Nitin Baibal Relnak

MATTHAI 21:7

Laa le a fate kha an ratpi hna i an puan kha an danh hna i Jesuh cu aa cit.

MATTHAI 21:8

Mi tampi nih an puan cu lam ah khan an phah hna i a cheu nih thingnge kha an sam hna i lam ah cun an phah ve hna.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, "David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u," tiah an ti.

MATTHAI 21:11

"Hi pa hi Galilee ram Nazareth khuami profet Jesuh a si," tiah mibupi nih khan an leh hna.

MATTHAI 21:15

Tlangbawi upa le Phungbia cawnpiaktu saya hna nih khan khuaruahharmi thil a tuahmi kha an hmuh i ngakchia nih, "David Fapa cu thangṭhat u," tiin biakinn chungah an au kha an theih tikah an thin a hung i

MATTHAI 21:16

cucaah Jesuh cu, "An chimmi cu na thei maw?" tiah an ti. Jesuh nih cun, "Thei dah e! 'Ngakchia tete hna le hnuktlai lio bawhte hna kha, na thangṭhatnak cu na chimter hna,' tiah Cathiang chungah aa ṭialmi kha nan rel bal lo maw?" tiah a ti hna.

MATTHAI 21:12

Jesuh cu biakinn ah khan a va lut i biakinn chung i chaw a rak zuarmi le a rak cawmi kha a ṭhawl dih hna; tangka thlengtu pawl cabuai le laileng zuartu pawl ṭhutdan kha a leh dih hna i

MATTHAI 21:13

annih cu, "Cathiang chungah, 'Pathian nih ka inn cu thlacamnak inn a si lai, a ti,' tiah aa ṭial. Sihmanhsehlaw nannih nih cun mifir kua ah nan ser cang," tiah a ti hna.

MATTHAI 21:14

Mitcaw mi le kebei mi kha biakinn chungah cun a sinah khan an ra i a rak damter hna.

MATTHAI 21:18

A thaizing cu zingkate in Jesuh cu Jerusalem khua ah khan a kal ṭhan i lampi ah a rawl a ṭam.

MATTHAI 21:19

Lam pawngah khan theipi kung a hei hmuh i a hei fuh, asinain a hnah lawng a rak si ai. Cucaah thingkung cu aa thawh i, "Zeitikhmanh ah thei tlai ti hlah," tiah a ti. Hmakhatte ah theipi kung cu a car ko.

MATTHAI 21:21

Jesuh nih cun, "Hihi philh hlah u: nan zumh i lung awṭawm lo tein nan um ahcun, hi theipi kung cung i ka tuahmi hi nan tuah khawh ve lai; cu lawng hmanh si loin hi tlang hmanh hi, 'I ṭhial law rili chungah i paih,' nan ti ahcun aa ṭhial lai i aa paih ko lai.

MATTHAI 21:22

Nan zumh ahcun thlacamnak in nan halmi paoh kha nan hmuh lai," a ti.

MATTHAI 21:24

Jesuh nih cun, "Bia pakhatte kan hal ve hna lai i nan ka leh ahcun, zei nawl in dah hi thil cu ka tuah hna, ti kha kan chimh ve hna lai.

MATTHAI 21:27

Cucaah, "Kan hngal lo," tiah an leh. Cun anih zong nih, "Kei zong nih zei nawl in dah hi thil hi ka tuah, ti kha kan chim ve hna lai lo," tiah a ti hna.

MATTHAI 21:28

"Zeitindah nan ruah? Mipa pakhat a rak um i fapa pahnih a ngeih hna. A upa u sinah khan a va kal i, 'Ka fapa, nihin cu va kal law mitsur dum ah rian va ṭuan,' tiah a ti.

MATTHAI 21:29

Anih nih, 'Ka duh lo,' tiah a leh. Sihmanhsehlaw a hnuah a lung a hun i thleng i mitsur dum ah cun a kal.

MATTHAI 21:30

Cun an pa cu a fapa a dang pakhat sinah khan a kal i cu ti ṭhiamṭhiam cun a va ti. Anih nih cun, 'E, e, bawipa,' tiah a rak leh, sihmanhsehlaw a kal lo.

