Skip to main content

JESUH KHRIH ZUMHNAK IN KHAMH KAN SI!

Jesuh Khrih kan zumhnak lawngin luatter kan si. Pathian nih a thlahmi fapa a zummi lawng Khamh kan si. Jesuh a zummi poah nih sualchir in Amah lei kan panh hrimhrim a hau. Asiah cun zei zumhnak nih hin dah a kan luatter in Khamh kan si lai? Jesuh Khrih cu keimah aiah a thi i a tho tthan tiah ka zumh timi nih a ka luatter lai tiah kan ti cio ko nain zeicahdah nihinni tiang a luatlomi (Hrinthan rih lomi) kan um peng rih ne?

        Jesuh Khrih nih an tuahpiakmi chungah zei nih hin dah na lungthin an tongh i an zumhtermi te cu asi. Nangmah ningzahnak ing dingmi le taklawng umding aiah Jesuh nih taklawng in an umpiakmi le a ingmi nih hin teh fek tein an zumhter kho maw?

         Zumhnak kan timi hi kan zumh ti sawhsawh in a ngah lo i zei ruangah dah kan zumh? timi hi fiang tein kan hngalh a hau! Mipa pakhat cu a sual ruangah kum 10 thongthlak ding or dollor (tingkhat) in tlanh uh ti asi i anmah chung nih cun phaisa an ngeih lo i lungre thei van sang in an um lio ah ka va kal i phaisa tingkhat cu ka liam piak hna i kum (10) thong in cun ka khamh! Thong kum (10) tla ding aiah ka tlanh tikah ka cungah lawm loin a um kho hnga maw? Zei a hei ka ti hnga dah! Ka zum lo a ka tlanh rih lo a ti hnga maw? A chim dingmi cu ka hmai ah a kun lai i ka cungah lawmhnak a chim hrimhrim lai. Cu lawng hmanh si loin Sung Khun Pa hi harsatnak tong cicet seh a herhmi poah ka bawmh dih lai a ti hnga lo maw? 

         Unau Jesuh nih a kan tuahpiak cangmi hi na hngalh kho in na feel kho cang maw? Nangmah aiah dawh thihnak, huatnak, fahnak, pa he chikhat tthennak tiang hna a ing in a tuar cuh! Fiang tein na caah a tuahmi hi na feel in na hngalh khawh ahcun Amah zumh le a caah nun ve hi naa tim ve tuk ko lai!

            Keimah nih ka bawmhmi thongtla ding in ka chuahmi hmanh nih ka dawtnak a hngalh khawh ah cun ziah Jesuh Khrih nih kan ca i a tuahmi lungtak tein kan zumh ko cang lo ee! Zumh taktaknak nun ngei ve cang ko uh! Jesuh Khrih min thluachuahnak kan pek hna! Jesuh hi na chungah Thlarau in a nun hi rak hngalh zungzal ve ko ti thlacam buin.....

MARKA 15:34
Zanlei suimilam pathum ah Jesuh cu fak piin a au i, ``Eloi, Eloi, lema sabakthani,'' tiah a ti, a sullam cu, "Ka Pathian, ka Pathian, zeicahdah na ka kaltak," ti a si.

JESUH KHRIH A PA NIH A KALTAK TIANG IN A KAN DAWTNAK HI NA HNGAL KHO IN NA ZUM KHO TAKTAK VE CANG MAW? BAWIPA NIH NA THINLUNG IN ON PIAK VE KO SEH! AMEN…..
Labels:

Comments

Post a Comment

Popular posts from this blog

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...
1 comment
Read more

1/10 LE THLAITHAR, THAWHLAWM PEK A HERH NING!

         Hezekiah nih Pathian duhnak kawl in a miphun le ram damnak caah a neihchia chawva le thazang he Pathian hmai a kawl i Judah ram chung lawng si loin Israel ram tiangin Pathian sinah kir tthan dingin ca a phorhter hna i Jerusalem biakinn ah langtakpuai hman zongah an ra i Bawipa an thangtthatti hna i an sualnak ngeihthiam in damnak a rak pek hna. Mah bantukin Pathian lei ian i mer tikah Tlangbawi le Levi mi hna nih tlamtling tein Pathian biakinn chungah le Pathian rian an tuan khawhnak hnga 1/10 le thlaithar pek dingin mipi cu a forh hna hna i thazang a pek hna. Bawipa nih mipi an thinlung ah rian a tuan ciammam i 1/10 le thlaithar cu tampi an rak chuahpi tikah Hezekiah le tlangbawi hna nih an hmuh tikah Bawipa an thangthat i mipi an hruainak ah nawlbia he aitlakin Bawipa kha lungthin dihlak in an kawl caah an tuahmi kip ah khuaawng an tong. Amen!      Khrihfabu a ning cang tein a kal khawhnak ding ahcun 1/10 le thawhlawm, thlaithar hi Bawi...
Post a Comment
Read more

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more