MATTHAI 4:17
Cu caan thawk cun Jesuh nih, "Vancung Pennak a nai cang caah, nan sualnak kha mertak cang hna u," tiah a chimh lengmang hna.
MATTHAI 5:6
Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.
MATTHAI 5:8
Lungthin a thiangmi cu lunglawmmi nan va si dah! Pathian kha nan hmuh lai.
MATTHAI 5:14
"Nannih cu vawlei ceunak nan si. Tlang cungah an tlakmi khua cu zeihmanh nih a phen kho lo.
MATTHAI 5:16
Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.
MATTHAI 5:19
Cucaah cun ahohmanh nih nawlbia lak i a hme bik te hmanh kha zul loin a um i midang zong kha cu bantukin a cawnpiak hna ahcun, cu pa cu Vancung Pennak chungah a hme bik a si lai. Cun Nawlbia kha a zul i midang zong kha, cu bantukin zulh awk, tiah a cawnpiakmi hna cu, Vancung Pennak ah mi ngan a si lai.
MATTHAI 5:45
Cuticun vancung khua i a ummi nan Pa fale cu nan si lai. Anih nih cun a ṭhami he a ṭha lomi he, an cungah a ni kha a tlanter i, ṭhatnak a tuahmi he ṭhat lonak a tuahmi he, an cungah a ruah kha a surter.
MATTHAI 5:48
Vancung khua i a ummi nan Pa a tlin bantukin nannih zong nan tlin awk a si.
MATTHAI 6:33
Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.
MATTHAI 9:12
Jesuh nih cun a theih hna i, "A dammi nih cun sibawi an herh lo, a zawmi lawng nih khan an herh.
MATTHAI 9:13
Va kal u law, 'Saram thawinak si loin ka duhmi cu zaangfahnak lungthin kha a si,' tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu," tiah a ti.
MATTHAI 12:7
Cathiang nih, 'Ka duhmi cu sa in tuahmi thawinak hi si loin zaangfahnak a si,' tiah a timi kha a sullam rak hngal u law cu, a sual lomi kha sual nan phaw hna hnga lo;
MATTHAI 9:28
Jesuh cu inn chung i a luh tikah khan mitcaw pahnih hna cu a sinah cun an ra i annih cu, "Hihi ka tuah khawh tiah nan zum maw?" tiah a rak hal hna. Annih nih, "Asi, na tuah khawh tiah kan zumh bawipa," tiah an leh.
MATTHAI 9:29
Cun Jesuh nih an mit kha a tongh hna i, "Nan zumhning te cun si ko seh," tiah a ti i
MATTHAI 9:30
annih cu khua an hmu kho ṭhan. Annih cu Jesuh nih fak piin, "Hihi ahohmanh va chim hna hlah u," tiah a ti hna.
MATTHAI 10:16
"Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.
MATTHAI 10:18
Uktu bawi hna hmai le siangpahrang hna hmaiah keimah ruangah an in chuahpi hna lai i annih cu le Jentail mi hna kha Thawngṭha kha nan chimh hna lai.
MATTHAI 10:19
Nan bia an in ceih hna tikah zeidah ka chim lai, ti le zeitindah ka chim lai, ti kha nan khuaruah va har hlah u; a caan a phak tikah chim ding cu pek nan si te ko lai.
MATTHAI 10:20
Zeicahtiah nan chimmi bia cu nanmah bia a si lai lo; nan chung i bia a chimtu nan Pa Thlarau nih an pekmi hna bia a si lai.
KOLOSE 1:15
Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.
KOLOSE 2:20
Khrih he nan thi ṭi cang, cucaah van le vawlei a uktu thlarau hna sin khan nan luat. Cucaah zeicahdah hi vawlei ta a simi nun bantukin nan nun?
KOLOSE 2:21
Zeicahdah, "Tawngtham hlah," "Tep hlah," "Tawng hlah," timi kha nan ngeih?
KOLOSE 2:22
Hi phung hna hi cu, voi khat hman an si cang hnuah cun santlaihnak an ngei ti lo. Annih cu minung ser chommi phunglam le cawnpiaknak menmen an si.
MATTHAI 20:26
Sihmanhsehlaw nannih cu cuticun nan si awk a si lai lo. Nan lak i pakhat khat nih ngan a duh ahcun nan sinum a si awk a si.
MATTHAI 20:27
Ahohmanh pakhatnak si a duhmi cu nan sal a si awk a si.
MATTHAI 20:28
Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu," tiah a ti hna.
MATTHAI 21:15
Tlangbawi upa le Phungbia cawnpiaktu saya hna nih khan khuaruahharmi thil a tuahmi kha an hmuh i ngakchia nih, "David Fapa cu thangṭhat u," tiin biakinn chungah an au kha an theih tikah an thin a hung i
MATTHAI 21:16
cucaah Jesuh cu, "An chimmi cu na thei maw?" tiah an ti. Jesuh nih cun, "Thei dah e! 'Ngakchia tete hna le hnuktlai lio bawhte hna kha, na thangṭhatnak cu na chimter hna,' tiah Cathiang chungah aa ṭialmi kha nan rel bal lo maw?" tiah a ti hna.
MATTHAI 21:22
Nan zumh ahcun thlacamnak in nan halmi paoh kha nan hmuh lai," a ti.
MATTHAI 21:43
Cucaah hitihin kan chimh hna: Nannih cu Pathian Pennak kha chuh nan si lai i thei ṭha tein a tlai dingmi kha pek an si lai.
MATTHAI 22:37
Jesuh nih cun, " ' Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,'
MATTHAI 22:38
ti hi a ngan bik le a biapi bik nawlbia cu a si.
MATTHAI 22:39
A hun changtu biapi bik nawlbia cu, cu bantuk ṭhiamṭhiam cu a si i, 'Na innpa cu nangmah naa dawt bantukin na dawt lai,' ti hi a si.
MATTHAI 22:40
Moses Nawlbia vialte le profet hna cawnpiaknak vialte cu, hi nawlbia pahnih chungah hin an i khumh dih," tiah a ti.
MATTHAI 23:11
Nan lak i a ngan bik cu nan sal a si awk a si.
MATTHAI 23:12
Mah le mah aa ngantermi cu ṭhumh an si lai i mi toiah aa dormi cu mi ngan ah ser an si lai," tiah a ti.
MATTHAI 24:35
Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.
MATTHAI 25:34
Cun a orhlei i a ummi cu Siangpahrang nih cun a thawh hna lai i, 'Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.
MATTHAI 25:40
Cun Siangpahrang nih cun, 'Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,' tiah a leh hna lai.
MATTHAI 25:45
Cun Siangpahrang nih khan, 'Hihi kan chimh hna: misifak hramh nan duh hna lo paoh ah khan nan ka hramh duh lo a si,' tiah a leh ṭhan ve lai.
MATTHAI 28:18
Jesuh nih cun a hun naih hna i, "Vancung le vawlei cung i a ummi nawl ngeihnak vialte cu pek ka si cang.
MATTHAI 28:19
Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,
MATTHAI 28:20
kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai," tiah a ti hna.
MARKA 9:38
Johan nih a thawh i, "Saya, na min in khuachia a ṭhawlmi pakhat kan hmuh i kan bu chungmi a si lo caah, tuah ti hlah, kan ti," tiah a chimh.
MARKA 9:39
Jesuh nih cun, "Tuah ti hlah, ti hlah u, zeicahtiah ka min in khuaruahhar mi thil a tuahmi nih cun ka thang cu a ka chiat kho lai lo.
MARKA 9:40
A kan doh lomi cu a kan bawmmi an si.