MATTHAI 21:31

A si ahcun, cu hna pahnih lakah khan aho nih dah an pa duhnak kha a tuah?" tiah a hal hna. Annih nih, "Upa u nih khan," tiah an leh. Jesuh nih cun a thawh hna i, "Hihi kan chimh hna: Ngunkhuai khawltu hna le hlawhhlangnu hna nih Pathian Pennak chungah an in luhkanh cang hna lai hih.

MATTHAI 21:32

Zeicahtiah Johan cu nan sinah a ra i ahmaanmi lam zulh awk kha an hmuhsak hna, sihmanhsehlaw nannih nih cun nan zum duh lo; ngunkhuai khawltu hna le hlawhhlangnu hna tu nih khan an zumh. Cucu nan hmuh hnu zongah nan lung nan i thleng duh ṭhiamṭhiam lo i amah kha nan zum duh hlei lo," tiah a ti.

MATTHAI 21:34

Mitsur thei lawh caan kha a phak tikah a hlanhmi hna sinah cun a sal kha a hei thlah hna i a hmuh awk hnga a simi kha an va hal hna.

MATTHAI 21:37

A donghnak ah a fapa kha a hei thlah. 'Ka fapa cu an rak hmaizah ṭheoṭheo lai,' tiah a ti.

MATTHAI 21:38

Sihmanhsehlaw dum hlanhmi pawl nih khan a fapa cu an rak hmuh tikah an i thawh i, 'Hihi dum ngeitu fapa a si. Ra u, that u si law a thilri hi i lak u sih,' an ti.

MATTHAI 21:39

Cucaah an tlaih i dum lengah khan an hlonh i an thah.

MATTHAI 21:40

"A si ahcun, dum ngeitu kha a rat tikah zeitindah hi dum a hlanhmi hna cu a tuah hna lai?" tiah Jesuh nih cun a hal hna.

MATTHAI 21:41

"Cu miṭhalo hna cu a thah hrimhrim hna lai i a theitlai a pe dingmi midang kha dum cu a hlanh hna lai," tiah an leh.

MATTHAI 21:43

Cucaah hitihin kan chimh hna: Nannih cu Pathian Pennak kha chuh nan si lai i thei ṭha tein a tlai dingmi kha pek an si lai.

MATTHAI 21:45

Tlangbawi upa pawl le Farasi mi hna nih khan Jesuh chimmi tahchunhnak bia cu an theih i kanmah a kan tihnawhchan ti kha an hngalh;

MATTHAI 22:2

"Vancung Pennak cu, a fapa caah nupi ṭhit rawl danghnak a tuahtu siangpahrang he aa lo.

MATTHAI 22:3

A sawmmi kha, ra cang u, tiah va chimh awkah a sinum kha a thlah hna tikah, an ra duh lo.

MATTHAI 22:8

Cun a sinum kha a auh hna i, 'Nupi ṭhit rawl danghnak ka tuahmi cu timh dih a si cang; asinain ka sawmmi hna cu upatnak hmuh awkah an i tlak lo.

MATTHAI 22:9

Cucaah zatlang lam ah khan va kal u law nan hmuhmi paoh vun sawm hna u,' tiah a ti.

MATTHAI 22:10

Cucaah a sinum hna cu zatlang lampi ah khan an va kal i an hmuhmi hna paoh kha, a chia a ṭha thlu loin, an va pumh hna i rawl danghnak khaan cu mi an khat dih.

MATTHAI 22:12

Siangpahrang nih cun, 'Ka kawi, zeitindah hika ah hin nupi ṭhitnak puan loin na luh zia," tiah a hal. Mipa nih cun zeihmanh a chim lo.

MATTHAI 22:13

Cun siangpahrang nih khan a sinum cu a thawh hna i, 'A kut le a ke kha ṭem u law, khua leng mui lakah hei hlonh u. Cuka ah cun va ṭap seh law a hacang va rial seh,' tiah a ti.

MATTHAI 22:14

Zeicahtiah sawmmi cu an tam nain, thimmi cu an tlawm," tiah a ti.

MATTHAI 22:29

Jesuh nih cun, "Nan hei palh hringhran dah. Hi ti nan palhnak cu Cathiang kha siseh, Pathian ṭhawnnak kha siseh, nan hngalh lo caah a si.

