Nitin Baibal Relnak

LAMKALTU 7:2

Steven nih cun a leh i, "U le nau le pale hna, ka bia hi ngai tuah u! Kan pu Abraham cu Haran khua i va um awkah a rak i thawh hlan, Mesopotamia ram i a rak um lioah khan sunparnak Pathian cu a sinah a rak lang i,

LAMKALTU 7:3

'Na innchungkhar le na ram kha chuahtak hna law kan hmuhsak laimi ram ah kal tuah,' tiah a rak ti.

LAMKALTU 7:4

Cucaah Khaldia ram khan a chuak i Haran khua ah khan a um. Cun Abraham cu a pa a thih hnuah atu i nan umnak ram ah hin Pathian nih a rak thawnter.

LAMKALTU 7:5

Cu lioah cun hi ram hi a pelpawite hmanh Abraham cu a rak pe lo, pe khat taktak hmanh a rak pe lo; sihmanhsehlaw Pathian nih bia a kam i hi ram hi nangmah kan pek lai i nangmah le na hnu i a rung um ding na tefa hna ta a si lai, tiah a ti. Cu biakamnak Pathian nih a rak pek lioah hin Abraham cu fa zeihmanh a ngei lo.

LAMKALTU 7:6

Pathian nih a rak chimhmi cu, 'Na tefa hna cu miphun dang ram ah an um lai i khika ah sal an si lai i kum za li chung hremnak an ing lai.

LAMKALTU 7:7

Sihmanhsehlaw an rianhmi hna miphun cu bia ka ceih hna lai,' ti hi a si i, 'Cun a hnuah cu ram cun an chuak lai i hi hmun ah hin an ka biak lai,' ti zongah Pathian nih cun a ti fawn.

LAMKALTU 7:8

Cun Pathian nih Abraham cu cuarpartannak phunglam kha biakamnak hmelchunhnak caah a pek i cucaah Abraham nih cun Isak kha a chuah hnu zarh khat ah a cuarpar kha a tan. Isak nih Jakob kha a tan ve i Jakob nih kan pupa hleihnih hna kha a vun tan ve hna.

LAMKALTU 7:9

"Kan pupa hna nih cun Josef kha an nahchuah i Izipt ram i sal vung si awkah an zuarh. Sihmanhsehlaw Pathian nih a umpi i

LAMKALTU 7:10

harnak a inmi dihlak chungin him tein a chuahter. Josef cu Izipt siangpahrang Faro hmaiah a chuah tikah khan nuncan dawh le fimnak kha a pek. Faro nih cun Josef cu ram uktu bawi le siangpahrang innchungkhar uktu bawi ah a ser.

LAMKALTU 7:12

Cucaah Jakob nih Izipt ram ah rawl a um ti kha a theih tikah, a kan hringsortu kan pupa a fapa hna kha a vun thlah hna i cucu an vung kal hmasa bik kha a si.

LAMKALTU 7:14

Cucaah Josef nih a pa Jakob cu bia a hun cah i amah le a innchungkhar vialte cu Izipt ram ah ra dih u, tiah a ti hna; an dihlak in minung sawm sarih le panga an si.

LAMKALTU 7:17

"Pathian nih Abraham sinah bia-kamnak a sermi a tlin caan kha a nai tikah Izipt ram i a ummi kan mi hna cu fak piin an karh.

LAMKALTU 7:20

Hi caan lioah hin Moses kha a rak chuak i fa dawh ngai a si. Inn ah thla thum an zohkhenh i

LAMKALTU 7:21

inn cun an chuah tikah Faro fanu nih khan a fa ah a rak i ser i a fapa bantukin a zohkhenh.

LAMKALTU 7:22

Moses cu Izipt fimnak vialte kha an cawnter i bia ah siseh, thil tinak ah siseh, mingan ngaingai ah a hung cang.

LAMKALTU 7:25

(Pathian nih keimah cu anmah luattertu dingah a ka hman lai ti kha an hngalh lai tiah a ruah, sihmanhsehlaw an hngal lo).

LAMKALTU 7:30

"Cun kum sawm li a dih hnuah, Moses sinah cun vancungmi kha Sinai Tlang pawng thetse ram i burbuk a kangmi meizik in a lang.

