Nitin Baibal Relnak

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

ṬAHNAK HLA 1:8

Jerusalem cu fak piin a sual ko, Cucaah puanchia thur bantuk ah rel a si cang; A rak upat tawntu vialte nih khan zei ah an rel ti lo, Zeicahtiah a taklawng in a um kha an hmuh. Cucaah a hrum a ai i ningzak in mi hmai a zoh ngam ti lo.

ṬAHNAK HLA 1:11

A mi vialte hna cu an hrum an ai, Rawl kha heh tiah an hal; An thazang kha hmuh ṭhan awkah An rothil cu rawl ah an zuar hna. "Maw Bawipa, run ka zoh law, Zeitluk in dah zohchuk ka si kha run ka hmu tuah," tiah a ṭap.

ṬAHNAK HLA 1:18

Bawipa cu a ding ko; A nawl a altu cu keimah ka si. Ngai tuah u, nannih miphun vialte hna, ngai tuah u law ka lungfahnak hi ka zohpiak tuah u: Ka ngaknu thiang hna le ka tlangval hna cu saltannak chungah an kal cang.

ṬAHNAK HLA 1:20

Maw Bawipa, zeitluk in dah ka lungre a theih hi run zoh tuah. Ka lung si a vang i Ka chungthin aa let dih, Nangmah kha zeihmanh ruat loin kan doh caah a si. Vainam nih khualak lam ah ngakṭah a ser hna i Rai nih inn chungah ngakṭah a ser hna.

ṬAHNAK HLA 1:22

Ṭhat lonak an tuahmi vialte cu na hmaika kha phan ko hna seh; Ka ṭhat lonak vialte ruangah nangmah nih na ka hrem bantukin Annih zong hrem ve ko hna; Zeicahtiah ka aihramnak cu a tam ko i Ka lung cu a tha a ba ko.

ṬAHNAK HLA 2:6

Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. Bawipa nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

ṬAHNAK HLA 2:7

Bawipa nih amah biakṭheng lila kha a hlawt i A hmunthiang kha chiat a serh. A inn vampang hna cu ral kut chungah khan a pek hna; Bawipa innchung hrimhrim ah khan Puai tuah ni i teinak hawhawt bantukin an au.

ṬAHNAK HLA 2:14

Na profet nih an in hmuhpiakmi langhnak cu Ahmaan lomi le phuahchommi lawnglawng an si; Na sualnak kha i hngal lakin an in chim lo i Cucaah cun na cung i a tlung dingmi dantatnak nih an hrial kho lo. Annih nih an in hmuhpiakmi langhnak cu hlennak an si, a deu le dehnak an si.

ṬAHNAK HLA 2:22

Keimah doh awkah ka ral hna cu, puai tuah awkah aa pummi bantukin, a kenkip in na auh hna; Bawipa thinhun ni ah cun pakhat hmanh an luat lo; pakhat hmanh an nung lo. Him tein ka hrinmi hna le ka cawmmi kha an dihlak in ka ral nih an hrawh hna.

ṬAHNAK HLA 3:15

A khami an in a ka khimter i Anfangkha in a ka ritter.

ṬAHNAK HLA 3:17

Daihnak kha ka nunnak chungin a chuak cang i Nunnuamh kha zei a si ka philh cang.

ṬAHNAK HLA 3:18

Khi tikah ka thazang a um ti lo, tiah ka au i, Cuticun Bawipa kaa ruahchannak zong a lo ve.

ṬAHNAK HLA 3:20

Cucu run ka hngalhpiak, maw run ka ka hngalhpiak ko law, run ka hlawm ko sawh.

ṬAHNAK HLA 3:21

Hi vialte hi ka lung chungah kaa chiah hna i Cucaah ka ngan filfial ko lai:

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

ṬAHNAK HLA 3:23

Zing fate in an thar lengmang, Zumhtlak a sinak cu a lianngan hringhran.