MATTHAI 22:30

Mithi cu nunter ṭhan an si tikah vancungmi bantuk an si lai i an i ṭhi in an i um ti lai lo.

MATTHAI 22:32

'Kei cu Abraham Pathian, Isak Pathian, Jakob Pathian ka si,' tiah pei a ti kha. Cu a sullam cu Pathian cu minung mi Pathian a si, mithi Pathian a si lo, tinak a si," tiah a ti.

MATTHAI 22:37

Jesuh nih cun, " ' Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,'

MATTHAI 22:38

ti hi a ngan bik le a biapi bik nawlbia cu a si.

MATTHAI 22:39

A hun changtu biapi bik nawlbia cu, cu bantuk ṭhiamṭhiam cu a si i, 'Na innpa cu nangmah naa dawt bantukin na dawt lai,' ti hi a si.

MATTHAI 22:40

Moses Nawlbia vialte le profet hna cawnpiaknak vialte cu, hi nawlbia pahnih chungah hin an i khumh dih," tiah a ti.

MATTHAI 23:2

"Phungbia cawnpiaktu saya hna hi le Farasi mi hna hi, Moses Nawlbia hi a sullam cucu a si, tiah a ti tu an si.

MATTHAI 23:3

Cucaah an in chimhmi hna paoh cu nan ngaih le nan zulh a herh. Asinain anmah nawl bel i cawn hlah u, zeicahtiah an chimmi kha an tuah lo.

MATTHAI 23:8

Sihmanhsehlaw nannih cu "saya" ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.

MATTHAI 23:9

Cun vawlei cungah hin ahohmanh, "Ka Pa," tiah va ti hna hlah u, zeicahtiah Pa cu pakhat lawnglawng nan ngei i amah cu vancung khua i a ummi a si.

MATTHAI 23:10

"Hruaitu" ti zong duh hlah u, zeicahtiah Messiah lawnglawng hi nan hruaitu cu a si ko.

MATTHAI 23:11

Nan lak i a ngan bik cu nan sal a si awk a si.

MATTHAI 23:12

Mah le mah aa ngantermi cu ṭhumh an si lai i mi toiah aa dormi cu mi ngan ah ser an si lai," tiah a ti.

MATTHAI 23:23

"Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

MATTHAI 23:26

Farasi mi mitcaw hna. Hrai chung i a ummi thil cu thianh hmasa hna u law, cucun pei a lenglei zong cu a thian ve lai cu!

MATTHAI 23:27

"Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Si rang an thuhmi thlan bantuk nan si. Lenglei cun aa dawh ko, sihmanhsehlaw a chung cu mithi ruh le a thumi pei a khat cu.

MATTHAI 23:28

Cu bantuk cu nan si, a lenglei cun mi ṭha ko nan lo, sihmanhsehlaw nan chung cu lih le sualnak in a khat.

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

MATTHAI 23:34

Hihi kan chimh hna: Profet hna le mifim hna le cawnpiaktu hna kha kan pek hna lai; a cheu cu nan rak thah hna lai, a cheu cu vailam ah thir in nan rak khenh chih hna lai, a cheu cu nan pumhnak inn ah fung in nan tuk hna lai i khua khat hnu khua khat nan dawi hna lai.

MATTHAI 23:35

Cucaah a sual lomi vialte hna thahnak ruang i dantatnak kha nan cungah a tla lai; a sual lomi Abel thawk in Biakinn le biakṭheng karlak ah nan thahmi Zekhariah, Berekhiah fapa, tiang khan.

MATTHAI 23:37

"Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

MATTHAI 23:39

Atu ri hin hmailei ah, 'Bawipa min in a rami cu Pathian nih thluachuah pe ko seh,' na ti hlan cu, na ka hmu hrimhrim ti lai lo," tiah a ti.

MATTHAI 24:3

Cun Jesuh cu Oliv Tlang i a ṭhut lioah khan a zultu hna kha anmah lawngte in an ra i, "Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?" tiah an hal.

MATTHAI 24:7

Ram khat le ram khat an i do lai, peng khat le peng khat an i tu lai. A kenkip ah mangṭam le lihnin a tlung lai.