LAMKALTU 7:31

Moses cu a hmuhmi kha a khuaruah a har i cucaah naih tein va zoh awkah burbuk pawngah cun a va kal. Sihmanhsehlaw Bawipa aw tu kha a theih i,

LAMKALTU 7:32

'Keimah cu nan pupa hna Pathian, Abraham le Isak le Jakob Pathian kha ka si,' tiah a rak ti. Moses cu a ṭih tuk ah a ther in a ther i a zoh hmanh a zoh ngam lo.

LAMKALTU 7:33

Bawipa nih cun a thawh i, 'Na kedan kha i phawih, zeicahtiah na dirnak hmun kha hmun thiang a si.

LAMKALTU 7:34

Izipt ram chungah ka mi hna nih an inmi le an tuarmi kha ka zoh i ka hmuh. An aihramnak kha ka theih i anmah khamh awkah ka rung ṭum. Ra tuah, Izipt ram ah kan thlah lai,' tiah a ti.

LAMKALTU 7:35

"Moses kha Israel mi nih an rak hlawtmipa a si. 'Kan cung i uktu bawi le biaceihtu ah aho nih dah aan chiah?' tiah an rak ti, sihmanhsehlaw amah cu a alh hluahmahmi burbuk chungin a sinah a hung langmi vancungmi bawmhnak thawngin, Pathian nih uktu si ding le khamhtu si dingah a rak thlah mipa a si.

LAMKALTU 7:37

Israel mi sinah, 'Pathian nih keimah a ka thlah bantukte hin profet pakhat an thlahhnawh te hna lai i amah cu nanmah chungmi a si lai,' a ti, tiah a rak titu kha Moses cu a si.

LAMKALTU 7:38

Amah cu thetse ram i a rak i pummi Israel mi hna sin i a ummi kha a si, amah cu a kan hringsortu hna sin i khua a rak sami le Sinai Tlang ah a sin i bia a rak chimtu vancungmi sin i a ummi kha a si; amah cu Pathian bia zungzal in a nungmi kan sin i phakter awkah a rak latu kha a si.

LAMKALTU 7:39

"Sihmanhsehlaw kan pu le kan pa hna nih khan an hlawt i Izipt ram i vung kir ṭhan tu kha an duh deuh.

LAMKALTU 7:40

Cucaah Aaron kha an thawh i, 'Kan hmai i a kal hnga ding pathian kan serpiak tuah hna. Izipt ram in a kan chuahpitu Moses kha zeitin a um kan hngal ti lo,' an ti.

LAMKALTU 7:42

Sihmanhsehlaw annih cu Pathian nih a mertak hna i profet hna cauk chungah aa ṭial bang khan vancung arfi kha a biakter hna. Cu cauk chungah cun: 'Israel mi hna, thetse ram chungah kum sawm li sa nan thah i raithawinak nan tuahmi kha keimah biaknak caah a si lo.

LAMKALTU 7:43

Nannih nih nan i phorhmi thlam cu Molok pathian thlam kha a si i Nan i kalpimi milem cu nan pathian Refan arfi siasal kha a si; Annih cu nanmah nih biak awk caah nan ser chommi siasal an si. Cucaah nannih cu Babilon pinah kan kalter hna lai,' tiin aa ṭial.

LAMKALTU 7:44

"Kan pupa hna nih khan, Pathian kan sinah a um ti hngalhnak thlam kha thetse ram ah khan an rak i ngeih ko. Pathian nih Moses a chimh bantuk khan sermi a si i Moses nih a hmuhmi pungsan ning khan tuah a si.

LAMKALTU 7:46

David nih cun Pathian duhdawtnak kha a hmuh i Jakob Pathian caah inn pakhat sak awkah Pathian kha a hal.

LAMKALTU 7:49

'Vancung hi ka ṭhutnak a si i vawlei hi ka kelamh a si. Zei bantuk inn dah na ka sakpiak lai? Khuazei ah dah kaa dinhnak ding hmun cu a si?

LAMKALTU 7:50

Hi thil vialte hna a sertu hi keimah ka si lo maw? tiah Bawipa nih a ti,' a rak ti bangin, minung nih an sakmi inn ah cun a um lo.

LAMKALTU 7:51

"Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

LAMKALTU 7:53

Vancungmi nih an in pekmi hna Pathian phungbia a rak latu cu nanmah nan si i asinain cu phungbia a zul lotu cu nanmah ṭhiamṭhiam nan si," tiah a ti.