MARKA 9:1
Cun a thawh hna i, "Biatak kan chimh hna, hika i a dirmi lakah hin, Pathian pennak a ṭhawnnak he a rat nan hmuh hlan cu, a thi lo dingmi tlawmpal nan um," tiah a ti hna.
MARKA 9:49
"A mi kip kha mei in cite bantukin alter an si lai.
MARKA 10:29
Cun Jesuh nih a thawh hna i, "A inn siseh, a lo siseh, a unau si hna seh, a farle si hna seh, a nu siseh, a pa siseh, a fale si hna seh, keimah le ṭhawngṭha ruangah a kaltakmi nih cun,
MARKA 10:30
tam chinchin in atu chan ah hin a hmuh hrimhrim lai. Inn siseh, lo siseh unau si hna seh, far siseh, nu siseh, fa siseh; a let za khat in an hmuh lai; cun hremnak zong an hmuh lai; cun a ra dingmi chan ah hin zungzal nunnak an hmuh lai.
MARKA 11:24
Cucaah cun, thlacam in nan halmi thil paoh kha, kan hmuh cang, tiah zum u law nan halmi paoh cu nan hmuh ko lai.
MARKA 11:25
Cun thlacam in nan dir tikah, an cung i thinhunnak nan ngeihmi paoh kha, ngaithiam hna u, vancung nan Pa zong nih nan sualnak kha an ngaihthiam khawh ve hna nakhnga," tiah a ti.
MARKA 11:26
Midang kha an sualnak nan ngaihthiam hna lo ahcun vancung i a ummi nan Pa zong nih nan sualnak an ngaithiam ve hna lai lo," tiah a ti.
MARKA 12:29
Jesuh nih a leh i, " 'Israel mi hna ngai tuah u; Bawipa kan Pathian lawnglawng hi Bawipa a si.
MARKA 12:30
Bawipa nan Pathian cu nan lungthin dihlak le nan nunnak dihlak le nan ruahnak dihlak le nan thazang dihlak in nan dawt lai,' ti hi a biapi bik cu a si.
MARKA 12:31
Cun a pahnihnak cu, Na innpa kha nangmah naa dawt bantukin na dawt lai, ti hi a si. Hi hna pahnih nakin a biapi deuhmi nawlbia dang an um ti lo," tiah a ti.
MARKA 12:44
Zeicahtiah a dang nih cun an ngeih hlei kha an sanh, sihmanhsehlaw hi nu hi cu sifak ngai a si ko nain a ngeihmi vialte kha a sanh dih — a nunnak ca i a hman dingmi kha a thawh dih," tiah a ti.
MARKA 13:11
Cun an in tlaih hna i zung i an in chuahpi hna tikah, zeidah kan chim lai, tiah a hlankan in nan lungre rak thei hlah u; a caan a phak tikah chim awk ding cu pek nan si te ko lai, cucu chim te ko u. Zeicahtiah nan chimmi bia cu nanmah bia a si lai lo, Thiang Thlarau nih an pekmi hna bia a si lai.
MARKA 13:13
Keimah ruangah mi kip nih an in huat hna lai. Sihmanhsehlaw a dongh tiang a hmunmi cu khamh nan si lai.
MARKA 13:37
Nan sin ka chimmi hi mi dihlak sin i ka chim a si: Hngilh loin hngak ko u," tiah a ti hna.
MARKA 16:15
A thawh hna i, "Vawlei cung khuazakip ah va kal u law miphun kip kha thawngṭhabia va chim hna u.
MARKA 16:16
A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai.
MARKA 16:17
A zummi pawl cu hi ṭhawnnak hmelchuhnak hi pek an si lai: ka min in khuachia an ṭhawl khawh hna lai, holh theih loin an holh lai,
MARKA 16:18
rul kha an tlaih hna i sivai an din zongah zeiti hmanh in an um lai lo; mizaw cungah an kut an chuan lai i an dam lai," tiah a ti.
MARKA 16:20
A zultu kha khuazakip ah an kal i thawngṭhabia kha an chim; Pathian nih an sinin rian a ṭuan i an phungchimmi kha ahmaan, tiah ṭhawnnak hmelchunhnak a pekmi hna thawngin a langhter.
LUKA 5:11
Lawng cu tikam ah an hnuh i zeizong vialte kha an kaltak i Jesuh kha an zulh.
LUKA 5:28
Levi cu a tho i, zeizong vialte kha a kaltak i a zulh.
LUKA 5:31
Jesuh nih a thawh hna i, "A dammi nih sibawi an herh lo, a zawmi lawnglawng nih an herh.
LUKA 5:32
Sualnak kan ngei lo tiah aa ruatmi hna kha i ngaihchih u ti awkah ka ra lo, misual mi tu kha, i ngaichih u tiin kawh awkah ka ra," tiah a ti.
LUKA 6:20
Jesuh nih a zultu kha a zoh hna i a thawh hna i, "Nannih sifakmi hna i lawm u, Pathian Pennak cu nanmah ta a si.
LUKA 6:26
Mi vialte nih, an in chimthiam hna tikah nan caah ngaihchia a va si dah; zeicahtiah cuti te cun pei an pupa hna nih khan nal profet kha an rak ti hna cu," a ti.
LUKA 6:45
Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si," tiah a ti.
LUKA 6:46
"Zeicahdah nannih nih, 'Bawipa, Bawipa,' nan ka ti len ko i kan chimhmi hna cu nan tuah ṭung lo?
LUKA 6:48
Amah cu inn a sami bantuk a si: thuk piin a cawh i a hram kha lungpi cungah a bunh. Tiva cu a hung lian i inn cu a hun den, sihmanhsehlaw fek tein sak a rak si caah a hninh in a hnin kho lo.
LUKA 7:23
Keimah kong ah lung awṭawm in a um lomi cu an caah lunglawmh awk a va si dah," tiah a ti.
LUKA 8:31
Khuachia nih khan Jesuh cu dongh hngal lo khor thukpi chungah khan kan thla sawh hlah tiah an nawl.
LUKA 9:62
Jesuh nih a leh i, "Ahohmanh leithuan aa ot i hnulei a zoh peng ṭungmi cu Pathian Pennak caah santlaihnak a ngei lo," tiah a ti.
LUKA 10:16
A zultu kha a thawh hna i, "Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si," tiah a ti.
LUKA 10:17
Sawm sarih le pahnih kha thanuam ngaiin an ra kir i, "Bawipa, nangmah min in kan thawl hna tikah khuachia hmanh nih kan nawl an ngaih," an ti.
LUKA 10:19
Ngai hmanh u: rul le tlangngaikuang hmanh lamh khawhnak ṭhawnnak le nan Ral ṭhawnnak tei khawhnak kan pek hna caah zeihmanh nih an ti kho hna lai lo;
LUKA 10:20
sihmanhsehlaw thlarau ṭhalo nih nan nawl an in ngaih hna caah khan i lawm hlah u, vancung i nan min ṭial a si ca tu ah khan i lawm tuah u," a ti hna.
LUKA 10:21
Khi tikah khan Jesuh cu Thiang Thlarau nih lawmhnak in a khahter i, "Maw ka Pa, van Bawi le vawlei Bawi a simi, mifim le mithiam hna sinin na rak thuhmi kha fimnak le thiamnak a ngei lomi hna sinah na langhter caah hin nangmah cu kan lawmh. Asi, ka Pa, hi thil na tuahnak cu nangmah duh tein le nangmah nih naa thimning tein a si ko.
LUKA 10:42
sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo," tiah a ti.