MATTHAI 24:8

Hi thil vialte hi nau chuah lai nganfah a hmasa bik bantuk an si.

MATTHAI 24:12

Ṭhat lonak kha a karh tuk lai caah mi tampi cu an dawtnak kha a dai lai.

MATTHAI 24:13

Sihmanhsehlaw a dongh tiangin a fekmi cu khamh an si lai.

MATTHAI 24:14

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

MATTHAI 24:21

Zeicahtiah khi caan ah cun vawlei hramthawk in nihin ni tiangah a ummi harnak a zeihmanh nakin a let tampi in a fak deuhmi harnak kha a um lai. Cu bantuk harnak cu a um zong a um ti lai lo.

MATTHAI 24:22

Cu caan cu Pathian nih rak tawiter hlah seh law ahohmanh a nungmi an um hnga lo. Asinain Pathian nih a mithim mi hna caah, cu caan cu a tawiter lai.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MATTHAI 24:27

Zeicahtiah Mi Fapa cu van ah nichuahlei in nitlaklei tiang aa lekmi nimtlau bantukin pei a rat lai cu.

MATTHAI 24:29

"Cu caan harnak cu a dongh cangka in ni cu a mui lai i thlapa cu a ceu ti lai lo, arfi cu van in an tla lai i vancung ṭhawnnak cu an i hnin lai.

MATTHAI 24:30

Cun Mi Fapa hmelchunhnak kha van ah a lang lai; khi tikah vawlei cung miphun vialte kha an ṭap lai i Mi Fapa cu lianhngannak le sunparnak he vancung in a rat kha an hmuh lai.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

MATTHAI 24:32

"Theipi kung nih hin thil pakhat in cawnpiak hna seh: A nge cu an hung hrin i an hung no i a hnah an hung corh tikah ṭhal caan cu a nai cang, ti kha nan hngalh.

MATTHAI 24:34

Mah hihi philh hlah u: Hi thil vialte hi atu i a nung lio mi an thih dih hlanah hin a tlung ko lai.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

MATTHAI 24:40

Cu caan ah cun mi pahnih lo ah rian a ṭuanmi hna lakah pakhat cu kalpi a si lai i pakhat cu nganhta a si lai.

MATTHAI 24:42

Cucaah nan Bawipa a rat lai ni nan hngalh lo caah ralring tein um ko u.

MATTHAI 24:44

Cu ruangah cun nannih zong timh cia tein nan um zungzal awk a si, zeicahtiah Mi Fapa cu nan i rin lo caan ah khin a ra ko lai.

MATTHAI 25:4

A fimmi tu nih cun an meiinn he khan, zinan khat tein an rawnmi thawl kha an i ken chih cio.

MATTHAI 25:6

"Zanṭimpi ah khin mi an hung au i, 'Nupi ṭhi tlangval cu a ra cang. Ra chuak u law ra tong u,' tiah an ti.

MATTHAI 25:8

Khi tikah a hrutmi hna nih khan a fimmi hna cu, 'Kan meiinn an mit cuahmah ai, nan zinan kan ṭhen ve tuah u,' an ti hna.

MATTHAI 25:9

A fimmi hna nih cun, 'A si kho lai lo. Nanmah ca he kanmah ca he cun kan ngeihmi hi a za lai lo. Chawdawr ah va kal u law vaa cawk ko u; tiah an leh hna.

MATTHAI 25:10

Cucaah a hrutmi ngaknu hna cu zinan cawk awkah khan chawdawr ah cun an va kal i cu karah nupi ṭhi tlangvalpa cu a rak phan. Timh cia tein a ummi ngaknu panga hna cu nupi ṭhit rawldanghnak chungah khan amah sinah cun an lut i innka kha an khar.

MATTHAI 25:11

"Hnu deuh ah khin ngaknu dang zong kha an ra phan ve. 'Bawipa, bawipa, innka hung kan hunh tuah,' tiah an au.

MATTHAI 25:12

Sihmanhsehlaw nupi ṭhi tlangvalpa nih cun, 'Kan hngal hrimhrim hna lo,' tiah a leh hna.