LAMKALTU 7:54

Steven bia kha khawngsil pawl nih cun an theih tikah a henh in a henh hna i an hacang lawng kha an rial ko.

LAMKALTU 7:55

Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh.

LAMKALTU 7:56

Aa thawh i, "Zohhmanh u, vancung aa hun i Pathian orhlei kamah Mi Fapa a dir kha ka hmuh," tiah a ti.

LAMKALTU 7:57

Cu bia an theih tikah fak piin an au i an kut in an hna kha an i phih i an hei zuanhnawh i

LAMKALTU 7:58

khua chung khan lengah an hnuh i lung in an va cheh. Cuti in lung in a cheptu hna nih cun an puan kha, tlangval pakhat a min Saul a simi kehram ah khan an i chiah.

LAMKALTU 7:59

Lung in an cheh chih lengmang lioah cun Steven nih, "Bawipa Jesuh, ka thlarau cu nangmah nih cohlang ko," tiin a au.

LAMKALTU 7:60

A khuk aa bil i fak piin a au i "Bawipa, hi sualnak hi an cungah khing hlah," tiah a ti i a thi colh. Cun Steven an nawn kha Saul zong cu a hna a tla ve.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

LAMKALTU 8:3

Sihmanhsehlaw Saul nih khan khrihfabu cu hrawh aa zuam; inn khat hnu inn khat in a kal i a zummi hna kha nu thlulo pa thlulo in a hnuh hna i thong ah a thlak hna.

LAMKALTU 8:4

Zumtu aa ṭhekmi kha a kenkiplo ah an kal i an kalnak paoh ah thawngṭha kha an chim.

LAMKALTU 8:5

Filip cu Samaria ram khua ah khan a va kal i Messiah kong kha a va chimh hna.

LAMKALTU 8:6

Filip nih a chimmi kha mizapi nih ṭha tein an ngaih. A chimmi kha an ngaih i khuaruahharnak a tuahmi kha an hmuh.

LAMKALTU 8:7

Mi tampi chungin khuachia kha aupah in an chuak i a zengmi le a beimi mi tampi kha damnak an hmu.

LAMKALTU 8:8

Cucaah Samaria ah cun lawmhnak nganpi a um.

LAMKALTU 8:12

Sihmanhsehlaw Filip chimmi Thawngṭha, Pathian Pennak kong le Jesuh Khrih min kong kha an zumh tikah nu he pa he tipilnak kha an ing.

LAMKALTU 8:14

Samaria mi nih Pathian bia kha an hmuh ve ti kha Jerusalem khua i a ummi lamkaltu pawl nih khan an theih tikah an sinah cun Peter le Johan kha an hei thlah hna.

LAMKALTU 8:15

An va phak tikah zumtu hna nih khan Thiang Thlarau an hmuh nakhnga thla an campiak hna.

LAMKALTU 8:16

Zeicahtiah Thiang Thlarau cu annih lakah khan aho cung hmanh ah a tlung rih lo; Bawipa Jesuh min in tipil lawng an rak ing rih.

LAMKALTU 8:17

Cun Peter le Johan nih an cungah an kut an chuan i Thiang Thlarau kha an hmuh.

LAMKALTU 8:11

A camh thiamnak in saupi an khuaruah a rak harter hna caah amah cu an zulh.

LAMKALTU 8:13

Simon hrimhrim zong nih cun a zumh ve i tipilnak a in dih hnuah Filip sinah cun aa helhum lengmang ve; a nganmi hmelchunhnak hna le khuaruahharnak hna kha a hmuh hna tikah a khuaruah a har ngaingai.

LAMKALTU 8:18

Lamkaltu hna nih an cungah an kut an chuan tikah Thiang Thlarau an hmu ti kha Simon nih a hmuh tikah Peter le Johan kha a thawh hna i,

LAMKALTU 8:19

"Ka kut ka chuanpiakmi hna paoh nih Thiang Thlarau kha an hmuh ve nakhnga hi ṭhawnnak hi ka pe ve u," tiin phaisa kha pek a zalh hna.

LAMKALTU 8:20

Sihmanhsehlaw Peter nih cun a leh i, "Pathian laksawng cu phaisa in ka cawk khawh lai tiah na ruah ruangah hin nangmah le na phaisa cu hell ah va tla ko u!

LAMKALTU 8:22

Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

LAMKALTU 8:23

Zeicahtiah fiang tein ka hmuhmi cu nahchuahnak in na khat i sual thongtla na si," tiah a ti.

