Nunnak Petu Thawngṭha

HEBRU 12:29 Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

Mitkut thutnak sii le Surgery hna hi Bawipa (Baibal) sin in mithiam hna nih an i copy mi le Bawipa sin in an hmuhmi thiamnak an si. Adam hnakruh lak duh ah Adam kha thuh hluamah in a hngilhter i surgery a tuah hnu ah Eve a rak ser. Amen! Cun Bawipa nih zeitluk in dah David a ttanpi kha Saul le a ral kap thu hluahmah hngilhternak in a rak langhter ve! Amen! Ngeihlomi le tuahkhawh lomi zeihmanh a ngei lomi, zeizong vialte hramthoknak le donghnak asimi kan Pathian cu a min thangthat si zungzal ko seh. Amen! Na duhmi le na herhmi na cungah a tuahlo le a tlinlo hmanh ah na lung dong hlah! Na caah a tthabik in a rak tuah diam cang ko. Amen! God is good all the time! Amen! Kan Pathian lawnglawng hi biaktlak le nunnak dihlak in zumhtlak le thangthat tlak cu asi! Amen! 1 SAMUEL 26:12 Cucaah David nih Saul lu hram khan fei le hranthawl kha a lak hna i an kal. Ahohmanh nih cucu an hmu lo, a hngalh zong an hngal lo, ahohmanh zong an i hlau lo zeitintiah Bawipa sinin mitkuh thut kha an cung...

Pathian nih Israel mi hna he biakamnak thar ka tuah lai a timi cu Jesuh Khrih hi asi i vawlei serhlan in mi vialte Khamhtu dingah Pathian nih a rak timhciami asi . Jesuh Khrih kan zumhnak thawngin kan thinlung chungah Thiang Thlarau cu khua a rung sa i cucu Thiang Thlarau pek kan si kan timi cu asi. Amen! Cucu catlap cungah ttialmi si loin Thiang Thlarau in na thinlung chungah ttialmi le khenhmi asi timi cu asi. Amen... A hlan ahcun phunglam hna hi lengah ttialmi an si i cu ttialmi fial ningin an rak nung i khua an rak sa, an tuah taktak tikah sualnak in an rak luat! A tu ahcun ttialmi nawlbia tuahnak in luatnak lam a um ti loin Fapa Jesuh Khrih zumhnak thawng lawngin luatnak le nunnak kan hmuh khawh. Amen! Jesuh Khrih thawngin Pathian he remnak kan hmuh hnu ah kan tuahmi vialte hna hi catlap cungah ai ttialmi ning in kan tuahmi si ti loin kan chunglei ah a nungmi Thiang Thlarau hruainak tuin zeizong vialte hi kan tuah cang! Kan chunglei Thiang Thlarau hruainak le fialnak in zeizo...

David cu Samuel nih chiti a thuh bakin Bawipa Thlarau a chungah a um. Cu ni thok cun David chungah Bawipa Thlarau cu fak piin a tlung i Amah le Amah ai hngalh lawng si loin Saul sinum tiang zong nih David cu Bawipa nih umpimi asi kha an vun hngalh ve. Amen! Nang le kei teh zumtu kan si kan tinak cu veican asi nain Bawipa Thlarau nih umpimi a si an in ti bal in Thiang Thlarau na khat bal ve maw? Zumtu poah cu Thiang Thlarau in umpi kan si hi kan chunglei in kan i hngal taktak ve awk asi i mizapi zong nih an kan hngalh ve awk asi?  THIANG THLARAU NA NGEI MAW? NA NGEI TAKTAK MAW? THIANG THLARAU NGEIH LO I HRINTHAN CU PATHIAN NIH KAN HRINTHAN CANG TIMI SI LOIN MINUNG TAHNAK IN NA HRINTHAN TU A RAK SI AI!!!  1 SAMUEL 16:13 Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal. 1 SAMUEL 16:18 Tlangval pakhat nih khan a hun leh i, "Z...