MATTHAI 25:13

Cucaah cun, a ni siseh, a caan siseh, nan hngalh ṭung lo caah ralring tein um ko u.

MATTHAI 25:15

Anmahle an thil ti khawh ning cio khan ngun tangka a pek hna: pakhat cu thong nga, pakhat cu thong hnih a pek i pakhat cu thong khat a pek. Cun khualtlawn ah cun aa thawh.

MATTHAI 25:19

"Caan saupi hnuah khin an bawipa cu a ra tlung ṭhan i an tangka hmannak kong kha felfai in a tuahpi hna.

MATTHAI 25:20

Thong nga a hmumi sal kha a ra lut i a dang thong nga a rung pek. Aa thawh i, 'Bawipa, tangka thong nga na rak ka pek. Atu cu zohhmanh, a dang thong nga zong ka rak chuahpi,' tiah a ti.

MATTHAI 25:22

Cun tangka thong hnih a pekmi kha a ra lut i, 'Bawipa, tangka thong hnih na rak ka pek. Atu cu zohhmanh, a dang thong hnih zong ka rak chuahpi,' tiah a ti.

MATTHAI 25:21

A bawipa nih cun, 'Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,' tiah a ti.

MATTHAI 25:24

Cun tangka thong khat a hmumipa kha a ra lut i, 'Bawipa, nang cu mikhepkha na si kha ka hngalh. Na cin lonak hmun ah khan theitlai na lawh tawn i na tuh lonak hmun ah khan tirawl na ṭuan tawn.

MATTHAI 25:25

Cucaah kan ṭih i na tangka cu vawlei chungah ka va thuh. Zohhmanh na ta kha a ningte in, hihi a si ko,' tiah a ti.

MATTHAI 25:27

Cu ti na hngalh ṭung ahcun ka tangka cu beng ah pei na rak chiah awk a si cu, ka ra kir tikah hin ka tangka he a karh he ka hmu hnga lo maw?

MATTHAI 25:28

Cucaah tangka cu a sin khan la u law tangka thong hra a ngeimipa kha pe u.

MATTHAI 25:29

Zeicahtiah a ngeimi cu chap chin an si lai i a hleivuang an ngeih tiangin an ngei lai; sihmanhsehlaw zeihmanh a ngei lomi cu a ngeihmi hnihchunte hmanh kha chuh a si lai.

MATTHAI 25:31

"Mi Fapa cu Siangpahrang in vancungmi vialte hna he a rat tikah a bawiṭhutdan cungah cun a ṭhu lai i

MATTHAI 25:32

vawleicung mi vialte cu a hmaiah pumh an si lai. Cun tuukhal nih tuu cu meheh sinin a ṭhen hna bantuk khan miphun vialte cu bu hnih ah a ṭhen hna lai;

MATTHAI 25:33

tuu cu a orhlei ah a chiah hna lai i meheh cu a kehlei ah a chiah hna lai.

MATTHAI 25:34

Cun a orhlei i a ummi cu Siangpahrang nih cun a thawh hna lai i, 'Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

MATTHAI 25:35

Ka rawl a ṭam i rawl nan ka pek, ka ti a hal i ti nan ka pek; khual ka si i nan inn ah nan ka tlunter.

MATTHAI 25:36

Puan aih awk ka ngei lo i puan nan ka pek; ka zaw i nan ka zohkhenh; thong ka tla i nan ka len,' tiah a ti hna lai.

MATTHAI 25:37

Khi tikah miding mi hna nih cun, 'Bawipa, zeitik ah dah na rawl a ṭam i rawl kan in pek, na ti a hal i ti kan in pek,

MATTHAI 25:38

khual na si i kan in tlunter, puan aih awk ngei loin na um i puan kan in pek,

MATTHAI 25:39

na zawt i kan in zoh, thong ah na tlak i kan in len?' tiah an leh lai.

MATTHAI 25:40

Cun Siangpahrang nih cun, 'Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,' tiah a leh hna lai.

MATTHAI 25:45

Cun Siangpahrang nih khan, 'Hihi kan chimh hna: misifak hramh nan duh hna lo paoh ah khan nan ka hramh duh lo a si,' tiah a leh ṭhan ve lai.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai," tiah a ti.