LAMKALTU 8:26

Bawipa vancungmi pakhat nih Filip cu a thawh i, "I tim law thlanglei ah vung kal law Jerusalem in Gaza ah a kalmi lam ah khan vung kal tuah," a ti (Cu lam cu an hmang ti lo).

LAMKALTU 8:29

Thiang Thlarau nih Filip cu a thawh i, "Va kal law khi rangleng khi va naih tuah," tiah a ti.

LAMKALTU 8:30

Filip cu a va tli i a relmi cu Isaiah cauk chung bia a si kha a theih i, "Na relmi cu a sullam na hngal maw?" tiah a hal.

LAMKALTU 8:31

Cu bawi nih cun a thawh i, "Aho tal nih a sullam chimh lo cun zeitindah ka hngalh khawh hnga," tiah a ti. Cun Filip kha rangleng cungah hin hung kai law ka sinah ṭhu tuah, tiah a sawm.

LAMKALTU 8:32

A rak rel lengmangmi caang cu hihi a si: "Amah cu thah awkah hruaimi tuu bantuk a si, amah cu a hmul an meh tikah a awn-au lomi tuufa bantuk a si; bia kaa khat hmanh chim lo tein a um ko.

LAMKALTU 8:34

Kha bawi nih khan Filip cu a thawh i, "Profet nih hin aho kong dah a chim, ka chim tuah; amah kong maw aa chim, midang kong dah a chim?" tiah a ti.

LAMKALTU 8:35

Filip nih cun a vun i thawh i, hi Baibal cang hin i thawk in Jesuh kong Thawngṭha kha a chimh.

LAMKALTU 8:37

Filip nih aa thawh i, "Na lung dihlak in na zumh ahcun tipilnak cu na in ko lai," tiah a ti. "Ka zumh, Jesuh Khrih cu Pathian Fapa a si ti kha ka zumh ko," tiah a ti.)

LAMKALTU 8:38

Cu bawi nih cun rangleng cu a dirter i an pahnih cun ti chungah khan an vung kal i Filip nih tipilnak cu a pek.

LAMKALTU 8:39

Ti chungin an hung chuah tikah Bawipa Thlarau nih Filip cu lo diam in a lak. Kha bawi nih khan a hmu ṭhan ti lo, sihmanhsehlaw lunglawm ngaiin a kal.

LAMKALTU 9:3

Damaskas khua a hei fuh lio, khua pawng a phak ah khin, chikkhatte ah van in ceu pakhat nih a velchum in a run ceuh.

LAMKALTU 9:4

Vawlei ah a tlu i aw pakhat nih, "Saul, Saul, zeicahdah na ka hrem?" tiah a ti thawng kha a theih.

LAMKALTU 9:5

"Ahodah na si, Bawipa?" tiah a leh. Aw nih cun, "Keimah cu na hremmi Jesuh ka si.

LAMKALTU 9:6

Tho law khua chungah khan va lut tuah, khika ah na tuah awk hnga kha an rak in chimh lai," tiah a ti.

LAMKALTU 9:9

Ni thum chung khua hmu kho loin a um, cu chung vialte cu rawl zong a ei lo, ti zong a ding lo.

LAMKALTU 9:12

langhnak in mipa pakhat Ananias timi a rung luh i khua a hmuh ṭhan nakhnga a cung i a kut a chuan kha a hmuh," tiah a ti.

LAMKALTU 9:15

Sihmanhsehlaw Bawipa nih cun a leh i, "Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai," tiah a ti.

LAMKALTU 9:17

Cucaah Ananias cu a va kal i inn ah khan a va lut i Saul cungah cun a kut a va chuan. "Ka nau Saul, hika lei i na rat lio i na sinah a langmi Bawipa — Jesuh hrimhrim — nih khan keimah cu a ka fial. A ka fialnak cu nangmah nih khua na hmuh ṭhan i Thiang Thlarau in na khah nakhnga caah a si," tiah a ti.

LAMKALTU 9:18

Chikkhatte ah khin Saul mit cun nga phokphawher bantuk khi a tla i khua a hmu kho ṭhan. A dir i tipilnak kha a in;

LAMKALTU 9:20

Pumhnak inn ah khan i cungcang loin a va kal i, "Jesuh cu Pathian Fapa a si," tiah a chimh hna.

