Mikip nih Jesuh Khrih Thawngtha le Khamhnak biatak hi zumh cio asi. Cu thawngtha kan theihnak le zumhnak cun Hrinthannak kan hmu i zungzal nunnak kan co lai tiah ruahchannak a ngeimi kan si. Chim ka duhmi le hal kan duhmi cu hi hi asi: Thawngtha asimi Jesuh Khrih nih na sual an ngeihthiamnak le Nunnak an peknak na zumhnak ah hin fek tein na tleih peng in na hmun penng ve maw? ti hi kan hal duhmi cu asi. Na tlaih peng ko i na ruahchannak nih an lawmhter ahcun Thawngtha asimi Jesuh Khrih cu na chungah a um taktak tinak asi. Amen! Sihmanhsehlaw cucu na tlaih peng lo le na zumhnak ah na hmunh lo ahcun na lung na rak i thlennak kha pakpalawng bak asi tinak asi hnga! Asi ahcun minung tthawnnak hin Jesuh Khrih caah zumhtlak tein nun khawh peng le tthatnak hi tuah khawh peng in mah le mah hi i uk khawh asi peng ve maw ti hi nan ka hal hnga! Kan lehnak cu hihi asi: minung nih kan tuah khawh bak lo caah cun dawh a Fapa hmanh zuah bak loin kan sualnak a hrawmh i a teinak cu a kan hrawmh fawm cu. Amen! Chim ka duhmi cu thihnak hmanh a teimi Pa kan zumhnak ah hin kan zumh timi bia lawng in maw na nung, kan zumh bantukin dah a tthawnnak le a lawmhnak a kan hrawmh ve ti hi van hal tthan ka duh rih. Vawlei cung i na nun lio hrimhrim ah a tthawnnak le a lawmhnak cu Thiang Thlarau in hrawm kan si. Amen! Na zumh ve ko nain nangmah zumhnak lawngin na nun ko ahcun nangmah lei kam zumhnak lawng nih cun na nung kho taktak hnga lo. Sihmanhsehlaw na zumhnak nih na zumhmi Pa tthawnnak le lawmhnak kha an hrawmh ve lawnglawngah teinnak in a tthawnnak he na nung kho ve lai i Thawngtha biatak le na zumhnak ahcun fek tein na hmun kho lai. Amen! Cucaah pei minung hi amah le amah a ttha i a ruah ah Pathian nih a cohlan si loin Pathian nih Khrih a zumhnak thawngin miding tiin a cohlantu kha a rak sinak cu asi. Amen!
Van i ruatti hna si ti ka duhmi cu Jesuh Khrih na zumhnak thawngin na nun a tak i nai thlengmi le na rak i lawmhnak kha a hmun peng ko ahcun cucu Khamhnak taktak cu na co tinak asi. Amen! Sihmanhsehlaw chikhat te lawng na rak i thleng i Pathian biatak chungah na hmunh lo ahcun lung lak i a tlami thlaici na si ve ko hnga! Kan tongh tuk deuh maw? Ka duhmi cu na nunnak ah a tlingmi Khamhnak asimi Jesuh Khrih chungah nung ve cang seh ti hi thanhter ka si ve caah asi. Amen! Ka chim cia bangin kanmah minung zuamnak le tuahnak nih a tlinh hrim lai lo ti cu ka hngalh ko, ka chim duhmi le hngalhter tthan kan duhmi cu na zumhmi Pa, an Khamhtu Pa Jesuh Khrih he pehtlaihnak nan ngeih hnu ah hin Thiang Thlarau in pei pakhat nan si cang cu ti hi fak piin theihter le thanh kan duhmi cu asi. Amen! (1korih 6:17)
Cuccah Jesuh Khrih he Thlarau in pakhat kan si ko bu ahcun maw Amah ah hmun lo cun kan um lai i kan zumhka i lawmhnak le Thawngtha i kan dirnak cun kan pial hnga? Jesuh Khrih zong nih a timi cu a dongh tiang a hmunmi lawng Khamh nan si lai a ti ve ko kha ta! Asullam cu Keimah he Thlarau in pakhat kan si lai i teitu cu Keimah ka si lai i hmunhtertu cu Keimah ka si lai ti hi asi. Amen! Adongh tiang a ka hmunhter khotu le Thawngtha ah fek tein a kan dirter khotu cu Amah Thlarau thawnnak thawng lawnglawng in asi. Amen! Thawngtha biatak ah na hmun ve taktak maw? Na hmunh ko ahcun Jesuh Khrih he Thlarau in pakhat na si caah asi. Amen! Na hmunh lo ahcun Jesuh Khrih na chung i a um lo caah asi. A dongh tiangin an hmunhter khotu cu Jesuh Khrih lawnglawng hi asi i na chungah Thiang Thlarau in an umpi caah na hmunh khawhnak ding le zungzal nunnak na ta asi cang ti aamahkhan cu Amah Thlarau na chungah a umnak hin asi. Amen! Bawipa nih na nun fak piin in purter ko seh. Amen!
1 KORIN 15:1
Atu cu ka u le ka nau hna, nannih kan chimhmi hna Thawngṭha kha hngalhter ṭhan kan duh hna; cucu nannih nih nan rak cohlan cangmi Thawngṭha, nan zumhnak nan bunhnak Thawngṭha kha a si i cu nih cun khamhnak kha an pek hna.
1 KORIN 15:2
Thawngṭha cu kan chimh hna ning khan fek tein nan i tlaih ko lo maw? Nan i tlaih lo ahcun nan lungthlennak cu pakpalawng a si ko hnga.
Comments
Post a Comment