MATTHAI 26:2

"Nan hngalh bantukin, hi hnu ni hnih ah, Lanhtak Puai kha a si cang lai, cun Mi Fapa cu vailam tahnak i khenhchih awkah tlaihter a si lai," tiah a ti hna.

MATTHAI 26:6

Jesuh cu Bethani khua i thinghmui Simon inn i a um lioah khan,

MATTHAI 26:7

nu pakhat a ra i lungrang thawl khatte in zihmui a man a fak ngaingaimi kha a rak i put i rawl a ei lioah khan a lu ah a toih.

MATTHAI 26:12

Zihmui ka pum i a ka toih hi vui awk ca i a ka timhtuah pei a si cu.

MATTHAI 26:13

Hihi philh hlah u: hi thawngṭha hi vawlei cung khuazakip i an chimnak hmun paoh ah, a tuahmi thil hi amah philh lonak ah chim a si zungzal ve lai," tiah a ti hna.

MATTHAI 26:15

"Jesuh cu nan kut chung i kan chanh hna ahcun zeidah nan ka pek lai?" tiah a va ti hna. Cucaah ngun tangka sawm thum kha an rel i an pek.

MATTHAI 26:16

Cu ri cun Judas nih khan Jesuh rawinak ding caan rem kha a bawh.

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga," tiah a ti.

MATTHAI 26:26

Zanriah an ei lioah cun Jesuh nih khan changreu kha a lak i thla a cam dih in a cheu i a zultu kha a pek hna. "I lak u law ei u; hihi ka pum a si," tiah a ti.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

MATTHAI 26:31

Jesuh nih annih cu a thawh hna i, "Cathiang nih, 'Pathian nih tuukhal kha a thah lai i tuurun chung tuu kha an i ṭhek dih lai,' a ti caah, tuzan hrimhrim ah hin nan dihlak in nan ka zamtak lai.

MATTHAI 26:32

Sihmanhsehlaw nunter ṭhan ka si tikah nan hmaiah Galilee ah ka rak kal chung lai," tiah a ti hna.

MATTHAI 26:33

Peter nih khan Jesuh cu a hun thawh i, "Midang vialte nih in zamtak hna hmanh seh law, kei cu kan zamtak bal lai lo," tiah a ti.

MATTHAI 26:35

Peter nih cun, "Na sin i ka thih ve ding a si hmanh ah, amah cu ka hngal lo, kan ti bal lai lo," tiah a leh. Cu bantuk cun zultu dang vialte zong nih khan an ti cio.

MATTHAI 26:74

Cun Peter nih cun chiatser in, "Biatak ka chim lo a si ahcun Pathian nih dan ka tat seh. Cu pa cu ka hngal hrim lo," tiah a ti. Cu caan te ah cun ar a hung khuang i

MATTHAI 26:75

Peter nih cun Jesuh nih, "Ar a khuan hlanah 'Amah cu ka hngal lo,' tiah voi thum na ka ti lai," tiah a rak chimmi kha a lung ah a hung pem. A chuak i fak piin a ṭap.

MATTHAI 26:37

Peter le Zebedi fapa pahnih hna kha aa kalpi hna. A ngaih a chia i a awlok a chong.

MATTHAI 26:38

Annih cu a thawh hna i, "Ka lungre a thei tuk hringhran i ka thi sual lai. Cucaah cun hika ah hin rak um u law hngilh lo tein rak ka hngak u," tiah a ti hna.

MATTHAI 26:39

Hmailei ah khin tlawmpal a va kal i vawlei ah a bawk i, "Ka Pa, a si khawh ahcun hi hrai hi ka ṭhialpiak ko. Sihmanhsehlaw keimah duhmi cu si hlah seh, nangmah duhmi tu si ko seh," tiah thla a cam.

MATTHAI 26:41

Tukforhnak chungah nan luh nakhnga lo hngilh lo tein um u law thlacam tuah u. Thlarau nih cun a huam ko, sihmanhsehlaw titsa cu a der," tiah a ti.

MATTHAI 26:42

Cun Jesuh cu a va kal ṭhan i, "Ka Pa, hi hrai hi din loin hrial khawh a si lo ahcun, nangmah duhnak bangin si ko seh," tiah thla a cam.