Pathian lawng kan ttih awk le a nawl kan zulh awk asi. Saul siangpahrang zong hi Pathian le Profet Samuel bia ngai loin le ttih loin mipi (a kuttang ralkap a tih hna caah) siangpahrang sinak in hlawt le hnon asi! Pathian lawnglawng kan ttih awk le a kan fial ning tein kan tuah awk asi. Thawngtha kan chim tik zongah Amah duhning le fial ningin kan chim awk bak asi. Thiang Thlarau bawmhnak nih Bawipa duhnak thukpi in kan hngalhter cio ko seh. Amen! 1 SAMUEL 15:24 Cun Saul nih Samuel sinah cun, "Ka sual cang; mi zapi kha ka ṭih hna i an aw ka zulh hna caah Bawipa nawlbia le nangmah bia kha ka buar cang hna.

1 SAMUEL 15:17 Cun Samuel nih, "Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.

1 THESALON 2:4 Pathian nih cuticun chim hna seh ti a kan duhning tu khan kan chim zungzal i cuti kan chim cu Pathian nih khan kanmah hman kha a hna a tla i Thawngṭha cu kan kut ah a kan pek caah a si. Minung lungton kha i zuam loin kan i tinhmi a hngaltu Pathian lungton tu kha kan i zuam. Sihmanhsehlaw kannih cu thawngtha phortu dingah Pathian nih aa tlak in a kan cohlan bantukin minung duhning si loin kan thinlung a kan hneksaktu Pathian duhning tuin kan chim. (Rev. Hoi Cung Tum lehmi)

1 SAMUEL 10:9 Cun Samuel cu kaltak awk i aa mer tikah, Pathian nih amah kha lung dang a pek; cun hi hmelchunhnak vialte cu khi ni ah a tling dih. 1 SAMUEL 10:10 Gibeah kha an phak tikah, zohhmanh, profet bu khat nih an rak ton; cu Pathian thlarau cu ṭhawng ngaiin a cungah a tlung i an lakah a holh cukmak len ve ko.

1 SAMUEL 8:9 Cucaah atu cu an bia kha ngai ko hna; sihmanhsehlaw ṭha tein ralrinnak na pek hna lai i anmah a uktu ding siangpahrang kalning kha na hmuhsak hna lai," tiah a ti. 1 SAMUEL 8:10 Cucaah Samuel nih amah sinin siangpahrang a halmi hna kha Bawipa bia vialte cu a chimh hna. 1 SAMUEL 8:11 Amah nih, "Nannih an uktu hna siangpahrang kalning cu hi bangin a si lai: nan fapa kha a lak hna lai i a rangleng cittu le a rang cittu le a rangleng hmai tlitu dingah a chiah hna lai. 1 SAMUEL 8:12 Cun a thong pawl haotu hna le sawm nga pawl haotu hna kha aa chiah hna lai, cun a cheu cu a leithuangtu le a rawlṭuantu le a ral hriamnam sertu le a rangleng thilri sertu ah a chiah hna lai. 1 SAMUEL 8:13 Nan fanu hna cu zihmui sertu le rawlchuang le changreu rawtu ah a lak hna lai. 1 SAMUEL 8:14 Nan lo le nan mitsur dum le nan oliv dum hna lakah a ṭha bikbik kha a lak hna lai i a rianṭuantu hna kha a pek hna lai. 1 SAMUEL 8:15 Nan rawl le nan mitsur dum chungin cheu hra cheu khat kha a lak...

