Minung vialte nih tei kan i harh cemmi hi kanmah taksa duhnak tei hi asi. Zei ruangah asi tiah cun Adam le Eve thok in anmah thimnak le duhnak in a hlen khawh hna caah hin anmah ci ruang in a chuakmi kanmah cio zong hlen kan fawinak bik cu kanmah taksa duhnak hin asi ve. Satan nih taksa sual duhnak hmang in a kan hlen i thihnak leiah a kan kalpi (sualman cu thihnak asi nain Jesuh Khrih rat hnu ahcun zumhlo ruang tu hi thihnak asi cang). Zumlotu chimlo zumtu ai timi tampi hmanh nih kanmah duhnak kan i tei tawn lo caah Thlarau in tthan ding tluk in kan tthang kho tawnl loh. Thlarau in na tthannak ah an don cemtu cu midang si loin nangmah taksa duhnak te kha asi ko lai. Na taksa duhnak tuahmi vialte hi Thlarau duhlomi asi chung poah cu Pathian aw cu tampi na hngal kho bal lai lo. Pathian aw fiang tein an hngalhtertu cu Thiang Thlarau asi. Amen!
Zeibantuk poah sihmanhsehlaw Pathian biakamhmi pakhat kan ngei i cu cu hi hi asi: Nan sualnak a mertakmi vialte, nan dihlak in ven awkah le khamh awkah ka ra lai ti hi asi. Amen! A chim bantukin minung Jesuh Khrih in vawlei ah a ra i teinak a hmuh diam cang. Amen! Na sualnak mertak le kaltak na duh taktak ko le mah le mah tei na duh tak ko ahcun na lungthin tak in Jesuh Khrih sinah kir law an teipiaktu le satan nih a hmanmi taksa duhnak chung cun him tein an ven in an khamh ko lai. Halleluijah.... A taktak le a ngaingai tiah cun a lim cangmi asi nain kanmah tu hi Khrih vel tangah le a nawlbia ning in kan nun lo caah tikforhnak chungah kan tlak lengmangnak asi. Kan taksa duhnak ah kan tlak lengmangnak a ruang bik cu Jesuh Khrih Min tthawnnak hmang loin kanmah tthawnnak in kan doh caah asi. Kanmah le kanmah kan i tei khawhnak le taksa sual duhnak kan tei khawhnak cu Jesuh Khrih Min tthawnnak bochannak thawng hin kan tei awk asi. Amen!
ISAIAH 59:20
Bawipa nih a mi cu a thawh hna i, "Nan sualnak a mertakmi vialte, nan dihlak in ven awkah le khamh awkah Jerusalem ah ka ra lai.
Sualnak le taksa duhnak cu satan sinin a rami asi i cu taksa duhnak hmangin satan nih hin tthang kho loin a kan hlen lengmang. Taksa sual duhnak nih an uk khawh lengmang a sullam cu mah le mah naa tei kho rih lo tinak asi. Mah le mah tei khawhlo nih a chuahpimi cu zumhawk tlaklo mi sinak a chuah pi i zumhawk tlaklo nun nih a chuahpi mi cu thei tampi a tlai kho loh. Thei tampi kan tlai lo tikah Bawipa Jesuh Khrih biacah he kan i ralkah cang. A kan cahmi cu a hmunmi thei tampi in va tlai uh ti kan si. Amen! A hmunmi thei kan tlai khawhnak ding ahcun Jesuh Khrih hi a kan khamhtu ah kan cohlan a herh. Kan cohlannak le zumhnak thawngin bawmtu Thiang Thlarau pek kan si. Thiang Thlarau nih kan nun a tthalomi vialte kha remhter a kan duh caah kan chunglei a thumi vialte kha pakhat hnu pakhat in a kan hlawtter.
Taksa sual duhnak le sualnak na mertakmi na kir hnawh tthan ti lonak dingah na herh bikmi hriamnam cu Jesuh Khrih asi. Jesuh Khrih na zumhnak thawngin Thlarau in an umpi lai i Thlarau nih a chuahpimi hna cu Dawtnak, lawmhnak, daihnak, zaangfahnak, lungsaunak, tthatnak, zumhawktlakmi sinak, toidornak le mah le mah i tei khawhnak te hna hi a chuahpi. Amen! Mah Baibal hi theihter kan duhmi cu taksa nih a chuahtermi asi lo i Thlarau tu nih a chuahtermi asi caah Khrih Thlarau a ngeimi lawng nih neihmi le tuah khawhmi asi. Amen! A hman loh, ka tuah khawh ko na ka ti lai nain taksa zuamnak nih tuahmi poah cu donghnak a ngei i porhlawtnak le ruamkainak ah an cang zungzal i a donghnak ahcun na taksa zuamnak in na tuahmi ruangah khan remlonak nganpi tu a chuahpi tu asi te lai. Na taksa sual duhnak tei khawhnak dingah le thilttha tuah khawhnak dingah zeidah na herhmi a um: Navherh bikmi cu Jesuh Khrih asi. Amen! Jesuh Khrih na ngeih ahcun zeizong vialte ngeitu le tuah khotu, teitu na si ko lai. Halleluijah!!!
Jesuh Khrih lawnglawng kan teinak le kan nunnak asi. Amen... Amen.... Amen.....
Taksa sual duhnak le sualnak na mertakmi na kir hnawh tthan ti lonak dingah na herh bikmi hriamnam cu Jesuh Khrih asi. Jesuh Khrih na zumhnak thawngin Thlarau in an umpi lai i Thlarau nih a chuahpimi hna cu Dawtnak, lawmhnak, daihnak, zaangfahnak, lungsaunak, tthatnak, zumhawktlakmi sinak, toidornak le mah le mah i tei khawhnak te hna hi a chuahpi. Amen! Mah Baibal hi theihter kan duhmi cu taksa nih a chuahtermi asi lo i Thlarau tu nih a chuahtermi asi caah Khrih Thlarau a ngeimi lawng nih neihmi le tuah khawhmi asi. Amen! A hman loh, ka tuah khawh ko na ka ti lai nain taksa zuamnak nih tuahmi poah cu donghnak a ngei i porhlawtnak le ruamkainak ah an cang zungzal i a donghnak ahcun na taksa zuamnak in na tuahmi ruangah khan remlonak nganpi tu a chuahpi tu asi te lai. Na taksa sual duhnak tei khawhnak dingah le thilttha tuah khawhnak dingah zeidah na herhmi a um: Navherh bikmi cu Jesuh Khrih asi. Amen! Jesuh Khrih na ngeih ahcun zeizong vialte ngeitu le tuah khotu, teitu na si ko lai. Halleluijah!!!
Jesuh Khrih lawnglawng kan teinak le kan nunnak asi. Amen... Amen.... Amen.....
GALATI 5:22
Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,
GALATI 5:23
toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.
Comments
Post a Comment