MINUNG NIH KAN HERH BIKMI....

Phungthkukbia ahcun Bawipa ttih hi fimnak hramthoknak asi a ti i Bawipa ttihzah cu sual huat hi asi tiin a fehter (phungthlukbia 8:13). Job nih cun Pathian ttih hi fimnak cu asi i tthatlonak hrial hi hngalthiamnak cu asi a ti ve (Job 28:28). Jeremiah nih cun Pathian lung tongmi Tuukhal nih fimnak le hngalhnak in an cawm hna lai ati tikah fimnak hrampi le hngalhthiamnak a ratnak le a ngeitu cu Pathian lung a tongmi Tuukhal pa sin hin asi ti cu a fiang! Pathian lung a tongmi Tuukhal cu Jesuh Khrih asi, Pathian nih a chim bangin a lung tongmi Tuukhal cu a kan pek diam cang. Nihin ah Thlarau in siseh taksa in siseh fimnak le hngalhnak hmuh a duhmi vialte hna chimh kan duhmi hna cu na tuah khawh chungin i zuam hmanh law na duhnak le naa tinhnak taktak cu na phanh kho bal lai lo. Naa tinhnak le na duhnak taktak na phanh khawhnak dingah cun tawh pakhat lawng a um i cucu minung fimnak le hngalhnak lawng hmanh si loin Pathian fimnak le hngalhnak aa thupmi tiang hmanh a ong dihtu tawhfung cu Pathian lung a tongmi Tuukhal cu asi. Amen! Cu Tuukhal Jesuh Khrih cu  fiamnak le hngalhthiamnak in an cawm khotu ding le an pe khotu ding cu asi. Amen! Thlarau Fimnak le hngalhthiamnak lawng si loin vawlei na nun chung caah a nawl na ngeih ahcun za lak in thluachhuah an pek lai i vanram na phanh tik zongah sui luchin nih an hngah ko lai. Amen....

JEREMIAH 3:15

Cun ka lung a ka tongmi tuukhal kan pek hna lai i Fimnak le hngalhthiamnak in an in cawm hna lai.

           Pathian lung a tongmi tuukhal Jesuh Khrih a rat hnu ahcun Bawipa kuang kong kha an chim ti lai lo i a herh zong an herh ti lai loh tiah a ti bangin caan cu a hun tlin tikah Zumtu poahpoah nih Bawipa kuang umnak hmun fuhpanh ti loin chunglei ah Thlarau in a kan umpitu Jesuh Khrih, Pathian thimmi tuukhal lawng kan herh, kan duh i kan panh cang. Amen! Thlarau in chunglei a kan umpitu Jesuh Khrih kan ngeih hnu cun a tthalomi thinlung vialte kha fek tthup in kan zul ti lo i kan kaltak cang. Amen.. Jesuh Khrih lawng hi fuhtlak le panhtlak Pathian asi. Amen! Minung nih a herh bikmi cu Pathian lung a tongmi Tuukhal Jesuh Khrih sin in hmuhmi Thiang Thlarau hi asi. Amen! Na herhmi Pa na ngeih hnu ahcun na duh cemmi ah Jesuh Khrih ah  a hung cang lai. Amen! Ngeih hlan ahcun kan herh tiang lawng hi hngalh khawh asi i kan herhnak nih a kan kawlter i kan kawl tikah zumhnak lawng in co khawhmi si kan hngalh tikah zumhnak nih cun Thlarau in pakhat ah Amah he a kan fonh. Amen! Jesuh chung lei in a ngei taktak mi caah cun an rian a nganbik hi Amah thangtthat le upatnak pek le a nawl zulhnak in a duhnak tuah hi asi ko. Amen! Khrih nawlzulh cu a kan pekmi Thiang Thlarau ngaihchiatter lo hi asi. Amen!

JEREMIAH 3:16

Cun ram chungah cun nan hung karh i nan punzam tikah Mi nih Bawipa Biakamnak Kuang kong kha an chim ti lai lo, A ruah zong an ruat ti lai lo, a hngalh zong an hngal ti lai lo; A herh zong an herh ti lai lo i a dang zong an ser ti lai lo.