LAMKALTU 9:22

Sihmanhsehlaw Saul phungchimmi cu a ṭhawng chin lengmang i Jesuh cu Messiah a si tiah a chim khawhnak kha mi lung a fianter tuk caah Damaskas khua i a ummi Judah mi hna nih khan an let kho lo.

LAMKALTU 9:26

Saul cu Jerusalem khua ah khan a hung kal i zultu pawl kha komh a hung timh hna. Sihmanhsehlaw annih nih zultu a si ve cang ti kha an rak zum lo i cucaah amah cu an ṭih ngaingai.

LAMKALTU 9:28

Cucaah Saul cu an sinah khan a um i Jerusalem khua kha a cul dih i Bawipa min in ralṭha ngaiin phung a chimh hna.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

LAMKALTU 9:32

Peter cu khuazakip ah khan a kal i voi khat cu Lidda khua i a ummi Pathian mi hna kha a va tlawng hna.

LAMKALTU 9:33

Khika ah mipa pakhat Ainias an timi kha a va hmuh i cu pa cu mizeng a si i a ihkhun in kum riat chung a tho ti lo.

LAMKALTU 9:34

Peter nih cun a thawh i, "Ainias, Jesuh Khrih nih an damter cang. Tho law na ihphah kha zual," tiah a ti. Chikkhatte ah khin Ainias cu a tho.

LAMKALTU 9:35

Amah cu Lidda le Sharon i a ummi vialte nih khan an hmuh i Bawipa leiah an i mer.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

LAMKALTU 9:37

Cu caan ah cun a rak zaw i a thi. A ruak cu an ṭawl i cunglei dot ah khan an suan.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, "Tabitha, tho tuah," tiah a ti. A mit kha a hun au i Peter kha a hmuh tikah a hung ṭhu.

LAMKALTU 9:42

Hi thawng nih cun Joppa khua kha a cul dih i mi tampi nih Bawipa kha an zumh.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

LAMKALTU 10:3

Ni khat cu zanlei suimilam pathum tluk ah khin langhnak a hmu i cu langhnak a hmuhmi ah cun Pathian vancungmi pakhat a rung luh i, "Kornelias," tiah a rung chawnh kha fiang tein a hmuh.

LAMKALTU 10:4

Vancungmi kha thinphang ngaiin dengteo in a zoh i, "Zeidah, bawipa?" tiah a ti. Vancungmi nih cun a hun leh i, "Pathian nih na thlacamnak le misifak na bawmh hnanak kha an cohlanpiak i nangmah cu an philh lo.

LAMKALTU 10:5

Cucaah atu ah Joppa khua ah mi hei thlah hna law a min Simon Peter a simi pa kha va auhter hna.

LAMKALTU 10:22

Annih nih cun an leh i, "Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh," tiah an ti.

LAMKALTU 10:24

A kiptuh ah cun Sisaria cu an va phan i cuka ah cun Kornelias le a sahlawh a rualchan hna le a hawikom a rak sawmmi hna nih khan an rak hngah ko.

LAMKALTU 10:27

Inn chung an luhpah cun Peter nih khan Kornelias cu bia a ruah lengmang i cuka ah cun mi tampi an rak i pumh kha a hmuh hna.

LAMKALTU 10:28

Annih cu a thawh hna i, "Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

LAMKALTU 10:29

Cucaah nan ka auh tikah zeihmanh alnak um lo tein ka ra ko. Cucaah zeicahdah nan ka auh ka chim tuah u," tiah a ti hna.

LAMKALTU 10:33

Cucaah nangmah cu khulrang in kan kawh i na ra. Atu cu kan dihlak in hika ah hin Pathian hmaika ah kan um i Pathian nih chim awkah an fialmi paoh cu kan chim tuah," tiah a ti.

LAMKALTU 10:34

Peter nih cun aa thawh i, "Atu cu Pathian nih mi vialte kha aa ruang tein a zoh hna ti kha ka hngalh.

LAMKALTU 10:35

Mi zei miphun chungmi hmanh a si ah, amah a ṭihmi paoh le dinnak a tuahmi paoh cu a cohlan hna.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

LAMKALTU 10:39

Judah mi hna ram chung le Jerusalem khua i a tuahmi vialte a hngaltu tehte cu kanmah kha kan si. Vailamtahnak ah thir an khenh chih i an thah.