      FALE CAWNPIAKNAK LE CHIMHRINNAK AH NA DAITHLANG IN NA FALE DUHNAK NA ZULTUK SUAL MAW? BAWIPA NIH NA CUNGAH CAWNPIAKNAK LE CHIMHRIN DING IN NAWL NGEIHNAK TAMPI PEK NA SI VE HIH! NA DAITHLAN SUAL AHCUN ELI LE INNCHUNGKHAR BANGIN CHIATSERH NA SI SUAL LAI! PATHIAN NIH ELI FALE CUNGAH MAWH A PHURH LOH, MAWH APHURHMi CU A PA ELI NIH A CHIMHRIN HNA LO I SUALNAK AN TUAH LE PATHIAN AN KA VAWLHPANH AH A THLAUH HNA LO TIAH ATI! NA FANU LE FAPA, UNAU CAAH TUANVO TAMPI NA NGEI HI RAK I CINKEN VE MUH! THIANG THLARAU NIH INFIANTER KO HNA SEH! 1 SAMUEL 3:10 Cun Bawipa cu a ra i a rung dir i voi dang bantuk khan, "Samuel! Samuel!" tiah a auh. Cun Samuel nih, "Chim ko, zeitintiah na sal nih a theih," tiah a ti. 1 SAMUEL 3:11 Cun Bawipa nih Samuel sinah cun, "Zohhmanh, Israel chungah hin, a theitu paoh an hna a pahnih in a khenh lai dingmi thil pakhat ka tuah dengmang cang. 1 SAMUEL 3:12 Khi ni ah a innchungkhar kong i ka chimmi vialte, a hramthawk in a d...

      Zumtu mi cu kan thlacam hlan le cam hnu hi kan i dan awk asi. A ruang cu a nungmi Pathian sinah thla kan cam. Amen! Na nun ah Bawipa nih bia chim hram cio ko seh! Hannah hi fa a ngeih khawh lo caah a lungre a thei tuk i ttah buin thla a cam. A cam dih hnu tuah cun a mithmai aithleng i ngeihchiatnak mithmai a pu ti loh. Amen! Kannih teh kan lungre theihnak, harnak, buainak le damlonak i a kan zelh tikah thla kan camnak nih zeidah a thlen i kan mithmai teh Hannah bangin ai thleng ve maw? Na thinlung ah lawmhnak le daihnak an pe maw? Na thlacamnak Bawipa in let ve ko cang seh. Halleluijah. Amen! Ei hlan le ei hnu ai dang bantukin Jesuh Khrih na zumh hlan le na zumh hnu ah na nun ai dang ve awk asi. Amen! Jesuh Khrih na zumhnak thawngin na nun an thleng in ai dang maw? Thiang Thlarau in na khat maw? Thiang Thlarau na ngei maw? Thiang Thlarau nih in fianter in inpemhter cio ko hna seh! 1 SAMUEL 1:18 Cun anih nih, "Na salnu nih na mit ah duhdawtnak hmu ko seh," ti...

ISAIAH 65:1 Bawipa nih aa thawh i, "Ka mi hna thlacamnak kha leh awkah timh cia tein ka rak um ko, sihmanhsehlaw thla an cam lo. Ka hmu hna seh, tiah timh cia tein ka rak um ko, sihmanhsehlaw a kawl timh in an ka tim lo. An thlacamnak leh i, 'Hika ah ka um ko, kan bawmh hna lai,' ti in ti awkah timh cia tein ka um ko, sihmanhsehlaw ka miphun nih ka sinah thla an cam lo.     Zumtu tampi nih thla cu kan cam lengmang ve ko nain leh kan si taktak maw ti hi ka hngalh duhmi asi! Pathian nih an thlacamnak ah leh ding in le bawmh dingin ready ka si i an ka hmuh khawhnak hnga timhcia tein an pawng teah ka um ko ti hi Bawipa chimmi asi! Asiahcun kannih zumtu hi teh kan au lengmang ve ko lo maw? Kan ruah awk cu kanmah duh lawngin kan au i asi hnga maw? Or kan zumh taktak lo bu hna in thla kan cam i asi hnga maw?  KAN THLACAM DAN HI THUK DEUH IN RUAT CANG HNA USIH! THLACAM CU BAWIPA HE BIA KAN I RUAH I KAN I CHAWN TI KAN HNGALH AHCUN KAN THLACAM CU LEH KAN SI KO LAI!

