Zumhnak in kar kan hlannak ah hin thilttha tampi kan tuahmi a um ko lai i mi harsa zong tampi kan bawmh ve ko men hna hnga. Sihmanhsehlaw uanpi tlak le porhlawtpi tlak pakhat hmanh an um lo. Zei ruangah kan ti asiah cun zumlotu hna hmanh nih pei miharsa le harsatnak a tongmi hna cu an bawmh tawn ko hna cu. Cubantuk tthiamtthiam in zumlotu hna zong nih pei anmah zuamnak in thilttha le thildawh, khuaruahhar thil tampi an tuahkhawh i an chuahter khawh ko hna hi, vawlei cung minthang le thiltha tampi hi zumlotu hna nih an chuahtermi le an tuahmi hna pei an si tiah! Cucaah cun kannih zumtu hna nih kan tuah khawhmi thatnak hna hi uanpi awk le hmaihngalpi tlak pakhat hmanh an um lo. Cucu na lawmhpi/uanpi ah cun porhlawtnak an luhpitu ah asi kho men mi asi. A ruang cu zumlotu hmanh nih pei kan tuahmi bantuk cu an tuah khawh ko cu tiah! Kannih zumtu hna nih kan i uanpi awktlak le hmaihngalpi awktlak le porhlawtpi awk tu cu pakhat lawnglawng kan ngei i cucu Jesuh Khrih kan zumhnak thawngin zungzal nunnak kan conak dingah a thisen in kan sual ngeihthiam kan si cangnak le zungzal nunnak min tial kan si cangmi tu hi kan i uanpi awk le porhlawtpi awk cu asi. Amen! Cucu ahmanmi asi tiah pumpak kan nunnak cio ah Thlarau in Hrinthannak nih tehte a khan. Amen! Phundang in kan chim ah cun Khrih Thlarau kan chung ah aum ti kan hngalhnak in hin asi. Amen!
Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Comments
Post a Comment