LUKA 11:13
Hi tluk i nan ṭhalo ko na hin nan fale kha thil ṭha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai," tiah a ti.
ROME 8:9
Sihmanhsehlaw nan nih cu cuticun nan nung lo, Thlarau hruaining tuin nan nung deuh, Pathian Thlarau a ngei lomi cu Khrih ta an si lo.
ROME 8:10
Sihmanhsehlaw Khrih cu nan chung i a nun ahcun sualnak ruangah nan pum cu thi hmanh hna sehlaw nannih cu Pathian he nan i rem cang caah Thlarau cu nan caah nunnak a si.
LUKA 12:8
"Hihi kan chimh hna: mizapi hmaiah a ka ṭanhmi cu Mi Fapa nih, Pathian vancungmi hna hmaiah, a ṭanh ve hna lai.
LUKA 12:9
Sihmanhsehlaw nangmah ta ka si lo tiah zapi hmaiah aa phehmi cu, Pathian vancungmi hna hmaiah Mi Fapa zong nih, ka ta nan si lo, tiah a ti ve hna lai.
LUKA 12:10
Mi Fapa a thangchiattu cu ahohmanh ngaihthiam an si lai, sihmanh-sehlaw Thiang Thlarau a thangchiattu cu ngaihthiam an si lai lo.
LUKA 12:12
Zeicahtiah Thiang Thlarau nih khi caan ah nan chim awk cu an chimh ko hna lai," tiah a ti.
LUKA 12:31
Cucaah amah Pennak cu biapi bik ah ruat u law nan herhmi thil vialte hi an pek ko hna lai," tiah a ti.
LUKA 13:32
Jesuh nih cun a leh hna i, "Va kal u law, cu cenghngia cu, 'Nihin le thaizing ah khuachia kha ka ṭhawl hna lai i damnak kha ka tuah lai, cun a ni thum ni ah ka rian cu ka lim lai,' a ti, tiah va chim u.
LUKA 12:50
Tipil in awk pakhat ka ngei i cucu a dih hlanah cun ka lungre a va thei dah.
LUKA 14:11
Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai," tiah a ti.
LUKA 15:7
Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai," tiah a ti.
LUKA 15:10
Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm," tiah a ti.
LUKA 17:10
Nannih zong cu bantuk cu nan si ve ko, tuah u tiah fialmi rian kha nan tuah dih tikah, 'Kannih cu sal santlailo kan si, kan tuah awk hnga rian a simi lawng pei kan tuah ko cu,' va ti u," tiah a ti hna.
LUKA 17:21
Ahohmanh nih, 'Zohhmanh, hika ah a um hih, khika ah a um khih,' an ti kho lo; zeicahtiah Pathian Pennak cu nan chungah pei a um cu," tiah a ti hna.
LUKA 18:1
Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.
LUKA 18:7
Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?
LUKA 18:8
Hihi kan chimh hna: anmah cu thiam a coh hna lai i cucu khulrang tein a tuah lai. Sihmanhsehlaw Mi Fapa nih a rat tikah vawlei ah hin zumhnak a hmu te hnga maw?" tiah a ti.
LUKA 18:9
Anmah kha kan ṭha tiah aa ruat i midang vialte kha zei a rel lomi hna sinah Jesuh nih hi tahchunhnak bia hi a chim.
LUKA 18:14
Hihi kan chimh hna: Farasi mipa kha si loin hi pa tu hi a sualnak ngaihthiam in inn ah a ṭinmi cu a si. Zeicahtiah amah le amah aa ngantermi cu ṭhumh an si lai i mi tangah aa dormi cu mi ngan ah ser an si lai," tiah a ti.
LUKA 19:7
Cu a hmumi vialte cu an zai i, "Hi pa hi misual mi inn i tlun awkah a kal," an ti.
LUKA 19:10
Zeicahtiah Mi Fapa cu a tlaumi kawl awk le khamh awkah a ra," tiah a ti.
LUKA 21:15
zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.
LUKA 21:20
Cun Jesuh nih cun, "Nannih nih Jerusalem khua kha ralkap i an kulh nan hmuh tikah a rauh hlanah a rawk cang lai ti kha hngalh u.
LUKA 21:24
Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.
LUKA 21:25
"Cun ni le thlapa le arfi ah khin hmelchunhnak an lang lai. Vawleicung ram hna cu rili tilet a thomi le a awnmi nih awlokchong in an tuah hna lai.
LUKA 21:27
Cun Mi Fapa cu sunparnak le lianhngannak he khuadawm cung i a rat kha an hmuh lai.
LUKA 22:26
Sihmanhsehlaw nannih cu hitihin nan si awk a si lo: nan lak i a ngan bik kha a ngakchia bik bantuk a si awk a si i hruaitu a simi kha sal bantuk a si awk a si.
LUKA 23:28
Jesuh nih annih kha a merhnawh hna i, "Jerusalem minu hna, keimah caah ṭap hlah u; nanmah le nan fale ca tu ah ṭap deuh u.
LUKA 23:46
Jesuh cu aw thangpi in a au i, "Ka Pa, na kut chungah ka thlarau kha ka chiah," tiah a ti. Cucu a chim dih in a cat.
LUKA 23:34
Jesuh nih aa thawh i, "Ka Pa, ngaithiam hna. An tuahmi hi zei a si ti awk an hngal lo," tiah a ti. Camcawhfung zuh in a hnipuan kha an i phaw.
JOHAN 3:18
"Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.
JOHAN 3:6
Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.
JOHAN 3:11
Biatak tein kan chimh: kannih cu kan hngalhmi kha kan chim i kan hmuhmi kha tehte kan khan, sihmanhsehlaw kan chimmi cu ahohmanh nih cohlan nan duh lo.
JOHAN 3:13
Vancung in a rung ṭummi Mi Fapa dah ti lo cu ahohmanh vancung i a kaimi an um bal lo."
JOHAN 4:16
Jesuh nih, "Va kal law na va va ko, cun hika ah hin ra ṭhan," tiah a ti.
JOHAN 4:24
Pathian cu thlarau a si i a biatu hna nih cun thlarau le biatak in an biak awk a si," tiah a ti.
JOHAN 4:26
Jesuh nih cun a vun leh i, "Amah cu keimah hi pei ka si cu, nangmah he bia aa ruah lengmangmi hi," tiah a ti.
JOHAN 4:34
Jesuh nih cun a thawh hna i, "Ka rawl cu a ka thlahtu duhnak zulh le a ka fialmi rian liim kha a si.
JOHAN 4:41
Amah kaa hrimhrim in an theihmi bia thawng khan mi tampi nih an zumh i
JOHAN 4:42
minu cu an thawh i, "Atu cu nangmah na chimmi ruangah khan si loin, kan mahte nih kan theihmi le amah cu vawlei Khamhtu a si hrimhrim ti kha kan hngalh caah kan zumh," an ti.
JOHAN 4:53
Cu caan te cu Jesuh nih, na fa a nung lai, tiah a chim caan a si kha mipa nih cun a hngalh. Cucaah amah le a innchungkhar dihlak nih an zumh.
JOHAN 5:24
"Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.
JOHAN 5:28
Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio,
JOHAN 5:29
cun an thlan khan an chuak lai i ṭhatnak a tuahmi kha an tho lai i an nung lai; ṭhat lonak a tuahmi kha an tho ve lai i sualphawt an si lai," tiah a ti.
JOHAN 6:29
Jesuh nih cun a leh hna i, "Pathian nih tuah hna seh ti an duhmi hna rian cu hihi a si: a thlahmi zumh hi," tiah a ti hna.