Jesuh Khrih kan zumhnak lawngin luatter kan si. Pathian nih a thlahmi fapa a zummi lawng Khamh kan si. Jesuh a zummi poah nih sualchir in Amah lei kan panh hrimhrim a hau. Asiah cun zei zumhnak nih hin dah a kan luatter in Khamh kan si lai? Jesuh Khrih cu keimah aiah a thi i a tho tthan tiah ka zumh timi nih a ka luatter lai tiah kan ti cio ko nain zeicahdah nihinni tiang a luatlomi (Hrinthan rih lomi) kan um peng rih ne?         Jesuh Khrih nih an tuahpiakmi chungah zei nih hin dah na lungthin an tongh i an zumhtermi te cu asi. Nangmah ningzahnak ing dingmi le taklawng umding aiah Jesuh nih taklawng in an umpiakmi le a ingmi nih hin teh fek tein an zumhter kho maw?          Zumhnak kan timi hi kan zumh ti sawhsawh in a ngah lo i zei ruangah dah kan zumh? timi hi fiang tein kan hngalh a hau! Mipa pakhat cu a sual ruangah kum 10 thongthlak ding or dollor (tingkhat) in tlanh uh ti asi i anmah chung nih cun phaisa an ngeih lo ...

       Zumtu tampi cu ka hrinthan cang kan ti cio ko nain Thiang Thlarau rawl asimi Babal rel loin kan nung kho ko mi hi khuaruah har asi. Taksa asimi pum hi ti le rawl loin nun awk a ttha hnga maw? Rawl levti loin zei can dah na nun khawh tawn ve hnga? Na zumhnak le na hrinthannak hi van i check tthan law Hrinthannak cu Thiang Thlarau in hrin kan si i Thiang Thlarau nih a chuahtermi cu Baibal rel duhnak, thlacam duhnak, pumh le thangthat duhnak hna hi an si! A tampi lakah hi pathum te lawng ka chim lai. Nang zei Thlarau dah na ngeih? Khrih Thlarau na ngeih ko ahcun Baibal, thlacamnak le pumh thangthatnak nih hin an thawt bak awk asi! Mah nih an thawt lo ahcun na ngeihmi Thlarau hi Khrih Thlarau asi lo kho men! Phundang in kan chim ahcun na hrinthannak hi nangmah ruahnak hrinthan asi kho men i Pathian thinlung chungah asi lo kho men! Unau rak i ruat rih tuah!  1 PETER 2:2 Ngakchia chuakka bantuk si u law thlarau hnuk kha duh u, cu thlarau hnuk nan din th...

DEUTERONOMI 28:15 "Sihmanhsehlaw nihin ah kan pekmi hna phungbia le nawlbia vialte kha fel tein ulh awkah Bawipa nan Pathian bia cu zeirello in nan um ahcun hi chiatnak vialte hi nan cungah a tlung lai i an zulh hna lai. DEUTERONOMI 28:16 Khua chungah chiat nan tong lai, lo chungah chiat nan tong lai. DEUTERONOMI 28:17 Nan bawm le nan chang nennak kheng hna cu chiat an tong lai. DEUTERONOMI 28:18 Nan pum theitlai le nan vawlei theitlai le nan saṭil karhnak le nan tuurun fano hna cu chiat an tong lai. DEUTERONOMI 28:19 Nan luh leiah chiat nan tong lai, nan chuah leiah chiat nan tong lai. DEUTERONOMI 28:20 "Nan ka hlawt caah, cu ṭhat lonak nan tuahmi ruangah, nan rawk i khulrang in nan loh hlantiang, zeizong nan tuahmi kip ah khan Bawipa nih nan cungah chiatnak le hnahnawhnak le hnabeidonghnak a tlunter lai. DEUTERONOMI 28:21 Co awkah nan luhhnawhmi ram in an thianh hna hlantiang, Bawipa nih rai kha nannih sinah a behter lai. DEUTERONOMI 28:22 Ba...