MATTHAI 26:50

Jesuh nih cun, "Ka kawi, khulrang in tuah ko kun," tiah a leh. Cun an hung chuak i Jesuh cu an tlaih i fek tein an khih.

MATTHAI 26:52

Jesuh nih anih cu, "Na nam cu a kawng ah sawh ṭhan ko, zeicahtiah hriamnam a lami cu hriamnam in an thi lai.

MATTHAI 26:53

Ka pa kha bawmhnak ka hal khawh ko i khulrang in vancungmi ralkap bu hleihnih a run ka thlah khawh ko ti kha na hngal lo maw?

MATTHAI 26:61

"Hi pa nih hin 'Pathian Biakinn hi ka ṭheh lai i ni thum chungah ka sak ṭhan dih lai,' a ti," tiah an ti.

MATTHAI 26:63

Sihmanhsehlaw Jesuh cu dai tein a um ko. Cun Tlangbawi Ngan cu a hun i nolh ṭhan i, "A nungmi Pathian min chalh in, na chim hrimhrim lai, kan ti: Pathian fapa Messiah cu na si maw si lo, chim," tiah a ti.

MATTHAI 26:64

Jesuh nih cun, "Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cung Nung Bik orhlei i a ṭhut le khuadawm cungin a rat kha nan hmuh lai," tiah a leh hna.

MATTHAI 26:65

Cu bia a theih tikah cun Tlangbawi Ngan nih khan a puan kha a thleh i, "Cucu Pathian thangchiat a si. Tehte dang ahohmanh kan herh ti hna lo. Pathian thangchiatnak bia a chimmi cu nanmah nih nan theih ko cang.

MATTHAI 26:66

Zeitindah nan ruah?" tiah a ti. Annih nih, "A sual, thih awk a tlak," tiah an leh.

MATTHAI 26:67

Cun a hmaiah cil an chak i an tuk; cun a bengtu hna nih khan an thawh i,

MATTHAI 26:68

"Messiah cu pei na si fam cu, ahodah an beng, kan chim tuah ngat?" an ti.

MATTHAI 27:3

Jesuh a leitu Judas nih khan Jesuh cu thah awkah sual an phawt ti kha a hngalh tikah a sualnak kha aa ngaihchih i ngun tangka sawm thum kha aa lak i tlangbawi upa pawl le Judah upa hna kha a va pek ṭhan hna.

MATTHAI 27:5

Judas nih tangka cu hmunthiang chungah khan a vun hlonh i a kaltak; cun a chuak i a vaa awk.

MATTHAI 27:6

Tlangbawi upa hna nih cun tangka cu an char i, "Hi tangka hi thisen man tangka a si, cucaah Biakinn Tangka chiahnak i chiah ve cu kan Phung he aa ralchanh," tiah a ti.

MATTHAI 27:11

Mangki bawi hmaiah cun Jesuh cu a dir i mangki bawipa nih cun, "Judah siangpahrang cu na si maw? tiah a hal. "Na chim ko cu ta," tiah Jesuh nih a leh.

MATTHAI 27:19

Pilat cu biaceihnak khaan chung i a ṭhut lioah khan a nupi nih bia a hun cah i, "Kha mipa, sualnak zeihmanh a tuah lomi kha zei ti hmanh in rak ti hlah; zeicahtiah zahan ah ka mang in kha pa ruangah khan sifahnak tampi ka in," tiah a ti.

MATTHAI 27:24

Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, "Hi misual lopa thihnak kong ah hin kei cu ka thiang, nanmah tuahmi a si," tiah a ti.

MATTHAI 27:25

Mizapi nih cun an dihlak in, "Hi pa thahnak ruang i dantatnak cu kanmah le kan tefa hna cungah tlung ko seh," an ti.

MATTHAI 27:28

A puan kha an phoih i puan sen an aih.

MATTHAI 27:29

Cun hling nge in bawi luchin kha an phiar i a lu ah an chinh. A orhlei kut ah fung an putter. Cun a hmaiah an kun i an cawhdeh i, "Judah Siangpahrang cu saupi nung ko seh," tiah an au;

MATTHAI 27:30

cil an chak i fung cu an chuh i a lu ah khan an tuk nak.