JOHAN 6:35
Jesuh nih cun, "Nunnak changreu cu keimah hi ka si. Ka sin i a rami cu ahohmanh an rawl a ṭam lai lo i keimah a ka zummi cu ahohmanh an ti a hal lai lo.
JOHAN 6:39
A ka thlahtu nih tuah seh ti a ka duhmi cu hihi a si: a ka pekmi vialte kha pakhat hmanh thlau loin, ni hmanung bik ni ah nunnak i an dihlak in thawhter dih kha a si.
JOHAN 6:48
Nunnak changreu cu keimah hi ka si.
JOHAN 6:54
Ka sa a ei i ka thi a dingmi paoh nih zungzal nunnak an ngei i hmanung bik ni ah nunnak ah ka thawhter hna lai.
JOHAN 6:63
Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.
JOHAN 7:15
Judah upa pawl cu an khuaruah a har i, "Hi pa hi sianginn ah a kai bal ṭung lo, zeitindah hi zatzat hi a hngalh hnga?" an ti.
JOHAN 7:16
Jesuh nih cun, "Kan cawnpiakmi hna hi keimah cawnpiakmi a si lo, a ka thlahtu ka Pa sinin a rami cawnpiaknak a si.
JOHAN 7:38
Cathiang nih, 'Keimah a ka zummi paoh cu a lung chungin tiva nung an put lai,' tiah a ti bantuk khan a si lai," tiah a ti.
JOHAN 7:39
Jesuh nih a chim duhmi cu Thlarau kong kha a si, cu Thlarau cu amah a zummi paoh nih an hmuh ding kha a si. Cu caan ah cun Thlarau cu pek an si rih lo, zeicahtiah Jesuh cu sunparnak in thawhter a si rih lo.
JOHAN 8:12
Jesuh nih annih cu a thawh ṭhan hna i, "Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo," tiah a ti.
JOHAN 9:3
Jesuh nih cun, "A mitcawtnak hi amah sualnak ruangah siseh, a nu le a pa sualnak ruangah siseh a si lo. Pathian ṭhawnnak cu amah damnak thawng hin a langh nakhnga caah a mit a cawt hi a si.
JOHAN 11:4
Cu bia cu Jesuh nih a theih tikah, "Hi zawtnak hi a donghnak cu thihnak a si lai lo, sihmanhsehlaw Pathian sunparnak langhternak caah a si lai i hi thawng hin Pathian Fapa zong nih sunparnak a hmuh lai," a ti.
JOHAN 11:42
Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si," tiah a ti.
JOHAN 10:27
Ka tuu nih cun ka aw kha an ngaih, annih kha ka hngalh hna i an ka zulh.
JOHAN 10:28
Annih cu zungzal nunnak kha ka pek hna i an thi bal lai lo; cun ahohmanh nih annih cu an ka chut kho fawn lai lo.
JOHAN 10:29
Anmah kha a ka petu ka Pa cu zeizong vialte nakin a ngan deuh i ka Pa zohkhenhnak chungin ahohmanh nih an ka chut kho hna lai lo.
JOHAN 10:30
Ka Pa le keimah cu pakhat kan si," tiah a ti.
JOHAN 11:25
Jesuh nih Martha cu, "Keimah hi thawhṭhannak le nunnak cu ka si. Keimah a ka zummi paoh cu a thih hmanh thi seh law a nung lai;
JOHAN 12:45
Keimah a ka hmutu nih keimah a ka thlahtu zong kha a hmuh a si.
JOHAN 12:46
Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.
JOHAN 13:35
Pakhat le pakhat nan zawn nan i ruah ahcun mi vialte nih, hi hna hi amah a zultu kha an si, tiah an in hngalh hna lai," tiah a ti hna.
JOHAN 13:20
Biatak kan chimh hna: Rian ka fialmi tluninn a rak onhtu paoh nih keimah an ka onh a si, keimah tluninn a ka onhtu paoh nih a ka thlahtu tluninn a onh a si," tiah a ti.
1 CORINTH 9:27
Sihmanhsehlaw midang kha thawngtha ka chimh hna tikah keimah hrimhrim kha a tling lomi ka si sualnak hnga lo, ka pum kha ning cang tein ka uk i nawl ngeihnak tangah ka chiah. (Rev. Hoi Cung Tum lehmi)
JOHAN 14:4
Ka kalnak ding hmun phaknak lam cu nan hngalh ko," tiah a ti hna.
JOHAN 14:6
Jesuh nih, "Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.
JOHAN 14:11
Ka Pa chungah ka um i ka Pa cu ka chungah a um kha zum ko u. Cucu nan zumh khawh lo a si le hi thil ka tuahmi hna ruang tal ah hin zum ko u.
JOHAN 14:19
Hi hnu tlawmpal ah hin vawlei nih cun a ka hmu ti lai lo, sihmanhsehlaw nannih nih cun nan ka hmuh lai; cun keimah hi ka nun lai caah nannih zong nan nung ve lai.
JOHAN 15:3
Nannih cu kan chimhmi hna bia thawngin nan thiang cang.
JOHAN 15:5
Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.
JOHAN 15:8
Nannih nih thei tampi nan tlai thawngin ka Pa sunparnak kha nan langhter i cuticun ka zultu i nan i canning cu a si.
JOHAN 15:10
Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun kan dawt hnanak chungah hin nan um ve lai.
JOHAN 15:12
Kei ka nawlbia cu hihi a si. Keimah nih kan dawt hna bantukte hin pakhat le pakhat i daw u.
JOHAN 15:16
Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.
JOHAN 15:26
"Ka Pa sinin a rami Bawmtu, biatak Phuangtu Thlarau cu a ra lai. Ka Pa sinin nan sinah ka rak thlah lai i keimah kong kha an chimh hna lai.
JOHAN 16:13
Asinain biatak phuangtu Thlarau cu a rat tikah biatak chungah cun an luhpi hna lai. 'Keimah nawl a si,' tiin zeihmanh a chim lai lo, a theihmi le a ra lai ding thil kong tu kha an chimh hna lai.
JOHAN 16:14
Keimah nih ka rak in chimhmi hna chung khan an chimhmi hna cu a lakmi a si lai caah keimah kha a ka thangṭhat lai.
JOHAN 16:33
Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang," tiah a ti.
JOHAN 17:2
Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.
JOHAN 17:12
Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.
JOHAN 17:18
Vawlei ah na ka thlah bantukin kei zong nih vawlei ah ka thlah ve hna.
JOHAN 20:21
Cun Jesuh nih cun, "Nan cungah daihnak um ko seh, Ka Pa nih a ka thlah bantukin kei zong nih kan thlah ve hna," tiah a ti ṭhan hna.
JOHAN 20:22
Cu bia cu a chim dih in a thaw a chuahhnawh hna i, "Thiang Thlarau kha hmu ko u.
LAMKALTU 1:8
Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai," tiah a ti hna.
LAMKALTU 2:38
Peter nih annih cu a thawh hna i, "Nan dihlak in, pakhat hmanh bau loin, nan sualnak khan i mer tuah u, nan sualnak kha, ngaihthiam nan si nakhnga nan sualnak khan i mer u law Jesuh Khrih min in tipilnak ing tuah u; cun Pathian laksawng Thiang Thlarau kha nan hmuh lai.
LAMKALTU 3:19
Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.
LAMKALTU 3:20
Cun Bawipa nih thlarau thazang thar hmuhnak caan ṭha an pek hna lai i amah nih nan caah a thim cangmi Messiah, Jesuh kha nan sinah a run thlah lai.
