thinlinhnak cu ka hlinh lawlaw ko hna lai hlah maw, tiah ka rak ruat.
EZEKIEL 20:9
Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.
EZEKIEL 20:10
Izipt ram chung cun ka chuahpi hna i ramlak ah khan ka kalpi hna.
EZEKIEL 20:11
Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah.
EZEKIEL 20:12
Cu pinah, annih nih kannih cu Bawipa nih Amah caah a kan thianter ti kha an hngalh nakhnga annih le keimah karlak i hmelchunhnak caah sabbath kha ka pek hna.
EZEKIEL 20:13
Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.
EZEKIEL 20:14
Asinain ka chuahpi hna, a hmumi miphun hna hmaiah khan ka min cu thurhhnawmh a si nakhnga lo ka min hmaizah in ka ṭuan ṭhan.
EZEKIEL 20:17
Asinain ka zaangfah tuk hna caah ramlak i hrawh le an donghnak phakter ko kha cu ka duh lo.
EZEKIEL 20:34
Nan i ṭheknak ram chung khan le miphun hna chung khan a ṭhawngmi ka kut le samhmi ka baan le thletmi ka thinhunnak in kan chuah ṭhan hna lai i kan pumh ṭhan hna lai.
EZEKIEL 20:37
"Ka fung tangin kan lanhter hna lai i biakamnak chungah kan luhpi hna lai.
EZEKIEL 20:39
"Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.
EZEKIEL 20:40
Sihmanhsehlaw ka tlang thiang cungah, Israel tlang sang cungah, khika ah Israel mi hna nih ram chungah an dihlak in ka rian an ṭuan lai, tiah Bawipa Pathian nih a ti. Khika ah khan ka cohlan hna lai i khika ah khan nan laksawng le nan pekchanhmi thil chung i a ṭha bikbik hna le a thiangmi nan thawhlawm vialte he khan ka pe u, tiah kan hal hna lai.
EZEKIEL 20:41
Nan i ṭheknak ram hna le miphun hna chungin kan chuahpi hna i kan pumh hna tikah, nan raithawinak rim thaw cu kan cohlanpiak hna lai. Miphun vialte hmuh awkah keimah lawnglawng kha nan ka biak lai.
EZEKIEL 20:43
Khika ah nannih nih hlanlio nan umtuning le nan i thurhhnawmhnak thil ṭhalo vialte kha nan hngalh hna lai i thil ṭhalo nan rak tuahmi vialte ruangah khan nan i fih lai.
EZEKIEL 21:3
Israel ram cu thawh law, "Hihi Bawipa bia an si: Nangmah cu kan ralchanh. Ka vainam cu a kawng chung khan ka phawi lai i na chung i a ummi kha a ding he a ṭhalo he ka sam hna lai.
EZEKIEL 21:17
Keimah zong nih ka kut ka bengh ve lai i ka thinhunnak kha ka ṭhumh lai, tiah Bawipa nih ka chim," a ti.
EZEKIEL 24:16
Mah hihi Bawipa nih ka sinah a chimmi bia a si. A ka thawh i, "Mipa, na dawt bikmi kha chikkhatte ah kan lakpiak lai, sihmanhsehlaw na ṭap lai lo, na ai lai lo, na mitthli zong na tlakter lai lo.
EZEKIEL 24:17
Lung ṭhawng in um ko, na ludomh cu naa domh tawn bantukin i domh law na kedan cu i danh tuah. Na hmur cunglei kha i khuh hlah, hnabeidonghnak rawl, timi zong kha ei hlah," a ti.
EZEKIEL 24:18
Zingka ah mizapi sinah cun bia ka chim i cu zanlei hrimhrim ah cun ka nupi cu a thi.
EZEKIEL 24:19
A thaizing ah cuticun na tuah lai tiah a ka chimh bantuk khan ka tuah. Mizapi nih cun, cu ti ka umtuzia cu an caah a sullam zeidah a si tiah an ka hal.
EZEKIEL 24:20
Cun ka leh hna i, "Hi hi Bawipa nih a ka chimhmi bia cu an si, ka ti hna. Ka thawh hna i,
EZEKIEL 24:21
Israel mi cu va chim hna law hihi Bawipa bia a si: Nan i bochanmi nan Biakinn ṭhawnnak cu nan i porhlaw. Nannih nih zoh nan duh ngaingai i a chung i va len kha nan duh; sihmanhsehlaw Bawipa nih a thurter lai. Cun nan fale hna Jerusalem i a tangmi hna kha, ral ah an thi lai.
EZEKIEL 24:22
Cun keimah nih ka tuahmi kha nan tuah lai, nan hmai kha nan i khuh lai lo i mithi ngaimi nih an ngaihmi rawl kha nan ei lai lo.
EZEKIEL 24:23
Na lu i khuh loin le na ke lawng in na kal lai lo. Mithi zong na ngai hna in na ṭah hna lai lo. Na sual ruangah na zor thluahmah lai i pakhat le pakhat kha nan i hrumhnawh lai.
EZEKIEL 24:24
Khi tikah keimah cu nan caah hmelchunhnak ka si lai i ka tuahmi vialte kha nan tuah dih hna lai. Bawipa nih hi thil hi a phanh tikah, keimah cu Bawipa Pathian ka si kha nan hngalh lai, a ti, tiah ka ti hna.
EZEKIEL 24:26
Cucu ka tuah ni ah mi pakhat, rawhralnak in a luatmi kha nan sinah a ra lai i cu kong cu an chimh lai.
EZEKIEL 24:27
Cun cu ni ṭhiamṭhiam ah cun nan ngeih ti lomi holh khawhnak kha nan ngeih ṭhan lai i anmah he cun bia nan i ruah lai. Cuticun mi hna caah nanmah cu hmelchunhnak nan si lai i keimah cu Bawipa ka si kha an hngalh lai," a ti.
EZEKIEL 25:3
A bia cu hihi a si: 'Nannih nih ka hmunthiang kha thurhhnawmh a si i Israel vawlei kha a rawk i Judah mi nih sal taannak chungah an kal kha nan hmuh tikah, "Va cei hna seh," nan ti caah,
EZEKIEL 25:7
nan cungah ka kut ka samh lai i nannih cu miphun hna hazawh ah kan ser hna lai i miphun dang hna sin khan kan ṭhen hna lai; khuazeika ram hmanh ah nannih cu kan hloh hna lai i nan cungah rawhnak ka tlunter lai. Cuticun keimah cu Bawipa ka si kha nan hngalh lai, tiah a ti.
Comments
Post a Comment