Jesuh Khrih thisen thawngin na sualnak vialte cu khua dawm bantukin chem dih asi ko cang, an khamh taktak cang. Amen! Sihmanhsehlaw zumtu ai timi tampi cu kan chunglei hi sualnak khuadawm chungah kan um peng ko rih. Moses nih Jesuh Khrih a thlam Lanhtakpuai (Khamhnak) kong hi kan chim lengmang cio ko nain a pekchihmi hna zulh ding hi kan chim tuk loin ka thei. Cu hna chungah innchung ah na um hrimhrim lai timi le ram chungah thilnu telmi changreu nan umter lai loh timi hi asi. Izipt fapa upa bik thah lio ah khan lengah rak chuak hna sehlaw an nih zong thah an si ve ko lai. Cun thilnu kha an innchung ah rak chia hna sehlaw an luat hlei hnga maw? Luat hlah! Pathian cu raithawinak hnak in nawl zulhnak a duh deuhmi Pathian asi. Izipt ram i a luatmi hna nunnak van zoh zongah kamhmi ram a phanmi taktak cu pa (2) lawng an si ko. Cucu zei he dah ai lawh ti ahcun thinlung tello, thluak in Jesuh Khrih a zummi hna bantuk an si. Thinlungvtel loin Jesuh Khrih an zunh tikah Thiang Thlarau kha an chungah a nung kho lo i thilnu hlun he cawmeh in an nunnak asi. Mah bantukin a nungmi ruangah Jesuh Khrih thawgtha hi mi vialte nih an zuanhnawh duhlo nak asi. An cohlan duhlonak cu kan nun ah zohchunh awktlak in kan nunmi zeihmanh aum hlei lo ah thluachuahnak kan hmuhmi zeihmanh a um lo caah asi. Thluachuahnak kan hmuhlonak cu Jesuh Khrih ka zum ve ti ko nain thluak in a zumh caah asi i thluak in zumhnak nih cun sualnak ngaihthiamnak a hmu kho lo i sual nghsihthiamnam lo cun Thlarau in hrinnak a ngeilo mi an si. Zumtu nun ah a biapi tuk mi cu Jesuh Khrih nih kan sualnak cu khua dawm bangin a thianter kan ti ko nain kan nunnak taktak van zoh sualnak thilnu he kan nung peng ko rih. Sualnak khuadawm chungah khua kan sa rih ko. Ziah chempiak cangmi cu a um ti awk asi lo nain....
Aruang cu Thenhpiaktu sinah kan sining dihlak in kan kir lo caah asi. Jesuh Khrih nih ka sinah rak kir an ti.... Na thinlung tak in na zumh i na kir ahcun Thiang Thlarau in an himh dingmi cu an khamhtu hi Keimah ka si timi bia asi lai. Amen! An khamhtu hi Keimah ka si timi bia na thinlung ah na theih hlan lo chung poah cu sualnak (nun hlun) ah na kir lengmang ko lai. An khamhtu cu Keimah ka si timi bia cu Thiang Thlarau asi. Amen!
PATHIAN NIH JESUH KHRIH HMANGIN NA SUALNAK VIALTE KHUADAWM BANG AN CHEM PIAK CANG NAIN KANMAH NIH SUALNAK CHUNGIN CHUAH KAN SIANG HRIM LO...
ISAIAH 44:22
Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si," a ti.
Comments
Post a Comment