LAMKALTU 4:12
Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo," tiah a ti.
LAMKALTU 4:20
Zei ti si hmanh ah kannih nih cun kanmah hrimhrim nih kan hmuh komi le kan theih komi cu chim lo cun kan um kho bal lai lo," an ti hna.
LAMKALTU 10:4
Vancungmi kha thinphang ngaiin dengteo in a zoh i, "Zeidah, bawipa?" tiah a ti. Vancungmi nih cun a hun leh i, "Pathian nih na thlacamnak le misifak na bawmh hnanak kha an cohlanpiak i nangmah cu an philh lo.
LAMKALTU 10:5
Cucaah atu ah Joppa khua ah mi hei thlah hna law a min Simon Peter a simi pa kha va auhter hna.
LAMKALTU 11:14
Amah nih cun bia an chimh hna lai i cu bia thawng cun khamhnak nan hmuh lai,' tiah a chimtu a hmuhnak kha a kan chimh.
LAMKALTU 11:15
Cun an sinah bia ka chim tikah khan, a hramthawk i kan cungah a rak tlun bantukte khan, an cungah cun Thiang Thlarau kha a tlung ve.
LAMKALTU 11:16
Khi tikah kan Bawipa nih, 'Johan nih cun ti in tipilnak a pek hna, sihmanhsehlaw nannih cu Thlarau in tipilnak pek nan si lai,' tiah a rak timi kha ka lung ah a hung pem.
GALATIA 2:20
Kei cu Khrih he khenhchih ka si cang, sihmanhsehlaw ka nung, asinain keimah ka si lo, ka chung i a nungmi Khrih tu kha asi. Cun a tu i taksa in ka nunmi nunnak cu a ka daw i ka caah aa pemi Pathian Fapa zumhnak thawng in asi.
(Rev. Hoi Cung Tum lehmi)
LAMKALTU 13:33
Cun atu hi, hi Thawngṭha hi nannih sin phakpi awkah hika i kan ratnak cu a si. Kan pupa hna sinah, ka tuah lai, tiah Pathian nih bia a rak kammi kha, kannih an tefa hna sinah hin atu cu a tuah cang, cucu Jesuh a nunter ṭhan hi a si. Cucu Salm fung hnihnak chung i 'Nangmah cu ka Fapa na si, nihin ah na Pa ka si cang,' tiah aa ṭial bantuk khan a si.
LAMKALTU 13:47
Zeicahtiah Bawipa nih a kan pekmi nawlbia cu: 'Nannih cu Jentail mi ca i ceunak si awk le Vawlei cung dihlak ca i khamhnak lam si awkah kan chiah hna,' ti hi a si," tiah a ti.
LAMKALTU 13:48
Jentail mi hna nih cu bia cu an theih tikah an i lawm i Bawipa cu, cu bia ruangah cun an thangṭhat; cun zungzal nunnak hmu dingah thim a simi hna nih khan an zumh i
LAMKALTU 14:3
Khika ah lamkaltu hna kha saupi an cam. Bawipa kong kha ralṭha ngaingai in an chim i a velngeihnak kong an chimmi kha ahmaan ti hmuhsaknak caah khuaruahharnak tuah khawhnak kha a pek hna.
LAMKALTU 14:22
Zumtu hna kha thazang an pek hna i nan zumhnak ah khan fek tein hmun ko u, tiah an forh hna. "Pathian Pennak chung luh awkah hin harnak tampi kan ton a hau," tiah an cawnpiak hna.
LAMKALTU 14:23
Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.
LAMKALTU 16:31
"Bawipa Jesuh kha zum law, nangmah he na innchungkhar he khamh nan si lai," tiah an ti.
LAMKALTU 16:34
Paul le Silas cu a inn ah a hun kalpi hna i rawl a pek hna. Amah nih Pathian kha a zumh caah amah le a innchungkhar cu lunglawmhnak in an khat.
LAMKALTU 17:26
Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.
LAMKALTU 17:31
Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter," tiah a ti.
LAMKALTU 18:9
Zan khat cu Paul nih cun langhnak a hmuh i cu ah cun Bawipa nih a thawh i, "Na thinphang hlah; chim lengmang ko, ngol lai cih,
LAMKALTU 18:10
zeicahtiah keimah nih kan umpi ko. Hi khua chung i a ummi hna lakah hin mi tampi ka minung an si caah ahohmanh nih harnak an in pe kho lai lo," tiah a ti.
LAMKALTU 19:15
Sihmanhsehlaw khuachia nih cun a thawh hna i, "Jesuh cu ka hngalh i Paul zong cu ka hngalh, sihmanhsehlaw nannih cu ahodah nan si?" tiah a ti hna.
LAMKALTU 20:24
Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.
LAMKALTU 21:13
Sihmanhsehlaw a kan thawh i, "Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu," tiah a kan ti.
LAMKALTU 26:16
Sihmanhsehlaw tho law na ke in dir tuah. Nangmah cu ka sal i ser kan duh caah na sin i ka langh hi a si; nihin i keimah kong na hmuhmi le hmailei i kan hmuhsak dingmi thil kha, nangmah nih midang kha na chimh hna lai.
LAMKALTU 26:17
Nangmah cu kan thlah lainak miphun Israel mi hna le Jentail mi hna sinin kan khamh lai.
LAMKALTU 26:18
Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti," tiah a ti.
LAMKALTU 26:20
A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, 'Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,' tiah ka ti.
LAMKALTU 26:23
cucu zeidah a si tiah, Judah mi hna le Jentail mi hna sinah khamhnak ceunak thanh awk caah, Messiah nih cun fahnak kha a in a hau lai i thihnak in a tho ṭhan hmasa bikmi a si lai, ti hi a si ko," tiah a ti.
ROM 1:9
Ka chimmi bia hi ahmaan tiah Pathian cu tehte ah kaa lak ngam — cu Pathian rian, a Fapa kong Thawngṭha chim hi ka lungthin dihlak in ka ṭuanmi cu asi.
ROM 1:17
Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, "Zumhnak thawngin Pathian he aa remmi cu an nung lai," a ti bang khan, Pathian he i remnak cu a hram in a dong tiang zumhnak thawngin a si.
ROM 1:18
Sihmanhsehlaw Pathian thinhunnak cu vancung in a rung lang i minung sualnak le ṭhat lonak dihlak cungah khan a rung tlung; cu an ṭhat lonak cu biatak kha lang kho loin a dawntu an ṭhat lonak kha a si.
ROM 2:29
chunglei in Judah mi a si i a lung chungin cuarpar aa tanmi kha Judah mi taktak cu a si. Cucu ṭialmi Nawlbia rian ṭuannak kha si loin Pathian Thlarau rianṭuannak kha a si. Cu bantuk mipa cu minung sinin si loin Pathian sinin thangṭhatnak kha a hmu.
ROM 4:5
Sihmanhsehlaw rianṭuannak si loin zumhnak tu a ngeimi nih cun, Pathian nih a sualmi cu a sual lo ah a chiah hna tiah a zumh i cu a zumhnak cu Pathian nih amah he remternak caah a lakpiakmi cu a si.
ROM 4:11
A cuarpar aa tan cu a hnuah a si, Abraham nih a cuarpar aa tannak cu a zumhnak ruangah Pathian nih cuarpar aa tan hlan in miding in a cohlan cang ti hmelchunhnak caah a si. Cucaah Abraham cu, Pathian a zum i an cuarpar an i tan lo nain Pathian nih miding in a cohlanmi vialte hna, thlarau lei an pa a si.
ROM 4:25
Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si.