MATTHAI 27:31

An cawhdeh dih hnuah puan sen kha an phoih i amah puan kha an aihter ṭhan i vailamtahnak i khenh chih dingah an chuahpi.

MATTHAI 27:35

Vailam ah cun an khenh chih i a thilpuan kha phe ah an i kah i an i ṭhen.

MATTHAI 27:39

Cun aa chawkmi paoh nih khan an lu an thinhnawh i an bia-eng in,

MATTHAI 27:40

"Biakinnpi hmanh pei ka ṭheh lai i ni thum ah ka sak ṭhan dih lai, na rak ti kha. Pathian Fapa na si ahcun nangmah cu i khamh kun ngat. Vailamtahnak cung khan ta, na rung ṭum kun," an ti.

MATTHAI 27:42

"Midang cu a khamh ṭung hna, amah vial aa khamh kho ṭung lo. Israel Siangpahrang cu a si kun lo maw? Vailam tahnak cung khan atu te ah hin rung ṭum seh law pei kan zumh hnga cu.

MATTHAI 27:43

Pathian kha aa bochan i Pathian Fapa ka si a ti. Pathian nih a khamh le khamh lo kan zoh fam lai ta!" an ti.

MATTHAI 27:45

Chun in zanlei suimilam pathum tiang cu ram cu a dihlak in muihnak nih a khuh i

MATTHAI 27:46

suimilam pathum tluk ah khin Jesuh cu a au i, "Eli, Eli, lema sabakthani," a ti, a sullam cu, "Ka Pathian, ka Pathian, zeicahdah na ka kaltak," ti a si.

MATTHAI 27:50

Jesuh cu fak piin a au ṭhan i a cat colh.

MATTHAI 27:51

Khi tikah Biakinn chung puanzar kha a lu in a taw tiang aa cheu. Vawlei kha aa hnin, lung kha an i cheu i

MATTHAI 27:52

thlan kha an i hung; Pathian mi a rak thi ciami tampi kha an tho ṭhan.

MATTHAI 27:53

Thlan khan an chuak i Jesuh cu thihnak in a thawh ṭhan hnuah Khua Thiang chungah khan an lut i mi tampi nih an rak hmuh hna.

MATTHAI 27:54

Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, "Hi mi hi Pathian Fapa a si hrimhrim ko," an ti.

MATTHAI 27:66

Cucaah an va kal i thlan cu him tein an cawnghter hna; lung kha ca an khenh i ralvengtu pawl kha, run veng u, an ti hna.

MATTHAI 28:2

Chikkhatte ah khin li aa hnin i Bawipa vancungmi pakhat vancung in a rung ṭum i thlankhar kha a thawn i a cungah cun a ṭhu.

MATTHAI 28:4

Ralveng pawl cu an thin a phang tuk hringhran i a therh hna i mithi bantukin an um.

MATTHAI 28:5

Vancungmi nih khan nu cu a thawh hna i, "Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh.

MATTHAI 28:6

Amah cu hika ah hin a um ti lo, a chim bantukte khan, a tho cang. Ra u law an chiahnak hmun hi ra zoh hmanh u.

MATTHAI 28:9

Jesuh nih, duak tiah a vun ton hna i, "Nan sinah daihnak um ko seh," tiah a ti hna. Amah cu an hun zuanhnawh i a ke an i tlaih i an biak.

MATTHAI 28:10

Jesuh nih cun, "Nan thinphang hlah u; ka unau pawl kha, Galilee ah va kal u, tiah va chim hna u, khika ah an ka hmuh lai," tiah a ti hna.

MATTHAI 28:16

A zultu pahleikhat hna cu Galilee ram ah khan an kal i Jesuh nih a chimhmi hna tlang ah khan an kai.

MATTHAI 28:17

An hmuh tikah an biak, sihmanhsehlaw a cheu cu lung awṭawm in an um.

MATTHAI 28:18

Jesuh nih cun a hun naih hna i, "Vancung le vawlei cung i a ummi nawl ngeihnak vialte cu pek ka si cang.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai," tiah a ti hna.