ṬAHNAK HLA 3:24

Ka ngeihmi dihlak cu Bawipa hi a si ko, ka ti; Cucaah amah cu lungsau in ka ngan ko lai;

ṬAHNAK HLA 3:25

Bawipa cu amah aa bochanmi hna vialte cungah a ṭha.

ṬAHNAK HLA 3:26

Cucaah a kan khamhnak ding cu lungsau in kan hngah awk a si.

ṬAHNAK HLA 3:27

Cu lungsau cu kan no lio i kan hngalh ah a ṭha bik.

ṬAHNAK HLA 3:28

Harnak kan in tikah kanmah lawng tein daite le lungsau in kan ṭhut awk le

ṬAHNAK HLA 3:29

Amah duhnak zulh in kan lu kan khun awk a si. Zeicahtiah ruahchan awk a um kho rih ko.

ṬAHNAK HLA 3:33

Minung hi a hrem hna le dan a tat hna hi, A duh taktak caah a tuahmi a si lo.

ṬAHNAK HLA 3:38

A chia siseh a ṭha siseh, Cung Nung Bik kaa chungin a chuakmi an si lo maw?

ṬAHNAK HLA 3:39

Zeicahdah minung, a thi khomi minung nih hin, a phun a zai lai?

ṬAHNAK HLA 3:40

Kannih nih kan lam kha zoh ṭhan hna u si law, hneksak hna u si law Bawipa sinah kir ṭhan u sih;

ṬAHNAK HLA 3:41

Kannih nih, kan kut lawng kha si loin, kan lung tu kha vancung Pathian sinah hler u sih.

ṬAHNAK HLA 3:54

Ti nih ka lu a ka phum i 'Ka donghnak a phan cang,' tiah ka ti.

ṬAHNAK HLA 3:55

Sihmanhsehlaw maw Bawipa, nangmah min cu Khor tawne khan ka hun auh;

ṬAHNAK HLA 3:56

Ka aw kha na theih; 'Keimah chanh awkah ra tuah,' tiah ka au tikah, Na hna i cheh sawh hlah.

ṬAHNAK HLA 3:57

Nangmah kha kan auh tikah ka pawngah na um; Nangmah nih, 'Ṭih hlah,' na ka ti.

ṬAHNAK HLA 3:58

Bawipa, nangmah nih ka bia cu na ka chimpiak i ka nunnak cu na tlanh;

ṬAHNAK HLA 4:6

Ka mi hna dantatnak hi Sodom dantatnak nakin a chia deuh, Sodom khua cu chikkhatte ah hrawh a rak si caah Ahohmanh an ngaih a chia manh lo.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

ṬAHNAK HLA 5:4

Kanmah ti lila kha din kan duh ah kan cawk a hau i Kanmah thing lila kha phaisa in kan cawk lawngah kan ngeih khawh.

ṬAHNAK HLA 5:6

Kannih cu rawl kha an kan pek nakhnga a chel ah Izipt mi hna he remnak kan tuah, A chel ah Assiria mi hna he kan tuah.

ṬAHNAK HLA 5:7

Kan pupa hna nih an rak sual i atu ah an um ti lo, Annih sualnak thilrit kha kannih nih kan phorh.

ṬAHNAK HLA 5:8

Sal hna cu kan uktu ah an i cang i annih sinin a kan chuahtu ahohmanh an um lo.

ṬAHNAK HLA 5:11

Zion ah nu kha tlaihhrem an si; Judah ram khua hna ah ngaknu thiang kha tlaihhrem an si.

ṬAHNAK HLA 5:15

Lawmhnak nih a kan zamtak cang i Kan lamnak hna cu ṭahnak ah an cang cang.

ṬAHNAK HLA 5:19

Maw Bawipa, nangmah cu zungzal in bawi na si ko, Na bawi ṭhutdan cu chan khat hnu chan khat a hmun.

ṬAHNAK HLA 5:22

Na kan hlawt rumro a si lo i tah cawk loin kan cungah na thin a hun a si lo ahcun, Maw Bawipa, nangmah leiah kan hruai ṭhan ko, hlan lio kan sunparnak kha kan pe ṭhan ko.