ROM 5:16
Cun Pathian laksawng le mipa pakhat sualnak kha an i lo lo. Kha sualnak a hun zultu kha cu, "Na sual," ti biakhiahnak a si; sihmanhsehlaw sualnak hi zat riamruam a hun zultu cu, kan phu kan tawk lopi a simi laksawng, "Na sual lo," ti biakhiahnak hi a si.
ROM 5:21
Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.
ROM 6:16
Bawi pakhatkhat sinah na nawl kan ngaih lai, tiin nan i pek ahcun nannih cu cu bawi a nawl nan zulhmi sal cu nan si — cu bantukin sualnak cu a nawl nan zulh ahcun, sualnak sal cu nan si i sualnak nih a chuahpimi cu thihnak a si; cun cu bantuk ṭhiamṭhiam cun Pathian cu a nawl nan zulh ahcun, cu nawlngaihnak nih a chuahpimi cu Pathian he i remnak kha a si.
ROM 7:25
Pathian cu lawm ko u sih. Cucaah ka sining cu hihi a si ko: keimah lawngin ti ahcun, ka lung lawng in Pathian nawl cu ka zulh khawh, ka minung sining tu cu sualnak phung kha a zul ko.
ROM 8:1
Atu cu Khrih Jesuh he i pehtlai in a nungmi hna caah cun sualphawtnak a um ti lo.
ROM 8:2
Zeicahtiah Khrih Jesuh he aa pehtlaimi nunnak a kan petu Thlarau phung nih cun sualnak le thihnak phung chung khan a ka luatter cang.
ROM 9:2
Ka miphun, ka thi le ka sa a simi hna caah ka ngaih a chia hringhran ko i ka lung chung fahnak cu a dong lo.
ROM 9:3
Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.
ROM 9:8
Cu a sullam cu, minung sining phung sawhsawh in hrinmi cu Pathian fa an si lem lo, Pathian biakamning in hrinmi lawng tefa taktak i ruahmi cu an si, tinak a si.
ROM 9:26
'Nannih cu ka mi nan si lo,' tiah an rak tinak hna hmun thengte ah khan Annih cu a nungmi Pathian fa, ti an si lai."
ROM 10:13
Cathiang nih, "Bawipa min a aumi paoh cu khamh an si lai," a ti bangin a si taktak ko.
ROM 10:17
Cucaah zumhnak cu bia theihnak thawng khan a um i bia cu Khrih kong chimnak thawng khan a um.
ROM 11:25
Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.
ROM 11:26
Cun Israel mi vialte khamh an si lai cu hitihin a si lai: Cathiang nih, "Zion in Khamhtu cu a ra lai i Jakob tefa hna chungin ṭhat lonak vialte kha a hloh lai.
ROM 11:31
Cu bantuk ṭhiamṭhiam in nannih nih nan hmuhmi a zaangfahnak kha annih zong nih an hmuh ve nakhnga atu ahcun a nawl kha zul loin an um.
ROM 11:32
Pathian nih mi vialte kha nawlngaih lonak chung thongtla i a ser hna cu an dihlak in zaangfah a duh hna caah a si.
ROM 11:36
Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.
KOLOSE 1:20
Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna.
ROM 12:9
Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.
ROM 14:17
Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.
1 KORIN 4:20
Zeicahtiah Pathian Pennak cu holh sawhsawh le bia sawhsawh men hi a si lo, Pathian Pennak cu thil ti khawhnak ṭhawnnak pei a si cu.
ROM 15:1
Zumhnak ah thazang a ṭhawngmi kannih nih a dermi kha an thilrit phorh kan bawmh hna awk a si. Kanmah duhnak kha kan kawl awk a si lo.
ROM 15:2
Kan unau hna cu an ṭhatnak ding kha kan tuah awk a si, zumhnak ah an ṭhan khawh nakhnga kan ruah awk a si.
ROM 15:4
Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.
1 KORIN 1:24
Sihmanhsehlaw Pathian nih a kawhmi hna caah cun, Judah mi an si zongah Jentail mi an si zongah, cu bia cu Khrih kha a si i Khrih cu Pathian hmual le Pathian fimnak kha a si.
1 KORIN 3:16
Pathian biakinn nan si kha nan hngalh i Pathian Thlarau nan chung i a um zong kha nan hngalh.
1 KORIN 3:23
nannih cu Khrih ta nan si i Khrih cu Pathian ta a si.
1 KORIN 6:19
Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si;
1 KORIN 5:7
Sualnak thilnu hlun cu nan chungah rian a ṭuan. Nannih cu a thar tein rawhmi changreu nan si nakhnga cu thilnu hlun cu hlonh u. Khrihfa nan si bantukin nannih cu thilnu telh lomi Lanhtak puai changreu cu nan si; zeicahtiah kan Lanhtak puai tuufa Khrih cu raithawinak ah pek a si cang caah kan Lanhtak puai cu aa thawk taktak cang.
1 KORIN 5:8
Cucaah kan puai cu thilnu hlun, sualnak le ṭhat lonak thilnu hlun he cawhmi changreu he khan si loin thilnu aa tel lomi changreu, thiannak le biatak changreu he khan tuah u sih.
1 KORIN 8:2
Zeizong ka hngal ve ko, tiin aa ruatmipa nih hin a hngalh awk tlukin a hngal tawn lo.
1 KORIN 8:3
Sihmanhsehlaw Pathian a dawmipa kha Pathian nih a hngalh.
1 KORIN 9:18
A si ahcun ṭuan man zeidah ka hmuh? Ka hmuhmi cu, thawngṭha ka chimnak ka rian ah hin, cucu ka hmuh awk, khakha ka hmuh awk ti loin, alak tein ka chim i cu ka chimnak thawngin lungriamhnak ka hmuhmi hi a si.
1 KORIN 9:14
Cu bantuk ṭhiamṭhiam in thawngṭha a chimtu hna nih thawngṭha chim in an paw an i cawm awk a si ti cu Bawipa cawnpiakning a si.
1 KORIN 10:18
Hebru mi kha ruat hna hmanh u, raithawinak ah pekchanhmi sa a eimi paoh cu Pathian biakṭheng rianṭuannak ah khan an i tel ve.
1 KORIN 11:29
Zeicahtiah chang kha a ei i hrai in a din tikah Bawipa pum sullam kha a hngalh lo ahcun a ei a din ah khan biaceihnak aa ei aa din chih.
1 KORIN 11:32
Sihmanhsehlaw Bawipa nih bia a kan ceih i dan a kan tat cu vawlei sinah sualphawt chih kan si nakhnga lo caah a si.
1 KORIN 12:31
Cucaah laksawng biapi deuh a simi hna tu kha nan i tinh awk a si. Cun cu hna lak hmanh ah a ṭha bik cu atu i ka hun chim dingmi hi a si:
1 KORIN 13:13
A hmun zungzalmi thil pathum an um, cu hna cu zumhnak le ruahchannak le dawtnak an si, cu hna lak i a ngan bik cu dawtnak a si.
1 KORIN 14:1
Cucaah dawtnak hi biapi bik ah chia u. Thlarau laksawng hmuh awk kha i zuam hna u law cu hna lakah cun Pathian bia chimnak laksawng kha hmuh i zuam khun u.
1 KORIN 14:32
Pathian bia chimnak caah Pathian nih an pekmi hna laksawng cu a chimtu nih khan a uk awk a si,
1 KORIN 14:33
zeicahtiah Pathian nih a kan auh cu ningcang lo piin um awkah si loin daite le rem tein um awk tu ah a si.