DEUTERONOMI 28:1 "Bawipa nan Pathian aw kha nan ngaih i nihin ah kan pekmi hna nawlbia vialte cu ṭha tein nan tuah ahcun, vawleicung miphun vialte hna cungpi ah khin Bawipa nan Pathian nih an chiah hna lai. DEUTERONOMI 28:2 Cun Bawipa nan Pathian aw kha nan ngaih ahcun hi thluachuahnak vialte hi nan cung a phan lai i an zulh hna lai. DEUTERONOMI 28:3 Khua chungah thluachuah nan hmu lai i lo chungah thluachuah nan hmu lai. DEUTERONOMI 28:4 Nan pum theitlai le nan vawlei theitlai, nan saṭil theitlai, nan caw karhnak le nan tuu punzamnak cu thluachuah pek a si lai. DEUTERONOMI 28:5 Nan bawm le nan changreu nennak kheng hna cu thluachuah pek an si lai. DEUTERONOMI 28:6 Nan luh leiah thluachuah nan hmu lai, nan chuah leiah thluachuah nan hmu lai. DEUTERONOMI 28:7 "Nanmah an dotu hna nan ral hna cu Bawipa nih nan hmaiah a sunghter hna lai; nanmah doh awkah lam pakhat in an ra lai i nan hmaiah lam pasarih in an zam lai. DEUTERONOMI 28:8 Nan buk nan ha...

DEUTERONOMI 30:1 "Cun mah thil vialte, thluachuahnak le chiatnak hna, nan hmaiah ka chiahmi hna hi nan cungah a tlun i, Bawipa nan Pathian nih an dawi hnanak miphun vialte hna lakah cucu nan hun hngalh ṭhan hna i, DEUTERONOMI 30:2 Bawipa nan Pathian sinah nanmah he nan fale hna he nan kir ṭhan i nihin ah kan pekmi hna vialte chungah nan lung dihlak le nan ruahnak dihlak in a aw nan ngaih tikah, DEUTERONOMI 30:3 khi tikah Bawipa nan Pathian nih khan nan van kha an pek ṭhan hna lai i nan cungah zaangfahnak a ngei lai i Bawipa nan Pathian nih an ṭheknak hna mi vialte sin khan an pumh ṭhan hna lai. DEUTERONOMI 30:4 Nan lakin chuahmi hna kha vanhramdeng bik i an um hmanh ah, khika khin Bawipa nan Pathian nih an pumh hna lai i khika khin an ratpi hna lai. DEUTERONOMI 30:5 Nannih nih nan co nakhnga, Bawipa nan Pathian nih nan pupa hna i an rak comi ram chungah khan an luhpi hna lai i nan pupa hna nakin rum deuh le tam deuh ah an ser hna lai. DEUTERONOMI 30:6 Bawip...

DEUTERONOMI 17:14 "Bawipa nan Pathian nih an pekmi hna ram kha nan phak i nan co i a chung i nan um i, 'Kan pawngkam ah a ummi miphun vialte bantukin kan cungah siangpahrang kan chiah ve lai,' nan ti tikah, DEUTERONOMI 17:15 Bawipa nan Pathian nih a thim laimi cu nan cung i siangpahrang si awkah cun nan chiah lai. Nanmah nan unau hna chungin siangpahrang ah cun pakhat nan i chia lai; nan unau a si lomi, ramdangmi cu nan cungah nan chia lai lo. DEUTERONOMI 17:16 Amah belte amah caah rang kha a tamter chin hna lai lo, a rang tamter awkah mi kha Izipt ram ah a kirter fawn hna lai lo, zeicahtiah Bawipa nih nannih sinah, 'Khi leiah nan kir hrimhrim ti lai lo,' tiah a chim cang. DEUTERONOMI 17:17 Cun amah caah nupi zong a tamter hna lai lo, a lung a pial sual hnga; ngun le sui zong amah caah a tamter chin luaimai hna lai lo. DEUTERONOMI 17:18 "Cun a pennak siangpahrang ṭhutdan ah a ṭhut tikah, Levi mi tlangbawi hna nih an zohkhenhmi hi phungbia h...