JEREMIAH 3:17

Khi caan a phak tikah Jerusalem cu Bawipa bawiṭhutdan ti a si lai, Miphun vialte cu Jerusalem ah cun Bawipa min upat awkah an i pum lai; Annih nih a ṭha lomi an lungthin kha fek ṭhup in an zul ti lai lo.

          Pathian thimmi Tuukhal Jesuh arat hnu ahcun Judah le Israel fakpi in a rak i tthenmi hna zong kha an i fonh cang. Amen! Cu ve bantuk tthiamtthiam in Israel le Jentail timi thleidannak vanpang vialte zong boah dih asi cang. Amen! Thlarau in a kan umpitu Jesuh Khrih a ngeimi caah cun miphun thleidannak a um ti lo i Khrih thawngin unau kan si kha mi chimnak si loin chunglei Thlarau hruaining tuin unau kan si kha tehte an khan. Halleluijah.... Minung asimi vialte Jesuh Khrih nih vailam ah a lim dih cangmi ruangah Pathian kamhmi vanram ah kan i tong hna lai. Amen! Na herh bikmi le na duhbikmi hi Pathian lung a tongmi Pa, Jesuh asi ve maw? Pathian lung a tong khomi a ho hmanh an um lo caah Pathian lungtongmi chungah naa tel khawh ve nak ding ahcun Jesuh Khrih na chungah  a um a herh. Amen! Cucaah pei Jesuh nih a Pa sinah Kei Zumtu chungah um in Nang ka chungah um law an dihlak in pakhat taktak an si kho lai, pakhat an sinak thawngin mi vialte nih Nangmah thlahmi ka si kha an hngalh lai i keimah na ka dawt bantukin na dawt hna zong kha an hngal khawh lai a tinak kha a si cu. Amen! Mi vialte nih Pathian nih a kan dawt an hmuh tikah Pathian dawtmi si cu an duh ve lai i Pathian dawtmi an si khawhnak ding ahcun kan phuangmi Jesuh Thawngtha an fuh ve lai i dawtmi chungah an i tel ve lai. Amen! Pathian Tuukhal kan chungah a um tikah Pathian zong kan chungah a um tinak asi. Halleluijah... Cucaah Khrih he Thlarau in pakhat kan si caah Zumtu poah poah Thlarau ah pakhat kan sinak le unau kan si dihnak a ruang cu asi. Amen!

JEREMIAH 3:18

Khi tikah cun Judah chungkhar le Israel chungkhar cu an i fon lai i Hmun khat ah chaklei ram khan, ro caah an pupa ka pekmi hna ram ah khan an ra ṭi lai.

      Minung poahpoah nih kan herh bikmi cu Pathian lung a tongmi tuukhal hi asi i a min ah Jesuh asi. Amen! Amah a ngeimi poah nunning cu duh an nung i an hninghno zungzal ko, tiva kam thingkung bang an hninghno i a caan hman tein thei an tlai zungzalmi bantuk an si. Amen! Sihmanhsehlaw minung tampi nih an duh cemmi cu taksa duhnak asi i satan hlennak a si kha an hngalh lo caah anmah pumsa duhnak in satan nih a thah ko hna. Sihmanhsehlaw Pathian lungtling tuukhal chunglei in a ngeimi hna nih kan duh cemmi le kan herh cemmi cu Jesuh Khrih, chunglei ah a kangh in a kangmi tthawnnak in a kan umpitu Amah Thlarau hi asi. Amen! A luanciami caan zongah kan rak herh, a tu zongah kan herh i hmailei caan zongah kan herh. Amen! A sin kan phanh tiang hrimhrim hi kan duh cenmi le kan herh cemmi cu Jesuh asi i Amah nih cun Thlarau fimnak le hngalhthiamnak in a ka cawm zungzal. Amen! Bawipa min thangthat si ko seh...

MINUNG POAH POAH NIH KAN HERH BIKMI CU PATHIAN LUNGTONG FIMNAK LE HNGALHTHIAMNAK IN A KAN CAWMTU JESUH KHRIH HI ASI.