Skip to main content

JESUH KHRIH CAAH NUN VE DINGIN NAA READY VE CANG MAW?

Bawipa caah na nunnak na pe ve taktak in nunnak pek naa tim ve cang maw? Jesuh nih zumh lawng an hal ti lo i zeizong vialte kaltak in ka zul uh tiah auh na si!! Lenglei kanghnak si loin chunglei kanghnak taktak he Khrih tehte si ko hna usih. Apostle pawl nih an chimmi cu kan mit in kan hmuh ko mi le kan kut in kan tonghmi Jesuh kong hi tehte kan khan an ti bangin na chungah a nungmi le a kangh in a kangmi Jesuh Khrih kong hi ralttha tein tehte na khang ve lai lo maw? Jesuh Khrih hi na duh taktak in na daw taktak ve cang maw? Jesuh hi ka duh deuhdeuh, hngalh chin lengmang ka duh. Amah caah zumhtlak nun hi ka duh deuhdeuh i ka lawmhnak a ngan chinchin, Amah loin ka tlei ti loh, Thiang Thlarau he loin cun ka dang acar i ka nun a hul, second pakhat hmanh hi Amah lo cun ka thin a phang. Ka nun a hul can le ka dang a car caan i khukbil in ka thinlung dihlak he Amah ka kawl tikah chim khawh lomi chunglei lunglawmhnak nih ka thlarau nun, tihal di a riamhter i rawltam caan i rawl a thlum bangin ka nunnak ah biatak nih hin a thlumh in a kan thlumh. Amen! Nangte zeitindah Thiang Thlarau in na kang ve maw? Maw ka Bawipa a zungzal in ka Nunnak changreu le Nunnak ti rung si zungzal ko! Amen! Jesuh caah nunnak pek in nun ve naa thim ahcun Nunnakpetu Thawngtha he hin hawikomhnak rak tuah ve. Jesuh Khrih kan chungah a nunnak le Khrih chungah kan nunmi hi mi vialte hmuhsak tuah hna usih. Na chungah a kang in a kangmi hi vawlei theih le facebook hawikom vialte nih an ngeih khawh ve nak hnga na nun rak kan hrawmh ve. Jesuh Khrih a duhmi le a dawmi cu mi zei nan si hmanh ah ka hawikom tthabik nan si, ka unau tthabik nan si. Amen! Jesuh nih Keimah nih kan dawt hna bantukin pakhat le pakhat i daw uh tiah a kan cahtakmi a nawlbia hi nangmah le keimah chan ah tlinter hna usih. Amen! God Bless you All and Love you All! 

       Na nunnak dihlak pek in an Khamhtu Jesuh Khrih caah nun naa tim ve cang maw? Jesuh Khrih hnuzulh dingah naa tim ve taktak ahcun na thinlung dihlak he i lehtthan ti lo dingin (Amen) tiah coment rak tuah! Cucu Jesuh Khrih bia na kamhmi a hramthok le donghnak si ko seh. Amen! Ka nunnak taktak le zumhnak taktak he ka ttialmi asi caah na lungthin dihlak in Jesuh Khrih kan zulh lai tiah bia naa kammi nih hin na nunnak a dih umek in an thleng hrimhrim lai tiah ka ttanhmi le ka ngeihmi Jesuh Khrih min in bia kan kamh ngam. Amen! Maw Bawipa zeizong vialte kaltak in Nangmah an thimmi na fanu le fapa vialte le na hnuzulh ai thimmi fanu le fapa vialte hna cungah na Thiang Thlarau tthawnnak cu an cungah toihchin in khahter chin ko law na sunparnak hi nikhat hnu nikhat in a tu thawk in zungzal tiang langhter in keng zungzal ko cang hna seh! Nangmah nih na kan kamh bangin a hmunmi Thlarau Thei tampi in tlaichin lengmang ko hna seh tiah Jesuh Min in thla ka cam piak hna. Amen! https://www.youtube.com/watch?v=teUxQpnhezY (Christ is Enough) I have decided to follow Jesuh, No turning back! Amen! Amen! Amen!

Johan 15:12
Kei ka nawlbia cu hihi a si. Keimah nih kan dawt hna bantukte hin pakhat le pakhat i daw u.
Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more

"BIATAK."

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....
Post a Comment
Read more