LAMKALTU 10:40

Sihmanhsehlaw ni thumnak ni ah Pathian nih thihnak in a thawhter i mi kip sinah si loin,

LAMKALTU 10:41

Pathian nih tehte caah a kan thimmi kanmah sin lawngah khan Pathian nih cun a langhter. Thihnak in a thawh hnuah amah he cun kan ei ṭi kan ding ṭi.

LAMKALTU 10:42

Cun mi sinah Thawngṭha chim awk le amah cu Pathian nih a nungmi he a thimi he an biaceihtu ah a ser cang ti tehte khaangtu ah a kan fial.

LAMKALTU 10:43

Profet vialte nih amah kong cu an rak chim i amah a zummi paoh cu a min ṭhawnnak thawngin an sualnak kha ngaihthiam an si lai, tiah an ti," tiah a ti.

LAMKALTU 10:44

Peter nih bia a chim lengmang lioah cun a bia a ngaimi hna cungah khan Thiang Thlarau a ṭum.

LAMKALTU 10:47

"Hi mi hna nih hin Thiang Thlarau cu kanmah nih kan rak hmuh bantukte khan an hmuh ve. Cucaah ti in tipilnak in awkah aho nih an dawn kho hna hnga maw?" tiah a ti.

LAMKALTU 10:48

Cucaah Jesuh Khrih min in tipil in awk kha a fial hna. Cun kan sinah tlawmpal in cam ko rih, tiah an nawl.

LAMKALTU 11:1

Judah peng chung i a ummi lamkaltu hna le unaule hna nih khan Jentail mi zong nih Pathian bia kha an cohlan ve ti kha an theih.

LAMKALTU 11:2

Cun Peter cu Jerusalem khua i a hung kal ah khan, Jentail mi hna cu an cuarpar i tan hna seh, ti a duhmi hna nih khan an rak soi i,

LAMKALTU 11:3

"Cuarpar tan lomi Jentail mi hna inn ah na tlung i rawl zong na ei," tiah an rak ti.

LAMKALTU 11:4

Cucaah Peter nih cun thil umtuning vialte kha tling tein a hramthawk tein a chimh hna.

LAMKALTU 11:12

Thlarau nih i thuahthah loin an sin i kal awk kha a ka fial. Hi kan unau paruk hna, Joppa khuami hna zong hi ka sinah cun Sisaria khua ah khan an kal ve i kan dihlak in Kornelias inn ah khan kan i ṭhum.

LAMKALTU 11:14

Amah nih cun bia an chimh hna lai i cu bia thawng cun khamhnak nan hmuh lai,' tiah a chimtu a hmuhnak kha a kan chimh.

LAMKALTU 11:15

Cun an sinah bia ka chim tikah khan, a hramthawk i kan cungah a rak tlun bantukte khan, an cungah cun Thiang Thlarau kha a tlung ve.

LAMKALTU 11:16

Khi tikah kan Bawipa nih, 'Johan nih cun ti in tipilnak a pek hna, sihmanhsehlaw nannih cu Thlarau in tipilnak pek nan si lai,' tiah a rak timi kha ka lung ah a hung pem.

LAMKALTU 11:17

Kannih nih Bawipa Jesuh Khrih kan zumh tikah Pathian nih laksawng a kan pekmi bantukte kha Jentail mi hna zong Pathian nih cun a pek ve hna ti kha a fiang ko; cucaah, a hi kei nih hin maw, Pathian cu ka donh hnga?" tiah a ti.

LAMKALTU 11:19

Steven an thah hnu i hremnak a hung chuakmi nih khan zumtu hna cu a kenkiplo ah a ṭhek dih hna. A cheu cu Foinisia le Saipras le Antiok tiang khan an kal i bia cu Judah mi lawng kha an chimh hna.

LAMKALTU 11:20

Sihmanhsehlaw zumtu a cheu, Saipras rammi le Sairin mi hna cu Antiok khua ah khan an kal i Jentail mi zong kha thawng cu an thanh hna i Bawipa Jesuh kong Thawngṭha kha an chimh hna.

LAMKALTU 11:21

Bawipa ṭhawnnak kha an sinah a um i mi tampi nih an zumh i Bawipa leiah khan an i mer.

LAMKALTU 11:22

Cu thawng cu Jerusalem khua i a ummi Khrihfabu sinah a hung phan i cucaah Barnabas cu Antiok khua ah khan an hei thlah.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, "Khrihfa," tiah an rak ti hmasa bik hna cu.