Skip to main content

SUALNAK NA TUAH PENG RIH KO LAI MAW?

Kan sual ruangah biak inn kan phanh lonak asi i bawmh kan hal tikah a kan theihpiak lonak le a kan leh lonak cu kan sual ruangah asi. Cu sualnak aiah a thimi Pa (Jesuh Khrih) na nunnak dihlak pek in na zumh ahcun A Thiang Thlarau na ngeih lai i na thlacamnak theihpiak le leh na si lai i biakinn na panh zungzal cang lai. Amen! Pathian nih a fapa nunnak pek in na sualnak vialte he ra ko, kan ngaihthiam lai i kan khamh hrimhrim hna lai tiah a ti i a kan ngaihthiam i a kan khamh taktak. Amen! Asinain a kan khamh hnu ahcun va sual ve hrimhrim ti hlah ti le ka caah na nung ve cang lai ti hi cah tak kan si ve (hlawhhlangnu zong keimah zong nih sual kan phaw ve lo, a sual bel va sual ti hlah tiah ati). Amen!

    Hrinthannak na ngeih hnu i Pathian vel tang le nawl ngeihnak tang i na um lo ahcun na au len zongah nangmah ning te na si ko lai. Kannih zumtu tampi Hrinthannak kan ngeih kan ti hnu zongah dawh kan nun hlun ah kan kir tthan lengmang cuh. Sual cu Pathian a fih taktak mi asi i a fih tuk caah a fapa nunnak bak in a kan thiampiak cang nain Baibal le biatak phuangtu Thawngtha he kan i hlat tikah duhsah tete in kan nun ah sual a lut i  sual tete kan tuah le kan ruah zongah Bawipa nih a kan ngeihthiam ko lai ti lungthin put in sual kan tuah cang ai. Cucaah pei Hebrew 6:4-5-6 chungah Thiang Thlarau thawtnam a tep cangmi hna caah cun sual ngeihchihnak ah kirpi tthan khawh an si ti loh a tinak asi cu. Amen! Khrih thisen in ttawl ciami hi lungthin sualnak tuah hmanh awnh kan si lo i na lungthin in na sual ruangah hin Pathian he nan i pehtlaihnak tampi a fek kho lai lo i a cat ko lai. Pathian nih zei tluk in an dawt kha ruat hmanh! Nangmah nih na uk ti lo i Amah duhning in a nung ding na si cang kha i ken zungzal. THIANG THLARAU NIH NGANPI IN NA CHUNGAH RIANTUAN KO SEH. HALLELUIJAH. AMEN!

ISAIAH 59:1
Bawipa cu nanmah khamh awkah a kut a tawi lo, bawmhnak nan halmi theihnak caah a hna a chet lo.
ISAIAH 59:2
An theih hna lo cu nan sualnak ruangah a si. Biak nan timh tikah amah sin phanh an dawntu hna cu nan sualnak kha a si.

NA HRINTTHAN HNU ZONGAH SUAL DUHNAK NIH AN UK KO RIH AHCUN NA THLACAM LEH NA SI HLEI LAI LO! BIATAK ASI MI JESUH KHRIH CAAH NUNG VE CANG HNA USIH. AMEN!

Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...
1 comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more