1 KORIN 15:22
Adam he an i pehtlaihnak thawngin mi vialte cu an thih bantukin, Khrih he an i pehtlaihnak thawngin mi vialte cu nunnak ah thawhter an si lai.
1 KORIN 15:45
Zeicahtiah Cathiang nih, "Mi hmasa bik Adam cu minung ah ser a si," a rak ti, sihmanhsehlaw Adam hmanung bik cu nunnak petu Thlarau a si.
1 KORIN 15:56
Thihnak nih fahnak pek khawhnak hmual a ngeihmi cu sualnak in aa lakmi a si i sualnak nih a ṭhawnnak cu Nawlbia in aa lakmi a si.
1 KORIN 15:40
Cun van pum an um i vawlei pum an um fawn; van pum hna nih dawhnak phun khat an ngei i vawlei pum hna nih dawhnak phun dang an ngei ve.
2 KORIN 1:22
Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.
2 KORIN 2:17
Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.
2 KORIN 3:6
biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.
2 KORIN 3:17
Hi zawn i "Bawipa," a timi hi Thlarau a si i Bawipa Thlarau a umnak hmun paoh ah luatnak a um.
2 KORIN 2:14
Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.
2 KORIN 5:19
Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.
2 KORIN 6:7
biatak kan chimnak le Pathian ṭhawnnak nih khan Pathian sal kan sinak cu an langhter fawn. Raldohnak caah siseh, kanmah ralvennak caah siseh kan hmanmi cu dinnak a si.
2 KORIN 8:9
Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.
2 KORIN 8:12
Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.
2 KORIN 10:3
Vawleicung ah cun kan um taktak, sihmanhsehlaw vawlei cung thil tinhmi ngei in ral kan do lo.
2 KORIN 10:18
Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.
EFESA 1:7
Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.
EFESA 1:23
Khrihfabu hi Khrih pum cu a si, Khrih nih zeizong vialte kha a tlinter i amah Khrih hrimhrim a tlinnak cu a pum ah cun a si.
EFESA 2:6
Khrih Jesuh he kan i pehtlaihnak thawngin vancung khua i amah sin i uktu si ve dingah, amah he cun a kan thawhter.
EFESA 2:14
Judah mi le Jentail mi kha miphun phunkhat ah a ser hna thawngin Khrih nih kannih cu daihnak a kan pek. Anmah a ṭhentu hna vampang, ral a siter pengtu hna kha, a pum hrimhrim in a chimh.
EFESA 2:22
Amah he nan i pehtlaihnak thawngin nannih zong hawi dang vialte he, Pathian nih a Thlarau in a umhnawhmi inn ah ser nan si cang.
1 KORIN 12:8
Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek.
1 KORIN 12:9
Cu Thlarau ṭhiamṭhiam nih cun pakhat cu zumhnak a pek i pakhat cu damter khawhnak ṭhawnnak a pek.
1 KORIN 12:10
Pakhat cu khuaruahhar tuah khawhnak a pek; cun pakhat cu Pathian bia chim thiamnak a pek i pakhat cu Thlarau sinin a rami laksawng a si maw si lo ti thleidan khawhnak a pek. Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek.
EFESA 4:11
"Mi kha laksawng a petu hna" cu amah kha a si; a cheu cu lamkaltu ah a ser hna i a cheu cu profet ah a ser hna, a cheu cu Thawngṭha chimtu ah a ser hna i a cheu cu pastor le cawnpiaktu ah a ser hna.
EFESA 4:24
Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si.
EFESA 6:11
Khuachia hlennak kha nan doh khawh nakhnga Pathian nih an pekmi hna ralthuam vialte kha i hruk u.
EFESA 6:14
Cucaah timhcia tein dir u: nan taisawm caah biatak kha fek tein i sawmh u; nan ṭangphaw caah dinnak kha i benh u;
EFESA 6:15
nan kedan caah daihnak Thawngṭha chim thathawhnak kha i danh u.
EFESA 6:16
Zumhnak kha phaw caah i ken zungzal u law cu phaw cun Khuachia nih mei bantuk a simi thal in an kah hna tikah nan rak hmih khawh hna lai.
EFESA 6:17
Cun luchin caah khamhnak kha i chinh u law Thlarau nih an pekmi hna vainam caah Pathian bia kha i lak u.
FILIPI 1:20
Ka duhnak ngan bik le si kho seh ti ka duh bikmi cu, ka rian hi a tlam tlinh kho ning ti hi a si i a zungzal in, cun atu thengte chinchin ah hin, ka nun zongah ka thih zongah, ralṭhatnak in khah i ka pum hrimhrim in Khrih cu upatnak pek kha a si.
FILIPI 1:21
Nunnak hi ka caah zeidah a si? Kei ka caah cun nunnak cu Khrih a si ko. Cucaah thihnak nih hin a ṭha deuh chinchinmi thil hmanh a chuahpi lai.
FILIPI 2:13
Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.
FILIPI 3:8
Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.
FILIPI 3:10
Ka duhmi cu amah Khrih hngalh le a thawhṭhan ṭhawnnak hmuh ve le temhinnak a inmi in ve le amah thih bantukin thih ve lawng hi a si cang,
FILIPI 4:8
A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u.
KOLOSE 1:15
Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.
KOLOSE 1:17
Zeizong vialte hlanah a rak um cang i amah nih cun zeizong vialte hi i ṭhenṭhek dih loin a funtom dih hna.
KOLOSE 1:19
Fapa nih Pathian sinak tlamtling tein a chungah a ngeih cu Pathian biakhiahnak thawngin a si.
KOLOSE 1:24
Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.
KOLOSE 1:27
Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.
KOLOSE 3:4
Nan nunnak taktak cu Khrih kha a si i amah cu a langh tikah nannih zong amah sinah cun nan lang ve lai i a sunparnak cu nan i hrawm lai.
KOLOSE 3:17
Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.
KOLOSE 3:25
Cun thil ṭhalo a tuahtu cu thil ṭhalo a tuahmi ruangah khan aho a si hmanh ah a tuah man cu a hmuh ko lai. Pathian nih cun ahohmanh a duhdanh hna lo.
KOLOSE 4:6
Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.
1 THESALON 3:8
Bawipa chungah fek tein nan dir ti theih cu kan caah nunnak thaw a si.
1 THESALON 4:4
Nan dihlak in nan pum uk kha nan thiam awk a si, nan pum cu nan thianter awk le nan upat awk a si,
1 THESALON 4:7
Pathian nih sualnak tuah lengmang dingin a kan au lo, mithiang si ding tu ah a kan auh.
1 THESALON 5:7
Mi an i hngilh cu zan ah a si, mi zu an rit cu zan ah a si.
1 THESALON 5:5
Nannih cu nan dihlak in ceunak mi nan si, chun mi nan si, zan mi kan si lo, muihnak mi zong kan si lo.
1 THESALON 5:10
a rat tikah kan nun zong kan thih zongah amah sinah kan um khawhnak hnga kannih caah a thi cang.
1 THESALON 5:21
Zeizong vialte kha hneksak dih hna u: a ṭhami kha i chiah u law
1 THESALON 5:22
thil ṭhalo paohpaoh kha hrial hna u.
1 TIMOTE 1:15
Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,
1 TIMOTE 1:16
sihmanhsehlaw hi ruang thengte ah hin Pathian nih ka cung i zaangfahnak a ngeih cu a si. Cu bantukin Pathian nih a ka zaangfah i misual mi hna lak i a sual bikmi keimah cungah Khrih Jesuh nih a lungsaunak le a thinfualnak a langhter cu, hmailei ah a hun zum i cu zumhnak thawngin zungzal nunnak a hmumi hna caah zohchunh awk siseh ti kha a duh caah a si.
