PATHIAN HLAWT TTIH A NUN NING!

         Ahaz siangpahrang hi a pa cu Jotham asi i Pathian a duhmi le a ttihmi asi hleiah Pathian hmai ah ningcang tein a kal caah mitthawng ngai ah aa chuah nain a fapa Ahaz tu cu Pathian a hlawtmi le fihnung pathian phunglam zul in a fapa tiang hmanh raithawinak ah a khang ve mi asi caah Pathian thinhunnak cu Amah cung le Judah cungah a ngan ko. Ruah awk um tukmi cu kan fale hi teh zei lam dah an zulh ve te lai ti hi asi. Kan fanu le  fapa le chimhhrin le cawnpiak, Pathian biatakin an pial sualnak hnga lo Nu le Pa nih Pathian biatak ah hnette in kan dir le kan tanh lawng si loin azungzal in Pathian bia hi biatak tein kan cawnpiak hna awk le lam kan hmuhsak zungzal awk asi. Kan fale siseh zumtu vialte kan dihlak in siseh biatak asimi Jesuh Khrih cu thinlung dihlak in kan zumh i thukpi in kan ttanh, kan pi bochan ahcun vawleipi nih theih in a kan  cawisan hrimhrim ko lai. Amen!

  Biatak pial le Pathian hlawt ttih a nunning kan van zoh tuah lai. 

1) a fapa hmanh siasal biaknak ah mei khangh in raithawinak a pek.

2) Siria nih a tuk i mi tampi sal ah a kalpi hna. 

3) Assiria aa bochan i bawmh a hal nain bawm loin a hrem tuin a hrem lehlam.

4) Israel siangpahang Pekah nih Ahaz cu a doh ve i ralkap tthattha ting 120000 nikhat ah a thah hna i minung ting (2) sal ah ai kalpi hna.

5) Ahaz nih Pathian a piaktak ruangah a miphun ningpi in harnak phunzakip an tong i Judah cu fak piin a ttumchukter.  Nangmah ruangah na miphun rawh viar lai hna hi na ruat tawn ve maw? Pathian dawt hi a mah duhning dawt lawng a duhmi asi miphun dawt zong hi Pathian duhning dawt lawngah ram ngan adam i a tthangcho.

6) Edom zong nih a doh ve i Judah mi sal ah a kalpi ve hna.

7) Ahaz cu a lungre a theih tukah a nungmi Pathian kawl loin siasal pathian tu a kawl i Jerusalem biakinn tiang hmanh a khartu asi.

    NANGTEH PATHIAN NA HLAWT IN BIATAK ASIMI JESUH KHRIH SININ NA PIAL VE SUAL MAW???

2 CHANRELNAK 28:1

Ahaz cu pen hram a thawk ah kum kul a si i Jerusalem in kum hleiruk a pen. A hringsortu David bangin Bawipa mithmuh ah thil ding a tuah ve lo,

2 CHANRELNAK 28:3

Hinnom fapa nelrawn ah khan zihmui a khangh i Bawipa nih Israel mi hna hmai in a dawimi miphun hna nih fihnung phunglam an tuahmi hna ning khan a fapale hna cu raithawinak ah a khangh hna.

2 CHANRELNAK 28:5

Cucaah Bawipa a Pathian nih amah cu Siria siangpahrang kut chungah a pek i amah nih cun a tei i a mi tampi hna cu sal ah a tlaih hna i Damaskas ah a kalpi hna. Israel siangpahrang kut chung zongah amah cu pek a si i Israel Siangpahrang nih cun a tei i tampi a thah hna.

2 CHANRELNAK 28:6

Bawipa, an pupa hna Pathian kha an hlawt caah Remaliah fapa Pekah nih khan ni khatte ah Judah ram chungah cun sing khat le sang hnih a thah hna, an dihlak in miralṭha lawngte an si.

2 CHANRELNAK 28:8

Israel mi hna nih cun an rualchan hna chung cun nu le fapa le fanu hna sing hnih sal ah an tlaih hna; cun an sin cun hranchaw zong tampi an lak i hranchaw cu Samaria ah an kalpi.

2 CHANRELNAK 28:16

Khi caan ah cun Siangpahrang Ahaz nih Assiria siangpahrang sinah bawmhhal awkah mi a thlah hna.

2 CHANRELNAK 28:20

Cucaah Assiria siangpahrang Tiglath-pileser nih khan a rathnawh i ṭhawnter lei loin hremnak tu kha a pek.

2 CHANRELNAK 28:17

Zeicahtiah Edom mi nih Judah ram cu an chim ṭhan hoi i an tei hna i sal ah an i kalpi diam hna.

2 CHANRELNAK 28:22

Hi Siangpahrang Ahaz ṭhiamṭhiam cu, a lung retheih caan ah hin Bawipa sinah khan zumhawktlak lo chinchin in a um.

2 CHANRELNAK 28:24

Cun Ahaz nih Pathian inn i umkheng hna kha a khawmh hna i Pathian inn i umkheng hna cu a den dih hna i Pathian inn i innka hna cu a phih dih hna; cun Jerusalem khua a kenkip ah khan biakṭheng aa serh hna.

2 CHANRELNAK 28:25

Judah ram chung khua kip ah khan pathian dang hna sin i zihmui khanghnak caah khuahrum bo a ser hna i Bawipa, a pupa hna Pathian cu a thin a phawh.