1 TIMOTE 1:18
Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.
1 TIMOTE 4:12
Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.
1 TIMOTE 4:14
Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.
1 TIMOTE 6:20
Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in "Fimnak" tiah an timi cu hrial naa zuam hna lai.
2 TIMOTE 1:6
Cucaah na cung i ka kut ka rak chuan tik i Pathian nih an pekmi laksawng kha na nunter peng nakhnga chimh ṭhan kan duh.
2 TIMOTE 1:14
Kan chungah a ummi Thiang Thlarau ṭhawnnak thawngin na kut chungah chiahmi thil ṭha kha him tein keng hna.
2 TIMOTE 2:15
A rian a zahpi lomi, Pathian biatak hmaan tein mi a cawnpiaktu saya bantukin Pathian hnatlaknak kha na hmuh khawh nakhnga fak piin i zuam.
1 TIMOTE 3:16
Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.
1 TIMOTE 6:21
Mi a cheu nih cu fimnak cu kan ngei an ti i zumhnak kha an nganh diam! Pathian vel cu nan dihlak cungah um ko seh.
2 TIMOTE 1:7
Pathian nih a kan pekmi Thlarau nih cun mi ralchia ah a kan ser lo, ṭhawnnak le dawtnak le mah le mah i uk khawhnak tu khan a kan khahter.
2 TIMOTE 2:10
Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.
2 TIMOTE 2:19
Sihmanhsehlaw Pathian nih a bunhmi hram fek cu hninh khawh a si lo, cu hram cungah cun "Bawipa nih amah ta a simi cu a hngalh ko hna," ti le, "Bawipa ta ka si a timi paoh nih cun palhnak a tuahmi kha a ngol awk a si," ti kha an i ṭial.
TITAS 1:4
Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.
TITAS 1:16
Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.
TITAS 2:12
Cu Pathian vel nih cun Pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian ṭihzah in um kha a kan forh.
TITAS 2:14
Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.
HEBRU 5:8
Sihmanhsehlaw Pathian Fapa a si ko nain Pathian nawl ngaih kha harnak innak chungin a thiam.
HEBRU 5:9
A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i
HEBRU 5:10
Pathian nih Melkhizedek tlangbawi sining in Tlangbawi Ngan na si, tiah a ti.
HEBRU 5:12
Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.
HEBRU 6:4
Zeitindah a tlu ṭhanmi hna cu ngaihchihnak an ngeih ṭhan khawh ti lai? Annih cu Pathian ceunak chungah a rak um cangmi an si, vancung laksawng kha a tep i Thiang Thlarau a co ve cangmi an si.
HEBRU 6:9
Kan dawtmi kan hawile hna, hi bantukin bia chim hmanh u sih law, nannih kong tu ah cun kan hna a ngam ko. Nannih cu, thluachuahnak a ṭha deuhmi, khamhnak a ngeimi nan si ti kha kan hngalh.
HEBRU 6:18
Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.
HEBRU 7:8
Tlangbawi hna kongah cun, cheu hra cheu khat kha a thi khomi minung nih an khawlh hna, sihmanhsehlaw Melkhizedek kong ah cun, a nungmi minung nih. Cathiang chimning in, cheu hra cheu khat cu a khawlh.
HEBRU 7:12
Tlangbawi sining kha aa thlen tikah Nawlbia zong kha thlen a herh ve.
HEBRU 7:13
Cun hi kong i an rak chimchungmi bia vialte nih a sawhmi kan Bawipa kha Levi miphun si loin phun dang a si i a phun chungmi cu biakṭheng ah tlangbawi rian a ṭuanmi ahohmanh an um bal lo.
HEBRU 7:24
Sihmanhsehlaw Jesuh cu zungzal in a nungmi a si caah zungzal in tlangbawi a si.
HEBRU 7:25
Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.
HEBRU 8:10
Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.
HEBRU 8:11
Ahohmanh nih an hawile kha cawnpiak a herh lai lo i 'Bawipa kha hngal tuah,' ti chimh zong a hau lai lo, A hme bik in a ngan bik tiang nih an ka hngalh ko lai.
HEBRU 8:12
An palhnak cu ka zaangfah hna lai i an sualnak cu ka hngal camcin ti lai lo," tiah a ti.
HEBRU 9:12
Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.
HEBRU 9:24
Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.
HEBRU 10:9
Cun aa thawh ṭhan i, "Pathian, nangmah nih tuah seh ti na ka duhmi tuah awkah ka ra," a ti. Cuticun Pathian nih raithawinak hlun vialte kha a hlawt hna i Khrih raithawinak khan a thlen hna.
HEBRU 10:19
Cucaah ka u le ka nau hna, Jesuh thihnak thawngin Hmun Thiang Bik chungah khan luhnak nawl kan ngei cang.
HEBRU 10:20
Cu luhnak ah cun puanzar kha a thleh i lam thar nunnak lam kha a kan hunpiak — puanzar cu a pum kha a si.
HEBRU 12:28
Cucaah cun kannih nih hninh khawh lomi pennak kha kan hmuh caah i lawm u sih.
JEIM 2:26
Cucaah cun pum cu thlarau loin a thih bantukin zumhnak zong tuahnak loin a thi ve.
JEIM 4:17
Cucaah cun hi a ṭhami thil hi ka tuah awk a si tiah a hngal ko ṭung i a tuah lomi cu misual a si.
1 PETER 3:1
Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,
1 PETER 3:2
zeicahtiah zeitluk nun thiang in dah nan nun ti le zeitluk in dah nan upat hna kha anmah nih an hmuh ko lai.
1 PETER 3:4
nan i dawhnak cu nan chung muru ah a um awk a si i cu nan i dawhnak cu a tar kho lomi nemnak le daihnak lungthin, Pathian mithmuh i a sung bikmi thil a simi kha a si.
1 PETER 3:5
Pathian a rak i bochanmi nu hna cu, cu bantukin an i dawhnak a simi an si — an vale nawl an ngaihnak ah khan an i dawhnak cu a si.
1 JOHAN 2:27
Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.
1 JOHAN 3:2
Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.
1 JOHAN 3:9
Pathian fa a simi paoh nih cun sualnak an tuah peng lo, zeicahtiah Pathian thlaici kha an chungah a um; cun Pathian cu an Pa a si caah an sual kho peng lo.
1 JOHAN 5:10
Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.
1 JOHAN 5:19
Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.
1 JOHAN 5:20
Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.
JUDAS 1:5
Cucaah cun nan hngalh dihmi a si ko nain, Bawipa nih Israel mi cu Izipt ram chungin a chuahter hna i sihmanhsehlaw a hnuah a zum lomi cu a thah hnanak kong kha theihter ṭhan kan duh hna.
BIATHLAM 12:10
Cun vancung ah cun aw thangpi pakhat ka theih i, "Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.
BIATHLAM 21:7
Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.
BIATHLAM 21:22
Khuapi chungah cun biakinn ka hmu lo, zeicahtiah a biakinn cu Lianngan Bik Bawipa Pathian le Tuufa kha a si.
BIATHLAM 21:23
Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.
BIATHLAM 22:1
Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.
BIATHLAM 22:2
Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.
BIATHLAM 22:5
Zan a um ti lai lo i meiinn siseh, ni ceunak siseh, an herh ti lai lo, zeicahtiah Bawipa Pathian cu an ceunak a si lai i annih cu siangpahrang bantukin uktu zungzal in zungzal tiang an si lai.
Comments
Post a Comment